ত্রেদ রিলেটেদ এন্ত্রিপ্রেন্যুওরশিপ এসিষ্টেন্স এন্ড দিভেলপমেন্ট স্কিম ফোর ৱুমেন

ৱাহৌদোকশীং

রিসোর্সশীং এক্সেস অমসুং কন্ত্রোল তৌবগী মতাংদা নুপীশীং অসি লৈবাক অসিদা লৈরিবা খ্বাইদগী শোত্থরবা অমসুং নমথবীরবা ময়ামগী মনুংদা অমা ওইদুনা লাক্লি। মখোয়না থেংনরিবা প্রোব্লেমশীং অসি মরুওইনা লাইরিক হৈতবী অমসুং খরা হৈবী খুঙ্গং অমসুং সহরগী নুপীশীংদনা হেন্না মরুওইনা শাথীরি। মখোয়গী প্রোব্লেমশীং অদুবূ কোকহন্নবগীদমক, ভারত সরকারনা 9শুবা প্লানগী মনুংদা “ত্রেদ রিলেটেদ এন্ত্রিপ্রেন্যুওরশিপ এসিষ্টেন্স এন্ড দিভেলপমেন্ট” (TREAD) হায়না মীংথোনবা স্কিম অমা হৌদোকখ্রে। মসি খজিক্তং শেমদোক-শাদোক্তুনা হৌজিক্তি চৎনবা হৌহনখ্রে। স্কিম অসিনা অসিগুম্বা নুপীশীং অসিবু ত্রেদকা মরি লৈনবা ত্রেনিং, ইনফোর্মেসন অমসুং ত্রেদশীং, প্রদক্টশীং, সর্ভিসশীং অসিনচিংবা কাউন্সেলিং এক্সটেন্সন এক্টিভিটিশীংগী খুত্থাংদা শেলমিৎলোনগী শক্তি পীনবা পান্দম থম্লি।

পান্দমশীং

এক্সপিরিএন্সনা তাক্লি মদুদি কাউন্সেলিং অমসুং ত্রেনিংগী মথক্তা, ক্রেদিটকী দেলিভরি অসিসু লায়রবী নুপীশীংগীদমক্তদি খ্বাইদগী শাথীবা প্রোব্লেম অমা ওইরি। নুপীশীংগী হৌজিক লৈরিবা থাক অমসুং মথৌ তাবা সপোর্ট পীনবগী মখোয়গী কমন ওইবা মথৌ তাবশীংগী মতাংদা ইনফোর্মেসনগী অৱাৎপা য়াম্না লৈরি। অসিগুম্বা নুপীশীং অসিনা ক্রেদিটকী অকোম্বা এক্সেস লৈবা ঙমদবা মরম্না, ক্রেদিট অসি নুপী এপ্লিকান্টশীংদা, ফন্দশীং মওং চুম্না শিজিন্নবা ঙম্বা NGOশীংগী খুত্থাংদা ফংহন্নবা থৌরাং তৌরি। NGOশীং অসিনা নুপীশীংনা মথৌ তারিবা লোনশীং অসি পীবগী থবক তৌবতা নত্তনা মখোয়বু কাউন্সেলিং, ত্রেনিং অমসুং মার্কেটশীং দিভেলপ তৌনবগী মতিক চাবা মতেংসু পীগনি।

মশক থোকপা ফিচরশীং

ক্রেদিট

• স্কিম অসিগী মখাদা, শেল শান্দোক্লিবা ইনষ্টিট্যুসন/ বেঙ্কশীংনা লেপ্পা ভেল্যুগী মতুংইন্না লোনগী 30% ফাউবগী গ্রান্ট/ মেক্সিমম ওইনা লুপা লাখ 30.00 ফাউবগী ক্রেদিট ফংবা য়াবগী প্রোভিজন অমা পীরি। ভেল্যু লেপ্লিবা শেল শান্দোক্লিবা ইনষ্টিট্যুসনশীং অদুনা লেমহৌরিবা 70% অদু লোন এসিষ্টেন্স অমা ওইনা, বেঙ্কশীংগী য়াম্লবা প্রোসিদ্যুওর অমসুং কোলেটরেল ওইনা মতিক চাবা সেক্যুরিটি পীনবা বেঙ্কশীংগী দিমান্দ পীবা ঙমদবনা মরম ওইদুনা মখোয়দগী অরাইবা মওংদা ক্রেদিট ফংবা ঙমদবা, মরুওইনা লাইরিক হৈতবা/ খরা হৈবা নূপী এপ্লিকান্টশীং অদুদা পীগনি।
• অসিগুম্বা নুপীশীং অসিবু মতেং পাংনবা GOIগী গ্রান্ট অমসুং শেল শান্দোক্লিবা এজেন্সিশীংদগী পীবা লোনগী শরুক অদু নন-ফার্ম সেক্টরদা ইনকম জেনেরেটিং এক্টিভিটি অমহেক্তগী খুত্থাংদা লায়রবী নুপীশীংবু মতেং পাংনবা থৌ শিন্নরিবা ইলিজিবল ওইরবা NGOশীংগী খুত্থাংদা পীথগনি। খুদম ওইনা, করিগুম্বা NGO অমনা ইন্দিভিজুএল মশীং কয়াগী নত্ত্রগা গ্রুপ(শীং)গী, হায়বদি খুদম ওইনা নুপী 50না শাবা গ্রুপ অমগী নুপী অমমমগী লুপা 50,000 ওইবা, প্রোজেক্ট(শীং) সবমিট তৌরকপা তারবদি নুপী 50 অদুনা মথৌ তারিবা লোনগী শেনফম অদু লুপা লাখ 25 ওইগনি। মসিগী শেনফম অসিদা NGO অদুনা ষ্টাফশীংগী ত্রেনিং/ কাউন্সেলিং তৌবদা, মেনেজমেন্ট অমসুং মোনিটরিং সিষ্টেম অমা চলাইবদা, গারিদা, লিগেল দোক্যুমেন্টেসনদা, লোন পীরিবা মীওইশীংগী ত্রেনিংদা, ওদিটরশীংগী পীখিবা ফি অসিনচিংবদা চংগদৌরিবা এক্সপেন্দিচর অদুসু হাপচিনগনি। খুদম ওইনা শেল শান্দোক্লিবা ইনষ্টিট্যুটশীংনা এপ্রুভ তৌরিবা শেনফম অসি লুপা লাখ 15 নি হায়না লৌরশি। অদু ওইরবদি অপুনবা প্রোজেক্ট কোষ্ট অদু লুপা 25 + 15 = লাখ 40 ওইগনি। GOIগী গ্রান্ট অদু মেক্সিমম ওইনা লুপা লাখ 12 (লুপা লাখ 40গী 30%) ফাউবা ওইগনি।

ত্রেনিং অমসুং কাউন্সেলিং

স্কিম অসিগী মখাদা মশক খংদোক্লবা নুপী বেনিফিসরিশীংগী এম্পাৱরমেন্টকীদমক্তা ত্রেনিং প্রোগ্রামশীং পাংথোক্লিবা ত্রেনিং ওর্গানাইজেসনশীং খুদম ওইনা, মাইক্রো, স্মোল এন্ড মেদিয়ম এন্টরপ্রাইজশীং (MSMEs), এন্ত্রিপ্রেন্যুওরশিপ দিভেলপমেন্ট ইনষ্টিট্যুটশীং (EDIs), NISIET অমসুং NGOশীংদা প্রোগ্রাম অমমমগী মেক্সিমম ওইনা লুপা লাখ 1.00 ফাউবগী গ্রান্ট অমা, করিগুম্বা ইনষ্টিট্যুট অদুনসু মখোয়গী শেয়র ওইনা সরকারগী গ্রান্ট অদুগী য়ামদ্রবদা 25% (NERগী ওইনদি 10%) পুথোক্লবদি, পীগনি। অসিগুম্বা ত্রেনিং এক্টিভিটি অমগী বেটচ সাইজ অদুদা য়ামদ্রবদা পার্টিসিপেন্ট 20 দি য়াউগদবনি। খুদম ওইনা, করিগুম্বা পনখ্রিবা ইনষ্টিট্যুসন নত্ত্রগা ইলিজিবল ওইবা NGO অমনা নুপীশীংগী গ্রুপ অমগী প্রি নত্ত্রগা পোষ্ট প্রোজেক্ট ত্রেনিং প্রোগ্রাম অমা পাংথোকপা পাম্লবা, অমসুং রিক্বেষ্ট তৌরিবা গ্রান্ট অদুগী 25% অদু NGO অদুনা পুথোক্লবদি মেক্সিমম GOI গ্রান্ট অদু লুপা লাখ 1.0 ফাউবা ওইবা য়াই, হায়বদি GOI গ্রান্টগী মপুংফাবা এসিষ্টেন্স ফংনবগীদমক ত্রেনিং এক্সপেন্দিচর অদুগী অপুনবা এক্সপেন্দিচর অদু লুপা লাখ 1.25 ফাউবা ওইহনবা য়াই।

মরি লৈনবা মথৌ তাবশীংগী ইনফোর্মেসন পুথোকপা

এন্ত্রিপ্রেন্যুওরশিপ দিভেলপমেন্ট ইনষ্টিট্যুটশীং (EDIs), NIMSME, NIESBUD, IIE, ষ্টেট গবর্ণমেন্টনা স্পোন্সর্দ তৌবা MSME-DIশীং EDIশীং অমসুং অতৈ মমীং লৈবা চুনবা ইনষ্টিট্যুসন অমহেক্তবু স্কিম অসিনা কোনশিল্লিবা ফিল্ড সর্ভেশীং, রিসর্চ ষ্টদিশীং, ইভাল্যুএসন ষ্টদিশীং, ত্রেনিং মোদ্যুলশীং দিজাইন তৌবা, অসিনচিংবা নুপীশীংগী এম্পাৱরমেন্টতা পান্দম থম্লিবা এক্টিভিটিশীং পায়খৎনবগীদমক মথৌ তাবদা য়ুম্ফম ওইবা গবর্ণমেন্টকী গ্রান্ট পীগনি। গ্রান্ট অসি প্রোজেক্ট অমদা লুপা লাখ 5 ফাউবদং ওইগনি।

করম্না এপ্লাই তৌগনি

অসিগুম্বা এসিষ্টেন্স অসিগীদমক্তা ইন্টরেষ্ট লৈবা ইনষ্টিট্যুসনশীংনা প্রেস্ক্রাইব তৌরবা ফোর্মেট অদুদা মরি লৈনবা অকুপ্পা মরোল পুম্নমক পীদুনা মরি লৈনবা MSME-DIশীংদা চুমদ্রিংনা এপ্লাই তৌগদবনি অমসুং কোপি অমা DCগী ওফিসতা (MSME) পীগদবনি।

NGOশীংগী রেজিষ্টর তৌবগী ক্রাইটেরিয়া.

• য়ামদ্রবদা চহি অহুমগী রেজিষ্ট্রেসন লৈবা লিগেল এন্টিটি অমা ওইবা।
• SHGশীং/ ইন্দিভিজুএলশীংগী থ্রিফট অমসুং সেভিং প্রোগ্রামদা এক্সপিরিএন্স লৈবা।
• এন্ত্রিপ্রেন্যুওরশীপ অমসুং নুপীশীংগী ইনকম জেনেরেসন এক্টিভিটিশীংদা থবক তৌরিবা ওইবা।
• নুপীশীংগী মাইক্রো-এন্টরপ্রাইজ দিভেলপমেন্ট পায়খৎনবগীদমক চংদবা য়াদবা ইনফ্রাষ্ট্রকচর, ক্বালিফাই ওইবা সপোর্ট ষ্টাফ অমসুং সর্ভিসশীং লৈবা।
• ইনকম এক্টিভিটিগীদমক্তা নুপী এন্ট্রিপ্রেন্যুওরশীং/ নুপীগী সেলফ হেল্প গ্রুপশীংগী মহুৎ শিন্দুনা প্রোজেক্ট প্রোপোজেলশীং শেম্বা অমসুং মখোয়দা শেল থাদনবগীদমক ফাইনান্সিএল ইনষ্টিট্যুসনশীংদগী লোন লৌবা।

NGOশীংগী কেপাসিটি বিল্ডিংগীদমক এসিষ্টেন্স পীবা

• রিদ্যুসিং স্কেলদা ওপরেটিং ষ্টাফশীংগী ত্রেনিংগী চাদিংশীং।
• মেনেজমেন্ট অমসুং মোনিটরিং সিষ্টেম অমা চলাইনবা, হায়বদি MIS অমসুং গারিশীংগী কম্প্যুটর হার্ডৱায়র অমসুং সোফটৱায়রদা তৌবা চাদিংগী শরুক অমা।
• লিগেল দোক্যুমেন্টেসন হায়বদি, লোন এগ্রিমেন্টগী ষ্টাম্প দ্যুটি পীনবা, লিগেল এক্সপর্টশীং নেকপা, এসেটশীংগী ভেল্যুএসন, টাইটল দিদশীংগী একজামিনেসন অসিনচিংবগী চার্জশীং।
• ক্রেদিট প্রোগ্রাম রেকোর্দশীং ওদিট তৌগদবা ওদিটরগী ফি।
• অনৌবা SHGশীং লিংখৎনবগীদমক্তা।
• মার্কেটিং, দিজাইনিং, পেকেজিং, ক্বালিটি কন্ত্রোল, টেক্নোলোজিশীং অসিনচিংবগা মরি লৈননা মেম্বরশীং (শেল পুরিবশীং)গী কমন ত্রেনিং/ কন্সলটেন্সি/ নেটৱার্কিং ইনপুটশীং।

NGOশীংনা অফবা শেল পুবা মীওইশীংগীদমক শীজিন্নগদবা গ্রান্ট এসিষ্টেন্স

• ক্রেদিট য়ুসেজ, ক্রেদিট মেনেজমেন্ট অমসুং বেসিক একাউন্টিং প্রাক্টিসশীংগী ত্রেনিং।
• স্কিল দিভেলপমেন্ট ত্রেনিং অমসুং প্রোফেসনেল কন্সলটেন্সি ইনপুটশীং, হায়বদি মার্কেটিং, দিজাইনিং, পেকিং, ক্বালিটি কন্ত্রোল, টেক্নোলোজি ত্রান্সফর, ফাইনান্সিএল ত্রেনিং অসিনচিংবা।
• গ্রুপ, এন্ত্রিপ্রেন্যুওরশিপ প্রোজেক্টশীংদা ইনফ্রাষ্ট্রকচর (মেছিন অমসুং ইক্যুইপমেন্ট য়াউনা)গী এক্যুইজিসন/ ইষ্টাব্লিসমেন্টকীদমক্তা ইক্যুইটি/ মার্জিন মনি পুথোকপা।
• বেনিফিসরিশীংনা শেম্বা প্রদক্টিভ এসেটশীংদা ইন্সুরেন্স প্রেমিয়ম পীবা।
• মায়পাক্লবা মাইক্রো ক্রেদিট প্রোগ্রামশীংগী চাদিংশীং।
• লোন দোক্যুমেন্টেসনগী লিগেল দোক্যুমেন্টেসন চার্জশীং, করিগুম্বা লৈরবদি।
• শেল পুরিবা মীওইশীংগী ইনষ্টিট্যুসনশীং, হায়বদি SHG ফেদরেসন নত্ত্রগা ক্রেদিট কোওপরেটিভ অসিনচিংবা শেমগৎনবগী লিগেল, কন্সলটেন্সি অমসুং ত্রেনিংগী চাদিংশীং।
• এক্সিবিসন অমসুং অতৈ মার্কেটিং ইভেন্টশীংদা শরুক য়াবা।

এপ্লিকেসন ফোর্মেট ফংনবগীদমক্তা, মফমসিদা ক্লিক তৌবীয়ু।

সোর্স: দিভেলপমেন্ট কমিসনর (MSME), মিনিষ্ট্রি ওফ MSME