লেন্দস্লাইদ (লৈবাক কিন্থবা)

ইনফোর্মেসন

ভারত্তা, ইন্দিয়ান অমসুং য়ুরেসিয়ান প্লেট অনি থেংগাইনবদগী শেমখিবা, পৃথীবীগী খ্বাইদগী ৱাংবা চিংশাং পরিং (highest mountain chain) ওইরিবা হিমালয়া অসি লৈ, ইন্দিয়ান প্লেটনা অৱাংলোমদা লেং-ওৎপদগী রোকশীং (rocks)দা লেপ্তনা ষ্ট্রেস (stress) পীহল্লি অমসুং মসিনা মখোয়বু কায়গনবা, অশোনবা রোকশীং ওইহন্দুনা লেন্দস্লাইদশীং অমসুং আর্থক্বেকশীং তোয়না থোকহল্লি।  ইন্দিয়ান ক্রষ্টনা চহি অমদা সেমি 5 রোমগী হিসাবতা তপ্না লেং-ওৎপনা নেচরেল দিজাষ্টর থোকহনগদবা মচাক ওইরিবা ষ্ট্রেস অসি তুংশিনহল্লি। লেন্দস্লাইদ খরনা য়াম্না তোপ-তোপ্না অমসুং চাংদম্নিঙাই লৈতনা শাথীনা মাং-তাকপা থোকহল্লি। লেন্দস্লাইদশীং অমসুং এভালান্সশীং (avalanches) অসিনা ভারতকী অয়াম্বা শরুকশিংদা অমদি লৈমায়থক্কী 15 %দি কোনশিল্লিবা হিমালয়া চিংশাং, নোর্থইষ্টর্নগী চিংশাং, নোংচুপ থংবা ঘাটশীং, নিলগিরি, ইষ্টর্ন ঘাট অমসুং বিন্ধ্যা চিংশাংশীংদা পাক-চাউনা অমাং-অতা থোকহল্লিবা মরুওইবা হায়দ্রো-জিওলোজিকেল হেজার্দশীংগী মনুংদা অমা ওইরি। হিমালয়া চিংশাং মথন্তনা অচৌ-অপিক, অথুবা-অতপ্পা, অরিবা-অনৌবা লেন্দস্লাইদ পুম্নমক থোকহল্লি। নোর্থ-ইষ্টর্ন লমদম অসি অঙকপা মখল অমগী লেন্দস্লাইদ প্রোব্লেমনা শাথীনা শোকহল্লি। নোংচুপ বেঙ্গলগী দার্জিলিং দিষ্ট্রিকতা থোক্লিবা লেন্দস্লাইদশীং অমসুং সিক্কিম, মিজোরাম, ত্রিপুরা, মেঘালয়া, আসাম, নাগালেন্দ অমসুং অরুনাচলদা থোক্লিবা লেন্দস্লাইদশীং অসিনা লুপা বিলিয়ন কয়া ওইগদবা শেলমিৎলোনগী মাং-তাকপা (recurring economic losses) হঞ্জিন-হঞ্জিন থোকহল্লি। লেটেরাইটনা মথক্তা কুপশিনবা তোঙানবা মখলগী লেন্দস্লাইদশীংনা, লেন্দস্লাইদ য়াম্না থোক্কনবা মফম ওইরিবা নিলগিরিগী নাকন্দা লৈবা কোনকন খোংবালগী মথক্তা লৈবা অঙম্বা লৈরাই পরেং অমদি খাদা লৈবা নোংচুপ থংবা ঘাটশীংদা লেপ্তনা অকিবা অমা পীরি।

মাং-তাকপশীংগী মশক নাইবা থৌওং খরদি উত্তরকাশি দিষ্ট্রিক্টকী ভরনাবট লেন্দস্লাইদ, পিথোরাগর দিষ্ট্রিক্টকী মালফা লেন্দস্লাইদ, উত্তরাখন্দগী চামোলি দিষ্ট্রিক্টকী ওখিমথ লেন্দস্লাইদ, দার্জিলিং দিষ্ট্রক্টকী পাগলাঝোরা, সিক্কিম অমসুং মিজোরামগী আইজোল স্পোর্টস কমপ্লেক্স অসিনচিংবসিনি। মখোয় অসি হন্দক্তা থোকখিবা লেন্দস্লাইদকী খুদমশীংনি। মরম অদুনা প্রোব্লেম অসি হন্থহন্নবা অমসুং মেনেজ তৌবা হায়বসি মথৌ তাই, অমসুং হিরমসিগীদমক্তা হেজার্দ জোনশীং মশক খংদোক্লে অমসুং খনগৎলবা মফমশীংবু মোনিটর তৌবা অমসুং আর্লি ৱার্নিং সিষ্টেমশীং থম্বগী মথক্তা, অকক্নবা স্লাইদশীং ষ্টেবল ওইহল্লে অমসুং মেনেজ তৌরে।

জোন মেপ

মফম অসিদা উৎলিবা লেন্দস্লাইদ হেজার্দ মেপ (landslide hazard map) অসিনা ভারতকী ষ্টেট কয়াদা লৈরিবা তোঙানবা তোঙানবা হেজার্দ জোনগী এরিয়াশীং উৎলি; ঐখোয়না খংজিনবা য়াই মদুদি অৱাং-নোংচুপ অমসুং অৱাং-নোংপোক ভারতকী হিমালয়া অমসুং ৱেষ্টর্ন ঘাট অসি য়াম্না খুদোংথিনিঙাই ওইবা অমদি লেন্দস্লাইদ থোক্কনবা মফমশীংনি।

লেন্দস্লাইদ হেজার্দ জোনেসন (LHZ) মেপশীংগী ওইনা NDMA গাইদলাইনশীং অসি 1: 50,000 স্কেলগী মতুং ইল্লি অমসুং অকক্নবা এরিয়াশীংগী ওইনা হেন্না চাউবা স্কেলশীংগী মতুং ইল্লি। হিরম অসিদা নেসনেল রিমোট সেন্সিং সেন্টর (NRSC), দিপার্টমেন্ট ওফ সাইন্স এন্ড টেক্নোলোজি (DST), কাউন্সিল ওফ সাইন্টিফিক এন্ড ইন্দষ্ট্রিএল রিসর্চ (CSIR), ইন্দিয়ান ইনষ্টিট্যুট ওফ টেক্নলোজি (IITs), য়ুনিভর্সিটিশীংনা য়াম্না পাক-চাউনা থবক তৌরি। উত্তরাখন্দ অমসুং হিমাচল প্রদেশকী খনগৎলবা কোরিদোরশীংদা লৈবা NRSC এটলাস অসি য়াম্না কান্নরবা এটলাস (চানবীদুনা লেন্দস্লাইদশীংগী ওইনা NRSCনা পায়খৎলিবা থবকশীংদু য়েংবীয়ু) অমা ওইরি। ভারতকী মফম কয়াদা তোঙান-তোঙানবা ইনষ্টিট্যুট কয়ানা পায়খৎলিবা প্রোজেক্ট 30 হেনবদা DSTনা ফন্দ থাদরি অমদি প্রোজেক্টশীং অসিগী রিপোর্টশীং অসিগিদমক DST (NRDMA)দা রিক্বেষ্ট তৌবা য়াই।

মফম অসিদা উৎলিবা, চামোলি দিষ্ট্রিক্টতা (পাচৌরি, 1992) লৈবা হিমালায়া চিংশাংগী শরুক অমদগী স্কেল 1: 50,000দা য়েকপা LHZ মেপ অমগী খুদম অসি জিওলোজিকেল, জিওটেক্নিকেল পেরামিটর কয়াদা য়ুম্ফম ওইবনি। অসিগুম্বা মেপশীং অসি ভেরিফিকেসনগী হেন্না ৱাংবা লেভেল অমা অমসুং মীয়াম্না শিজিন্নবা য়ানবগীদমক রিফাইন অমসুং রিলুক তৌরবনি। ভারতকী লৈমায়থক্কী চাউরাক্না 15 %দি, হেজার্দশীংগী তোঙান-তোঙানবা লেভেলদা লৈবা স্লোপশীং ক্লাসিফাই তৌনবগীদমক (কাংলুপ খায়দোকপা) স্কেল 1: 50,000 নত্ত্রগা মসিদগী ৱাংখৎপা মেপশীংনা কোভর তৌবা তাই। জিওগ্রাফিকেল ইনফোর্মেসন সিষ্টেম (GIS) অমসুং রিমোট সেন্সিং এপ্লিকেসনশীং অসি NRSCগী খুত্থাংদা NDMAদা লৈবা LHZগী GISকী অখন্নবা গ্রুপ অমগী মখাদা, মরি লৈনবা দিপার্টমেন্ট পুম্নমক্তগী ফংবা দেটাবেজ কলেক্সনগী খুত্থাংদা শিজিন্নরি অমসুং লেন্দস্লাইদনা থোকহনবা অমাং-অতা হন্থহন্নবগী পেরেলেল থিম অমা ওইনা GIS অমসুং অতৈ এজেন্সিশীংগী ওফিসশীং, CSIR লেবশীং, DST, অসিনচিংবশীংগী ওফিসশীংগী খুত্থাংদা থমজিল্লি (stored)।

তৌগদবা অমসুং তৌরোইদবশীং

লেন্দস্লাইদ থোরকপা মতমদা ঐখোয়না পুন্সি মাংবা থীংবা ঙম্মী অমসুং ঐখোয় ইশামকপু শেম-শাদুনা লৈবা য়াই। ভারত সরকারনা লেন্দস্লাইদ হঞ্জিন-হঞ্জিন থোক্কনবা মফমশীং মশক খংদোক্নবা প্লান শেম্লে। মসি এরিয়াশীংবু তোঙান-তোঙানবা মচুশীংদা উৎপা লেন্দস্লাইদ হেজার্দ জোনেসন (LHZ) মেপশীংগী খুত্থাংদা ফংবা ঙম্মী। অঙাংবা, নাপু অমসুং অশংবা মচুনা সমুদ্র মপান্দা লৈবা চিংগী লম, হিমালয়া চিংশাং অমসুং অতোং-অকুৎ লৈবা লৈমায়দা লৈবা খুদোংথীবা, চেক্সিনগদবা অমসুং শাফবা মফমশীং খংহল্লি (signify)। NDMAনা মসিগী ৱেবসাইত্তা পীরিবা অসিগুম্না লেন্দস্লাইদ অমসুং স্নো এভালান্সশীংগী (snow avalanche) মতাংদা পীরিবা গাইদলাইনশীং (গাইদলাইন্স ওন লেন্দস্লাইদস এন্ড স্নো এভালান্সেস) পব্লিস তৌখ্রে।

• ইরম-নালাশীং শেংনা থমগদবনি,
• অকনবা ঈচেলশীং ঙমখৎপা নত্ত্রগা ঙমথবা মফমশীংদা চেনশিলহল্লোইদবনি,
• ঈরম-নালাশীংদা অমোৎ-অকাই, উনা-ৱানা, প্লাষ্টিক বেগ, অকায়-অতোয়শীং লৈহল্লোইদবনি,
• ঈশীং চেন্থোকখিনবা মখুলশীং হাংদুনা থমগদবনি,
• ঈশীং লেম্না মাংহল্লোইদবনি নত্ত্রগা নহাক্কী য়ুমথক্তা থম্লোইদবনি,
• উশীংগী মরাশীংদা লৈবাক-লৈহাউ ফাজিন্দুনা থম্নবগীদমক উ হেন্না থাগদবনি,
• রোক তাগনবা অমসুং বিল্ডীং নমথগনবা মফমশীং, লেন্দস্লাইদ তাকপা ময়ি (cracks)শীং মশক খংদোক্কদবনি অমসুং হেন্না শাফবা মফমশীংদা মফম হোংদোক্কদবনি। অনৈবা তুরেল ঈশীং (muddy) ফাউবনসু লেন্দস্লাইদগী অপষ্ট্রিম তাকই।
• অসিগুম্বা সিগ্নেলশীং অসি য়েংশিল্লু অমসুং খ্বাইদগী নকপা দিষ্ট্রিক্ট হেদ কার্টরশীংদা পাউ পীয়ু।
• অঙম্বা নত্ত্রগা ঙমথবা চিংমায়গী মখোং অদু ককথৎকনু, মদু ঙাক্তুনা থমগদবনি, অমুক হন্না পাম্বী থাজিনবগী প্লান তৌদ্রবদি উ ফুক্তোক্কনু/ ককথৎকনু।

রিকভর তৌবা অমসুং শেমগৎ-শাগৎপা

• পুক্নিং ফাথনা লৈয়ু অমসুং মীৎ-না শিংনা অমসুং তুমদনা লৈয়ু, ৱেদর ষ্টেসনদগী নোং কন্না অমসুং শাংনা তাবগী ৱার্নিং লৈব্রা হায়বদু তাউ, করিগুম্বা নহাক্কী য়ুম অদু অকায়-অতোয়না কুপশিনবা এরিয়া অমগী মখাদা লৈরবদি, হেন্না শাফবা মফমদা চত্থোকউ, রোক (rock) তাবগী মখোয় তাউ, অকায়-অতোয় লেন বগী অমসুং উ তেকপগী নত্ত্রগা লৈমায় চেকখায়ব্রা নত্ত্র মুভমেন্ট অমহেক্তগী মখোলশীং তাগদবনি। নুংদাংদা শিজিন্ননবা বেটরিনা চলাইবা মৈ অমা শেম-শাদুনা থমগদবনি।
• রেস্ক্যু টিমশীং কৌ অমসুং মতেং পাংউ, ঈশীং হাপ্পা পাত্রশীং, ফার্ষ্ট এইদ কিট অমসুং তঙাইফদবা হিদাকশীং থমজিল্লু অমসুং তেক-কায়রবা য়ুমশীংদা চংলোইদবনি।
• তুরেলগা নক্নরবদি ঈচাউ লাকপ্রা শেন্নগদবনি, অতোপ্পা মীওইশীংদা হায়বদি মরুওইনা অহল ওইরবা মীওইশীং, অঙাংশীং অমসুং নুপীশীংদা মতেং পাংগদবনি, তেক-কায়রবা য়ুমশীং, লম্বীশীং অসিনচিংবা অমুক হন্না শেমজিন্নবগীদমক্তা লোকেল ওথোরিটিশীংদগী পাউতাক লৌগদবনি।
• লম্বী তৎপা-কায়বা, মৈ অমসুং টেলিফোন লাইন তৎপা লৈরবদি মরি লৈনবা ওথোরিটিশিংদা পাউ পীগদবনি।

এমর্জেন্সি কিট

• বেটরিনা চলাইবা টোর্চ
• অহেনবা বেটরিশীং
• বেটরিনা চলাইবা রেদিও
• ফার্ষ্ট এইদ কিট অমসুং মেন্যুএল
• এমর্জেন্সি ফুদ (অকংবা আইটেমশীং) অমসুং ঈশীং (পেকেট অমসুং সিল তৌরবা)
• ঈশীং চংদবা কন্তেনর অমদা হাপচিল্লবা কেন্দল অমসুং মৈখেৎশীং
• থাং
• ক্লোরিন টেব্লেট নত্ত্রগা পাউদর হাপ্লবা ৱাটর প্যুরিফায়রশীং
• কৌটা হাংদোক্নবা খুৎলাই (কেন ওপনর)
• তঙাইফদবা হিদাক-লাংথকশীং
• শেল, আধার কার্দ অমসুং রেসন কার্দ
• অচৌবা থৌরি অমসুং কিনবা থৌরি মচাশীং
• অকনবা খোংউপশীং

প্রোজেক্ট অমসুং স্কিমশীং

প্লানিং কমিসননা এপ্রুভ তৌরবা নেসনেল লেন্দস্লাইদ রিস্ক মিটিগেসন প্রোজেক্ট (NLRMP) অমা NDMA দা চলাইরি। প্রোজেক্ট অসিগী মখাদা, মিজোরাম ষ্টেটতা লৈবা স্পোর্টস কমপ্লেক্স, আইজোল অসি খনগৎলে। NDMAগী ওনরেবল মেম্বর ওইরিবা শ্রী বি. ভত্তচারজিগী লমজিং মখাদা GIS শিজিন্নদুনা লেন্দস্লাইদ দেটাবেজগী স্কিম অমা থবক তৌরি। অতৈ সাইট স্পেসিফিক প্রোজেক্ট কয়াসু নোদেল এজেন্সিগী খুত্থাংদা চাং নাইনা লৌখৎলি, অমদি মসিগী মনুংদা খ্বাইদগী নৌনা পায়খৎলিবদি বৈশ্নো দেবী লেন্দস্লাইদ অমসুং অমরনাথ যাত্রা অসিনি। গাইদলাইনশীংগী মখাদা অনৌবা সেন্টর ওফ লেন্দস্লাইদ রিসর্চ অমা নোদেল এজেন্সি ওইরিবা, মিনিষ্ট্রি ওফ মাইনসগী খুত্থাংদা শেম্বগী থবক চত্থরি।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া