আর্থক্বেক (য়ুৱারহাবা)

ইনফোর্মেসন

আর্থক্বেক (য়ুৱারহাবা) অমা হায়বসি ৱার্নিং য়াউদনা, লৈমাই অমসুং মসিগী মথক্তা লৈবা পুম্নমক কন্না নিকপগী থৌওং অমনি। মসি লেংদুনা লৈরিবা লিথোসফরিক নত্ত্রগা ক্রষ্টেল প্লেটশীংগী তুংশিল্লকপা শাফু (accumulated stress) অদু থাদোরকপদগী থোক্লকপনি। পৃথীবীগী (earth's) ক্রষ্ট অসি, মাইল 50মুক্কী অথাবা ওইবা, পৃথীবীগী ইন্টরিয়র অমসুং মাইনর প্লেট কয়ামুক্তা তপ্না অমসুং লেপ্তনা লেংদুনা লৈবা, অচৌবা প্লেট তরেৎ থোক্না খায়দোকই। আর্থক্বেক (য়ুৱারহাবা)কী হৌরকফমসি টেকতোনিক (tectonic) ওই; হায়বদি কন্না নিকপগী থৌওং লাক্লিবা অসি লেংদুনা লৈরিবা প্লেটশীং অসিনা থোকহনবনি। মী কুংনা তাবা মফমদা আর্থক্বেক (য়ুৱারহাবা) থোকপনা অশোক-অপন, অশি-অনা অমসুং প্রোপর্টি পাক-চাউনা মাং-তাকপা থোকপা য়াই।

ভারত্তা ওইরিবা আর্থক্বেক (য়ুৱারহাবা)কী রিস্ক

ভারতকী হেনগৎলক্লিবা মীশীং অমসুং মথোক য়াম্না লোংবা লক্সজরি এপার্টমেন্টশীং, অচৌবা ফেক্টরি বিল্ডিংশীং, অচৌবা মোলশীং, সুপরমার্কেটশীং, ৱায়রহাউসশীং অমসুং মেসনরি বিল্ডিংশীং য়াউনা সাইন্টিফিক ওইদবা কনষ্ট্রক্সনশীং পাক-চাউনা শন্দোরকপনা ভারত্তা অৱাংবা রিস্ক অমা লৈহল্লি। হৌখিবা চহি 15 অসিদা, লৈবাক অসিনা অকনবা আর্থক্বেক (য়ুৱারহাবা) 10 লৈখ্রে অমসুং মসিনা মীওই 20,000গী মথক্তা শিহনখ্রে। লৈবাক অসিগী হৌজিক লৈরিবা সিজমিক জোন মেপ (IS 1893: 2002) অসিগী মতুংইন্না, ভারত্তা লৈবা লম শরুক্কী চাদা 59 হেনবদি ময়াই ওইরপ্পা চাংদগী কা-হেনবা সিজমিক হেজার্দ (য়ুৱারহাবনা থোকহনবা অমাং-অতা) লৈরকপগী অকিবা লৈ; মসিগী অর্থদি মসি MSK ইন্টেন্সিটি VII অমসুং মসিগী মথক্তা (BMTPC, 2006) নিকপগী অকিবা লৈ। তশেংবসু, অপুনবা হিমালয়ান বেল্ট অসি 8.0-তগী হেনবা মেগ্নিচুদ ওইবা অকনবা আর্থক্বেক (য়ুৱারহাবা) থোক্কনবা মফম্নি হায়না লৌনৈ; অমসুং চহি 50মুক্কী ওইবা অতেনবা মতম পরিং অসিদা অসিগুম্বা আর্থক্বেক (য়ুৱারহাবা)কী থৌদোক মরি থোকখ্রে: 1897 শিলোং (M8.7); 1905 কাঙ্গরা (M8.0); 1934 বিহার-নেপাল (M8.3); অমসুং 1950 আসাম-টিবেট (M8.6) অসিনি। সাইন্টিফিক পব্লিকেসনশীংনা, ভারত্তা লৈবা মীওই মিলিয়ন কয়াগী পুন্সিদা শোকহনবা ঙম্বা য়াম্না শাথীবা আর্থক্বেক (য়ুৱারহাবা)কী থৌদোকশীং হিমালয়ান রিজন্দা থোক্লকপা য়াই হায়বগি চেক্সিন-ৱা ফোংদোকখ্রে।

মতম অমদদি, হিমালয়া অমসুং অতৈ ইন্টর-প্লেট বাউন্দরিশীংদগী লাপ্না লৈবা মফমশীংবু আর্থক্বেক (য়ুৱারহাবা)শীংদগী খরা হেন্না শাফবা মফমশীংনি হায়না খন্নরম্মী। অদুম ওইনমক, হৌখিবা মতম খরসিদদি, অসিগুম্বা মফম অসিদসু, হিমালয়াগী আর্থক্বেক (য়ুৱারহাবা)শীংদগী মেগ্নিচুদ খরা তাথরবসু, মাং-তাক্নিংঙাই ওইবা আর্থক্বেক (য়ুৱারহাবা)কি থৌদোক কয়া থোকখিবদি উরে। ইং 1967তা থোকখিবা কোয়না আর্থক্বেকনা (য়ুৱারহাবা) মরম ওইদুনা সিজমিক জোনিং মেপ রিভাইস তৌবা তাহনখি অমসুং মসিনা মেপ অদুদগী নন-সিজমিক জোন লৌথোকহনখি। কোয়না (Koyna)বু কোয়শিল্লিবা মফমশীং অদুবুসু সিজমিক জোন IV, হায়বদি য়াম্না খুদোংথিনিঙাই ওইবা মফম্নি হায়না অমুক হন্না শেমদোকখি (re-designated)। ইং 1993দা থোকখিবা কিলারি আর্থক্বেক (য়ুৱারহাবা)না হন্থনা খুদোংথীনিঙাই ওইবা জোননি হায়রিবা সিজমিক জোন I অসি সিজমিক জোন II গা অমত্তা ওইনা পুন্সিন্নখি, অমসুং দেকান অমসুং পেনিনসুলার ইন্দিয়াগী শরুক খরবু মোদরেট (ময়াই ওইবা) হেজার্দ জোন এরিয়া হায়না মীংথোন্দুনা সিজমিক জোন IIIগী মখাদা পুরকখি। নৌনা পাংথোক্লিবা রিসর্চশীংনা তাক্লি মদুদি লমদমশীং অসিগী সিজমিক হেজার্দশীং (খুদোংথীনিঙাই) খংবা হেনগৎলকপনা, লো হেজার্দ (খুদোংথীনিঙাই য়াম্না ওইদবা)নি হায়না লৌনরিবা মফমশীং অসি সিজমিক হেজার্দকী হেন্না ৱাংবা লেভেলদা অমুক হন্না থমহনবা (re-designated) য়াই।

লৈবাক অসিগী অৱাং-নোংপোক্কী শরুক অসিদা মথক্তা পনখ্রিবা য়াম্না চাউনা আর্থক্বেক (য়ুৱারহাবা)শীং অসি য়াউনা য়াম্না তোইনা অকনবা আর্থক্বেক (য়ুৱারহাবা) থেংনরি। ইং 1950দগী হৌদুনা, লমদম অসিদা ময়াই ওইরপ কনবা আর্থক্বেক (য়ুৱারহাবা) কয়া লৈখ্রে। চাংচত্তা, লৈবাক অসিদা চহি অমদা মেগ্নিচুদ 6.0কী ওইবা আর্থক্বেক (য়ুৱারহাবা) অমা থেংনখ্রে। অন্দামান অমসুং নিকোবার ঈথৎশীং অসিসু ইন্টর-প্লেট বাউন্দরি অমদা লৈবনি অমসুং মাং-তাক্নিঙাই ওইবা আর্থক্বেক (য়ুৱারহাবা) কয়া তোইনা থেংনরি।

আর্থক্বেক (য়ুৱারহাবা)কী রিস্ক হেনগৎলক্লিবা অসি ভারতকী ইকোনোমিগী অর্বানাইজেসন, ইকোনোমিক দিভেলপমেন্ট অমসুং গ্লোবালাইজেনসনা ওইহল্লকপা দিভেলপমেন্ট এক্টিভিটিশীং খংহৌদনা হেনগৎলকপননি। মেন্যুফেকচরিং অমসুং সর্ভিস ইন্দষ্ট্রিশীংদা হায়-টেক্নোলোজি ইক্যুইপমেন্ট অমসুং টুল শিজিন্নবা হেনগৎলকপনসু ময়াই ওইনা লৈমাই নিকপা ফাউবদা খুদোংথীবা থোকহল্লকপা য়াই। মসিগী ফল ওইনা, মীওইবগী পুন্সি মাংবা অসিখক্তনা য়ুৱারহাবগী রিস্ক লেপকদবা ফেক্টর অমা মখা তানা ওইদ্রে। আর্থক্বেক (য়ুৱারহাবা) অমা থোকখ্রবা মতুংদা লোকেল নত্ত্রগা রিজনেলগী ইকোনোমিবু খম থেংনা শোকহনবা শাথীরবা শেলমিৎলোন (ইকোনোমিক)গী অমাং-অতা কয়া থোকহন্দুনা লৈবাক অপুনবগী তুং কোইবা ফল অমা পীবা য়াই। করিগুম্বা আর্থক্বেক (য়ুৱারহাবা) অমনা দিল্লি নত্ত্রগা মুম্বাইগুম্বা অচৌবা সিটি অমদা শোকহনবা তারবদি চৈথেং অসি অমুক্কা হেনগনি।

জোন মেপ

তৌগদবা অমসুং তৌরোইদবশীং

আর্থক্বেক (য়ুৱারহাবা) অমা থোক্ত্রিঙৈগী মমাংদা করি তৌগদগে?

• সিলিং অমসুং ফাউন্দেসনশীংদা লৈবা দিপ প্লাষ্টর ক্রেকশীং (ময়ি লুনা চৎলগা চেকখায়বশীং) রিপিয়ার তৌশিনগদবনি। করিগুম্বা ষ্ট্রকচরগী অশোয়বা লৈবগী খুদমশীং লৈরবদি এক্সপর্টকী পাউতাক লৌগদবনি।
• মথক্তা পানবা মৈগী পোৎশকশীং (lighting fixtures) সিলিংদা চেৎনা ফাজিনগদবনি।
• বিল্ডিং ষ্টেন্দর্দকীদমক নহাক্কী এরিয়াগা মরি লৈনবা BIS কোডশীং ইল্লু।
• উপুশীং (shelves) ফক্লাংদা চেৎনা ফাজিনগদবনি।
• অচৌবা নত্ত্রগা অরুম্বা পোৎ-চৈশীং উপুগী অনেম্বা কাখলশীংদা থম্মু।
• বোটলদা হাপ্পা চিঞ্জাকশীং, গ্লাসনচিংবা কায়গনবা আইটেমশীংদি শোনা (latches) লোনশিনবা অনেম্বা উপুশীংদা হাপচিনগদবনি।
• লাইয়েক অমসুং মীংশেলগুম্বা অরুম্বা আইতেমশীং অদু ফমুং অমসুং মী ফম্নবা মফমশীংদগী লাপ্না য়ানগদবনি।
• ওভরহেদ লাইট অমসুং ফেন ফিক্সচরশীং চেৎনা ফাজিনগদবনি।
• অশোয়বা ইলেক্ত্রিকেল ৱায়রশীং অমসুং লিক ওইবা গ্যেস কনেক্সনশীং রিপিয়ার তৌগদবনি। মখোয় অসি মৈহৌ-লাংপোক থোকহনবা য়াবা রিস্কশীংনি।
• ৱাটর হিটর, LPG সিলিন্দর অসিনচিংবশীং অসি ফক্লাংদা ফাজিন্দুনা নত্ত্রগা লৈমায়দা ফাজিন্দুনা সেক্যুওর ওইহনগদবনি।
• নাপি হাৎনবা, তিন-কাং হাৎনবা হিদাকশীং, অমসুং মৈ হৌগনবা পোৎ-চৈশীং শো চেৎনা লোনবা অমসুং নেম্না লৈবা উপু কাখলশীংদা সেক্যুওর ওইনা থমজিনগদবনি।
• ইমুং মনুং অমসুং মপান্দা লৈবা শাফবা মফমশীং মশক খংদোকউ।
• অকনবা দাইনিং তেবল, ফমুংগী মখা।
• ইমুংগী মনুংদা লৈবা ফক্লাং।
• গ্লাস কায়দুনা তারকপা য়াবা মফমশীং, হায়বদি থোংনাউ, মিংশেল, লাইয়েককী অকোয়বা, নত্ত্রগা অরুম্বা লাইরিক্কী উপু নত্ত্রগা অতৈ অরুম্বা ফর্নিচরশীং তারকপা য়াবা মফমশীংদগী লাপ্না লৈগদবনি। অহাংবা মফমশীংদনা, বিল্ডিং, উ, টেলিফোন অমসুং ইলেক্ত্রিক্কী লাইনশীং, ফ্লাইওভরশীং অমসুং থোংশীংদগী লাপ্না লৈগদবনি।
• এমর্জেন্সি টেলিফোন নম্বরশীং (দোক্টরশীং, হোস্পিটালশীং, পুলিস অসিনচিংবা) খংজিনগদবনি।
• নশামক অমসুং ইমুং-মনুংগী মীওইশীংবু মসিগী মরমদা খং-হৈহনগদবনি।

দিজাষ্টর এমর্জেন্সি কিট অমা শেম-শাদুনা থমগদবনি

• বেটরিনা চলাইবা তোর্চ, অহেনবা বেটরিশীংগা লোয়ননা।
• বেটরিনা চলাইবা রেদিও।
• ফার্ষ্ট এইদ কিট অমসুং মেন্যুএল।
• এমর্জেন্সি ফুদ (অকংবা আইটেমশীং) অমসুং ঈশীং (পেকেট অমসুং সিল তৌরবা)।
• কেন্দলশীং অমসুং মৈখেৎশিং ঈশীং চংদবা কন্টেনর অমদা হাপচিনবা।
• থাং।
• ক্লোরিন টেব্লেটশীং নত্ত্রগা পাউদর ওইবা ৱাটর প্যুরিফায়রশীং।
• কেন ওপনর (মখুম হাংদোক্নবা খুৎলাই)।
• তঙাইফদবা হিদাক-লাংথকশীং।
• শেল অমসুং ক্রেদিট কার্দশীং।
• অপৌবা থৌরি অমসুং থৌরি মচাশীং (cords)।
• অকনবা খোংউপশীং (Sturdy shoes)।

এমর্জেন্সি কম্যুনিকেসন প্লান অমা শেমগদবনি

• করিগুম্বা আর্থক্বেক (য়ুৱারহাবা)কী থৌদোক অমদা ইমুংগী মীওইশীং অদু অমনা অমদগী তোখায়না তানখ্রবদি (অহলশিঙনা থবক মফমদা চত্থোকখিবা অমসুং অঙাংশীংনা স্কুলদা লৈখিবা মতমদা মসি ওইথোকপা য়াই), দিজাষ্টর (উপদ্রব) অদুগী মতুংদা অমুক হন্না পুন্নবগী প্লান অমা শেমগদবনি।
• ষ্টেটকী মপান্দা লৈখিবা মরি-মতা নত্ত্রগা মরুপ-মপাং অমবু দিজাষ্টর অদুগী মতুংদা ‘ফেমিলি কন্টেক্ট’ অমা ওইনা শিজিন্নবা য়াই; অয়াম্বা মতমদা অরাপ্পদা কোল তৌবদনা হেন্না লায়গনি। ইমুংদা লৈবা মীওই পুম্নমক্না কন্টক্ট পর্সন অদুগী মমীং, লৈফম অমসুং ফোন নম্বর খংগদবনি।

নহাক্কী কম্যুনিটি অদুনা শেম-শাদুনা লৈবদা মতেং পাংগদবনি

• আর্থক্বেক (য়ুৱারহাবা)কী ওইবা এমর্জেন্সি ইনফোর্মেসন অদু নহাক্কী লোকেল ন্যুজপেপরগী অখন্নবা সেক্সন অমদা ফোংউ। লোকেল এমর্জেন্সি সর্ভিসশীংগী ওফিসশীং অমসুং হোস্পিটালশীংগী ফোন নম্বরশীং ফোংদুনা ইনফোর্মেসন অদু লোকেলাইজ তৌ।
• য়ুমদা লৈবা খুদোংথীনিঙাই ওইবশীং খংদোক্নবা চয়োল শাংনা খন্ন-নৈনবা পাংথোকউ।
• আর্থক্বেক (য়ুৱারহাবা) তৌরিঙৈদা চৎপা ঙমদ্রবা মীওইশীংনা করি-করি তৌগদগে হায়বদুগী অখন্নবা রিপোর্টশীং শেম-শানবা লোকেল এমর্জেন্সি সর্ভিসশীং অমসুং ওফিসিএলশীংগা থবক তৌমীন্নৌ।
• য়ুমদা আর্থক্বেক দ্রিলশীং পাংথোক্নবগী তৌগদবা থবকশীং খংহল্লু।
• গ্যেস, ইলেক্ত্রিক, অমসুং ৱাটর কম্পনিশীংগী মীহুৎশীংবু আর্থক্বেক (য়ুৱারহাবা)কী মনুংদা মখোয় অসি থীংজিন্দুনা থম্নবা খংহনগদবনি।
• নহাক্কী নোলেজ অদু কোডশীং শেম্বা, প্রোগ্রামশীং রেত্রোফিটিং তৌবা, খুদোংথীনিঙাই ওইবশীং থীদোকপা, অমসুং য়ুম্লোন্নবা অমসুং ইমুংগী এমর্জেন্সি প্লানশীংদা এপ্লাই তৌনবগীদমক নহাক্কী কম্যুনিটিগা পুন্না থবক তৌমীন্নগদবনি

আর্থক্বেক (য়ুৱারহাবা) অমা লৈরিঙৈদা করি করি তৌগদগে

আর্থক্বেক (য়ুৱারহাবা) চত্থরিঙৈদা য়ারিবমখৈ শাফবা মওংদা লৈগদবনি। আর্থক্বেক (য়ুৱারহাবা) খরদি ফোরশোক (foreshocks) ওইগল্লি অমসুং হেন্না কনবা আর্থক্বেক (য়ুৱারহাবা)না মতুং ইন্নরকপা য়াউই হায়বসি ঐখোয়না খংজিনগদবনি। মনাক নকপা শাফবা মফম ফাউবা চৎনবখক্কী ওইনা নহাক্না খোংনা চৎপা য়াই অমসুং নিকপা অদু লেপত্রিবা ফাউবা অমসুং মপান্দা থোকপা মতমদা শাফবা ওইরে হায়বগী অশেংবা অমা খংদ্রিবা ফাউবা ইমুংদা লৈয়ু।

করিগুম্বা ইমুংগী মনুংদা লৈবা ওইরবদি

• লৈমায়দা ফমথৌ; অকনবা টেবল নত্ত্রগা অতৈ ফর্নিচর অমগী মখাদা লৈয়ু; অমসুং নিকপা লেপত্রিফাউবা লেংদনা লৈয়ু। করিগুম্বা নহাক্কী মনাক নকপদা টেবল নত্ত্রগা দেস্ক অমত্তা লৈত্রবদি, নহাক্কী নমায় অমসুং নকোক অদু নখুৎনা কুপশিল্লু অমসুং বিল্ডিং অদুগী মনুংগী কাচিন অমদা তাশিন্দুনা লৈয়ু।
• ইমুংগী মনুংদা লৈবা থোং অমগী বিম (lintel) মখাদা, কা অমগী কাচিন্দা, টেবল নত্ত্রগা ফমুং অমগী মখাদা লৈদুনা নশাবু ঙাকথোকউ।
• গ্লাস, থোংনাউ, মপানগী থোং অমসুং ফক্লাং, অমদি অতৈ তারকপা য়াবা পোৎ-চৈ অমহেক্তদগী (লাইটিং ফিক্সচরশীং নত্ত্রগা ফর্নিচরগুম্বদগী) লাপ্না লৈয়ু।
• আর্থক্বেক (য়ুৱারহাবা) লাকপা মতমদা করিগুম্বা নহাক্না ফমুংদা লৈরিবা ওইরবদি মফমদুদা লেংদনা লৈয়ু। নকোক অদু মোন অমনা ঙাক্তুনা লেংদনা লৈয়ু। করিগুম্বা তারকপা য়াবা অরুম্বা লাইট ফিক্সচর (light fixture) অমগী মখাদা লৈবা ওইরবদি খ্বাইদগী নকপা শাফগদবা মফমদা চত্থোকউ।
• করিগুম্বা থোকফম অমা নহাক্কা য়াম্না নক্না লৈরবা মতমদতা অমসুং মদু য়াম্না মপাঙ্গল কনবনি হায়বা খংলবতদা মদু শিজিন্নৌ।
• নিকপদু লেপত্রিবা ফাউবা অমসুং মপান্দা থোকপদা শাফরে হায়বা খংদ্রিবা ফাউবা মনুংদা লৈয়ু। অশোক-অপন অয়াম্বদি বিল্ডিংগী মনুংদা লৈবা মীওইশীংনা বিল্ডিং অদুগী মনুংদা লৈবা অতোপ্পা মফমদা নত্ত্রগা মপান্দা থোক্নবা হোৎনবা মতমদা থোকই হায়বসি রিসর্চনা উৎলি।
• ইলেক্ত্রিসিটি চৎখিবা য়াই নত্ত্রগা ঈশীং চাইথনবগী সিষ্টেম (sprinkler systems) নত্ত্রগা মৈহৌ-লাংপোক্কী এলার্ম টর্ন ওন তৌরকপা য়াই হায়বসি খংজিনগদবনি।

করিগুম্বা ইমুংগী মপান্দা লৈবা ওইরবদি

• নহাক্না লৈরিবা মফমদুদগী লেংগনু। অদুম ওইনমক, বিল্ডিং, উ, ষ্ট্রিটলাইট, অমসুং য়ুটিলিটি ৱায়রশীংদগী লাপ্না লৈয়ু।
• করিগুম্বা নহাক্না অহাংবা মফমদা লৈবা ওইরবদি, নিকপা লেপত্রিবা ফাউবা মফমদুদা লৈয়ু। খ্বাইদগী য়াম্না খুদোংথিনিঙাই ওইরিবসি বিল্ডিংশীংগী হেক মপান্দা; থোকফমদা; অমসুং মপান্থংবা ৱাল পরিংদনি। য়ুৱারহাবগা মরি লৈনবা অশি-অনা অয়াম্বদি ৱাল কায়থবা, গ্লাস পায়রকপা, অমসুং তারকপা পোৎ-চৈশীংদগী থোকপনি।

করিগুম্বা গারি থৌরিঙৈদা ওইবা তারবদি

• শাফবা মওংদা য়ারিবমখৈ থুনা লেপ্পু অমসুং গারি মনুংদা লৈয়ু। বিল্ডীং, উ, ওভরপাস অমসুং য়ুটিলিটি ৱায়রশীংগী মনাক নক্না নত্ত্রগা মখাদা খাম্লোইদবনি।
• আর্থক্বেক (য়ুৱারহাবা) অদু লেপ্লবা মতমদা চেক্সিন্না থৌগদবনি। আর্থক্বেক (য়ুৱারহাবা)না শোকহল্লম্বা য়াবা লম্বী, থোং নত্ত্রগা রাম্পশীংদা থৌরোইদবনি।

অতেক-অকায়গী মখাদা থোকপা য়াদনা (trapped) লৈরবদি

• মৈখেৎ খেৎকনু।
• লেংগনু নত্ত্রগা উফুল কাউগনু।
• নহাক্কী নচিন অদু রুমাল নত্ত্রগা ফি অমনা খুমজিল্লু।
• রেস্ক্যু তৌরিবা মীওইশীংনা নহাক্কী লৈফমদু খংবা ঙমহন্নবা পাইপ নত্ত্রগা ৱাল অমদা থাউ। করিগুম্বা লৈরগদি হুইশেল অমা শিজিন্নৌ। অতৈ উপাই অমত্তা লৈরক্ত্রবা মতমদতা চিন্না লাউ। চিন্না লাউবনা নহাকপু খুদোংথিনিঙাই ওইবা উফুল কয়া শ্বর হোঞ্জিনবদা য়াউহনখিবা য়াই।
• হেল্লো।

রিকোভর তৌবা অমসুং শেমগৎ-শাগৎপা

আর্থক্বেক (য়ুৱারহাবা) অমা লাকখ্রবা মতুংদা করি করি পাংথোক্কদগে?

• পুক্নিং ফাথৌ, রেদিও/ TV স্বিটচ ওন তৌ অমসুং নহাক্না মদুদা তারিবা ইনষ্ট্রক্সনশীংদু ইল্লু।
• সমুদ্র খোংবাল অমসুং তুরেলশীংগী তোর্বান মখাগী শরুকশীংদগী লাপ্না লৈয়ু। অকনবা ঈথকশীংনা মদুদা চেনশিল্লকপা য়াই।
• অফটরশোকশীং লাকপা য়াই হায়দুনা শেম-শাদুনা লৈবীয়ু।
• ঈশীং, গ্যেস অমসুং ইলেক্ত্রিসিটি টর্ন ওফ তৌবীয়ু।
• চুরুট থক্কনু অমসুং মৈখেৎ নত্ত্রগা সিগরেট লাইটর অমা শিজিন্নগনু। স্বিটচ টর্ন ওন তৌগনু। মফমদুদা গ্যেস লিক নত্ত্রগা শোর্ট সর্ক্যুইটশীং লৈরম্বা য়াই। টোর্চ অমা শিজিন্নৌ।
• করিগুম্বা মফমদুদা মৈ চাক্লবদি, মদু মুত্থৎনবা হোৎনৌ। করিগুম্বা নহাক্না ঙমদ্রবদি, ফায়র ব্রিগেদ কৌ।
• করিগুম্বা শাথীনা শোকপা মীওইশীং য়াউরবদি, মখোয়দু খুদোংথীরে হায়বমক নত্ত্রবদি অতোপ্পা মফমদা হোংদোক্কনু।
• মৈ চাক্কনবা পোৎ-চৈশীং হৈদোকপা য়াউরবদি (অলকোহোল, রং (paint), অসিনচিংবা) খুদক্তা শেংদোকউ।
• করিগুম্বা নহাক্না মী ননশিনখ্রে হায়বা খংলবদি, রেস্ক্যু টিমশীংদা খংহল্লু। হাথু হাথুগনু অমসুং অশোকপা মীওইশীং নত্ত্রগা নহাক নশাগী ফিভম অদু হেন্না লুশিলহনগনু।
• ফজনা পুদবা ইলেক্ত্রিক ৱায়র লৈবা মফমশীংদা চংলুনু অমসুং মখোয়গা শম্নবা মেটেলগী পোৎ-চৈ (metal object) অমত্তদা শোক্লুগনু।
• মখুম হাংদোকপা পাত্রদা য়াউবা ঈশীং অদু কুপ্না য়েংদনা অমসুং ফিল্টর নত্ত্রগা ইচম চম্বা ফি অমদা নত্ত্রগা চাজুম অমদা চুমথোক্তনা থক্কনু।
• করিগুম্বা নহাক্কী য়ুম অদু শাথীনা তেক-কায়বা থোক্লবদি, নহাক্না মফমদু থাদোক্কদবনি। ঈশীং য়াউবা পাত্র, চানবা চিঞ্জাক অমসুং ইচম চম্বা অমসুং অখন্নবা হিদাক-লাংথকশীং (হার্টকী কমপ্লেন্ট, দাইএবেটিজ লৈবা মীওই অসিনচিংবগী ওইবা) পাইশিল্লু।
• শাথীনা তেক-কায়রবা বিল্ডিং মনুংদা অমুক হন্না চংগনু অমসুং তেক-কায়রবা ষ্ট্রকচরশীংগী মনাক নক্না চংশিনগনু।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া

মরি লৈনবা রিসোর্সশীং

1. <NCDC ত্রেনিং মোদ্যুল ওন আর্থক্বেক সর্ভাইবেল