কেমিকেল দিজাষ্টর

ইনফোর্মেসন

মোদর্ন ইন্দষ্ট্রিএল সিষ্টেমগী খ্বাইদগী মরুওইবা মচাক ওইরিবা, কেমিকেল অসিনা গবর্ণমেন্ট, প্রাইভেট সেক্টর অমসুং কম্যুনিটিগী মনুংদা দিজাষ্টর মেনেজমেন্টগী য়াম্না মরুওইবা খন্ননিঙাই ওইবা মচাক অমা ওইরক্লে। কেমিকেল দিজাষ্টরশীং অসিনা মীওইবদা পীবা ইম্পেক্ট অসিনা পুক্নিং-ৱাখল নুংঙাইহন্দবা য়াই অমসুং অশি-অনা থোকহল্লি অমসুং নেচর অমসুং প্রোপর্টিদসু অমাং-অতা থোকহল্লি। মরুওইনা কেমিকেল দিজাষ্টরনা মরম ওইদুনা খ্বাইদগী ৱাংনা রিস্ক লৈহল্লিবা এলিমেন্টশীংগী মনুংদা ইন্দষ্ট্রিএল প্লান্ট, মসিগী ইমপ্লোয়িশীং অমসুং ৱার্করশীং, হকচাং শোক্নিংঙাই ওইবা কেমিকেলগী গারিশীং, মনাক নকপা মফমদা খুন্দারিবা মীওইশীং, থংনবা বিল্ডিংশীং, মদুদা লৈরিবা মীওইশীং অমসুং অকোয়বদা লৈরিবা কম্যুনিটি অসি য়াউরি। কেমিকেল দিজাষ্টরশীং অসি লম্বী কয়ামরুমদা থোরকপা য়াই, মখোয়দুদি:-

1. প্রোসেস অমসুং সেফটি সিষ্টেমশীং ফেল ওইরকপা
• মীওইবগী ওইবা অশোয়বশীং (Human errors)
• টেক্নিকেলগী ওইবা অশোয়বশীং (Technical errors)
• মেনেজমেন্টকী ওইবা অশোয়বশীং (Management errors)
2. নেচরেল কেলামিটিশীংনা থোকহনবা ইফেক্টশীং
3. ত্রান্সপোর্টেসনগী মতমদা থোকপা এক্সিদেন্টশীং
4. হকচাং শোক্নিংঙাই ওইবা অরেম-অপা (Hazardous waste) প্রোসেস তৌবা/ লংথোকপা
5. মাং-তাকপা থোকহনবা টেরোরিষ্ট এটেক/ অনরেষ্ট

ভারত্তা কেমিকেল দিজাষ্টর রিস্ককী ষ্টেটস (থাক)

ভারত্তা ইং 1984দা, পৃথীবীগী খ্বাইদগী শাথীবা কেমিকেল (ইন্দষ্ট্রিএল) দিজাষ্টর “ভোপাল গ্যেস ত্রাজেদি” অসি থোকখ্রে। ভোপাল গ্যেস ত্রাজেদি অসি হিষ্টরিদা খ্বাইদগী পাক-চাউনা মাং-তাকখিবা কেমিকেল এক্সিদেন্টনি, মসিদা মিথাইল আইসো স্যানেট (MIC) হায়রিবা হু চেনবা গ্যেস অসি শোয়দুনা থাদোরকপদগী মীওই 2500গী মথক্তা শিহনখি।

অসিগুম্বা এক্সিদেন্টশীং অসিনা থোকহনবা অশোক-অপন, নাবা-থীনবা, অৱা-অনা, পুন্সি মাংবা, লন-থুম অমসুং অকোয়রোন্দা মাং-তাকহনবসি য়াম্না চাউই। ভোপালগী এক্সিদেন্টনা ভারত অসি হিরম অসিদা চেক্সিনিঙাই ওইবা লৈবাক্নি হায়বা উৎখ্রবসু, মসিগী মতুংদা লৈবাক অসিদা কেমিকেল এক্সিদেন্ট পরেং অমা (সিরিজ অমা) লৈখ্রে। মমাংগী হৌখিবা চহি তরাসিদা, ভারত্তা মশক নাইবা কেমিকেল এক্সিদেন্ট 130 রিপোর্ট তৌখিবগা লোয়ননা মীওই 259 শীহনখি অমসুং 563না শাথীনা অশোক-অপন থোকহনখি।

লৈবাক অসিদা লৈবা জোন পুম্নমক্তা মেজর এক্সিদেন্ট হেজার্দ (MAH) য়ুনিট 1861না, দিষ্ট্রিক্ট 298 অমসুং ষ্টেট 25 অমদি য়ুনিয়ন টেরিটোরি 3দা শন্দোক্তুনা লৈ। মসিগী মথক্তা, দিজাষ্টর রিস্ককী সিরিয়স অমসুং কমপ্লেক্স ওইবা লেভেলশীং লৈহল্লিবা হকচাং শোক্নিংঙাই ওইবা মেটরিএলশীংগী মশিং য়াম্লবা রেঞ্জ অমবু থেংনরিবা রেজিষ্টর তৌরবা হকচাং শোক্নিংঙাই ওইবা ফেক্টরি (MAH ক্রাইটেরিয়াগী মখাদা লৈবা) লিশীং কয়া লৈরি।

কেমিকেল রিস্ক কোকহন্নবা ইন্দিয়াদা লৌখৎলিবা সেফটিগী থৌরাংশীং

ঐখোয়গী লৈবাক অসিদা কম্প্রেহেন্সিভ লিগেল/ ইনষ্টিট্যুসনেল ফ্রেমৱার্ক লৈ। ত্রান্সপোর্টেসন, লাইএবিলিটি, ইন্সুরেন্স অমসুং কম্পেন্সেসনশীংগী সেফটিবু কোনশিল্লিবা রিগুলেসন কয়া চৎনহনখ্রে।

মখাদা পীরিবশীং অসি লৈবাক অসিদা চৎনরিবা, কেমিকেল দিজাষ্টর মেনেজমেন্টগী মরি লৈনবা প্রোভিজনশীংনি:-

1. এক্সপ্লোসিভস এক্ট 1884                                            - পেত্রোলিয়ম এক্ট 1934
2. ফেক্টরিজ এক্ট 1948                                                   - ইনসেক্টিসাইদ এক্ট 1968
3. এনভাইরনমেন্ট প্রোটেক্সন এক্ট 1986                        - মোটোর ভেহিকলস এক্ট 1988
4. পব্লিক লাইএবিলিটি ইন্সুরেন্স এক্টt 1991                - দিজাষ্টর মেনেজমেন্ট এক্ট 2005

গবর্ণমেন্ট ওফ ইন্দিয়ানা মখা তানা লিগেল ফ্রেমৱার্ক ওন কেমিকেল সেফটি অমসুং মেনেজমেন্ট ওফ কেমিকেল এক্সিদেন্টশীং অসি, MSIHC রুলস, EPPR রুলস, SMPV রুলস, CMV রুলস, গ্যেস সিলিন্দর রুলস, হেজার্দস ৱেষ্ট রুলস (Hazardous Waste Rules), দোক ৱার্করস রুলসকুম্বা অনৌবা রুলশীং চৎনহন্দুনা অমসুং মখোয়বু এমেন্দ তৌদুনা, মপাঙ্গল হেন্না কনখৎহনখ্রে।

নেসনেল দিজাষ্টর মেনেজমেন্ট ওথোরিটি (NDMA) ওফ ইন্দিয়ানা কেমিকেল দিজাষ্টর মেনেজমেন্টগী মতাংদা য়াম্না স্পেসিফিক ওইবা গাইদলাইনশীং পুথোক্লি। গাইদলাইনশীং অসি মিনিষ্ট্রিশীং, দিপার্টমেন্টশীং অমসুং ষ্টেট ওথোরিটিশীংদা মখোয়গী অকুপ্পা দিজাষ্টর মেনেজমেন্ট প্লানশীং শেম-শানবগী খংহন্নবা শেম্বনি। গাইদলাইনশীং অসিনা কেমিকেল দিজাষ্টর প্রিপ্যার্দনেস অমসুং রেস্পোন্সগীদমক লেভেল কয়াদা প্রোএক্টিভ, পর্টিসিপেটরি, মল্টি-দিসিপ্লিনরি অমসুং মল্টি-সেক্টরেল ওইবা এপ্রোচ অমা লৈহন্নবা খংহল্লি। মখা তানা, NDMAনা হৌজিক লৈরিবা ফ্রেমৱার্ক অসিগী ওইনা পাংথোকহন্নিংবা এমেন্দমেন্টশীংগা লোয়ননা, তুংদা লৈবাক অসিদা কেমিকেল দিজাষ্টরশীং লাকহন্দনবগীদমক অকক্নবা ইনপুটশীং GOMদা পীরি। NDMAনা ভারত্তা কেমিকেল সেফটি মপাঙ্গল কনখহন্নবগীদমক CIFশীং (চিফ ইন্সপেক্টোরেট ওফ ফেক্টরিজ)বু নৌনা শেমদোক্নবা মীৎয়েং চংলি। মসিগী মথক্তা, MoEF অমসুং NDMAনা, ভারত্তা কেমিকেল দিজাষ্টর মেনেজমেন্টগী রোডমেপ ওইনা থবক তৌগদবা নেসনেল এক্সন প্লান ওন কেমিকেল ইন্দষ্ট্রিএল দিজাষ্টর মেনেজএন্ট (NAP-CIDM) ফাইনেলাইজ তৌনবা প্রোসেস তৌরি।

কমন ওইবা খুদোংথীনিঙাই ওইবা কেমিকেলশীং (Common Hazardous Chemicals)

খ্বাইদগী কমন ওইনা শিজিন্নবা খুদোংথীনিঙাই ওইবা কেমিকেল 15গী গাইদিং ইনষ্ট্রক্সনশীং

• <এসিটোন (177KB)
• এসিটাইলিন গ্যেস (177KB)
• এম্মোনিয়া গ্যেস (179KB)
• অর্গোন গ্যেস (181KB)
• বেনজিন (180KB)
• কোষ্টিক সোদা (সোদিয়ম হায়দ্রোক্সাইদ) (182KB)
• ক্লোরিন গ্যেস (178KB)
• হায়দ্রোক্লোরিক এসিদ (179KB)
• হায়দ্রোজেন (176KB)
• LPG (লিক্যুইফাইদ পেত্রোলিয়ম গ্যেস) (180KB)
• মিথানোল (মিথাইল অলকোহোল) (178KB)
• নপথা (180KB)
• ফোসফোরিক এসিদ (178KB)
• সলফ্যুরিক এসিদ (180KB)
• ত্রাই নাইত্রো তোল্যুইন (TNT) (176KB)

তৌগদবা অমসুং তৌরোইদবশীং

কেমিকেল (ইন্দষ্ট্রিএল) এক্সিদেন্টকী মনুং অমসুং মতুংদা পায়খৎকদবা মাংজৌনবা চেক্সিন থৌরাংশীং

• পাখৎকনু, দেজিগনেটেদ এস্কেপ রুট ফাউদুনা অশিৎপা নুংশিৎকী মায়কৈগা পর্পেন্দিকুলর ওইনা, পুক্নিং তপথনা অমসুং থুনা ইভাক্যুএট তৌ।
• ইভাক্যুএসনগী মনুংদা অচোৎপা ফি/ সারি মতেক নত্ত্রগা রুমাল অমা মায়দা থম্মু।
• অনাবা, অহল ওইবা, অশোনবা, নামা শোয়বা অমসুং ইভাক্যুএট তৌবা ঙমদ্রবা অতৈ মীওইশীংদি য়ুমগী মনুংদা লৈহল্লু অমসুং থোং অমসুং থোংনাউ পুম্নমক চেৎনা থীংজিল্লু।
• নুংশিত্তা হাংদোক্তুনা থম্বা মখুম কুপ্তবা চানবা চিঞ্জাক/ ঈশীং অসিনচিংবশীং চা-থক্কনু, বোটলখক্তদগী থক্কদবনি।
• শাফবা মফম/ শেলটর য়ৌরবা মতুংদা অনৌবা ফি-রোল হোংদোকউ, অমসুং নখুৎ অদু শেংনা হামদোকউ।
• ফায়র অমসুং এমর্জেন্সি সর্ভিসেস, পুলিস অমসুং মেদিকেল সর্ভিসেসতা মথংশিৎনা 101, 100 অমসুং 108দা কোল তৌদুনা শাফবা লোকেসন অমদগী পাউ পীয়ু।
• দিষ্ট্রিক্ট এদমিনিষ্ট্রেসন/ ফায়র/ হেলথ/ পুলিস অমসুং অতৈ মরি লৈনবা ওথোরিটিশীংদগী পীরকপা পাউতাকশীং লৌনবগীদমক প্লান্ট/ ফেক্টরিগী PA (পব্লিক এদ্রেস) সিষ্টেম, লোকেল রেদিও/ TV চেনেলশীং তাউ অমদি য়েংউ।
• গবর্ণমেন্টকী ওফিসিএলদা অচুম্বা অমসুং চপ চাবা ইনফোর্মেসন পীয়ু।
• থৌদোক থোক্লে হায়বদু মীয়াম তিনবা মফমশীং (হায়বদি স্কুল, শোপ্পিং সেন্টর, থিএটর, অসিনচিংবা)দা খংহল্লু।
• তোকঙা থাজগনু অমসুং তোকঙা শন্দোক্কনু।

নোর্মেল টাইমগী মনুংদা লৌখৎকদবা ময়ামগী ওইবা মাংজৌনবা চেক্সিন-থৌরাংশীং

• খুদোংথীনিঙাই ওইবা মফম্নি হায়বা খংলবা মফমদা চুরুট/ বিরি থক্কনু, মৈ নত্ত্রগা মৈরি চুখৎকনু।
• ইন্দষ্ট্রিএল য়ুনিট অদুগী মনাক্তা লৈবা কম্যুনিটি অদুবু মীৎশিং-নাশিংহল্লু অমসুং মখোয়না ইন্দষ্ট্রিএল য়ুনিটশীংগী নেচর অমসুং লোয়নরিবা রিস্কশীংগী মরমদা হেন্না কুপ্না য়েংশিনগদবনি।
• এমর্জেন্সিদা শীজিন্ননবগীদমক, খ্বাইদগী নকপা খুদোংথীনিংঙাই ওইবা ইন্দষ্ট্রি (hazardous industry), ফায়র ষ্টেসন, পুলিস ষ্টেসন, কন্ত্রোল রুম, হেলথ সর্ভিসেস অমসুং দিষ্ট্রিক্ট কন্ত্রোল রুমগী কন্টেক্ট নম্বরশীং থমজিল্লু।
• য়ারিবমখৈ, খুদোংথীনিঙাই ওইবা কেমিকেলশীং পুথোক্লিবা নত্ত্রগা প্রোসেস তৌরিবা ইন্দষ্ট্রিশীংগী মনাক নক্না য়ুম শাগনু।
• গবর্ণমেন্ট/ ভলুন্টরি ওর্গানাইজেসনশীং/ ইন্দষ্ট্রিএল য়ুনিটশীংনা শিনবা কেপাসিটি বিল্ডিং প্রোগ্রাম পুম্নমক্তা শরুক য়াউ।
• কম্যুনিটিগী দিজাষ্টর মেনেজমেন্ট প্লান শেম্বদা শরুক য়াউ অমসুং শাফনা অমসুং লায়না শিজিন্নবা য়াবা লম্বীশীংগা লোয়ননা সেফ শেলটর (শাফবা চংজফম) মশক খংদোকউ।
• ফেমিলি দিজাষ্টর মেনেজমেন্ট প্লান অমা শেম্মু অমসুং মদু ফেমিলি মেম্বর পুম্নমক্তা শন্দোক্না তাকউ।
• তোঙান-তোঙানবা হু চেনবা/ হকচাং শোক্নিংঙাই ওইবা কেমিকেল কয়াগী মরুওইবা মশক-মগুনশীং (basic characteristics) অমসুং মখোয়বু লাইয়েংবদা মথৌ তাবা ফার্ষ্ট এইদ অদু ইমুং/ য়ুম্লোন্নবশীংদা খংহল্লু।
• এমর্জেন্সিগী ফিভম থেংননবগীদমক, নশাগী ওইবা প্রোটেক্টিভ ইক্যুইপমেন্টশীং মতিক চানা লৈবা তাই।
• মেদিসিনশীং, দোক্যুমেন্টশীং অমসুং মমল তাংবা পোৎ-চৈশীং য়াউনা তঙাইফদবা আইটেমশীংশী এমর্জেন্সি কিট অমা শেম্মু।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া