ষ্টার্টঅপ ইন্দিয়া

ষ্টার্টঅপ ইন্দিয়া অসি থবক তৌনবগী অচৌবা খুদোংচাবা অমসুং সষ্টেনেবল ওইবা ইকোনোমিক গ্রোথ লৈহনগদবা লৈবাক অসিদা ইনোভেসন অমসুং ষ্টার্টঅপশিং য়োকখৎনবগীদমক অকনবা ইকো-সিষ্টেম অমা শেমগৎনবা ভারত সরকারগী ফ্লেগশিপ ইনিসিএটিভ অমনি। ইনিসিএটিভ অসিগী খুত্থাংদা সরকারনা ইনোভেসন অমসুং দিজাইনগী খুত্থাংদা ষ্টার্টঅপশীং মপাঙ্গল কনখৎহন্নবা পান্দম থম্লি।

ষ্টার্টঅপ ইন্দিয়া এক্সন প্লান

ইনিসিএটিভ অসিগী পান্দমশীং ফংবা ঙম্নবা, ভারত সরকারনা ষ্টার্টঅপ ইকোশিষ্টেমগী এস্পেক্ট পুম্নমক কোকহন্নবা এক্সন প্লান অমা লাউথোকখ্রে। এক্সন প্লান অসিগা লোয়ননা সরকারনা ষ্টার্টঅপকী ঈহৌ অসি শন্দোকপদা খোংজেল য়াংখৎহনগনি হায়না পানরি:

• দিজিটেল/ টেক্নোলোজি সেক্টরদগী এগ্রিকলচর, মেন্যুফেকচরিং, সোসিএল সেক্টর, হেলথকেয়র, এজুকেসন, অসিনচিংবা য়াউনা সেক্টর কয়ামুক্তা; অমসুং
• হৌজিক লৈরিবা টায়র 1 সিটিদগী টায়র 2 অমসুং সেমি অর্বান অমসুং রুরেল এরিয়াশীং য়াউনা টায়র 3 সিটিশীংদা।

এক্সন প্লান অসি মখাদা পীরিবা এরিয়াশীং অসিদা খায়দোকই:

• সিমপ্লিফিকেসন অমসুং হেন্দহোল্ডিং
• ফন্দিং সপোর্ত অমসুং ইন্সেন্টিভশীং
• ইন্দষ্ট্রি-একাদেমিয়া পার্টনরশিপ অমসুং ইনক্যুবেসন

এক্সন প্লানগী হায়লাইটশীং

সিমপ্লিফিকেসন অমসুং হেন্দহোল্ডিং

• সেলফ-সর্টিফিকেসন্দা য়ুম্ফম ওইবা কমপ্লাইএন্স রেজিম – ষ্টার্টঅপশীং অসিনা লেবর অমসুং এনভাইরোনমেন্টগী আইন 9গা লোয়ননা সেলফ-সর্টিফাই কমপ্লাইএন্স (ষ্টার্টঅপ মোবাইল এপকী খুত্থাংদা) য়াহনগনি। লেবরগী আইনশীংগী মতাংদদি, চহি 3গী ওইনা ইন্সপেক্সন অমত্তা চত্থরোই। ষ্টার্টঅপশীং অসিনা ভাইওলেট তৌরে হায়বগী মতিক চাবা অমসুং অচুম-অরান য়েংবা য়াবা কমপ্লেন্ট অমা অইবা ওইনা ফাইল তৌরবা অমসুং ইন্সপেক্টিং ওফিসর অদুদগী য়ামদ্রবদা লেভেল অমা হেনবা ওফিসর অমনা এপ্রুভ তৌরবদি ইন্সপেক্ট তৌবা য়াই। এনভাইরোনমেন্ট লোগী মতাংদদি, ‘হৱাইট কেটেগোরি’ (সেন্ত্রেল পোল্যুসন কন্ত্রোল বোর্দ (CPCB)না দিফাইন তৌবা মতুংইন্না)গী মখাদা লৈবা ষ্টার্টঅপশীংনা সেলফ-সর্টিফাই কমপ্লাইএন্স তৌবা য়াগনি অমসুং অসিগুম্বা মতাংশীদদি রেন্দম ওইবা চেকশীংখক্তমক পাংথোকপা য়াগনি।
• ষ্টার্টঅপ ইন্দিয়া হব – ষ্টার্টঅপ ইকোসিষ্টেম অপুনবগী কন্টেক্কী সিঙ্গল পোইন্ট অমা শেম্বা অমসুং নোলেজ এক্সচেঞ্জ তৌবা ঙমহনবা অমসুং ফন্দিংগী এক্সেস লৈহনবা।
• মোবাইল এপ অমসুং পোর্টেল পুথোকপা – সরকার অমসুং রিগুলেটরি ইনষ্টিট্যুসনশীংগা ব্যুজিনেসকী মথৌ তাবা পুম্নমক অমসুং মখল মখা কয়াগী ষ্টেকহোল্ডরশীংগী মরক্তা ইনফোর্মেসন এক্সচেঞ্জ তৌননবগীদমক ষ্টার্তঅপশীংগী সিঙ্গল প্লেটফোর্ম অমগুম্না থবক তৌবা।
• লিগেল সপোর্ট অমসুং হন্থবা মমলদা ফাষ্ট-ত্রেকিং পেটেন্ট একজামিনেসন – স্কিম অসিগী মখাদা, সেন্ত্রেল গবর্ণমেন্টনা ষ্টার্টঅপ অমনা ফাইল তৌবা পেটেন্ট, ত্রেদমার্ক নত্ত্রগা দিজাইন মশীং অমহেক্তগী ফেসিলিটেটরশীংগী ফি পুম্নমক পুথোক্কনি, অমসুং ষ্টার্টঅপ অমনা থীগদবা ষ্টেটুটরি ফি অদুখক্তমক পুথোক্কনি। এপ্লিকেসন ফাইল তৌবদা ফংগদবা রিবেট: ষ্টার্টঅপশীংবু অতোপ্পা কম্পনিশীং মায়োক্ননা পেটেন্ট ফাইল তৌবদা 80%গী রিবেট ফংগনি। স্কিম অসি অহৌবগী ওইনা পাইলোট বেসিসতা চহি অমগী ওইনা পায়খৎকনি অমসুং ফংলকপা এক্সপিরিএন্সতা য়ুম্ফম ওইদুনা মখা তাবা খোংথাংশীং লৌখৎকনি।
• ষ্টার্টঅপশীংগী পব্লিক প্রোক্যুওরমেন্টকী কোমথোক্লবা নোর্মশীং – ষ্টার্টঅপ প্রোমোট তৌনবগীদমক্তা, সরকারনা ক্বালিটি ষ্টেন্দর্দশীং নত্ত্রগা টেক্নিকেল পেরামিটরশীংদা কোমথোকপা য়াউদনা ষ্টার্টঅপশীং (মেন্যুফেকচরিং সেক্টরদা) অসি “প্রিওর এক্সপিরিএন্স/ টর্নওভর”গী ক্রাইটেরিয়াদগী কোমথোক্কনি। ষ্টার্টঅপশীং অসিনসু প্রোজেক্ট অসি মথৌ তাবশীংগী মতুংইন্না পাংথোক্নবগী চংদবা য়াদবা কেপেবিলিটি অদু উৎপা তাই অমসুং মখোয় মশাগী মেন্যুফেকচরিংগী ফেসিলিটি অসি ভারত্তা লৈবা তাই।
• ষ্টার্টঅপশীংগী হেন্না য়াংবা এক্সিট – ব্যুজিনেসশীং ভোলুন্টরি ওইনা তোকপা য়াবগী প্রোভিজনশীং য়াউবা, হন্দক্তা পুথোকখিবা ইনসোলভেন্সি এন্ড বেঙ্করপসি বিল 2015গী মতুংইন্না, ষ্টার্টঅপশীং অসি তোক্নবগী এপ্লিকেসন অমা পীবা নুমিত্তগী নুমিৎ 90নিগী মনুংদা, ফাষ্ট ত্রেক বেসিস অমদা থুপচিনবা য়াই। প্রোসেস অসিনা লিমিটেদ লাইএবিলিটিগী কন্সেপ্ট অদু ইকাই খুম্নগনি।

ফন্দিং সপোর্ট অমসুং ইন্সেন্টিভশীং

• লুপা ক্রোর 10,000গী কোরপস অমগা লোয়নবা ফন্দশীংগী ফন্দ অমগী খুত্থাংদা ফন্দিং সপোর্ট পীবা – ষ্টার্টঅপশীংদা ফন্দিং সপোর্ট পীনবগীদমক্তা, সরকারনা অহৌবগী ওইনা লুপা ক্রোর 2,500গী ওইবা কোরপস অমগী ফন্দ অমা শেমগৎকনি অমসুং চহি 4গী মনুংদা লুপা ক্রোর 10,000গী (হায়বদি চহি অমদা লুপা ক্রোর 2,500) অপুনবা কোরপস অমা শেমগনি। ফন্দ ওফ ফন্দস (Fund of Funds)কী মওংদা, হায়বদি মসি ষ্টার্টঅপশীংদা হকথেংননা ইনভেষ্ট তৌরোই অমসুং মসিনা  SEBIদা রেজিষ্টর তৌরবা ভেনচর ফন্দশীংদা শরুক য়াগনি।
• ষ্টার্টঅপশীংগী ক্রেদিট গেরেন্টি ফন্দ – নেসনেল ক্রেদিট গেরেন্টি ত্রষ্ট কম্পনি (NCGTC)/ SIDBIগী খুত্থাংদা পায়খৎপা ক্রেদিট গেরেন্টি মেকানিজম অসি মথং চহি মরিগী ওইনা চহি অমদা লুপা ক্রোর  500গী বদজেট কোরপসকা লোয়ননা শেমখিবনি।
• কেপিটেল গেনশীংদা টেক্স একজেম্পসন – পান্দম অসিগা লোয়ননা, একজেম্পসন অসি চহি অদুগী মনুংদা কেপিটেল গেনশীং লৈবা মীওইশীংদা, করিগুম্বা মখোয়না অসিগুম্বা কেপিটেল গেনশীং অসি সরকারনা মশক খংলবা ফন্দ ওফ ফন্দসতা ইনভেষ্ট তৌরবদি পীগনি। মসিগী মথক্তা, নৌনা শেম্লবা মেন্যুফেকচরিং MSMEশীংদা ইন্দিভিজুএলশীংনা ইনভেষ্ট তৌবগী হৌজিক চৎনরিবা কেপিটেল গেন টেক্স একজেম্পসন অসি ষ্টার্টঅপ পুম্নমক্তসু চৎনগনি।
• চহি 3গী ওইনা ষ্টার্টঅপশীংদা পীবা টেক্স একজেম্পসন – ষ্টার্টঅপ ইনিসিএটিভশীংগী প্রোফিটশীং অসি চহি 3গী ওইনা ইনকম টেক্সতগী কোক্কনি। একজেম্পসন অসি ষ্টার্টঅপ অদুনা দিভাইদেন্দ অদু য়েন্থোক্তবগী মখা পোনগনি।
• ফেয়র মার্কেট ভেল্যুগী মথক্কী ওইবা ইনভেষ্টমেন্টশীংদা পীবা টেক্স একজেম্পসন – ইনকম টেক্স এক্ট, 1961গী মখাদা, করিগুম্বা ষ্টার্টঅপ (কম্পনি) অমনা ফেয়র মার্কেট ভেল্যু (FMV)দগী হেনবা শেয়রশীং ইসু তৌবগী খন্নবা লৈরবদি, অসিগুম্বা অহেনবা খন্নবা অদু ফংলিবা মীওই অদুদগী ইনকম ফ্রোম অদর সোর্সেস হায়দুনা টেক্স লৌগনি। ষ্টার্টঅপশীংদা ভেঞ্চর কেপিটেল ফন্দশীংনা তৌবা ইনভেষ্টমেন্টদদি প্রোভিজনশীং অসি চৎনরোই। ষ্টার্টঅপশীংদা ইনক্যুবেটরশীংনা তৌবা ইনভেষ্টমেন্ট অদুদসু মসি চৎনগনি।

ইন্দষ্ট্রি-একাদেমিয়া পার্টনরশিপ এন্ড ইনক্যুবেসন

• ইনোভেসন উৎনবা অমসুং কোলাবোরেসন প্লেটফোর্ম অমা পীনবগী ষ্টার্টঅপ ফেষ্টিভেলশীং শিনবা – ভারত্তা ষ্টার্টঅপ ইকোসিষ্টেম হেন্না চাউখৎহন্নবগীদমক্তা, সরকারনা জাটি অমসুং অন্টরজাটিগী থাক্তা ষ্টার্টঅপ ফেষ্টিভেলশীং শিন্নবা প্রষ্টাব তৌরি।
• সেলফ-ইমপ্লোয়মেন্ট এন্ড টেলেন্ট য়ুটিলাইজেসন (SETU) প্রোগ্রামগা লোয়ননা অটল ইনোভেসন মিসন (AIM) হৌদোকপা – অটল ইনোভেসন মিসননা সেক্টর স্পেসিফিক ইনক্যুবেটরশীং অমসুং ‘টিঙ্করিং লেব’ 500বু এন্ত্রিপ্রেন্যুওরশিপ প্রোমোট তৌনবা, প্রি-ইনক্যুবেসন ত্রেনিং অমসুং হায়-গ্রোথ ষ্টার্টঅপশীংগী সিদ ফন্দ অমা পীনবা লিংখৎকনি। ভারতকী ওইনা অলত্রা-লো কোষ্ট সোল্যুসনশীং থীদোক্নবগী গ্রান্দ ইনোভেসন চেলেঞ্জ এৱার্দ অমা, অমসুং নেসনেল এৱার্দ অহুমগা লোয়ননা, ষ্টেট অমসুং য়ুনিয়ন টেরিটোরি খুদিংদা ইনোভেসন এৱার্দশীং পীগনি।
• ইনক্যুবেটর সেটঅপকীদমক প্রাইভেট সেক্টর এক্সপর্টিজ য়েংশিনবা – সরকারনা স্পোন্সর তৌবা/ ফন্দ পীথবা ইনক্যুবেটরশীংগী প্রোফেসনেল মেনেজমেন্ট শোয়দনা লৈহন্নবগীদমক্তা, সরকারনা পব্লিক প্রাইভেট পার্টনরশিপকী মওংদা লৈবাক শিনবা থুংনা ইনক্যুবেটরশীং লিংখৎনবগী পোলিসি অমসুং ফ্রেমৱার্ক অমা শেমগনি।
• নেসনেল ইনষ্টিট্যুটশীংদা ইনোভেসন সেন্টরশীং শেম্বা – লৈবাক অসিদা ইনক্যুবেসন অমসুং R&Dগী থবকশীং হেনগৎহন্নবগীদমক, সরকারনা নেসনেল ইনষ্টিট্যুটশীংদা ইনোভেসন অমসুং এন্ত্রিপ্রেন্যূওরশিপকী সেন্টর 31 (অনৌবা ষ্টার্টঅপ 1,200 হেনবদা ফেসিলিটিশীং পীনবা) লিংখৎকনি।
• IIT মদ্রাজদা লিংখৎলিবা রিসার্চ পার্ককী মোদেলদা অনৌবা রিসার্চ পার্ক 7 লিংখৎপা – সরকারনা অনৌবা রিসার্চ পার্ক 7, অহৌবগী ইনভেষ্টমেন্ট ওইনা অমমমদা লুপা ক্রোর 100গা লোয়ননা ইনষ্টিট্যুসনশীংদা লিংখৎকনি। রিসার্চ পার্কশীং অসি IIT মদ্রাজদা লিংখৎলিবা রিসার্চ পার্ককী মোদেলদা লিংখৎকনি।
• বাইওটেক্নোলোজি সেক্টরদা ষ্টার্টঅপশীং প্রোমোট তৌবা – অনৌবা বাইও-ক্লষ্টর 5, অনৌবা বাইও-ইনক্যুবেটর 50, টেক্নোলোজি ট্রান্সফর ওফিস 150 অমসুং বাইও-কনেক্ট ওফিস 20 ভারত্তা লৈবা রিসর্চ ইনষ্টিট্যুট অমসুং য়ুনিভর্সিটিশীংদা লিংখৎকনি। BIRAC AcE ফন্দনা নেসনেল এন্ড গ্লোবেল ইক্যুইটি ফন্দশীং (অতৈ ময়ামগী মরক্তা ভারত ফন্দ, ইন্দিয়া এস্পিরেসন ফন্দ)গা লোয়ননা অনৌবা বাইওটেক ষ্টার্টঅপশীংদা শেলগী মতেং পীগনি।
• ছাত্রশীংগীদমক ইনোভেসন ফোকস প্রোগ্রামশীং হৌদোকপা – স্কুলগী অঙাংশীংদা টার্গেট তৌবা ইনোভেসন কোর প্রোগ্রাম অমনা স্কুল লাখ মঙাদগী ইনোভেসন লাখ 10 সোর্স তৌনবা পান্দম থম্লি, মসিগী মনুংদা খ্বাইদগী ফবা 100 সোর্টলিষ্ট তৌগনি অমসুং রাষ্ট্রপটি ভাবনদা পাংথোক্কদবা এনুএল ফেষ্টিবেল ওফ ইনোভেসনস অমদা উত্থোক্কনি। NIDHI (নেসনেল ইনিসিএটিভ ফোর দিভেলপিং এন্ড হার্নেসিং ইনোভেসনস) কৌবা গ্রান্দ চেলেঞ্জ প্রোগ্রাম অমা ইনোভেসন এন্ড এন্ত্রিপ্রেন্যুওরশিপ দিভেলপমেন্ট সেন্টরশীং (IEDCs)গী খুত্থাংদা ছাত্র   20গী ইনোভেসনশীংদা সপোর্ট তৌনবা লুপা লাখ 10গী এৱার্দ পীগনি। জোইন্ট MHRD-DST স্কিম অমা ওইরিবা উছটর অভিস্কার যোজনানা IITগী ছাত্রশীংগী মরক্তা “খ্বাইদগী ক্বালিটি লৈবা” রিসর্চ য়োকখৎনবগীদমক চহি খুদিংগী লুপা ক্রোর 250 খাক্তুনা থম্লি।
• এনুএল ইনক্যুবেটর গ্রান্ড চেলেঞ্জ – সরকারনা প্রি-দিফাইন তৌরবা কি পর্ফোর্মেন্স ইন্দিকেটরশীং (KPIs)দা ইভাল্যুএট তৌদুনা, মালেমগী থাক্তা পুথোকপা য়াবগী মতিক লৈবা ইনক্যুবেটর তরাবু মশক খংদোক্কনি অমসুং খনগনি, অমসুং মখোয়গী ইনফ্রাষ্ট্রকচর ফগৎহন্নবা মখোয় অমমমদা লুপা ক্রোর 10 পীগনি।

মপুংফাবা এক্সন প্লান দোক্যুমেন্ট অদু ফংনবগীদমক্তা, মফমসিদা ক্লিক তৌবীয়ু।

সোর্স: ষ্টার্টঅপ ইন্দিয়া

মরি লৈনবা রিসোর্সশীং

1. ষ্টার্টঅপ ইন্দিয়াগী মোবাইল এপ দাউনলোদ তৌনবগী লিঙ্ক
2. ষ্টার্টঅপ অমা ওইনা মশক খংনবা নহাক্কী এপ্লিকেসন সবমিট তৌনবগী লিঙ্ক
3. ইনক্যুবেসন ফন্দ/ প্রাইভেট ইক্যুইটি ফন্দ/ এসেলেটর/ এঞ্জেল নেটৱার্কতগী ইক্যুইটিদা 20%দগী তাথদবা লেটর ওফ ফন্দিংগী ফোর্মেট
4. ভারত্তা লৈবা পোষ্ট-গ্রেজুএট কোলেজ অমদা লিংখৎপা ইনক্যুবেটর অমহেক্তদগী লাকপা রিকমেন্দেসন লেটরগী ফোর্মেট
5. ভারত সরকারনা (GoI) মশক খংলবা ইনক্যুবেটর অমহেক্তদগী লাকপা রিকমেন্দেসন লেটরগী ফোর্মেট
6. ভারত সরকার (GoI) নত্ত্রগা রাজ্য সরকার (GoI) অমহেক্টনা ফন্দ থাদবা ইনক্যুবেটর অমহেক্তদগী লাকপা সপোর্টকী লেটরগী ফোর্মেট
7. ষ্টার্টঅপ রিকগনিসনগী ভেলিদেসন – ভেলিদেট সর্টিফিকেট নম্বর / এন্টিটিগী মমীং