অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

স্কুলগী সেফটিগীদমক পায়খৎকদবা থবকশীং

স্কুলগী সেফটিগীদমক পায়খৎকদবা থবকশীং

স্কুল সেফটিগীদমক পায়খৎপা থবক-থৌরমশীংনা, অঙাংশীংবু তেক্ত-কাইদনা লৈবদা শোকহনগদবা মখল খুদিংগী খুদোংথীবা য়াবশিংবু খংজিনবা মথৌ তাই। মখোয়দুগী মনুংদা ঈচাউ অমসুং য়ুৱারহাবগুম্বা মহৌশাগী ওইবা খুদোংথীনিঙাই ওইবশীং (natural hazards) অমসুং খুৎশেমগী ওইবা খুদোংথীনিঙাই ওইবশীং (manmade hazards) অসিসু খংজিনবা তাই। খুদোংথীনিঙাই ওইবশীং (Hazards) হায়বসিগী মনুংদা ষ্ট্রকচরেল অমসুং নন-ষ্ট্রকচরেল ফেক্টরশীং য়াউবা য়াই। ষ্ট্রকচরেল ফেক্টরশীংগী মনুংদা মপাঙ্গল শোন্থরবা বিল্ডিংশীং (dilapidated buildings), মওং চাদনা দিজাইন তৌবা ষ্ট্রকচরশীং, অরান-অশোয় লৈবা কনষ্ট্রক্সন, মওং চুম্না মেন্তেন তৌদবা ইনফ্রাষ্ট্রকচর, মওং চুমদনা থম্বা বিল্ডিংগী মচাকশীং, অসিনচিংবা অসি য়াউরি, অদুগা নন-ইনষ্ট্রকচরেল ফেক্টরশীংগী মনুংদা কোম্না থম্বা অরুম্বা ওবজেক্টশীং হায়বদি অলমিরাহশীং, কেম্পস অদু লিন অমসুং অতৈ তিন-কাংশীংনা মকোন শাজিনবা, বাউন্দরি ৱালশীং লৈতবা, মওং তাদবা ফ্লোর, ইভাক্যুএসনগী লম্বীশীং থীংজিনবা, অশোক-অপন থোকহনবা য়াবা মওংদা থম্বা ফর্নিচর, মতিক চাদবা সেনিটেসন ফেসিলিটি অসিনচিংবসি য়াউই। অঙাংশীং, মখোয়গী ওজাশীং অমসুং পেরেন্টশীংগী সেফটি হায়বসিদা খুদক্তা থোরকপা নত্ত্রগা মতম চংনা শাগৎলকপা উবা ফংবা অমসুং ফংদবা রিস্ক (visible as well as invisible) অনিমক য়াউহন্নবা হোৎনবা মথৌ তাই।

স্কুলশীঙদা ইমপ্লিমেন্ট তৌগদবা “নেসনেল দিজাষ্টর মেনেজমেন্ট গাইদলাইন্স–স্কুল সেফটি পোলিসি”দা উৎলিবা সেফটি এক্সনশীং অদু মখাদা পীরি।

অনৌবা স্কুলশীংদা ষ্ট্রকচরেল সেফটি লৈনবা অমসুং তম্নরিবা স্কুলশীংগী রিপিয়ারিংগীদমক চুনবা সিটিং, দিজাইন অমসুং অকুপ্পা মরোল তাকপা

তম্নরিবা স্কুল অমসুং অনৌবা স্কুল পুম্নমক্না নেসনেল বিল্ডিং কোডকী মতুংইন্না পীরিবা সেফটি ষ্টেন্দর্দশীং ইনবা তাই। মসিগী মথক্তা, ষ্টেট গবর্ণমেন্টনা প্রেস্ক্রাইব তৌবা অতৈ নোর্মশীংসু ইনবা তাই। মসিগী থবক-থৌরম খরদি মখাদা পীরি:

  • অনৌবা স্কুলশীং অসি থোরকপা য়াবা মহৌশাগী ওইবা খুদোংথীবশীং মায়োক্ননবা মতিক চাবা মিটিগেসন মিজরশীং (mitigation measures) হান্ননা লৈরবা মফম অমদা শাগদবনি। হৌজিক তম্নরিবা স্কুল ওইরগনা মদু হেন্না শাফবা মফমদা হোংদোকপা নত্ত্রগা মফম অদুবু শোকহল্লকপা য়াবা মহৌশাগী ওইবা খুদোংথীবশীংনা থোকহনবা অমাং-অতা হন্থহন্নবা মতিক চাবা সপোর্ট পীগদবনি।
  • অনৌবা স্কুল কনষ্ট্রক্সন পুম্নমক্তা দিজাষ্টর রিসাইলেন্ট ফিচরশীং (disaster resilient features) য়াউহনগদবনি। হৌজিক তম্নরিবা খুদোংথীনিঙাই ওইবা স্কুলশীং অদুবু লোকেল দিজাষ্টর রিস্ককা মরি লৈননা রিসাইলেন্স (resilience)কী অপাম্বা লেভেল অদু য়ৌনবা রিপিয়ার তৌবা (repaired) মথৌ তাই।
  • সেফটি অমসুং চাইল্ড ফ্রেন্দলি ফিচরশীং য়াউহন্নবা প্রেস্ক্রাইব তৌরবা দিজাইনশীং শিজিন্নবা য়াই।
  • স্কুল বিল্ডিংগী ষ্ট্রকচরেল ষ্টেন্দর্দকী দিজাইন অমসুং কোরিদোর, ষ্টিয়ারকেস, সাইদ এরিয়ানচিংবা মসিগী কম্পোনেণ্টশীং শাবগী ক্বালিটি অসি নেসনেল বিল্ডিং কোড 2005কী মতুং ইনবা ওইগদবনি। মৈ চাক্কন্দবা (non-combustible), মৈনা চাকপা ঙমদবা (fire-proof), মৈশা থীংবা ঙম্বা (heat resistant) পোৎ-চৈখক্তমক স্কুল শাবদা শিজিন্নগদবনি।
  • তম্নরিবা স্কুলশীং অদুগী ভর্টিকেল এক্সপান্সন (Vertical expansion) অদু বিল্ডিং অদুগীদমক্তা সর্টিফাই তৌরবা সিভিল/ ষ্ট্রকচরেল এঞ্জিনিয়র অমনা পীবা ফিটনেস সর্টিফিকেট অমা য়াউদনা পাংথোক্লোইদবনি।
  • হোরাইজোন্টেল এক্সপান্সন মথৌ তাবা অহেনবা ক্লাসরুমশীং নত্ত্রগা অতৈ ষ্ট্রকচর অমবু, ফংলিবা অহাংবা শরুক য়েংদুনা দিজাইন তৌগদবনি অমসুং শীজিন্নরিবা ষ্ট্রকচর অদুগা শম্নবা য়ুনিট অমা ওইনা শাগৎপা মতমদা, মখোয় অদু সিজমিক ফোর্সশীংনা (seismic forces) ইম্পেক্ট হন্থনা পীবা য়াবা মওংদা দিজাইন তৌগদবনি।
  • ক্লাস রুম খুদিংমক্তা কোম্না মী চেন্থোকপা (easy evacuation) য়াহন্নবগীদমক থোং অনি-অনি পানগদবনি; ভেন্টিলেসনগীদমক্তা মতিক চাবা ওপনিং অমসুং লাইটিং লৈহনবা হায়বসি দিজাইন অদুদা য়াউবা মথৌ তাবা মরুওইবা মচাকশীংগী মনুংদা খরনি।
  • মপাল্লোমদা, অহাংবা মফমশীংদা নত্ত্রগা মতিক চানা পাকপা কোরিদোরশীংদা হাংদোকপা থোংশীং অসি স্কুলশীংবু হেন্না শাফবা ওইহনবদা লৈহনগদবা মথৌ তাবশীংগী মরুওইবা অকুপ্পা মরোলশীংনি।

পুম্নমক অসি অমসুং অতৈ অহেনবশীং অসিদা, ষ্টেট লেভেলদা মশক খংদোক্কদবা অমসুং অকক্নবা দিষ্ট্রিক্টশীংদা থবক শিন্নগদবা টেক্নিকেল এজেন্সিশীংগী পেনেল অমগী গাইদেন্স অমসুং সপোর্ট মথৌ তাই। মওং অসিদা, সেফটি ফিচরশীং অমসুং চাইল্ড ফ্রেন্দলি ইলিমেন্টশীংদা মতিক চাবা মীৎয়েং থমদুনা লোকেসনগী মতুংইনবা দিজাইনশীং (location specific designs) শেম্বা য়াই। অকুপ্পা মরোলশীং অসিগী মথক্তা, সেফটি অমসুং চাইল্ড ফ্রেন্দলি ফিচরশীং প্রোমোট তৌনবগীদক্তা হোল স্কুল দিভেলপমেন্ট কন্সেপ্ট (Whole School Development Concept)কী মতুংইনবা অতৈ দিজাইন সোল্যুসনশীংসু ইনকোর্পোরেট তৌবা মথৌ তাই। হোল স্কুল দিভেলপমেন্ট এপ্রোচতা স্কুল সেফটিগা মরি লৈনবা মচাকশীং হাপচিনগদবনি।

স্কুলশীংগী নন-ষ্ট্রকচরেল সেফটি মিজরশীং

ষ্ট্রকচরেল সেফটি মিজরশীংগী মথক্তা, সেফটি লৈহন্নবগীদমক স্কুল কেম্পস মনুংদা লৈবা নন-ষ্ট্রকচরেল এলিমেন্টশীংসু শেমদোকপা মথৌ তাই। মখোয় অয়াম্বনা স্কুলশীংনা মখোয় মশাগী ফন্দশীংদগী চাং নাইনা শেমগদবা, মমল তাংদবা, রিগুলর মেইন্টেনেন্স আইটেমশীং ওই। আইটেমশীং অসিগী মনুংদা খরদি মখাদা পীরি:

  • অলমিরাহ, লাইরিক্কী উপু, ব্লেক বোর্ড অসিনচিংবা ফর্নিচরগী আইটেম পুম্নমক, অমসুং সিলিং ফেন, কুলর, ঈশীং টেঙ্কিনচিংবা ছাত্রশীং অমসুং ওজাশীংদা তারক্তুনা অশোক-অপন থোকহনবা য়াবা অতৈ আইটেমশীংসু ফক্লাং নত্ত্রগা লৈমায়দা ফাজিনবা তাই।
  • এমর্জেন্সি থোকহনবা য়াবা নান্থোরকপা/ কোম্না কিবা ৱায়ারশীং অসি স্কুলনা খুদক্তা শেমজিনগদবনি।
  • স্কুল লেবোরেটরিদা লৈবা কেমিকেল অমসুং অতৈ হকচাং শোক্নিংঙাই ওইবা মেটরিএলশীং অদুনা ছাত্রশীং অমসুং স্কুল ষ্টাফশীংদা অশোক-অপন থোকহন্দনবা ইনষ্ট্রক্সনগী মতুংইন্না শিজিন্নগদবনি অমসুং ষ্টোর তৌগদবনি।
  • কোরিদোর অমসুং ষ্টিয়ারকেস অমসুং রাম্প য়াউনা ইভাক্যুএসন রুটনচিংবা অহাংবা এরিয়াশীং অদু, ইভাক্যুএসন অদু য়াংনা অমসুং অপনবা লৈতনা পাংথোক্নবগীদমক, ফ্রি ওইহনগদবনি।
  • প্লে গ্রাউন্দ নত্ত্রগা কোরিদোরদা লৈরিবা গম্লাশীং/ চফুশীং অদু, ইভাক্যুএসনদা অকায়বা পীরোইদবা মওংদা থমগদবনি।
  • খুদোংথীনিঙাই ওইবা শাশীং নত্ত্রগা তিন-কাংশীং লৈশিল্লক্তুনা অঙাংশীংদা শোকহল্লক্তনবগীদমক শিজিন্নদবা বিল্ডিং, অকায়-অতোইনচিংবশীং লৌথোক্কদবনি।
  • স্কুলদা লাকপা অমসুং কুম্বা মতমদা ছাত্রশীংদা রিস্ক হন্থহন্নবগীদমক স্কুলগী মপান্দা লৈবা ত্রাফিক মুভমেন্ট মেনেজ তৌগদবনি।
  • এক্সকর্সনগী মতমদা, ছাত্রশীংদা খুদোংথীবা থোক্তনবা, স্কুলশীংনা এক্সকর্সনগী মফম অমসুং লম্বী অদু চেক্সিন্না খনগদবনি। ৱাটর বোডিশীং, অখুবা চীংলম্বীশীং অসিনচিংবা মফমদা নক্না পুশিনবা মতমদা অহেনবা মাংজৌনবা চেক্সিন-থৌরাংশীং লৌখৎকদবনি।
  • ছাত্রশীংদা এক্সিদেন্টকী রিস্ক লৈহন্দনবা, স্কুলনা মপু ওইবা/ ৱাইবা বস নত্ত্রগা গারি অমহেক্তবু মওং চুম্না য়েংশিনবা মথৌ তাই। অঙাংশীংনা স্কুলদা লাকপা অমসুং হনখিবগী গারি তোংলিঙৈ মতমদা সেফ ওইহন্নবগীদমক, দ্রাইভরশীংবু স্পিদ লিমিট, গারি খাম্ফম অমসুং ক্রাইসিস মেনেজমেন্টগী মতাংদা মতিক চানা ত্রেন তৌবা তাই।
  • ফায়র এক্সটিঙ্গুইশরশীং, ফার্ষ্ট এইদ কিটশীং, থৌরীশীংনচিংবা এমর্জেন্সি ইক্যুইপমেন্ট অসি স্কুল ওথোরিটিশীংনা লৈবা অমসুং চাং নাইনা মেইন্টেন তৌবা মথৌ তাই।

ফায়র প্রিভেনসন অমসুং ফায়র সেফটি (Fire Prevention and Fire Safety)

ফায়র প্রিভেন্সন অমসুং ফায়র সেফটিগী থৌরাংশীং অসি অহৌবা স্কুল দিজাইন (initial school design)গী শরুক অমা ওইহনগদবনি, অমসুং রিগুলর মেইন্টিনেন্স অমসুং টেষ্টিংসু মথৌ তাগনি। মখাদা পীরিবশীং অসি শোয়দনা লৈহনবা মথৌ তাই:

  • মৈ চাক্কনবা অমসুং হকচাং শোক্নিংঙাই ওইবা পোৎ-চৈশীং য়ামহন্দবা, তোখায়না থম্বা, লৌথোকখিবা নত্ত্রগা শাফবা মওংদা থম্বা তাই। মসিগী মনুংদা ইলেক্ত্রিক লাইনশীং অমসুং এপ্লাইএন্সশীং, হিটরশীং অমসুং ষ্টোভশীং, নেচরেল গ্যেস পাইপলাইনশীং অমসুং LPG কেনিষ্টরশীং, মৈ চাক্কনবা নত্ত্রগা চাকপা য়াবা লিক্যুইদশীং অসি য়াউরি;
  • মৈ চাকপা নত্ত্রগা অতৈ এমর্জেন্সি লৈরকপদা শাফবা মওংদা ইভাক্যুএট তৌবা (মী হোন্দোকপা/ চেন্থোকপা) ঙমহন্নবগীদমক এক্সিট রুটশীং (চেন্থোকফম লম্বীশীং) অদু ক্লিয়র ওইনা (অপন-অরাক লৈতনা) থম্বা;
  • দিটেক্সন অমসুং এলার্ম সিষ্টেমশীং (মরুওইনা অর্বান সেট অপশীংদা) মথৌ তৌরিবা ওইহনবা;
  • ফায়র এক্সটিঙ্গুইশরশীং চাং নাইনা রিফিল তৌশিনবা;
  • অতৈ ফায়র মেটরিএল অমসুং ইক্যুইপমেন্ট চাং নাইনা য়েংশিনবা;
  • ফায়র সেফটি দিজাইন ক্রাইটেরিয়া ইন্দুনা, ইলেক্ত্রিকেল সিষ্টেমশীং মেন্টেন তৌবা অমসুং শিজিন্নবা য়াবা মওংদা থম্বা।

(সোর্স: IFC EHS গাইদলাইনশীংদগী শেমদোকপা)

সোর্স: নেসনেল দিজাষ্টর মেনেজমেন্ট গাইদলাইনস – স্কুল সেফটি পোলিসি

স্কুল বিল্ডিং স্পেসিফিকেসনশীং

ওনরেবল সুপ্রিম কোর্ট ওফ ইন্দিয়াগী জষ্টিস দলবীর সিংহনা রিট পিটিসন (সিভিল) নম্বর 483 ওফ 2004, অবিনাশ মেহরোত্রা ভর্সস য়ুনিয়ন ওফ ইন্দিয়াগী পাউখুম ওইনা স্কুল বিল্ডিংশীংগীদমক মখাদা পীরিবা মিনিমম স্পেসিফিকেসনশীং অসি শেমখি।

  • স্কুল বিল্ডিংশীং অসি য়ারিবমখৈ চেক/ নুংগী ফক্লাং লৈবা RCCনা মথক য়ুমথক কুপ্পা ‘A’ ক্লাস কনষ্ট্রক্সন ওইগদবনি। RCCনা য়ুমথক কুপ্পা ওইথোক্লোইদবা মফমদদি মৈ চাক্লোইদবা ফায়র প্রুফ হিট রেসিষ্টেন্ট ওইবা মেটরিএলখক্তমক শীজিন্নগদবনি।
  • নর্সরি অমসুং ইলিমেন্টরি স্কুলশীং অদু মথোল অমখক লৈবা বিল্ডিংশীংদা থমগদবনি অমসুং স্কুল বিল্ডিংশীংদা লৈবা য়াবা মেক্সিমম ওইবা মথোল অসি গ্রাউন্দ ফ্লোর য়াউরগা মথোল অহুমখক ওইগদবনি।
  • স্কুল বিল্ডিং অদু মৈ হৌগনবা অমসুং হু চেনবা মেটরিএলশীং লৈতবা ওইগদবনি, অমদি করিগুম্বা মথৌ তারবদি মদু স্কুল বিল্ডীংদগী লাপ্না থমগদবনি।
  • এক্সিট নত্ত্রগা এস্কেপ রুট (থোকফম নত্ত্রগা নান্থোকফম লম্বী) ওইনা মথৌ তৌগদবা ষ্টিয়ারকেসশীং (শিরি থাক্কী লম্বী) অদুদা অঙাংশীং য়াংনা পুথোকখিবা য়ানবগীদমক নেসনেল বিল্ডিং কোড ওফ ইন্দিয়া 2016গী প্রোভিজনশীং ইনবা ওইগদবনি।
  • বিল্ডিংগী ওরিএন্টেসন অদু, বিল্ডিংগী অকোয়বা পুম্নমক্তা য়ারিবমখৈ অহাংবা মফমগা লোয়ননা নুংশিৎ অমসুং মৈ (lighting) মরাং কায়না ফংবা মওংদা লৈবা ওইগদবনি।
  • শিজিন্নরিবা স্কুল বিল্ডিংশীং অদুগী মপুং ওইবা চংফমশীং, অমসুং করিগুম্বা মথৌ তারবদি ক্লাস রুমশীংদসু অহেনবা থোংশীং হাপচিনগদবনি। মপুং ওইবা থোকফম (মেইন এক্সিট) অমসুং ক্লাসরুমগী থোংশীংগী সাইজ অদু করিগুম্বা মতিক চাদে হায়না খল্লবদি চাউথোকহনগদবনি।
  • স্কুলগী ছাত্রশীংগী গ্রুপ ইন্সুরেন্স য়াউবগা লোয়ননা স্কুল বিল্ডিংশীং অদু মৈহৌ-লাংপোক অমসুং মহৌশাগী উপদ্রব (নেচরেল কেলামিটিশীং)কী ইন্সুরেন্স য়াউগদবনি।
  • মৈ শিজিন্নবা মথৌ তাবা চাকখুমগী অমসুং অতৈ থবকশীং অদু মপুং ওইবা স্কুল বিল্ডিংদগী লাপথোক্না লৈবা সেক্যুওর অমসুং সেফ ওইবা মফমদা পাংথোক্কদবনি।
  • স্কুল পুম্নমক্তা ঈশীং থম্নবা টেঙ্কিশীং লৈগদবনি।

ক্লিয়ারেন্সশীং অমসুং সর্টিফিকেটশীং

  • স্কুল খুদিংমক্না ফায়র এন্ড রেস্ক্যু সর্ভিসেস দিপার্টমেন্টনা ফায়র সেফটি ইন্সপেক্সন অমা শোয়দনা পাংথোকহনবা অমসুং মসিগী মতুংদা স্কুল অদুদা ‘নো ওবজেক্সন সর্টিফিকেট’ অমা ইসু তৌহনবা হায়বসি স্কুল অমা লিংখৎপা নত্ত্রগা মখা চত্থহন্নবগী অয়াবা পীনবগী তঙাইফদনা চংদবা য়াদবা ওইহনগদবনি।
  • স্কুল ওথোরিটিগী মথক্তা সিভিল এঞ্জিনিয়র অমা, হেলথ ওফিসর অমা, রেভেন্যু ওফিসর অমা, সাইকোলোজিষ্ট অমা, ফায়র ওফিসর অমা, লোকেল বোডি ওফিসর অমা অমসুং দিভেলপমেন্ট ওফিসর অমা য়াউবা ইন্সপেক্সন টিম অমনা, একাদেমিক চহি অমা হৌদ্রিঙৈগী মমাংদা ইনফ্রাষ্ট্রকচরগী ফেসিলিটিশীং অদু ইন্সপেক্সন অমসুং এসেসমেন্ট তৌহনগদবনি। টিম অদুনা মসিগী ইন্সপেক্সন রিপোর্ট অদু মরি লৈনবা দিষ্ট্রিক্টকী চিফ এজুকেসন ওফিসর অদুদা পীশিনগদবনি।
  • স্কুলশীংগী বিল্ডিং প্লানশীং অদু গবর্ণমেন্টনা সর্টিফাই তৌরবা এঞ্জিনিয়র অমনা শেম-শাবা ওইগদবনি অমসুং মরি লৈনবা PWD একজেক্যুটিভ এঞ্জিনিয়র অদুনা বিল্ডীং অদুগী ইন্সপেক্সন তৌদুনা ষ্ট্রকচরেল ষ্টেবিলিটি সর্টিফিকেট অমা পীগদবনি। ষ্টেবিলিটি সর্টিফিকেটশীং অসি ষ্টেট নত্ত্রগা সেন্ত্রেল গবর্ণমেন্ট এঞ্জিনিয়রশীংখক্তনা ইসু তৌগদবনি অমসুং মসি স্কুল অমা লিংখৎপা নত্ত্রগা মখা চত্থহন্নবগী পর্মিসন পীবদা তঙাইফদনা চংগদবা ওইগনি।
  • দিষ্ট্রিক্ট খুদিংমক্তা, রিটায়ার তৌরবা জজ অমনা মকোক ওইবা রিকগনিসন কমিটি অমা শেমগনি। রেভেন্যু দিপার্টমেন্ট, পব্লিক ৱার্কস দিপার্টমেন্ট, ফায়র সর্ভিস, ইলেক্ট্রিসিটি বোর্ড, হেলথ এন্ড এজুকেসন দিপার্টমেন্ট, মমীং লৈবা NGO অমগী ওফিসিএলশীংনা মসিগী মেম্বর ওইগনি। মখোয়না স্কুল পুম্নমক্তা নত্ত্রগা য়ামদ্রবদা চিফ এজুকেসন ওফিসরনা লিষ্ট শেম্লবা লান্না চৎপা ইনষ্টিট্যুসনশীং অদুদা মতম-মতমগী ওইনা য়েংশিনবা চৎকনি।
  • স্কুল অমহেক্তদা কন্দিসনেল রিকগনিসন/ এপ্রুভেল কৈদৌঙৈদা পীরোইদবনি।

সোর্স : <ত্রেনিং মোদ্যুল ফোর মাষ্টর ত্রেনর্স ওন স্কুল সেফটি

অকোনবা শেমদোকখিবা : 6/10/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate