সুনামি

ইনফোর্মেসন

• পৃথীবীগী লিথোস্ফিয়র অসি প্লানেট অসিগী সর্ফেসকী অকোয়বদা কোয়না চৎলিবা প্লেট কৌবা তোখায়বা মচেৎ কয়ানা পুন্সিনবা চবুন অমদা থুগায়। অচৌবা প্লেট তরেৎ নত্ত্রগা নিপাল (মখোয় অসি করম্না মশক তাকপগে হায়বগী মখা পোন্দুনা) অমসুং অপিকপা প্লেট কয়া লৈ। মোসন (motion) অসি প্লেটশীং অসিগী মখাদা চেল্লিবা মেন্টল রোক অমসুং প্লেটশীং অমনা অমগা শোক্নরিবা মখোয়গী বাউন্দরিশীংদা পীরিবা ফোর্স অসিনা থোকহনবনি। প্লেটশীংগী মতাইদা পীরিবা ষ্ট্রেস অমসুং ফ্রিক্সন অসিনা মরম ওইদুনা প্লেটশীং অসিবু মখোয়গী বাউন্দরিশীংদা লেংদনা থম্বা ঙমলক্তদুনা প্লেটশীংনা লেংবা মতমদা য়ুৱারহাবগী থৌদোক থোকই। প্লেট অমবু অতোপ্পা প্লেট অমগী মখাদা নমদুনা থম্বা মতমদা, মদু ভর্টিকেল মোসন অমগী কম্পোনেন্ট খরনা থোকহনবা নত্তনা অতোপ্পা পাম্বৈ লৈতে, অমদি মসিনা মরম ওইদুনা সুনামি থোকহল্লি।
• ইং 2004দা থোকখিবা Mw 9.3গী সুমাত্রা-আন্দমান আর্থক্বেক্কী মনুংদা লৈখিবা সুনামি অদু সিফ্লোর (সমুদ্র লৈমায়)গী ভর্টিকেল দিসপ্লেসমেন্টনা, ইন্টর-প্লেট থ্রষ্ট ফোল্ট নান্থখিবনা মরম ওইদুনা থোকহনখিবনি। ইন্দিয়ান ওসিনদা লৈখিবা আর্থক্বেক অমসুং মসিনা থোকহনখিবা সুনামি অদুনা, ইন্দোনেসিয়া, শ্রিলঙ্কা, থাইলেন্দ, মালডিবস, সোমালিয়া, ম্যানমার, মালেসিয়া, সিচিলিস অমসুং অতৈ লৈবাক কয়া য়াউনা, সাউথ-ইষ্ট এসিয়া অমসুং মসিগী অকোয়বদা লৈবা লৈবাক কয়াদা অমাং-অতা থোকহনখি। মরুওইনা ওষ্ট্রেলিয়া অমসুং য়ুরোপকী লৈবাক কয়াগুম্বদা সুনামিনা অশি-অনা কয়া থোকহনখি, মরমদি ছুটিগী মতমদা লৈবাকশীং অসিদা নাগরিক কয়া লমকোয়বা লাকই। সুনামি লোয়নবা আর্থক্বেক অসিনা হিষ্টরিদা লৈখিবা খ্বাইদগী শাথীবা আর্থক্বেকশীংগী মনুংদা অমা ওইখিবগা লোয়ননা হিষ্টরিদা লৈখিবা খ্বাইদগী শাথীবা সুনামিসু ওইখি। ইন্দোনেসিয়ানা খ্বাইদগী শাথীনা মসিগী চৈথেং ফংবা লৈবাক ওইখি। মীওইবগী পুন্সি কয়া মাংহনখিবগী মথক্তা ইন্দিয়ান ওসিন আর্থক্বেক অসিনা লাক্কদৌরিবা চহি কয়াদা শোকহনগদবা অচৌবা এনভাইরনমেন্টেল ইম্পেক্ট অমসু লৈহনখ্রে। দিজাষ্টর অসিনা ইন্দিয়ান ওসিনদা অচৌবা জিও-ফিজিকেল ইম্পেক্ট অমা লৈহল্লে। দিজাষ্টর অসিনা, শোকহল্লবা লৈবাক কয়ানা পুন্সিন্দুনা ইফেক্টিভ ওইবা সুনামি আর্লি ৱার্নিং সিষ্টেম অমসুং দিজাষ্টর মায়োক্নবগী ইনষ্টিট্যুসনেল মেকানিজম শেমগৎনবা মীৎয়েং চংমিন্নখ্রে।
• গবর্ণমেন্ট ওফ ইন্দিয়ানা অসিগুম্বা ওসিনোজেনিক দিজাষ্টরশীংনা থোকহনবা অমাং-অতা হন্থহন্নবগীদমক্তা, ইন্দিয়ান নেসনেল সেন্টর ফোর ওসিন ইনফোর্মেসন সর্ভিসেস (INCOIS), হায়দ্রবাদকী কন্ত্রোল মখাদা আর্লি ৱার্নিং সিষ্টেম অমা থমখ্রে। মতমগা চুন্নরবা আর্লি ৱার্নিং সেন্টর অসি সেন্সরদগী রিএল টাইম দেটা লৌবা, দেটা অদু এনালাইসিস তৌবা, ষ্টেন্দর্দ ওপরেটিং প্রোসিদ্যুওর অমা ইনবা সুনামি এদভাইজরিশীং শেম্বা অমসুং পীবা ঙমহনবা মথৌ তাবা কম্প্যুটেসনেল অমসুং কম্যুনিকেসন ইনফাষ্ট্রকচরগা লোয়ননা শেম্বনি। সিজমিক অমসুং সি-লেভেল দেটা অসি, প্রি-সেট থ্রেসহোল্ড অমা হেক লান্থোকপগা ৱার্নিং সেন্টরদা এলার্ম/ এলর্ট পীবা কষ্টম-বিল্ট সোফটৱায়র এপ্লিকেসন শীজিন্নদুনা লেপ্তনা মোনিটর তৌই। সুনামি ৱার্নিং/ ৱাটচ অসি প্রি-সেট দিসিজন সপোর্ট রুলসতা য়ুম্ফম ওইদুনা জেনেরেট তৌই অমসুং হান্ননা লেপথোকখ্রবা ষ্টেন্দর্দ ওপরেটিং প্রোসিদ্যুওরগী মতুংইন্না এক্সন লৌখৎনবগীদমক মরি লৈনবা ওথোরিটিশীংদা খংহল্লি। এন্দ-টু-এন্দ সিষ্টেম অসিগী ইফিসিএন্সি অসি সেপ্টেম্বর 12, 2007দা ইন্দিয়ান ওসিনদা থোকখিবা, 8.4 Mগী অন্দর-সি (সমুদ্র মনুংগী) আর্থক্বেক মনুংদা উৎপা ঙমখ্রে।
• ইং 2004গী সুনামিনসু NDMAবু, ইন্টর-এজেন্সি রোল অমসুং রেস্পোন্সিবিলিটিশীং, সুনামি রিস্ক প্রিপ্যার্দনেস, মিটিগেসন অমসুং রেস্পোন্সকী মরুওইবা মশকশীং খংদোক্নবগীদমক, সুনামি রিস্ক মেনেজমেন্ট গাইদলাইনস শেমহন্নবা মচাক অমা ওইখি।
• গাইদলাইনশীং অসিনা হেন্না ফবা সুনামি রিস্ক মেনেজমেন্ট লৈহন্নবগীদমক, এৱারনেস জেনেরেসন, কেপাসিটি বিল্ডিং, এজুকেসন, ত্রেনিং অমসুং রিসর্চ এন্ড দিভেলপমেন্টকী প্রাক্টিকেল অমসুং ইফেক্টিভ ওইবা লম্বীশীং রিকমেন্দ তৌই। গাইদলাইনশীং অসিনা INCOISনা জেনেরেট তৌরকপা সুনামি এলর্ট অমসুং ৱার্নিং মেসেজশীং, অমসুং সুনামিনা শোকহনবা য়াবা সমুদ্র মপান্দা খুন্দারিবা কম্যুনিটিশীংবু, মরি লৈনবা এজেন্সিশীংদা ইফেক্টিভ ওইনা খংহন্নবগী ওপশনশীং থীদোকই।
• গাইদলাইনশীং অসিদা পীরিবা ষ্ট্রকচরেল মিটিগেসনগী পাম্বৈশীং অসিনা অনৌবা ষ্ট্রকচরশীং দিজাইন তৌবা অমসুং কনষ্ট্রক্সন শেম্বদা শম্লপ্পা গাইদেন্স অমা পীবগা লোয়ননা সি-ফ্রন্ট পরিংদা লৈবা লাইফলাইন অমসুং প্রাইওরিটি ষ্ট্রকচরশীংবু ঙাক-শেন্নবগী ষ্ট্রাটেজিশীং পী। গাইদলাইনশীং অসিনা BISপু ‘ক্রাইটেরিয়া ফোর সুনামি-রেসিষ্টেন্ট দিজাইন ওফ ষ্ট্রকচরস’ হায়না মীংথোনবা পেন্দিং কনষ্ট্রক্সন ষ্টেন্দর্দ পুথোক্নবা তকশিল্লি। মসিনা কম্যুনিটিগা খুৎশম্নদুনা, ইফিসিএন্ট ওইবা লম শীজিন্নবগী প্রেক্টিসশীং, বাইও সিল্ডশীং, অমসুং শেলটর বেল্ট প্লান্টেসন অমসুং মেনগ্রুভ রিজেনেরেসনগী খুত্থাংদা অচৌবা টেক্নো-লিগেল রেজিম (techno-legal regime) অমা মখা তানা রিকমেন্দ তৌই। লোকেল পুলিস নেটৱার্ক, সিভিল দিফেন্স ভলুন্টিয়রশীং, হোম গার্দশীং, ষ্টেট দিজাষ্টর রেস্পোন্স ফোর্স অমসুং নেসনেল দিজাষ্টর রেস্পোন্স ফোর্সশীং য়াউহন্দুনা ইফেক্টিভ এমর্জেন্সি রেস্পোন্স অমগীদমক মপাঙ্গল লৈবা মেকানিজম অমা রেকমেন্দ তৌই। মখা তানা, গাইদলাইনশীং অসিনা লেভেল কয়াগী ওইবা দিজাষ্টর মেনেজমেন্ট প্লানশীংদা লৈরিবা সুনামি রিস্ক মেনেজমেন্টকী থৌদাং অদু মেইনষ্ট্রিম তৌনবগীদমক দিজাষ্টর মেনেজমেন্ট এক্ট 2005গী প্রোভিজনশীং থীদোকই (explore)।

জোন মেপ

রিকোভর তৌবা অমসুং শেমগৎ-শাগৎপা

• ৱেদর রেদিও অমা শীজিন্নদুনা নত্ত্রগা কোষ্ট গার্দ এমর্জেন্সি ফ্রিক্বেন্সি ষ্টেসন নত্ত্রগা লোকেল রেদিও নত্ত্রগা টেলিভিজন ষ্টেসন অমদা ট্যুন তৌদুনা, নহাক্না মখা তানা অপদেট ওইবা এমর্জেন্সি ইনফোর্মেসন ফংনবা তৌগদবনি।
• নশামক্তা অশোক-অপন য়াউখিব্রা হায়বদু চেক তৌ অমসুং অশোক-অপন নংলবা নত্ত্রগা থোরকপা য়াদনা লৈবা মীওইশীংবু মতেং পাংদ্রিঙৈগী মমাংদা, করিগুম্বা মথৌ তারবদি ফার্ষ্ট এইদ লৌ।
• করিগুম্বা মীওই অমবু রেস্ক্যু তৌবা মথৌ তারবদি, মতেংগী মতিক চাবা খুৎশু-খুৎলাই পায়বা প্রোফেসনেলশীং কৌগদবনি। ঈচাউ নংলবা মফমদা, মীওই কয়াদি অতোপ্পা মীওইশীং কন্নবা হোৎনবদা শিবা নত্ত্রগা অশোক-অপন নংই।
• অখন্নবা মতেং মথৌ তাবা মীওইশীং হায়বদি, অপিকপা অঙাংশীং, অহল ওইরবা মীওইশীং, ত্রান্সপোর্টেসন য়াউদবা মীওইশীং, এমর্জেন্সিগী ফিভম অমদা অহেনবা মতেং মথৌ তাবা অচৌবা ফেমিলিশীং, দিসএবল ওইরবা মীওইশীং, অমসুং মখোয়বু য়েংশিনবীরিবা মীওইশীংবু মতেং পাংবীগদবনি।
• দিজাষ্টর এরিয়াদা চংলোইদবনি। নহাক্না মফমদুদা চংশিনবনা রেস্ক্যু অমসুং অতৈ এমর্জেন্সি ওপরেসনশীংদা খুরৌ থাংহনবা য়াই অমসুং ঈচাউনা থোকহনবা ইফেক্টশীং হায়বদি, মহিক-মতাই য়াউবা ঈশীং, অকায়বা লম্বীশীং, লেন্দস্লাইদশীং, লৈনাংশীং অমসুং অতৈ খুদোংথীবা কয়াদগী নহাকপু মখা তানা রিস্ক লৈহনবা য়াই।
• টেলিফোন অদু এমর্জেন্সি কোলখক্তদা শিজিন্নৌ। দিজাষ্টরগী ফিভমদা টেলিফোন লাইনশীং অসি তোইনা চিল্লি (overwhelmed)। এমর্জেন্সি কোলশীং য়াহন্নবগীদমক্তা মখোয় অদু ক্লিয়ার তৌবা তাই।
• বিল্ডিং অদুগী অকোয়বদা ঈশীং মখা তানা লৈরবদি মফমদুদগী চত্থোক্কদবনি। ঈচাউগী ঈশীংগুম্না, সুনামিগী ঈশীংনসু ফাউন্দেসনশীং শোন্থহন্দুনা, বিল্ডীংশীং লুপহনবা, ফ্লোর চেকখায়হনবা, নত্ত্রগা ফক্লাং কিন্থহনবা ঙম্মী।
• বিল্ডীং নত্ত্রগা য়ুমশীংদা অমুক হন্না চংবা মতমদা কা-হেন্না চেকশিনগদবনি। সুনামিনা পুরকপা ঈচাউনা, নহাক্না খ্বাইদগী থাজদবা বিল্ডীংশীঙদসু মাং-তাকহনবা ঙম্মী। নহাক্না থাংবা খোংথাং খুদিংমক চেক্সিন্না য়েংউ।
• খোঙগ্রাউ অশাংবা, খুদাং অশাংবা ফুরিৎ শেৎলু অমসুং অকনবা খোংউপ তোংউ। দিজাষ্টর অমগী মতুংদা থোকপা খ্বাইদগী কমন ওইবা অশোক-অপন অসি খোং-শোকপসিনি (cut feet)।
• বিল্ডিংশীং য়েংশিনবা মতমদা বেটরিনা চলাইবা লেন্টর্নশীং নত্ত্রগা ফ্লাসলাইটশীং শীজিন্নৌ। বেটরিনা চলাইবা মৈ অসিনা খ্বাইদগী হেন্না শাফবা অমসুং শিজিন্নবদা লায়বা ওই, অমসুং মসিনা শীজিন্নরিবা মীওই, য়ুমদা লৈরিবা মীওইশীং, নত্ত্রগা বিল্ডীংশীংদা মৈহৌ-লাংপোক থোকপা য়াবগী খুদোংথীবা লৈহন্দে। কেন্দল শীজিন্নরোইদবনি।
• বিল্ডীং অদু কিন্থরকপগী খুদোংথীবা লৈব্রা হায়বগী অরেপ্পা খংদোক্নবা, ফক্লাং, ফ্লোর, থোং, শিরি কাফম, অমসুং থোংনাউ অদু কুপ্না য়েংউ।
• ফাউন্দেসন অদু চেকখায়বা নত্ত্রগা অতৈ অকায়-অতোইশীং লৈব্রা হায়বদু য়েংসিল্লু। ফাউন্দেসন্দা চেকখায়বা অমসুং অকায়-অতোইশীং লৈবনা বিল্ডিং অমবু মী লৈবা য়াহন্দে।
• মৈহৌ-লাংপোক থোক্লকপা য়াব্রা হায়বদু য়েংউ। আর্থক্বেক্কী শাফু অদুনা অকায়বা নত্ত্রগা লিক ওইবা গ্যেস লাইনশীং লৈহনবা য়াই, অমসুং সুনামিগী ঈচাউনা ইলেক্ত্রিক সর্ক্যুইটশীং, লৈরংশীং নত্ত্রগা ইলেক্ত্রিক্কী পোৎ-চৈশীং ঈশীং থুমজিনবা য়াই। মৈ হৌগনবা নত্ত্রগা পোকখায়গনবা পোৎ-চৈশীং ঈশীং ঈমায় মথক্তা তাউখৎলকপা য়াই। মৈহৌ-লাংপোক হায়বসি ঈচাউ থোকখ্রবা মতুংদা খ্বাইদগী তোইনা থোক্কনবা খুদোংথীবনি।
• গ্যেস লিক ওইব্রা হায়বদু চেক তৌ। করিগুম্বা নহাক্না গ্যেস মনম নম্লবা নত্ত্রগা নুংশিৎ থোক্লকপগী মখোল তারবদি, থোংনাউ অমা হাংদোকউ অমসুং মীওই খুদিংমকপু মপান্দা থোকহল্লু। করিগুম্বা ঙম্লবদি মপান্থংবা মেন ভাল্ব অদু শিজিন্নদুনা গ্যেস অদু মুত্থৎলু, অমসুং য়ুম্লোন্নবা মীওই অমগী ইমুংদগী গ্যেস কম্পনি অদুদা কোল তৌ। করিগুম্বা নহাক্না মরম অমহেক্তদগী গ্যেস অদু মুত্থৎখিবা ওইরবদি, মদু প্রোফেসনেল অমনা অমুক থাগৎহনগদবনি।
• ইলেক্ট্রিকেল সিষ্টেমদা অমাং-অতা লৈব্রা য়েংউ। করিগুম্বা নহাক্না মৈরিক (sparks) নত্ত্রগা অতৎপা-অকায়বা ৱায়র উরবা, নত্ত্রগা করিগুম্বা নহাক্না ৱায়র মৈ চাকপগী মনম নম্লবদি, ইলেক্ট্রিসিটি অদু মেন ফ্যুজ বোক্স নত্ত্রগা সর্ক্যুইট ব্রেকরদা মুত্থৎলু। করিগুম্বা নহাক্না ফ্যুজ বোক্স নত্ত্রগা সর্ক্যুইট ব্রেকর অদু য়ৌননবা ঈশীংদা চৎপা তারবদি, পাউতাক লৌনবগীদমক্তা ইলেক্ত্রিসিয়ান অমদা ফোন তৌ। ইলেক্ত্রিকেল ইক্যুইপমেন্টশীং অমুক হন্না শিজিন্নদ্রিঙৈ মমাংদা চেক তৌগদবনি অমসুং কংহনগদবনি।
• অমোৎ-অকায় পুনবা পাইপ নত্ত্রগা ঈশীংগী লাইনশীংদা অকায়-অতোয় লৈব্রা য়েংগদবনি। করিগুম্বা আর্থক্বেক অদুনা অমোৎ-অকায়গী লাইনশীংদুদা অমাং-অতা থোকহনখ্রে হায়না নহাক্না চিংনরবদি, তোইলেট শিজিন্নগনু অমসুং প্লম্বর (plumber) অমা হান্না কৌ। করিগুম্বা ঈশীঙগী পাইপশীং অদুদা অমাং-অতা থোক্লবদি, ৱাটর কম্পনি কন্টেক্ট তৌবীয়ু অমসুং কোঞ্জিন্দগী ঈশীং শিজিন্নগনু। নহাক্না অকায়-অতোয় য়াউদবা ৱাটর হিটরশীংদগী নত্ত্রগা সুনামি লাক্ত্রিঙৈদা শেমহৌবা আইস ক্যুবশীং মহি লাংথোকহন্দুনা শাফবা ঈশীং ফংবা ঙমগনি। সোর্সশীং অসিদগী ঈশীং চিথোক্ত্রিঙৈ মমাংদা মেন ৱাটর ভাল্ব টর্ন ওফ তৌদুনা থম্মু। লোকেল হেলথ ওফিসিএলশীংনা টেপ ৱাটর অদু শাফরে হায়না খংহল্লক্লবা মতমদতা শিজিন্নৌ।
• লম্লক্কী শাশীং, মরুওইনা বিল্ডীং মনুংদা হু চেনবা লিনশীং ঈশীংদা চংলকপ্রা হায়বদু য়েংউ। অতেক-অকায়শীংগী মরক্তা করিগুম্বা অমা য়েংবদা চৈ অমা শীজিন্নৌ। সুনামিগী ঈশীংনা লিন অমসুং শাশীং মখোয়গী মকোনশীংদগী চেন্থোরকই।
• তারকপা য়াবা অকায়বা ফক্লাং অমসুং সিলিং লৈব্রা য়েংউ।
• ইন্সুরেন্স ক্লেমগীদমক্তা বিল্ডিং অমসুং মসিগী মনুংদা লৈরিবা পোৎশক, অনিমক্তা থোকপা অমাং-অতাশীংগী পিকচরশীং লৌ। বিল্ডীং অদু কংবদা মতেং পাংনবগীদমক্তা থোংনাউ অমসুং থোং হাংদোকউ।
• লৈখোম অদু কনশিন্দ্রিঙৈদা কোত্থোকউ।
• ফুদ সপ্লাইশীং য়েংউ। ঈচাউগী ঈশীংগা থেংনরুরবা চিঞ্জাকশীংদি মহিক-মতাই চেল্লম্বা য়াই অমসুং মদু লংথোকখগদবনি।
• অফটরশোক (aftershocks) লাকপা য়াই হায়বা খংগদবনি। করিগুম্বা আর্থক্বেক অদু অচৌবা মেগ্নিচুদ (রিকটর স্কেলদা মেগ্নিচুদ 8 দগী 9+ ফাউবা) অমগী ওইরবা অমসুং মনাক নক্না লৈরবদি, অফটরশোক খরদি মেগ্নিচুদ 7+ ফাউবা চাউবা অমসুং অতোপ্পা সুনামি অমা থোকহনবগী মপাঙ্গল লৈবা য়াই। মেন শোক (main shock) অদু কয়াম চাউখিবগে হায়বগী মখা পোন্না অফটরশোককী মশিং অসি নুমিৎ, চয়োল নত্ত্রগা থা কয়াগী মতুংদা তাথরকপা য়াই।
• নহাক্কী শা-ষনশীং কুপ্না য়েংউ।
• নহাক্কী শা-ষন পুম্নমক নহাক্কী হকথেংনবা কন্ত্রোল মখাদা থম্মু।

এমর্জেন্সি কিট

• বেটরিনা চলাইবা টোর্চ
• অহেনবা বেটরিশীং
• বেটরিনা চলাইবা রেদিও
• ফার্ষ্ট এইদ কিট অমসুং মেন্যুএল
• এমর্জেন্সি ফুদ (অকংবা আইটেমশীং) অমসুং ঈশীং (পেকেট অমসুং সিল তৌরবা)
• ঈশীং চংদবা পাত্র অমদা হাপ্পা কেন্দল অমসুং মৈখেৎশীং
• থাং
• ক্লোরিন টেব্লেট নত্ত্রগা পাউদর হাপ্লবা ৱাটর প্যুরিফায়রশীং
• কেন হাংদোক্নবা খুৎলাই (Can opener)
• তঙাইফদবা হিদাক-লাংথকশীং
• শেল, আধার কার্দ অমসুং রেসন কার্দ
• অচৌবা থৌরি অমসুং কিনবা থৌরি
• অকনবা খোংউপ

তৌগদবা অমসুং তৌরোইদবশীং

• নহাক্কী য়ুম, স্কুল, থবক মফম, নত্ত্রগা অতৈ তোয়না চৎকনবা মফমশীং অদু সমুদ্র খোংবাল পরিংগী সুনামিগী খুদোংথীবা থোক্কনবা মফমশীংলা হায়বদু খংদোক্কদবনি।
• সমুদ্রগী লেভেল মথক্তা ওইবা নহাক্কী লম্বী-শরক্কী অৱাংবা অমসুং সমুদ্র তোর্বান নত্ত্রগা অতৈ হায়-রিস্ক ৱাটরশীংদগী নহাক্কী লম্বী-শরক অদুগী অরাপ্পা অদু খংজিল্লু। (লোকেল এদমিনিষ্ট্রেসননা সাইন বোর্দশীং থেৎপীবা য়াই)।
• নহাক্কী য়ুম, স্কুল, থবক মফম, নত্ত্রগা সুনামিগী খুদোংথীবা লৈবা অতৈ মফম অমহেক্তদগী ইভাক্যুএসন রুটশীং (evacuation routes) প্লান তৌ।
• করিগুম্বা নহাক্কী অঙাংশীংগী স্কুল অদু মশক খংদোক্লবা ঈশীং থুমজিগনবা মফম অমদা লৈবা ওইরবদি, স্কুল অদুগী ইভাক্যুএসন প্লান অদু করিনো হায়বা খংদোকউ।
• নহাক্কী ইভাক্যুএসন রুটশীংদু প্রেক্টিস তৌ।
• লোকেলগী পাউ অমসুং ৱার্নিংশীং লেপ্তনা ফংনবগীদমক ৱেদর রেদিও অমা শীজিন্নৌ নত্ত্রগা লোকেল রেদিও নত্ত্রগা টেলিভিজন ষ্টেসন অমদা ট্যুন তৌদুনা থম্মু।
• নহাক্কী ইন্সুরেন্স এজেন্টকা ৱারি শান্নৌ। হোমওনরশীংগী পোলিসিশীংনা সুনামি অমনা থোকহনবা ঈচাউদি কোনশিল্লমদবা য়াই। মল্টি-হেজার্দ ইন্সুরেন্স স্কিমশীংদগী লাকপা কান্নবশীংগী মতাংদা ইন্সুরেন্স এজেন্টদা হংউ।
• নখোয়গী ইমুংগা লোয়ননা সুনামিগী মরমদা খন্নৌ। সুনামিগী ফিভম অমদা করি তৌগদগে হায়বসি মীওই খুদিংমক্না খংজিনবা তাই। সুনামিগী মতাংদা মাংজৌননা ৱারি-ৱাতাই তৌবনা এমর্জেন্সি অমগী মতমদা কিবা হন্থহনবদা অমসুং মমল য়াম্লবা মতম কনবদা মতেং পাংগনি। নহাক্কী ফেমিলিগা লোয়ননা ফ্লদ সেফটি অমসুং প্রিপ্যার্দনেস রিভিয়ু তৌ।

করিগুম্বা নহাক্না সুনামিগী রিস্ক লৈবা এরিয়া অমদা লৈবা ওইরবদি

• নহাক্কী য়ুম, স্কুল, থবক মফম, নত্ত্রগা অতৈ তোয়না চৎকনবা মফমশীং অদু সমুদ্র খোংবাল পরিংগী সুনামিগী খুদোংথীবা থোক্কনবা মফমশীংলা হায়বদু খংদোক্কদবনি।
• সমুদ্রগী লেভেল মথক্তা ওইবা নহাক্কী লম্বী-শরক্কী অৱাংবা অমসুং সমুদ্র তোর্বান নত্ত্রগা অতৈ হায়-রিস্ক ৱাটরশীংদগী নহাক্কী লম্বী-শরক অদুগী অরাপ্পা অদু খংজিল্লু। (লোকেল এদমিনিষ্ট্রেসননা সাইন বোর্দশীং থেৎপীবা য়াই)। সমুদ্র লেভেলগী মথক্তা ওইবা অৱাংবা অমসুং শা-ষনশীং অমসুং মখোয়গী চান-থক্নবা লৈবা আউটবিল্ডিংশীংগী খোংবালদগী ওইবা অরাপ্পা অদুসু খংজিল্লু।
• নহাক্কী য়ুম, স্কুল, থবক মফম, নত্ত্রগা সুনামিগী খুদোংথীবা লৈবা অতৈ মফম অমহেক্তদগী ইভাক্যুএসন রুটশীং (evacuation routes) প্লান তৌ। করিগুম্বা ওইথোকপা য়ারবদি, সমুদ্রগী লেভেলগী মথক্তা লৈবা মফমশীং (মিটর 30) নত্ত্রগা সমুদ্র খোংবাল পরিংদগী মী তানবা মফম (ইনলেন্দ) লোমদা কিলোমিটর 3 ফাউবা লাপ্পা মফম খল্লু। করিগুম্বা নহাক্না অসিগুম্বা অৱাংবা নত্ত্রগা অরাপ্পা মফম ফংবা ঙমদ্রবদি, নহাক্না হেক ঙম্লিবমখৈ ৱাংনা নত্ত্রগা লাপ্না চৎলু। মী তানবা মফমলোমদা নত্ত্রগা মথক্লোমদা চৎলিবা মিটর খুদিং য়াম্না মমল লৈ। নহাক্না নখোংনা মিনট 15গী মনুংদা নহাক্কী শাফবা মফম অদুদা য়ৌবা ঙমগদবনি। দিজাষ্টর অমগী মতুংদা, লম্বী-শরকশীং অসি ব্লোক তৌবা নত্ত্রগা শিজিন্নবা য়াদবা ওইবা য়াই। করিগুম্বা মথৌ তারবদি, খোংনা ইভাক্যুএট তৌনবা শেম-শাগদবনি। লম্বী-শরক কয়াদি সমুদ্র খোংবাল পরিংদা লৈগল্লি অদুগা, মহৌশানা খোংলম্বীশীংদি মী তানবা লম অমসুং অঙম্বা মফম্লোমদা চৎকল্লি। পোষ্ট তৌরবা সুনামি ইভাক্যুএসন রুটশীং তুংইন্দুনা চৎলু; মসিনা শাফবা মফমদা পুগনি। লোকেল এমর্জেন্সি মেনেজমেন্ট ওফিসিএলশীংনা শাফবা অমসুং চংজফম লৌবা য়াবা মফমশীং য়ৌবা খ্বাইদগী ফবা লম্বীশীংগী মতাংদা নঙোন্দা পাউতাক পীবা ঙমগনি।
• করিগুম্বা নহাক্কী অঙাংশীংগী স্কুল অদু মশক খংদোক্লবা ঈশীং থুমজিগনবা মফম অমদা লৈবা ওইরবদি, স্কুল অদুগী ইভাক্যুএসন প্লান অদু করিনো হায়বা খংদোকউ। নহাক্কী অঙাংশীংদুবু নহাক্না স্কুলদগী নত্ত্রগা অতোপ্পা মফম অমদগী লৌখৎপা মথৌ তাব্রা হায়বদু খংদোকউ। সুনামি অমা লাকপা নত্ত্রগা চত্থরিঙৈদা টেলিফোন লাইনশীং অমসুং স্কুলদগী লাকপা লম্বীশীং অসি কা-হেন্না চিনবা য়াই।
• নহাক্কী ইভাক্যুএসন রুটশীং প্রেক্টিস তৌ। তোইনা পাংথোকপনা নহাক্কী পুন্সি কনবা য়াই। নুমিদাংদা অমসুং শাথীবা ক্লাইমেত মতমদা নহাক্কী এস্কেপ তৌনবগী লম্বী (নান্থোক্নবগী লম্বী) অদুগী মতুং ইনবা ঙমগদবনি। নহাক্কী প্লান প্রেক্টিস তৌবনা রিএক্সন অমদগী হেন্না চুনবা রেস্পোন্স ওইহল্লি, অমদি মসিনা তশেংবা এমর্জেন্সিগী ফিভম লৈরকপদা য়াম্না খনবগী মথৌ তাহন্দে। লোকেলগী পাউ অমসুং ৱার্নিংশীং লেপ্তনা ফংনবগীদমক ৱেদর রেদিও অমা শীজিন্নৌ নত্ত্রগা লোকেল রেদিও নত্ত্রগা টেলিভিজন ষ্টেসন অমদা ট্যুন তৌদুনা থম্মু।
• নহাক্কী ইন্সুরেন্স এজেন্টকা ৱারি শান্নৌ। হোমওনরশীংগী পোলিসিশীংনা সুনামি অমনা থোকহনবা ঈচাউদি কোনশিল্লমদবা য়াই। মল্টি-হেজার্দ ইন্সুরেন্স স্কিমশীংদগী লাকপা কান্নবশীংগী মতাংদা ইন্সুরেন্স এজেন্টদা হংউ।
• নখোয়গী ইমুংগা লোয়ননা সুনামিগী মরমদা খন্নৌ। সুনামিগী ফিভম অমদা করি তৌগদগে হায়বসি মীওই খুদিংমক্না খংজিনবা তাই। সুনামিগী মতাংদা মাংজৌননা ৱারি-ৱাতাই তৌবনা এমর্জেন্সি অমগী মতমদা কিবা হন্থহনবদা অমসুং মমল য়াম্লবা মতম কনবদা মতেং পাংগনি। নহাক্কী ফেমিলিগা লোয়ননা ফ্লদ সেফটি অমসুং প্রিপ্যার্দনেস রিভিয়ু তৌ।

করিগুম্বা নহাক্না সুনামিগী রিস্ক লৈবা এরিয়া অমদা চৎপা তারবদি

• সুনামি ইভাক্যুএসন ইনফোর্মেসনগীদমক হোটেল নত্ত্রগা কেম্পগ্রাউন্দ ওপরেটরশীংদা হংউ অমসুং সুনামিগী ৱার্নিং সিষ্টেম অদু করিনো হায়বা খংদোকউ। ৱার্নিং অমা ইসু তৌরক্ত্রিঙৈদা দেজিগনেটেদ এস্কেপ রুটশিং খংদোকপা হায়বসি য়াম্না মরুওই।
• সমুদ্রগী ঈশীংনা মিটর কয়া তাথখিবা, ঙাশীং অথেনবা ঈশীংদা নত্ত্রগা তোর্বানদা উরকপা হায়বসি সুনামিগী আর্লি ৱার্নিং সিগ্নেলশীংগী মনুংদা অমনি। করিগুম্বা নহাক্না সমুদ্রগী ঈশীং তাথখিবা উরবদি, নহাক্না খুদক্তা সমুদ্র খোংবাল অদু থাদোক্কদবনি অমসুং খোংবাল অদুদগী থাপ্তোকপা হেন্না ৱাংখৎপা গ্রাউন্দ অমদা চৎকদবনি।
• নহাক্কী প্রোপর্টি ঙাক-শেল্লু।
• ঈথক ৱাংনা কাবা সমুদ্র খোংবাল পরিংদগী মিটর 200গী মনুংদা লৈবা বিল্ডিং মনাক্তা নত্ত্রগা বিল্ডীং মনুংদা লৈরোইদবনি।
• এরিয়াশীং অসি সুনামি, অকনবা নূংশিৎ, নত্ত্রগা কোষ্টেল ষ্টোর্মশীংদগী অমাং-অতা থোক্কনবা মফমশীংনি।
• সুনামি অমা থোক্লকপা মতমদা মনুংদা পুশিনগদবা আইটেমশীংগী লিষ্ট অমা শেম্মু।
• লিষ্ট অমনা নহাকপু, সুনামিগী ঈশীংনা চেন্থখিবা য়াবা পোৎশম অমহেক্তা নিংশিংহনবদা মতেং পাংগনি।
• সমুদ্র খোংবালমদা লৈবা য়ুমশিং ৱাংখৎহল্লু।
• অয়াম্বা সুনামি ঈথকশীঙ অসি মিটর 3 দগী তাবা ওইগল্লি। নহাক্কী য়ুমশীং ৱাংখৎহনবনা সুনামি অয়াম্বদগী নহাক্কী প্রোপর্টি মাং-তাকহনবগী চাং হন্থহনবদা মতেং পাংগনি।
• ঈচাউ থীংনবা মাংজৌনবা থৌরাংশীং লৌখৎলু।
• এঞ্জিনিয়র অমনা নহাক্কী য়ুম অদু চেক তৌহল্লু অমসুং সুনামিগী ঈশীংদা হেন্না রেসিষ্টেন্ট ওইহন্নবা লম্বীশীংগী মতাংদা পাউতাক লৌ।
• নহাক্কী প্রোপর্টিদগী ঈথকশীঙ থৈদোকহন্নবগী লম্বী কয়া লৈ। মওং চুমদনা শাবা ৱালশীংনা নহাক্কী ফিভম অদু হেন্না ফৎচিনহন্দবা য়াই। প্রোফেসনেল অমদগী পাউতাক লৌনবা তান্নৌ।
• নহাক্কী য়ুমগুম্না আউটবিল্ডিং, পেষ্টর, নত্ত্রগা কোরেলশীং (pastures, or corrals)সু প্রোটেক্ত তৌহল্লু। শম্বল পরিংশীং (ফেন্স লাইনশীং) খাবা নত্ত্রগা হোংদোকপা মতমদা, সুনামি অমা থোক্লকপা মতমদা নহাক্কী শা-ষনশীংনা হেন্না ৱাংখৎপা মফমদা চেন্থোকপা ঙম্নবা মওংদা খাউ।

করিগুম্বা নহাক্না অকনবা কোষ্টেল আর্থক্বেক অমা লাক্কদবগী মমি উরবদি

• সেকেন্দ 20 নত্ত্রগা মসিদগী হেন্না শাংনা চত্থবা আর্থক্বেক অমা কোষ্টেল এরিয়াদা লাকপগী মমি নহাক্না উরবদি, নহাক্না মখাদা পিরিবশীংসি পাংথোক্কদবনি:
• হিপথৌ, কুপশিল্লু অমসুং লেংদনা লৈয়ু। নহাক্না অহানবদা নশাবু আর্থক্বেক্কী অমাং-অতাদগী কঞ্জনবা হোৎনগদবনি।
• নিকপা লেপখ্রবা মতমদা, নহাক্কী ইমুংগী মীওইশীং তাশিন্দুনা, সমুদ্র খোংবালম অদুদগী লাপথোক্না লৈবা হেন্না ৱাংখৎপা গ্রাউন্দদা থুনা চৎকদবনি। সুনামি অমা মিনট খরগী মনুংদা লাকপা য়াই।
• তারক্লবা/ চোন্থরক্লবা পাৱর লাইনশীং থেংলুনু অমসুং অফটরশোক অমগী মনুংদা অরুম্বা পোৎ-চৈশীং তারকপা য়াবা, অকায়-অতোয় থোক্লবা বিল্ডীংশীং অমসুং থোংশিংদগী লাপ্না লৈয়ু।

করিগুম্বা নহাক্না কংফালদা লৈরিঙৈ ওইরবদি

• সুনামি ফেক্টশীং (সুনামিগী অশেংবা মশক) খংজিল্লু। নোলেজ অসিনা নহাক্কী পুন্সি কনবা য়াই। নোলেজ অসি নহাক্কী মরি-মতা অমসুং মরুপ-মপাংশীংদসু খংহল্লু। মসিনা মখোয়গী পুন্সিশীং কনবা ঙমগনি।
• করিগুম্বা নহাক্না স্কুলদা লৈরিঙৈদা সুনামিগী ৱার্নিং অমা তারবদি,
• নহাক্না ওজাশীং অমসুং অতৈ স্কুলগী মীওইশীংনা পীবা পাউতাক অদু ইনগদবনি।
• করিগুম্বা নহাক্না য়ুমদা লৈরিঙৈদা সুনামিগী ৱার্নিং অমা তারবদি,
• নহাক্কী ইমুংগী মীওই পুম্বনা ৱার্নিং অদু তারব্রা হায়বদু য়েংউ। করিগুম্বা নহাক অসি সুনামি ইভাক্যুএসন জোন অমদা লৈবা ওইরবদি নহাক্কী ফেমিলিনা নহাক্কী য়ুম অদু ইভাক্যুএট তৌগদবনি। মথং-মনাউ নাইবা, পুক্নিং তপথবা অমসুং শাফবা মওং অমদা ইভাক্যুএসন সাইট নত্ত্রগা নহাক্কী ইভাক্যুএসন জোনগী মপান্দা লৈবা শাফবা মফম অমহেক্তদা চৎকদবনি। লোকেল এমর্জেন্সি অমসুং লো এনফোর্সমেন্ট ওথোরিটিশীংগী পাউতাক ইল্লু।

করিগুম্বা নহাক অসি সমুদ্র খোংবাল নত্ত্রগা ওসিন মনাক্তা লৈরবা অমসুং লৈবাক নিকপা (earth shake) ফাউরবদি

• খুদক্তা হেন্না ৱাংবা গ্রাউন্দা চত্থোকউ, সুনামি ৱার্নিং অমা লাউথোরকপা ঙাইগনু। সুনামি অমা লৈরকপদা নহাক্না সমুদ্র খোংবাল অমসুং ওসিনদগী লাপ্না লৈবগুম্না ওসিন অদুদা তাবা তুরেল অমসুং ষ্ট্রিম (অচেনবা ঈশীং)দগী লাপ্না লৈয়ু। সুনামি ৱার্নিং অমা লাউথোকপা ঙমদ্রিঙৈদা, লোকেল আর্থক্বেক অমদগী লাকপা রিজনেল সুনামি অমনা মফম খরদা য়ৈবা ঙম্মী।
• মহৌশানা, অথাপ্পা লোকেসনশীংদা থোরকপা সুনামিশীংনা মীওইবদা হেন্না ৱাংখৎপা মফমশীংদা চেন্থোকপগী মতম মতিক চানা পী। নহাক্না লৈবাক নিকপা ফাউরিবা মফম অদুদা, লোকেল ওইনা থোরকপা সুনামিশীংনা, নহাকপু হেন্না ৱাংখৎপা মফমদা চেন্থোকহন্নবা, মিনট খরখক্তগী ওইবা মতম পীগনি।
• অৱাংবা, মথোল কয়া লোংবা, রিইনফোর্স কঙ্ক্রিট হোটেলশীং অসি সমুদ্র খোংবালগী অনেম্বা মফম কয়াদা লৈ। সুনামি ৱার্নিং অমা পীরক্লবা অদুবু নহাক্না হেন্না ৱাংখৎপা মফমদা থুনা চত্থোকপা ঙমদ্রবদি, হোটেলশীং অসিগী মথক থংবা ফ্লোরশীং অসিনা চংজফমগী শাফবা মফম অমা পীবা য়াই।
• সমুদ্র খোংবালগী অনেম্বা মফমশীংদা লৈরিবা য়ুমশীং অমসুং অপিকপা বিল্ডিংশীং অসিদি সুনামিগী ইম্পেক্টশীং থেংননবা মওংদা শাবা নত্তে। সুনামিগী ৱার্নিং অমা লৈরক্লবদি য়ুম-কৈশীং অসিগী মনুংদা লৈগনু।
• সমুদ্র খোংবালদগী লাপ্না লৈবা মফম অমসুং অথেনবা মফমশীংনা সুনামি ৱেবশীংগী শাফু অদু থুগায়বা য়াই, অদুবু অচৌবা অমসুং খুদোংথিনিঙাই ওইবা ৱেবশীংনদি এরিয়া অসিগী সমুদ্র খোংবালমদা লৈবা মীওইশীংদা অকিবা অমা অদুম পীদুনা লৈগনি।
• সুনামি ৱার্নিং অমা লৈরকপা মতমদা অনেম্বা মফম (low-lying) পুম্নমক্তগী লাপথোক্না লৈবা হায়বসিনা খ্বাইদগী ফবা পাউতাক ওইগনি।

করিগুম্বা নহাক অসি হি অমদা লৈরিবা ওইরবদি

• সুনামি ৱেব এক্টিভিটি অসি অহাংবা সমুদ্রদদি খংবা ঙমদবা মরম্না (imperceptible), করিগুম্বা নহাক অসি সমুদ্রদা লৈরিবা অমসুং নহাক্কী এরিয়া অদুদা সুনামি ৱার্নিং অমা পীরক্লবদি, হিথাংফমদা হল্লগনু। সুনামিশীংনা ঈশীংগী লেভেলদা খোংজেল য়াংবা অহোংবশীং অমসুং মাংজৌননা খংবা ঙমদবা খুদোংথীনিঙাই ওইবা ঈচেলশীং (currents) হিথাংফমশীংদা লৈহল্লকপা য়াই।
• করিগুম্বা নহাক্কী হি নত্ত্রগা জাহাজ অদু হিথাংফমদগী অরুবা ঈশিঙদা (সুনামি ৱার্নিং অমা পীখ্রবা মতুংদা) পুথোক্নবগী মতম ফংলবদি, নহাক্না মখাদা পীরিবশীংসি হান্না খন্থগদবনি:
• অচৌবা হিথাংফম অয়াম্বসি হার্বর ওথোরিটি অমসুং/ নত্ত্রগা ভেসেল ত্রাফিক সিষ্টেমগী কন্ত্রোল মখাদা লৈ। ওথোরিটিশীং অসিনা, করিগুম্বা মথৌ তাই হায়না খল্লবদি ভেসেলশীং নম্ফুদা চৎহনবা য়াউনা (forced movement of vessels), হেন্না শেম-শাদুনা লৈবা মতম শরুক্তা (সুনামি অমা লাকপা য়াই হায়না লৌবা মতমদা), ওপরেসনশীং মমাই চুম্মী। ভেসেলশীং নম্ফুদা চৎহন্নবা খংহল্লক্লবদি ওথোরিটিশীংগা পাউ ফাউনৌ।
• খরা পীকথবা হিথাংফমশীংদি হার্বর ওথোরিটি অমগী কন্ত্রোল মখাদা লৈতবা য়াই। করিগুম্বা নহাক্না সুনামি ৱার্নিং অমা লৈরে খংলবা অমসুং নহাক্কী ভেসেল অদু অরুবা ঈশীংদা পুথখিনবগী মতম ফংলবদি, নহাক্না অতৈ ভেসেলগীসু খন্দুনা, মথং-মনাউ নাইবা মওংদা মসি পাংথোকপা য়াই।
• করিগুম্বা লোকেল্লি-জেনেরেটেদ সুনামি লৈরকপা তারবদি, অপিকপা হিশীংগী মপুশীংনা মখোয়গী হিশীঙ অদু ঈশীংদা শেম্বা ফম্বাক্তা (pier) থনম্মগা মীওই মশাদুনা হেন্না ৱাংবা গ্রাউন্দা চত্থোকপনা খ্বাইদগী হেন্না শাফগনি।
• মতম অমত্তা শাথীবা ৱেদর কন্দিসনশীং (সেফ হার্বরগী মপান্দা লৈবা অকনবা ঈথক্কী সমুদ্রশীং) লৈবনা অপিকপা হিশীংদা হেন্না চাউবা খুদোংথিনিঙাই ওইবা ফিভম অমা লৈহনবা য়াই, মরম অদুনা নশামকপু হেন্না ৱাংখৎপা মফম অমদা চত্থোকপা হায়বসিনা অমত্তা ঙাইরবা ওপশন ওইবা য়াই।
• সমুদ্র খোংবালমদা সুনামি ইম্পেক্ট অমা লৈখ্রবা মতুংদা, অমাং-অতা থোকহনগদবা ৱেব এক্টিভিটি অমসুং মাংজৌননা হায়বা ঙমদবা ঈরৈশীংনা হিথাংফমশীংবু মতম খরগী ওইনা শোকহনবা ঙম্মী। হিথাংফম অদুদা হন্দ্রিঙৈদা, হিথাংফম অদু হি হোনবগী অমসুং হি থম্বগী থবক তৌবদা শাফরে হায়বা খংদোক্নবা হার্বর ওথোরিটি কন্টেক্ট তৌগদবনি।

সুনামি অমা লৈখ্রবা মতুংদা করি তৌগদগে

• ৱেদর রেদিও অমা শীজিন্নদুনা নত্ত্রগা কোষ্ট গার্দ এমর্জেন্সি ফ্রিক্বেন্সি ষ্টেসন নত্ত্রগা লোকেল রেদিও নত্ত্রগা টেলিভিজন ষ্টেসন অমদা ট্যুন তৌদুনা, নহাক্না মখা তানা অপদেট ওইবা এমর্জেন্সি ইনফোর্মেসন ফংনবা তৌগদবনি।
• সুনামি অদুনা লম্বীশীং, থোংশীং, নত্ত্রগা অতৈ মফমশীংদা অমাং-অতা থোকহনবা য়াই, অমদি মদু ঐখোয়গীদমক্তা শাফবা মফম ওইদবা য়াই।
• নশামক্তা অশোক-অপন য়াউখিব্রা হায়বদু চেক তৌ অমসুং অশোক-অপন নংলবা নত্ত্রগা থোরকপা য়াদনা লৈবা মীওইশীংবু মতেং পাংদ্রিঙৈগী মমাংদা, করিগুম্বা মথৌ তারবদি ফার্ষ্ট এইদ লৌ।
• করিগুম্বা কনাগুম্বা মীওই অমবু রেস্ক্যু তৌবা মথৌ তারবদি, চুনবা ইক্যুইপমেন্টগা লোয়নবা প্রোফেসনেলশীংবু মতেংগীদমক কৌ।
• অখন্নবা মতেং মথৌ তাবা মীওইশীং হায়বদি, অপিকপা অঙাংশীং, অহল ওইরবা মীওইশীং, ত্রান্সপোর্টেসন য়াউদবা মীওইশীং, এমর্জেন্সিগী ফিভম অমদা অহেনবা মতেং মথৌ তাবা অচৌবা ফেমিলিশীং, দিসএবল ওইরবা মীওইশীং, অমসুং মখোয়বু য়েংশিনবীরিবা মীওইশীংবু মতেং পাংবীগদবনি।
• দিজাষ্টর এরিয়াশীংদা চংলোয়দবনি।
• নহাক্না মফমদুদা চংশিনবনা রেস্ক্যু অমসুং অতৈ এমর্জেন্সি ওপরেসনশীংদা খুরৌ থাংহনবা য়াই অমসুং ঈচাউনা থোকহনবা ইফেক্টশীং হায়বদি, মহিক-মতাই য়াউবা ঈশীং, অকায়বা লম্বীশীং, লেন্দস্লাইদশীং, লৈনাংশীং অমসুং অতৈ খুদোংথীবা কয়াদগী নহাকপু মখা তানা রিস্ক লৈহনবা য়াই।
• টেলিফোন অদু এমর্জেন্সি কোলখক্তদা শিজিন্নৌ। দিজাষ্টরগী ফিভমদা টেলিফোন লাইনশীং অসি তোইনা চিল্লি (overwhelmed)। এমর্জেন্সি কোলশীং য়াহন্নবগীদমক্তা মখোয় অদু ক্লিয়ার তৌবা তাই।
• বিল্ডিং অদুগী অকোয়বদা ঈশীং মখা তানা লৈরবদি মফমদুদগী চত্থোক্কদবনি। ঈচাউগী ঈশীংগুম্না, সুনামিগী ঈশীংনসু ফাউন্দেসনশীং শোন্থহন্দুনা, বিল্ডীংশীং লুপহনবা, ফ্লোর চেকখায়হনবা, নত্ত্রগা ফক্লাং কিন্থহনবা ঙম্মী।
• বিল্ডীং নত্ত্রগা য়ুমশীংদা অমুক হন্না চংবা মতমদা কা-হেন্না চেকশিনগদবনি। সুনামিনা পুরকপা ঈচাউনা, নহাক্না খ্বাইদগী থাজদবা বিল্ডীংশীঙদসু মাং-তাকহনবা ঙম্মী। নহাক্না থাংবা খোংথাং খুদিংমক চেক্সিন্না য়েংউ।
• খোঙগ্রাউ অশাংবা, খুদাং অশাংবা ফুরিৎ শেৎলু অমসুং অকনবা খোংউপ তোংউ। দিজাষ্টর অমগী মতুংদা থোকপা খ্বাইদগী কমন ওইবা অশোক-অপন অসি খোং-শোকপসিনি (cut feet)।
• বিল্ডিংশীং য়েংশিনবা মতমদা বেটরিনা চলাইবা লেন্টর্নশীং নত্ত্রগা ফ্লাসলাইটশীং শীজিন্নৌ। বেটরিনা চলাইবা মৈ অসিনা খ্বাইদগী হেন্না শাফবা অমসুং শিজিন্নবদা লায়বা ওই, অমসুং মসিনা শীজিন্নরিবা মীওই, য়ুমদা লৈরিবা মীওইশীং, নত্ত্রগা বিল্ডীংশীংদা মৈহৌ-লাংপোক থোকপা য়াবগী খুদোংথীবা লৈহন্দে। কেন্দল শীজিন্নরোইদবনি।
• বিল্ডীং অদু কিন্থরকপগী খুদোংথীবা লৈব্রা হায়বগী অরেপ্পা খংদোক্নবা, ফক্লাং, ফ্লোর, থোং, শিরি কাফম, অমসুং থোংনাউ অদু কুপ্না য়েংউ। ফাউন্দেসন অদু চেকখায়বা নত্ত্রগা অতৈ অকায়-অতোইশীং লৈব্রা হায়বদু য়েংসিল্লু। ফাউন্দেসন্দা চেকখায়বা অমসুং অকায়-অতোইশীং লৈবনা বিল্ডিং অমবু মী লৈবা য়াহন্দে।
• মৈহৌ-লাংপোক থোক্লকপা য়াব্রা হায়বদু য়েংউ। আর্থক্বেক্কী শাফু অদুনা অকায়বা নত্ত্রগা লিক ওইবা গ্যেস লাইনশীং লৈহনবা য়াই, অমসুং সুনামিগী ঈচাউনা ইলেক্ত্রিক সর্ক্যুইটশীং, লৈরংশীং নত্ত্রগা ইলেক্ত্রিক্কী পোৎ-চৈশীং ঈশীং থুমজিনবা য়াই। মৈ হৌগনবা নত্ত্রগা পোকখায়গনবা পোৎ-চৈশীং ঈশীং ঈমায় মথক্তা তাউখৎলকপা য়াই। মৈহৌ-লাংপোক হায়বসি ঈচাউ থোকখ্রবা মতুংদা খ্বাইদগী তোইনা থোক্কনবা খুদোংথীবনি।
• গ্যেস লিক ওইব্রা হায়বদু চেক তৌ। করিগুম্বা নহাক্না গ্যেস মনম নম্লবা নত্ত্রগা নুংশিৎ থোক্লকপগী মখোল তারবদি, থোংনাউ অমা হাংদোকউ অমসুং মীওই খুদিংমকপু মপান্দা থোকহল্লু। করিগুম্বা ঙম্লবদি মপান্থংবা মেন ভাল্ব অদু শিজিন্নদুনা গ্যেস অদু মুত্থৎলু, অমসুং য়ুম্লোন্নবা মীওই অমগী ইমুংদগী গ্যেস কম্পনি অদুদা কোল তৌ। করিগুম্বা নহাক্না মরম অমহেক্তদগী গ্যেস অদু মুত্থৎখিবা ওইরবদি, মদু প্রোফেসনেল অমনা অমুক থাগৎহনগদবনি।
• ইলেক্ট্রিকেল সিষ্টেমদা অমাং-অতা লৈব্রা য়েংউ। করিগুম্বা নহাক্না মৈরিক (sparks) নত্ত্রগা অতৎপা-অকায়বা ৱায়র উরবা, নত্ত্রগা করিগুম্বা নহাক্না ৱায়র মৈ চাকপগী মনম নম্লবদি, ইলেক্ট্রিসিটি অদু মেন ফ্যুজ বোক্স নত্ত্রগা সর্ক্যুইট ব্রেকরদা মুত্থৎলু। করিগুম্বা নহাক্না ফ্যুজ বোক্স নত্ত্রগা সর্ক্যুইট ব্রেকর অদু য়ৌননবা ঈশীংদা চৎপা তারবদি, পাউতাক লৌনবগীদমক্তা ইলেক্ত্রিসিয়ান অমদা ফোন তৌ। ইলেক্ত্রিকেল ইক্যুইপমেন্টশীং অমুক হন্না শিজিন্নদ্রিঙৈ মমাংদা চেক তৌগদবনি অমসুং কংহনগদবনি।
• অমোৎ-অকায় পুনবা পাইপ নত্ত্রগা ঈশীংগী লাইনশীংদা অকায়-অতোয় লৈব্রা য়েংগদবনি। করিগুম্বা য়ুৱারহাবদুনা অমোৎ-অকায়গী লাইনশীংদুদা অমাং-অতা থোকহনখ্রে হায়না নহাক্না চিংনরবদি, তোইলেট শিজিন্নগনু অমসুং প্লম্বর (plumber) অমা হান্না কৌ। করিগুম্বা ঈশীঙগী পাইপশীং অদুদা অমাং-অতা থোক্লবদি, ৱাটর কম্পনি কন্টেক্ট তৌবীয়ু অমসুং কোঞ্জিন্দগী ঈশীং শিজিন্নগনু। নহাক্না অকায়-অতোয় য়াউদবা ৱাটর হিটরশীংদগী নত্ত্রগা সুনামি লাক্ত্রিঙৈদা শেমহৌবা আইস ক্যুবশীং মহি লাংথোকহন্দুনা শাফবা ঈশীং ফংবা ঙমগনি। সোর্সশীং অসিদগী ঈশীং চিথোক্ত্রিঙৈ মমাংদা মেন ৱাটর ভাল্ব টর্ন ওফ তৌদুনা থম্মু। লোকেল হেলথ ওফিসিএলশীংনা টেপ ৱাটর অদু শাফরে হায়না খংহল্লক্লবা মতমদতা শিজিন্নৌ।
• লম্লক্কী শাশীং, মরুওইনা বিল্ডীং মনুংদা হু চেনবা লিনশীং ঈশীংদা চংলকপ্রা হায়বদু য়েংউ। অতেক-অকায়শীংগী মরক্তা করিগুম্বা অমা য়েংবদা চৈ অমা শীজিন্নৌ। সুনামিগী ঈশীংনা লিন অমসুং শাশীং মখোয়গী মকোনশীংদগী চেন্থোরকই।
• তারকপা য়াবা অকায়বা ফক্লাং অমসুং সিলিং লৈব্রা য়েংউ।
• ইন্সুরেন্স ক্লেমগীদমক্তা বিল্ডিং অমসুং মসিগী মনুংদা লৈরিবা পোৎশক, অনিমক্তা থোকপা অমাং-অতাশীংগী পিকচরশীং লৌ। বিল্ডীং অদু কংবদা মতেং পাংনবগীদমক্তা থোংনাউ অমসুং থোং হাংদোকউ।
• লৈখোম অদু কনশিন্দ্রিঙৈদা কোত্থোকউ।
• ফুদ সপ্লাইশীং য়েংউ।
• ঈচাউগী ঈশীংগা থেংনরুরবা চিঞ্জাকশীংদি মহিক-মতাই চেল্লম্বা য়াই অমসুং মদু লংথোকখগদবনি।
• অফটরশোক (aftershocks) লাকপা য়াই হায়বা খংগদবনি। করিগুম্বা আর্থক্বেক অদু অচৌবা মেগ্নিচুদ (রিকটর স্কেলদা মেগ্নিচুদ 8 দগী 9+ ফাউবা) অমগী ওইরবা অমসুং মনাক নক্না লৈরবদি, অফটরশোক খরদি মেগ্নিচুদ 7+ ফাউবা চাউবা অমসুং অতোপ্পা সুনামি অমা থোকহনবগী মপাঙ্গল লৈবা য়াই। মেন শোক (main shock) অদু কয়াম চাউখিবগে হায়বগী মখা পোন্না অফটরশোককী মশিং অসি নুমিৎ, চয়োল নত্ত্রগা থা কয়াগী মতুংদা তাথরকপা য়াই।
• নহাক্কী শা-ষনশীং কুপ্না য়েংউ। নহাক্কী শা-ষন পুম্নমক নহাক্কী হকথেংনবা কন্ত্রোল মখাদা থম্মু। ঈশীং থুম্বা মফমশীংদা খুদোংথীনিঙাই ওইবা পোৎ-চৈশীং লৈগল্লি। নহাক্কী য়ুমশাশীংনা নহাক্কী য়ুমদগী নত্ত্রগা অতেকপা শম্বল অমা ফাউদুনা চেন্থোকখিবা ঙম্বা য়াই। য়ুমশাশীং অদু মথোং-মরম খংদবা য়াই, মসিগী মরুওইবা মরম অমদি, মখোয়না মখোয়গী ময়ুম থীবা ঙমহল্লিবা মনমগী মার্করশীং (scent markers) অদু ঈচাউনা মাংহনবসিনি। য়ুমশাশীংগী লমচৎ-শাজৎ অসি অপন-অরাক অমহেক লৈখ্রবা মতুংদদি খংহৌদনা হোংলকপা য়াই, হায়বদি হেন্না শাথীরকপা নত্ত্রগা কীগল্লকপা (aggressive or defensive) য়াই, মরম অদুনা মখোয়বু নুংঙাইনা থম্বীগদবনি অমসুং মখোয়বু চেন্থোরকপা লম্লক্কী শাশীং য়াউনা, খুদোংথীবা কয়াদগী ঙাকপী-শেনবীগদবনি অমসুং অতৈ মীওই অমসুং শাশীংবু শাফনা লৈহনগদবনি।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া