বাইওলোজিকেল দিজাষ্টর

ইনফোর্মেসন

বাইওলোজিকেল দিজাষ্টরশীং অসি ওর্গানিক ওরিজিনগী প্রোসেস নত্ত্রগা ফেনোমেনননা থোকহল্লি, নত্ত্রগা পুন্সি মাংহনবা, অশোক-অপন, অনা-অয়েক নত্ত্রগা অতৈ হেলথ ইম্পেক্টশীং, লন-থুম, লিভলিহুদ অমসুং সর্ভিসশীং মাংবা, সমাজ অমসুং শেনমিৎলোনগী অপন-অরাক, নত্ত্রগা অকোয়রোন মাং-তাকপা থোকহনবা ঙম্বা পেথোজেনিক মাইক্রো-ওর্গানিজমশীং, টোক্সিনশীং অমসুং বাইওএক্টিভ সবষ্টেন্সশীংদা এক্সপোজ তৌবা য়াউনা, বাইওলোজিকেল ভেক্টরশীংনা শন্দোকই। বাইওলোজিকেল দিজাষ্টরশীংগী খুদমশীংগী মনুংদা লাইচৎ থোক্লকপা, পাম্বী-শীংবী নত্ত্রগা শাশীংগী লাইচৎ, তিন-কাং নত্ত্রগা অতৈ শাশীংনা লাইচৎ শন্দোরকপা অসি য়াউই। বাইওলোজিকেল দিজাষ্টরশীং অসি মখাদা পীরিবা মওং অসিদা ওইবা য়াই:-

এপিদেমিক (লমদম অমগী মীয়াম মরক্তা শন্দোরকপা লাইচৎ)

পোপ্যুলেসন, কম্যুনিটি, নত্ত্রগা রিজন অমদা চপ মান্নবা মতমদা য়াম্লবা মীয়াম অমদা শন্দোরকপা লাইচৎনি, মসিগী খুদম ওইনা, কোলেরে, প্লেগ, জাপানিজ এনসেফলাইটিস (JE)/ এক্যুট এনসেফলাইটিস সিন্দ্রোম (AES) অসি পনবা য়াই; নত্ত্রগা,

পান্দেমিক (পাক-চাউবা লমদম অমদা শন্দোরকপা লাইচৎ)

পান্দেমিক অসি হৌজিক লৈরিবা, অনৌবা লাকপা নত্ত্রগা অমুক হন্না থোক্লকপা লায়না অমসুং তিন-কাংনা (pestilences), অচৌবা লমদম অমা লান্না, হায়বদি, মহাদেশ অমদা, নত্ত্রগা পৃথীবী শিনবা থুংনা ফাউবা শন্দোরকপা এপিদেমিক (লাইচৎ) অমনি, মসিগী খুদম ওইনা ইনফ্লুএঞ্জা H1N1 (স্বাইন ফ্লু) অসি পনবা য়াই।

তৌগদবা অমসুং তৌরোইদবশীং

দিজাষ্টরগী মমাংদা

ফেমিলি বাইওলোজিকেল দিজাষ্টর প্লানগী প্লান (Plan for Family Biological Disaster Plan)

প্রিভেন্সনগী পাম্বৈ শীজিন্নদুনা শেম-শাবা:-

• লনাইগী ওইনা লু-নানবা – নুমিৎ খুদিংগী ঈরুজগদবনি, খুজিন শাংহনগনু অমসুং তরু-তনানবা ফি-রোলশীং শেৎলু।
• খুৎকী হায়জিন (চানবা চিঞ্জাক শেম-শাদ্রিঙৈ নত্ত্রগা চাদ্রিঙৈ মমাংদা, খোং-হাম্লুবা মতুংদা, লোক খুবা নত্ত্রগা হকথী খল্লুবা মতুংদা খুৎ শেংনা হামদোক্কদবনি)। খুৎ হাম্বগী ষ্টেপশীং মখাদা পীরি।

• মচি ওইবা অমসুং বেলেন্স ওইবা চিঞ্জাক চাগদবনি।
• ইম্মুনাইজেসন অপ-টু-দেট ওইহনগদবনি।
• য়াম্না চিন্না লৈরোইদবনি (Prevent overcrowding)।
• নুংশিৎ মরাং কায়না চংহনগদবনি।
• অশাবা অমসুং অঈংবা ৱেদরদগী ঙাকথোক্কদবনি।
• হেলথ এজুকেসন।
• সর্ভিলেন্স (কুপ্না শেন্নবা)।

ফার্ষ্ট এইদ অমসুং কার্দিও-পলমোনরি রিসসাইটেসন (CPR) ত্রেনিং অমা লৌ।

মেদিকেল ইন্সুরেন্স প্লান অমা সবস্ক্রাইব তৌ।

কোলেরা য়াউনা দাইরিয়া লায়নাশীংগী গ্রুপ

তৌগদবশীং

• খুৎকী হায়জিন (Hand Hygiene)।
• সেফ সোর্স অমদগী লৌবা ঈশীং নত্ত্রগা মহিক-মতাই হাৎলবা (ক্লোরিন হাপ্লবা) ঈশীং থক্নবা পুক্নিং থৌগৎকদবনি। কম্যুনিটিগী গুহা পুম্নমক্তা চাং নাইনা ব্লিচিং পাউদর হাপচিল্লু। করিগুম্বা ভিলেজ/ কম্যুনিটি অদুদা ইনষ্টোল তৌরবদি, ইন্দিয়া মার্ক II হেন্দ পম্পশীংনা চিংখৎপা ঈশীং শিজিন্নৌ।
• এমর্জেন্সি অমদা, য়ামদ্রবদা মিনট 15 শৌহল্লবা, থকপা য়াবা অরুম্বা ঈশীং থকউ অমসুং মদু নুমিত্তুমক্তদা থক্কদবনি।
• মচিন খুবা পাত্রদা ঈশীঙ য়োক্কদবনি।
• চানবা চিঞ্জাকশীং, মরুওইনা শা, য়েন, য়েরুম অমসুং সিফুদ (seafood)তি মপুংফানা মনিল থোক্লক্ত্রি ফাউবা ফুৎকদবনি অমসুং মদু শারিঙৈদা চাগদবনি।
• অথোংবা শা-য়েনদু চাবদা শাফরব্রা, হায়বদি শা অদু মচু ওনব্রা নত্ত্রগা মনম নমথীব্রা, নত্ত্রগা য়েরুম ওইরগনা, মখোয়গী মকুদু কায়দব্রা হায়বদু য়েংগদবনি।
• করিগুম্বা চিঞ্জাক অদু খুদক্তা চাহৌদ্রবদি, মতুং চাদ্রিঙৈদা মদু মনিল থোক্ত্রিফাউবা ফুত্তোক্কদবনি।
• চানবা চিঞ্জাক্কী আইটেমশীং মখুম কুপ্তুনা থমগদবনি।
• দাইরিয়া হৌরকপগা হেক য়ারিবমখৈ থুনা, ORS সোল্যুসন নত্ত্রগা টেবল সোল্ট গ্রাম 5 (চমচ 1) অমসুং চিনি গ্রাম 20 (চমচ 4) থক্নবা ঈশীং লিটর 1দা হাপ্তুনা য়ুমদা শেম্বা মহি থক্তুনা, মহি-মনাই থকপগী চাং হেনগৎহনগদবনি।
• হকচাংদা পোটাসিয়ম পীগদবা লফোই চানবা হোৎনগদবনি।
• অঙাংশীংদা, মখোয়না নারিঙৈদা পীজ-পীথক লেপ্লোইদবনি অমসুং করিগুম্বা অঙাং অদু মমাগী খোম্লাং থক্লিবা ওইরবদি খোম্লাং পীথকপদু মখা চত্থগদবনি।
• করিগুম্বা মখাদা পীরিবশীংসি: অঙাংনা শাউগল্লবা (irritable), পুক্নিং লৈতাদ্রবা নত্ত্রগা হৈনিংদ্রবা নত্ত্রগা ৱাখল মাংখ্রবা; ফজনা চাবা-থকপা তৌদ্রবা; অঙাং অদু ঈশীং তোইনা খৌরাংবা; অঙাং অদু লাইহৌ হৌবা নত্ত্রগা অমাংবদা ঈ য়াউবা উবা ফংলবদি, দাইরিয়াগী কেস অদু মনাক নকপা হেলথ ফেসিলিটিদা শিন্নগদবনি।

তৌরোইদবশীং

• শাফদবা (unsafe) সোর্সশীংদগী ঈশীং থক্লোইদবনি।
• মকু খোক্তনা, থোংদবা চিঞ্জাক চাগনু।
• থোংলবা চিঞ্জাকশীং রুম টেম্পেরেচরদা পুং 2দগী হেন্না শাংথনা থমগনু।
• পোৎয়োনফমদগী অখোকপা/ অখায়বা উহৈশীং চাগনু।
• লমহাংদা নখোঙ হামগনু (defecate)।
• নহাক্কী য়ুমগী মনুং অমসুং মপান্দা উচি অমসুং হয়িং লৈহনগনু।

ট্যুবরক্যুলোসিস, ইনফ্লুএঞ্জা, চিক্কনপোক্স, মেনিঙ্গাইটিসকুম্বা রেস্পিরেটরি লায়নাগী গ্রুপ

তৌগদবা অমসুং তৌরোইদবশীং:

1. রেস্পিরেটরিগী অনাবা লৈবা মীওইশীংগা নক্না লোয়নরোইদবনি।
2. অনাবা মীওই অদু য়ুমদা লেংদনা লৈগদবনি, অমসুং সিম্পটমশীং (লাইওংশীং) লেপখ্রবা মতুংদা য়ামদ্রবদা পুং 24দি, কম্যুনিটি, স্কুল/ ওফিস, মীয়াম তিনবা মফমদা থোক্লোইদবনি।
3. য়ুমদা লৈবা অনাবা মীওইশীংনা অতৈ মীওইশীংদগী লাপ্না লৈগদবনি।
4. রেস্পিরেটরি হায়জিন/ কফ এটিকেট (Cough Etiquette):-
• লোক খুবা নত্ত্রগা হকথী খনবা মতমদা নাতোন/ চিন অদু রুমাল/ টিসু পেপর অমনা খনজিনগদবনি অমসুং মদু শিজিন্নরবা মতুংদা দষ্টবিন্দা লংথোক্কদবনি;
• খুৎকী হায়জিন পাংথোকউ (খুদম ওইনা, সাপোন অমসুং ঈশীং, অলকোহোল-বেজ হেন্দ রব, নত্ত্রগা এনটিসেপটিক হেন্দ ৱাশ শিজিন্নদুনা খুৎ তোয়না হামদোকউ) অমসুং নপ-তিন অমসুং কন্টামিনেটেদ ওইবা পোৎ-চৈগা শোক্ন-শম্নরুরবা মতুংদা, য়ারবদি দিস্পোজেবল টিসু/ পেপর/ টাউৱেল শিজিন্নদুনা খুৎ তৈথোকউ।
5. হোম কেয়রগী মখাদা লৈরিবা, ইনফ্লুএঞ্জানি হায়না চিংনরবা/ ওইথোকপা য়াবা/ কনফার্ম তৌরবা কেস লৈরবা মীওইশীংনা নত্ত্রগা কেয়র প্রোভাইদর অদুনা সর্টিফাই তৌরবা ত্রিপল লেয়র সর্জিকেল মাস্ক শিজিন্নগদবনি অমসুং ইমুংগী অতৈ মীওইশীংগা নক্না লোয়নরোইদবনি।
6. মরাং কায়না তুমগদবনি, ফিজিকেল্লি এক্টিভ ওইগদবনি, নহাক্কী ষ্ট্রেস মেনেজ তৌ, মহি-মনাই মরাং কায়না থকউ, অমসুং মচি ওইবা চিঞ্জাক চাগদবনি।
7. মৈখু থাদোক্কদবনি।
8. শ্বর হোনবদা নত্ত্রগা শ্বর চনিং তানা হোনবদা ৱাবা মীওইশীংনা খুদক্তা মেদিকেল এটেনসন লৌগদবনি অমসুং মনাক নকপা হোস্পিটালদা রিপোর্ট তৌগদবনি।
9. করিগুম্বা অনাবা মীওইশীংনা মীরক্তা চৎপগী তঙাইফদবা লৈরবদি (খুদম ওইনা, মেদিকেল কেয়র লৌনবা চৎপা), মখোয়না মায়গী মাস্ক অমা উপকদবনি নত্ত্রগা লোক খুবা অমসুং হকথী খনবা মতমদা, অতোপ্পা মীওইদা ইনফেক্সন শন্দোকপগী রিস্ক হন্থহন্নবগীদমক রুমাল নত্ত্রগা টিসুশীং শিজিন্নগদবনি।
10. ইম্ম্যুনাইজেসন ষ্টেটস অদু নেসনেল য়ুনিভর্সেল ইম্ম্যুনাইজেসন প্রোগ্রামগী মতুংইন্না অপ-টু দেট ওইহনগদবনি।

মেলেরিয়া, দেঙ্গি, ফিলারিয়া, চিকনগিনিগুম্বা কাংনা শন্দোকপা লায়নাশীং

তৌগদবশীং

• “নুমিৎ তারবদি খুদাং অশাংবী লিৎলু” হায়বসি ইনগদবনি। খুৎ অমসুং খোং কুপ্পা থুংবা ফি-রোলশীং শেৎলু।
• মেলেরিয়া মচা পোকপা থীংনবা শুমাং-থেলোং অমসুং অতৈ মফমশীং ঈশীং তুংহনগনু। ঈশীং হাপ্নবা পাত্রশীং (কণ্টেনরশীং) চয়োল অমগী মনুংদা য়ামদ্রবদা অমুক্তি তেংথোকউ (empty)।
• কুলর (coolers)দগী ঈশীং মরক মরক্তা লৌথোকউ/ শিন্দোকউ।
• সেপ্টিক টেঙ্কশীং মখুম কুপশিল্লু।
• য়ারবদি ইনসেক্টিসাইদ ত্রিটেদ বেদ নেট (ITBN) কাংখলশীং শিজিন্নৌ।
• তুম্বা মতমদা কাং চিক্তনবগীদমক ইনসেক্ট রিপেলেন্ট (insect repellants) শিজিন্নৌ।
• উনশা তৎপা, কোক শাবা (mental irritation) নত্ত্রগা ৱাখল তাদবগী থৌওং লৈরবদি মেদিকেল এদভাইস লৌ।

তৌরোইদবশীং

• অঙাংশীংবু খোংগ্রাউ অতেনবা অমসুং খুদাং ককপা ফুরিৎ লিৎহল্লোইদবনি।
• ঈশীং তুংদুনা লৈহনগনু।
• হুন্দোক্লবা পোৎ-চৈশীং হায়বদি, টায়র, ট্যুব, য়ুবীগী অহাংবা মকু অমসুং ঈশীং তুংবা য়াবা য়ুমগী পোৎ-চৈশীং পৈশিন্দুনা থমগনু।
• খুঙ্গংগী পুখ্রিশীংদা ঈরুজরোইদবনি অমসুং ষন-ঈরোইশীংনা চপ মান্নবা পুখ্রিদুদা ঈরুজশিলহল্লোইদবনি।

এমর্জেন্সি কিট

• ওরেল রিহায়দ্রেসন সোল্যুসন (ORS) সাচেটশীং।
• টেব্লেট পেরাসিটামোল।
• টেব্লেট এন্টি-দাইরিয়া।
• টেব্লেট এন্টি-স্পাজমোদিক।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া