ঈশীং ঈচাউশীং

ভারত্তা থোকখিবা ঈশীং ঈচাউশীং

• ভারত অসি ঈচাউ য়াম্না থোক্কনবা লমদমনি। লৈমাইথক্কী অপুনবা লম মিলিয়ন হেক্টর (mha) 329গী মনুংদা মিলিয়ন হেক্টর 40দি ঈচাউ থোক্কনবা লম্নি। ঈশীং ঈচাউশীং অসি হঞ্জিন্না থোক্কনবা থৌওং (recurrent phenomenon) অমনি, অমদি মসিনা মীওই কয়াগী পুন্সি মাংহল্লি অমসুং লাইভলিহুদ সিষ্টেমশীং, প্রোপর্টি, ইনফ্রাষ্ট্রকচর অমসুং পব্লিক য়ুটিলিটিশীংদা অমাং-অতা থোকহল্লি। ঈচাউগা মরি লৈনবা অমাং-অতা হেনগৎলকপা উরিবসি য়াম্না নুংনাংনিঙাইনি। ইং 1996দগী 2005 ফাউবগী ওইবা হৌখিবা চহি 10গী মনুং অসিদা ওইখিবা চাংচত্তা ওইবা চহিগী ঈচাউগী অমাং-অতা (average annual flood damage) অসি, মমাংগী চহি 53দা লুপা ক্রোর 1805 ওইখিবা মতমদা, হায়রিবা মতমগী মনুংসিদনা লুপা ক্রোর 4745 ওইখি। মসি মীশীং লেপ্তনা হেনগৎলকপা, গ্লোবেল ৱার্মিংগা লোয়ননা ফ্লদ প্লেনশীং (flood plains)দা দিভেলপমেন্টেল অমসুং ইকোনোমিক এক্টিভিটিশীং য়াংনা হেনগৎলকপনসু মরম অমা ওইরি।
• চহি খুদিংগী চাংচত্তা, ঈচাউনা মরম ওইদুনা লম হেক্টর লাখ 75 দি ঈচাউনা শোকহল্লি, মীওই 1600গী পুন্সি মাংহনখ্রে অমসুং লুপা ক্রোর 1805গী মহৈ-মরোং, য়ুম অমসুং পব্লিক য়ুটিলিটিশীং মাং-তাকহনখ্রে। ইং 1977দা মীওইবগী পুন্সি খ্বাইদগী য়াম্না (11,316) মাংখি। অচৌবা ঈশীং ঈচাউ তোইনা থোকপগী চাং অসি চহি মঙাদা অমুক্তগী হেল্লি।
• ঈশীং ঈচাউশীং অসি, হান্না ঈচাউ থোক্কনবা মফমনি হায়না লৌনরমদবা মফমদসু থোকই। গাইদলাইনশীং অসিদা ফ্লদ মেনেজমেন্টগী স্কোপ পুম্নমক কোনশিন্নবা পান্দম থম্লি। প্রেসিপিটেসন (precipitation)গী চাদা মরিফুদি জুনদগী সেপ্টেম্বর থা ফাউবগী মোনসুন থাশীংদা থোকই। তুরেলশীংনা ঈশীং চেন্থরকপফমদগী লৈনাং-লৈঙোই (sediment load) য়াম্না চেন্থদুনা ফমজিল্লকই। মসিগী মথক্তা, তুরেলশীংনা মখোয় অসি চেন্থখিনবগী মতিক চাবা কেপাসিটি লৈতবনা ঈশীং ঈচাউ, ঈরম-নালা ফুনবা অমসুং তুরেল তোর্বান চাশিনবনচিংবা থোকহল্লি। সাইক্লোনশীং, সাইক্লোন পুবা নুংশীৎ অমসুং নোং কন্না চুবনা খুদক্কী ঈচাউ (flash floods) থোকহন্দুনা অচৌবা অমাং-অতা থোকহল্লি। ভারত্তা অমাং-অতা থোকহল্লিবা তুরেল খরদি য়ুম্লোন্নবা লৈবাকশীংদগী হৌরকপনি হায়বসি অচুম্বনি অমসুং মসিনা প্রোব্লেম অসি অমুক্কসু হেন্না লুবা মায়কৈদা লাকহল্লি। ঈশীং ঈচাউনা মরম ওইদুনা মীওইবগী পুন্সি কয়া মাংহনবা অমসুং লনাইগী প্রোপর্টি কয়াদা অচৌবা অমাং-অতা থোকহনবসিনা, ঐখোয়না ঈচাউ মায়োক্ননবগী মতিক চাবা থৌরাং অমা শেমগৎকদবা ৱাৎলি হায়বা তাক্লি। ইমপ্লিমেন্টিং অমসুং ষ্টেকহোল্ডর এজেন্সি কয়ানা ঈচাউনা থোকহনবা অমাং-অতা হন্থহন্নবগী ক্রিটিকেল এরিয়াশীং মায়পাক্না ফগৎহনবা ঙমহন্নবা, NDMAগী এক্সেক্যুটিভ সমরি গাইদলাইনস শেম্লে।

জোন মেপ

তৌগদবা অমসুং তৌরোইদবশীং

ঈশীং ঈচাউ অমা থোক্ত্রিঙৈগী মমাংদা করি তৌগদগে

ঈচাউ অমগীদমক শেম-শানবা, নহাক্না মখাদা পিরিবশীংসি পাংথোকপা তাই।

• নহাক্কী য়ুম অদু ৱাংখৎহনবা অমসুং মপাঙ্গল হেন্না কনশীনহন্দ্রিবমখৈ ঈচাউ থোক্কনবা মফমশীংদা য়ুম শারোইদবনি।
• করিগুম্বা ঈচাউ থোকপদা খুদোংথীনিঙাই ওইরবদি লৈরং, ৱাটর হিটর, অমসুং ইলেক্ত্রিক পেনেল অদু ৱাংখৎনা থম্মু।
• নহাক্কী য়ুমগী নালাশীংদা ঈচাউগী ঈশীং চেনশিল্লকপা থীংনবা সিৱর ত্রেপশীং (sewer traps)দা “চেক ভাল্ব’ হাপ্পু।
• নহাক্কী এরিয়াদা লৈবা য়ুমশীংদা ঈচাউগী ঈশীং চংলকপা থীংনবা পলশীঙ (তোর্বান, বিম অমসুং ঈচাউগী পল) শানবা থৌরাং তৌরিব্রা হায়বদু খংদোক্নবা কম্যুনিটি ওফিসিএলশীংগা কন্টেক্ট তৌনৌ।
• অয়ুবা (seepage) লৈহন্দনবা নহাক্কী বেজমেন্ট অদু ৱাটরপ্রুফ কম্পাউন্দশীংনা মেনসিল্লু।

করিগুম্বা ঈচাউ অমা নহাক্কী এরিয়া অদুদা থোক্লকপগী মমি লৈরবদি নহাক্না মখাদা পীরিবশীংসি পাংথোকপা তাই।

• ইনফোর্মেসন লৌনবগীদমক রেদিও নত্ত্রগা টেলিভিজন তাগদবনি।
• খুদক্কী ঈচাউ (flash flooding) থোক্লকপা য়াই হায়বসি খংগদবনি। করিগুম্বা খুদক্কী ঈচাউ অমা থোক্লকপা য়াবগী ওইথোকপা লৈরবদি, খুদক্তা খরা হেন্না ৱাংবা মফমদা লৈগদবনি। মফম হোংদোক্নবা হায়রকপা ঙাইরোইদবনি।
• ঈচেল, দ্রেনশীং, ঈশীং লৈবা মফমশীং অমসুং খংহৌদনা ঈচাউ থোক্কনবা মফমশীং খংজিল্লু। নোং মংবা নত্ত্রগা নোং কন্না চুবনচিংবা ৱার্নিংশীং য়াউদনা অসিগুম্বা এরিয়াশীং অসিদা খুদক্কী ওইবা ঈচাউ থোক্লকপা য়াই।

করিগুম্বা নহাক্না ইভাক্যুএট (মফম হোংদোক্নবা) তৌনবা শেম-শারিবা ওইরবদি, নহাক্না মখাদা পীরিবশীংসি পাংথোকপা তাই।

• নহাক্কী য়ুম অদু সেক্যুওর ওইহল্লু। করিগুম্বা নঙোন্দা মতম ফংলবদি, মপানগী ফর্নিচরশীং ইমুংদা পুশিল্লু। তঙাইফদবা আইটেমশিংদি মথক থংবা ফ্লোরদা পুখৎলু।
• করিগুম্বা ইনষ্ট্রক্সন পীরক্লবদি য়ুটিলিটিশীং অদু মেইন স্বিটচ নত্ত্রগা ভাল্বশীংদা মুত্থৎলু। করিগুম্বা নহাক অসি চোৎলবা নত্ত্রগা ঈশীংদা লেপ্লিবা ওইরবদি ইলেক্ত্রিকেল ইক্যুইপমেন্টদা শোক্কনু।

করিগুম্বা নহাক্না নহাক্কী য়ুম অদু থাদোকপা মথৌ তারবদি, মখাদা পীরিবা ইভাক্যুএসন টিপশীং অসি নিংশিংউ।

• লেংলিবা/ অচেনবা ঈশীংদা চৎকনু। ইঞ্চি তরুক্কি অচেনবা ঈশীংনা নহাকপু তুহনবা ঙম্মি। করিগুম্বা নহাক্না ঈশীংদা চৎপা মথৌ তারবদি, ঈশীং লেংদবা/ চেন্দবা মফমদা চৎলু। নহাক্কী নমাংদা লৈবা লৈমায় অদু চৎপা য়াব্রা য়েংনবা চৈ অমা শিজিন্নৌ।
• ঈচাউ লৈবা মফমদা গারি থৌগনু। করিগুম্বা নহাক্কী কারগী অকোয়বদা ঈচাউগী ঈশীং ৱাংখৎলক্লবদি, কার অদু থাদোক্লম্মু অমসুং করিগুম্বা শাফবা মওংদা হেন্না ৱাংখৎপা মফমদা কাখৎপগী খুদোংচাবা লৈরবদি মফমদুদা চৎলু। নহাক্কা লোয়ননা নহাক্কী গারি অদুসু ঈশীংনা থুনা চেন্থখিবা য়াই।

এমর্জেন্সি কিট

• বেটরিনা চলাইবা টোর্চ
• অহেনবা বেটরিশীং
• বেটরিনা চলাইবা রেদিও
• ফার্ষ্ট এইদ কিট অমসুং তঙাইফদবা হিদাক-লাংথকশীং
• এমর্জেন্সি ফুদ (অকংবা আইটেমশীং) অমসুং ঈশীং (পেকেট অমসুং সিল তৌরবা)
• ঈশীং চংদবা পাত্র অমদা হাপ্পা কেন্দল অমসুং মৈখেৎশীং
• থাং
• ক্লোরিন টেব্লেটশীং নত্ত্রগা পাউদর হাপ্লবা ঈশীং
• মরুওইবা দোক্যুমেন্টশীং (রেসন কার্দ, ভোটর আইদি কার্দ, আধার কার্দ, অসিনচিংবা)
• শেল, আধার কার্দ অমসুং রেসন কার্দ
• অচৌবা/ অকনবা থৌরি অমসুং কিনবা থৌরি মচাশিং
• খোংউপ

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া