অর্বান ফ্লদ (সহরগী ঈচাউশীং)

ইনফোর্মেসন

• অর্বানাইজেসন অসিনা, ফ্লদ পিক (flood peaks)পু শরুক 1.8 দগী 8ফাউবা, অমসুং ফ্লদ ভোল্যুমনা শরুক 6 ফাউবা হেনগৎহল্লিবা, দিভেলপ তৌরবা কেটচমেন্টশীং লৈহল্লকপা মরমনা সহরগী ঈচাউ অসি খুঙ্গংগী ঈচাউদগী য়াম্না তোঙাল্লি। মসিগী ফল ওইনা, হেন্না য়াংবা ফ্লো টাইম (মিনট খরগী মনুংদা) লৈবা মরম্না ঈচাউ অসি য়াম্না থুনা থোকই। অর্বান এরিয়াশীং অসি মী কুংনা তাই অমসুং খূদোংথীনিঙাই ওইবা মফমদা লৈবা মীওইশীংনা ঈচাউনা মরম ওইদুনা অৱা-অনা কয়া থোকই, অমদি করিগুম্বা মতমদা পুন্সি মাংবা ফাউবা য়াউই। মসি ঈচাউগী থৌদোকখক্তা নত্তনা ইনফেক্সন থোরকপদগী অনা-অয়েক, লিভলিহুদ মাংবা, করিগুম্বা কান্দা পুন্সি মাংবসু থোকহল্লি।
• অর্বান এরিয়াশীং অসি 24x7 প্রোটেক্ট তৌবা মথৌ তাবা তঙাইফদবা ইনফ্রাষ্ট্রকচরগা লোয়নবা ইকোনোমিক এক্টিভিটিশীংগী সেন্টরসু ওই। সহর অয়াম্বদদি, তঙাইফদবা ইনফ্রাষ্ট্রকচরদা অমাং-অতা থোকপসিনা ষ্টেট অমসুং লৈবাক অদুখক্তদা চৈথেং পীবতা নত্তনা মালেমগী ওইবা ইমপ্লিকেসনশীং ফাউবা লৈহল্লি। ভারত্তা লৈবা মরুওইবা সহরশীংদা মীওইবগী পুন্সি অমসুং লন-থুম মাংবা, ত্রান্সপোর্ট অমদি পাৱরদা অপন-অরাক পীবা অমসুং লাইচৎ শন্দোরকপা উখ্রে। মরম অদুনা, সহরগী ঈচাউগী মেনেজমেন্ট অসিদা খ্বাইদগী মরুওইবা প্রাইওরিটি পীগদবনি।
• সহরগী ঈচাউ অসি য়ূনিভর্সেল ফেনোমেনন অমনি অমসুং মালেমদা লৈবা অর্বান প্লানরশীংদা অচৌবা শিংনবা অমা পীরি। সহরগী ঈচাউগা লোয়নবা প্রোব্লেমশীং অসিগী মনুংদা লোকেলগী ওইবা থৌওংদগী অচৌবা থৌওং ফাউবা ওইবা য়াই, অমদি মসিনা সহরশীংদা পুং কয়াদগী নুমিৎ কয়ানি ফাউবা ঈশীং তুংদুনা লৈহল্লি। মরম অদুনা, মসিগী ইম্পেক্ট অসি, মীয়াম্বু মতম খরগী লৈফম হোংদোকহনবা, সিভিক এমেনেটিশীংদা অমাং-অতা থোকহনবা, ঈশীংগী ক্বালিটি শোকচিলহনবা অমসুং লাইচৎকী রিস্ক লৈহল্লকপা অসি য়াউনা পাক-শন্না শন্দোরকপা য়াই।

তৌগদবা অমসুং তৌরোইদবশীং

ঈচাউ থোক্ত্রিঙৈ মমাংদা

• অমোৎ-অকাই, প্লাষ্টিক বেগ, প্লাষ্টিক বোটলশীং দ্রেন (নালা)দা হুন্দোক্লোইদবনি।
• করিগুম্বা অৱাংবা ঈথক অমসুং অকনবা নোংজু অসি মতম অমত্তদা লৈরবদি ইমুংদগী চত্থোক্তনবা হোৎনগদবনি।
• ওল ইন্দিয়া রেদিও, দূরদর্শননা পীবা ৱেদর ফোরকাষ্টশীংদু তাউ। মসিগী মথক্তা, মতম মতমগী ওইনা ম্যুনিসিপাল বোডিশীংনা পীবা মেসেজশীংসু তাউ অমসুং মদুগী মতুংইন্না থবক তৌ।
• অনেম্বা মফমদা লৈবশীং ইভাক্যুএট তৌদুনা হেন্না শাফবা মফমদা হোংদোক্কদবনি।
• ইভাক্যুএট তৌবা নত্ত্রগা মফম হোংবা (shifting) মতমদা, মীওই খুদিংমক্কী লেনটর্ন, টোর্চ, চানবা খরা, থক্নবা ঈশীং, অকংবা ফি-রোলশীং অমসুং মথৌ তাবা দোক্যুমেন্টশীং লোয়নরব্রা হায়বদু য়েংগদবনি।
• ফেমিলি মেম্বর খুদিংমক্কী আইদেন্টিটি কার্দ শোয়দনা লোয়নগদবনি।
• মমল লৈবা পোৎ-চৈ পুম্নমক য়ুমগী খরা হেন্না ৱাংখৎপা মফম অমদা থম্মু।

ঈচাউগী ফিভম লৈবা মতমদা

• গবর্ণমেন্টনা পীবা ওর্দরশীং ইনগদবনি অমসুং খরা হেন্না শাফবা মফমদা হোংদোক্কদবনি।
• শাফবা মফমদা লৈয়ু অমসুং অচুম্বা ইনফোর্মেসন লৌনবা হোৎনৌ।
• ইলেক্ট্রিকেল সপ্লাই স্বিটচ ওফ তৌ অমসুং ওপন ৱায়রশীংদা শোক্কনু।
• তোকঙা থাজবীগনু অমসুং তোকঙা শন্দোকপীগনু।

তৌগদবশীং

• ইলেক্ত্রিকেল অমসুং গ্যেস এপ্লাইএন্সশীং স্বিটচ ওফ তৌ, অমসুং মেন্স (mains) তা লৈবা সর্ভিসশীং টর্ন ওফ তৌ।
• নহাক্কী এমর্জেন্সি কিট পুদুনা চৎলু অমসুং নহাক্কী মরুপ-মপাং অমসুং ইমুং-মনুংদা নহাক কদাইদা চৎলিবনো হায়বদু খংহল্লু।
• ঈচাউগী ঈশীংগা শোক্নরোইদবনি, মরমদি মদু অমাং-অশোয়, থাউ, কেমিকেল নত্ত্রগা অতৈ পোৎশকশীংনা মোৎশিল্লম্বা য়াই।
• করিগুম্বা নহাক্না অরেপ্পা ঈশীংদা চৎপা মথৌ তারবদি, অরুবা ঈশীং, ওপন মেনহোল নত্ত্রগা কোংকুত্তা খোং থাংজিল্লুদনবা চৈ নত্ত্রগা চৈশাং অমা শিজিন্নৌ।
• পাৱর লাইনশীংদগী লাপ্না লৈয়ু, মরমদি ইলেক্ট্রিক করেন্টনা ঈশীং ফাউনা চেনবা ঙম্মী, তারক্লবা পাৱর লাইনশীং লৈরবদি পাৱর কম্পনিদা পাউ পীগদবনি।
• ঈচাউ অমা থোকখ্রবা মতুংদা নহাক্না, অতেক-অকায়না কুপশিল্লবা লৈমায়দা চৎপদা চেক্সিনগদবনি, মরমদি অতেক-অকায় মরক্তুদা অকায়বা লিক্লি, মচিন তুম্বা পোৎশকশীং, য়োৎপীশীংনচিংবা য়াউরম্বা য়াই। লৈখোম অমসুং অতেক-অকায়শীংনা কুপশিল্লবা ফ্লোর অমসুং শিরি থাকশীং অদু য়াম্না নান্থুগনবা (slippery) য়াই।
• অপদেট অমসুং ইনফোর্মেসনগীদমক্তা রেদিও নত্ত্রগা টেলিভিজন তাউ।
• করিগুম্বা সিলিং অদু চোৎলবদি, ইলেক্ত্রিসিটি মুত্থৎলু। মফমদুগী মখাদা বালটিন অমা থম্মু অমসুং প্রেসর অদু থাদোক্নবা সিলিংদা অপিকপা মখুন অমা হুৎলু।
• বালটিন, শুদোক্লবা টাউৱেলশীং অমসুং শেংদোক্নবা ফি (mops) শিজিন্নদুনা, শোকহল্লবা কাশীংদগী ঈশীং য়ারিবমখৈ লৌথোক্নবা হোৎনৌ।
• এলুমিনিয়ম ফোইলগী শিটশীং (sheets) ফর্নিচর অমসুং অচোৎপা কার্পেটকী মরক্তা থম্মু।

তৌরোইদবশীং

• অচেনবা ঈশীংদা খোংনা চৎকনু – ঈচেলশীং অদু নহাক্না খল্লিবদুগী ওন্ন-তৈনবা য়াই, অমসুং অথেনবা, কন্না চেনবা ঈশীংনা নহাকপু লেপ্পা ঙমহন্দবা য়াই।
• য়াংনা চেনবা ঈশীংদা ঈরোইগনু – নহাকপু চেন্থহনখিবা য়াই নত্ত্রগা ঈশীঙদা লৈবা পোৎশক অমনা ফাজিনবা/ পনবা (stuck) য়াই।
• ঈচাউ লৈবা এরিয়া অমদা গারি থৌগনু – অকুৎ-অতোং নহাক্না উবা ফংদবা য়াই অমসুং ঈচাউগী ঈশীং মিটর তংখায় অমখক্তনা কার অমবু চেন্থখিবা ঙম্মি। ঈশীংদা গারি থৌবনা মনাক নকপা প্রোপর্টিদসু অহেনবা অমাং-অতা থোকহনবসু য়াই।
• ঈচাউগী ঈশীংগা শোক্নরুরবা চিঞ্জাক অমত্তা চারোইদবনি।
• ক্বালিফাই ওইরবা এঞ্জিনিয়র মনা য়েংদ্রিফাউবা নহাক্কী পাৱর সপ্লাই অদু রিকনেক্ট তৌগনু। গ্যেস লিক ওইব্রা হায়বদু চেক্সিন্না শেন্নৌ – চুরুট, বিরি নত্ত্রগা কেন্দল, লেন্টর্ন, নত্ত্রগা মৈরি থোক্না চাকপা (open flames) অমত্তা শিজিন্নগনু।
• পোৎ-চৈশীংদা পকপা লৈখোম নত্ত্রগা অতৈ পোৎশকশীংদু তকথোক্কনু নত্ত্রগা ব্রশ তৌগনু। মসিনা মখা তানা অকায়-অতোই থোকহনবা য়াই।
• করিগুম্বা সিলিং অদু চোৎলবদি সিলিং ফিক্সর অমত্তা টর্ন ওন তৌগনু। চোন্থরক্লবা সিলিংশীংদগী লাপ্না লৈয়ু।
• TVশীং, VCRশীং, CRT টর্মিনেল নত্ত্রগা অতৈ ইলেক্ট্রিক ইক্যুইপমেন্টশীং অদু অচোৎপা ফ্লোরশীং, মরুওইনা কঙ্ক্রিট (concrete) মথক্তা লেপ্লিঙৈদা শিজিন্নরোইদবনি।
• অতুংবা ঈশীং অদু নহাক্কী ভেক্যুম ক্লিনর শীজিন্নদুনা চিংথোক্নবা হোৎনগনু।
• বেজমেন্টদা লৈরিবা অতুংবা ঈশীং অদু থুনা লৌথোক্কনু। করিগুম্বা প্রেসর অদু থুনা লৌথোকখ্রবদি মদুনা ফক্লাংদা অহেনবা শাফু (undue stress) পীবা য়াই।

রিকোভর তৌবা অমসুং শেমগৎ-শাগৎপা

ঈচাউ থোকখ্রবা মতুংদা

• ক্লোরিন হাপ্লবা নত্ত্রগা শৌহল্লবা ঈশীং থক্কদবনি।
• অরুবা অমসুং শাফবা চিঞ্জাক চাগদবনি।
• পুখ্রি/ লেংদবা ঈশীংদা তিলহাৎ হিদাকশীং চাইথোকউ।
• চানবীদুনা অচুম্বা ইনফোর্মেসন পীবীদুনা দিজাষ্টর সর্ভে টিমদা মতেং পীবিয়ু।

এমর্জেন্সি কিট

টোর্চ অমা, ব্লাঙ্কেটশীং, ঈশীং চংদবা ফি-রোল, বেত্তরিনা চলাইবা রেদিও, বোটলদা হাপ্পা ঈশীং, ফার্ষ্ট-এইদ কিট, হিদাক-লাংথক, মমল য়াম্বা লনাইগী পোৎ-চৈশীং অমসুং লনাইগী দোক্যুমেন্টশীং য়াউবা সেফটি কিট অমা থৌরাং তৌ।

গাইদলাইনশীং

মসিগী মেন্দেটকী শরুক অমা ওইনা, নেসনেল দিজাষ্টর মেনেজমেন্ট ওথোরিটি (NDMA)না নেসনেল গাইদলাইন্স ওন মেনেজমেন্ট ওফ অর্বান ফ্লদিং শেম্নবা হোৎনরি। অর্বান ফ্লদিং অসি ভারত্তা চহি কয়াদগী থেংনরক্লবসু মদুবু থেংননবা অকক্নবা থৌশিলশীং শেম্নবা মতিক চানা পুক্নিং চংদ্রি। হৌখিবা মতমদা, ফ্লদ দিজাষ্টর মেনেজমেন্টগী ষ্ট্রাটেজি অমনা খুঙ্গংগী লমশীংদা পাক-চাউনা শোকহল্লিবদুদা মরুওইনা মীৎয়েং চংই। জুলাই 2005গী মুম্বাই ঈচাউ অসি মীৎকপ থোকহনখিবা থৌদোক অমনি। অর্বান ফ্লদিং (urban flooding) থোকহল্লিবা মরমশীং অসি তোঙাল্লি অমসুং মরমসিনা মখোয়বু থেংননবগী থৌশীলসু তোঙানগনি হায়বসি খংলদুনা, NDMAনা অহানবা ওইনা অর্বান ফ্লদিংবু ঈচাউ (ফ্লদ)দগী তোখায়হন্দুনা (delinking) তোখায়বা দিজাষ্টর অমা ওইনা কোকহন্নবা লেপখি।

ভারত্তা লৈরিবা অর্বান ফ্লদ রিস্ক

হৌখিবা চহি কয়া অসিদা ভারত্তা লৈবা অচৌবা সহর কয়াবু শাথীনা শোকহনবা অর্বান ফ্লদ দিজাষ্টরগী মশীং হেনগৎলক্লি। মখোয় অসিগী মনুংদা, ইং 2000দা হায়দ্রাবাদ, 2001দা অহমেদাবাদ, 2002 অমদি 2003দা দিল্লি, 2004দা চেন্নাই, 2005দা মুম্বাই, 2006দা সুরট, 2007দা কোলকত্তা, 2008দা জামশেদপুর, 2009দা দিল্লি অমদি গুৱাহাটি অমসুং 2010দা দিল্লিদা থোকখিবশীংসি খ্বাইদগী মরুওইনা লৌবা য়াই।

ভারত্তা লৈবা অখন্নবা শক্তম অমদি মোন্সুনগী মতমদা নোং কন্না চুবসিনি। নোং য়াম্না চুবা অতৈ ৱেদর সিষ্টেমশীংসু লৈরি। ষ্টোর্ম সর্জশীংনসু সমুদ্র খোংবালমদা লৈবা সিটি/ টাউনশীংদা শোকহনবা য়াই। দামশীংদগী ঈশিং খংহৌদনা থাদোকপা নত্ত্রগা ঈশীং থাদোক্তবনসু শাথীবা ইম্পেক্ট পীবা য়াই। মসিগী মথক্তা, অর্বান হিট আইলেন্দ (urban heat island) ইফেক্টনা অর্বান এরিয়াশীংদা নোং তাবা হেনগৎহল্লি। গ্লোবেল ক্লাইমেট চেঞ্জনা অহোংবা ৱেদর পেটর্নশীং থোকহল্লি অমসুং অতেনবা মতমদা অকনবা নোংজুগী থৌওংশীংগী মশীং হেনগৎহল্লি। সমুদ্রগী লেভেল ৱাংখৎলকপগী অকিবসু লৈহল্লি, অমসুং মসিনা সমুদ্র খোংবালমদা লৈবা সহর পুম্নমক্তা অকিবা অমা পিরি। সমুদ্র খোংবালম, তুরেল তোর্বান, দামশীংগী অপষ্ট্রিম/ দাউনষ্ট্রিম, ইনলেন্দ সিটিশীং অমসুং চিংগী লমশীংদা লৈবা সিটি/ টাউন পুম্নমকপু শোকহনবা য়াই।

অর্বান ফ্লদিংগী লৈরিবা ইসুশীং (Issues in Urban Flooding)

ভারত্তা লৈবা মরুওইবা সিটিশীংগী মরক্তা, চহিগী ওইনা নোং তাবগী চাংচৎ (এভরেজ এনুএল রেনফোল) অসি হেন্না ৱাংবা নাকল ওইনা গোৱাদা 2932 mm অমসুং মুম্বাইদা 2401 mm ওইবদগী হৌরগা, নেমথবা নাকল্লোমদা জয়পুরদা 669 mm ওইদুনা অমগা অমগা মান্নদবা উরি। নোং তাবগী মওং-মতৌ অমসুং মতম অসি, সাউথ-ৱেষ্ট মোনসুন্দগী মেক্সিমম ওইবা নোংজু ফংলিবা সিটি পুম্নমক অসিদা অমগা অমগা চপ মান্নরপ তৌরি। মুম্বাইদা, জুলাই থাদা চাংচত্তা ওইবা নোংজু অসি 868 mmনি অমসুং মসিনা, লন্দনদা চাংচত্তা ওইরিবা 611 mmগী নোংজু অসিদগী য়াম্না হেল্লি।

হৌখিবা মতমদা লৈখিবা ষ্টোর্ম ৱাটর দ্রেনেজ সিষ্টেমশীং অসি 12 – 20 mmগী রেনফোল ইন্টেন্সিটিগী ওইনা দিজাইন তৌখিবনি। মসিদগী হেন্না ৱাংবা ইন্টেন্সিটিগী নোংজু লৈরকপা মতমদা কেপাসিটিশীং অসি ইরাই লাইনা পাথোকই (overwhelmed)। মখা তানা, য়াম্না মওং তাদবা মেইন্টিনেন্স পীবনা মরম ওইদুনা সিষ্টেমশীং অসিনা য়াম্না তোইনা দিজাইন তৌরবা কেপাসিটিশীং অদুদা থবক তৌদে। এনক্রোচমেন্টগী থৌওং অসিনসু সিটি অমসুং টাউন কয়াদা য়াম্না চাউবা প্রোব্লেম অমা ওইরি। নেচরেল ষ্ট্রিমশীং অমসুং ৱাটরকোর্সশীং অসি চহি লিশিং কয়া চংনা মরি লৈনবা ৱাটরশেদশীংদা ঈশীং ঈচেলগী শাফুশীংনা শেম্বনি। তুরেল অমসুং ৱাটরকোর্সশীংগী পরিংদা মীওইবনা খুন্দা-লৈতাদুনা টাউন অমসুং সিটি শেম্লকখি। মসিগী ফল অমা ওইনা, ঈশীংগী ঈচেল অসি ৱাটরশেদশীংগী অর্বানাইজেসনগা থোং মান্ননা (in proportion to) হেনগৎলকই। মসিগা চুনবা মওংদা, ষ্টোর্ম ৱাটরগী হেন্না ৱাংবা ঈচেল অদুগী মফম পীবা ওইনা নেচরেল দ্রেনশীং অসি পাকথোকহনবা (অহেনবা মীশীংগীদমক লম্বী-শরক পাকথোকহনবা মথৌ তাবগুম্না) মথৌ তারকই। অদুবু মসিগী ওন্ন-তৈনবদা, নেচরেল দ্রেন অমসুং রিভর ফ্লদ প্লেনশীংদা পাক-চাউনা লম খোপচিল্লকপগী থৌওং (encroachments) লৈরি। মসিগী ফল ওইনা, নেচরেল দ্রেনশীংগী কেপাসিটি অসি হন্থরকই, অমদি মসিনা ঈচাউ থোকহল্লি। দোমেষ্টিক, কমর্সিএল অমসুং ইন্দষ্ট্রিএল ৱেষ্ট (waste) য়াউনা মপং ওইবা অরেম-অখাক কয়া অমসুং কনষ্ট্রক্সনগী অকায়-অতোয়শীং দ্রেনদা মওং চুমদনা লংথোকপা অমসুং থাদবনসু মখোয়গী কেপাসিটিশীং হন্থহনবদা মশক-থোক্না শরুক য়ারি। হেন্না ফবা ওপরেসন অমসুং মেইন্টিনেন্স এক্সনশীং লৌখৎপা হায়বসি য়াম্না মরুওইবা অমা ওইরি।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া