সেন্ত্রেল্লি স্পোন্সর্দ ওইরিবা ইন্টিগ্রেটেদ চাইল্ড প্রোটেক্সন স্কিম অসিনা খুদোংচাদবা ফিভমদা লৈরিবা অঙাংশীংগী ফিভম ফগৎহনবদা মতেং পাংনবা পান্দম থম্লি। স্কিম অসি মিনিষ্ট্রি ওফ ৱুমেন এন্ড চাইল্ড দিভেলপমেন্ট, গবর্ণমেন্ট ওফ ইন্দিয়ানা ইমপ্লিমেন্ট তৌই। ICPSকী মখাদা পায়খৎলিবা থৌদাং অমদি দেটা এন্ত্রি তৌদুনা মাংখিবা অমসুং থীবা ফংলবা অঙাংশীংগী চানবা য়েংনবা চাইল্ড ত্রেক্কিং সিষ্টেম অমা শেমগৎপনি, অমসুং স্কিম অসিগী বেনিফিসরি ওইরিবা অঙাংশীংগী প্রোগ্রেস অদুসু মখা তানা য়েংশিনবা ঙমহনবসিনি।
‘ত্রেক চাইল্ড’ পোর্টেল অসি জুভেনাইল জষ্টিস (কেয়র এন্ড প্রোটেক্সন ওফ চিলদ্রেন) এক্ট 2000, অমসুং মোদেল রুলস 2007গী মখাদা পীরিবা গাইদলাইনশীং অমদি ইন্টিগ্রেটেদ চাইল্ড প্রোটেক্সন স্কিম (ICPS)গী মখাদা পীরিবা প্রোভিজনশীং ইন্দুনা দিজাইন অমসুং দিভেলপ তৌবনি।
শম্না হায়রবদা ত্রেকচাইল্ড (TrackChild) সোফটৱায়রদা মোদ্যুল অনি লৈগনি। মখোয় অদুদি জুবেনাইল জষ্টিস (কেয়র এন্ড প্রোটেক্সন ওফ চাইল্ড) এক্ট 2000গী মখাদা হান্ননা কোনশিল্লবা অঙাংশীংগী ইনফোর্মেসন অমসুং চাইল্ড ৱেলফেয়র কমিটিশীং (CWCs) অমসুং জুবেনাইল জষ্টিস বোর্দশীং (JJBs)গী মেম্বরশীং য়াউনা ইন্টিগ্রেটেদ চাইল্ড প্রোটেক্সন স্কিম (ICPS) ফঙ্কসনরিশীংনা সোফটৱায়র অদুদা ইন্টিগ্রেটেদ চাইল্ড প্রোটেক্সন স্কিম (ICPS) অসি হাপচিনগনি, অমসুং মাংখ্রে হায়না রিপোর্ট তৌরকপা অঙাংশীংগী ইনফোর্মেসন অদু হাপচিনগনি অমসুং পুলিস ষ্টেসনশীংদা অপদেট তৌগনি।
‘ত্রেকচাইল্ড’ অসিনা ‘মাংখিবা’ অমসুং ‘ফংলবা’ অঙাংশীংগী লাইভ ওইবা দেটাবেজ অমা থম্মী অমসুং CCIশীংদা লৈরিবা অঙাংশীং অপুনবা প্রোগ্রেস অদু ত্রেক তৌই। পোর্টেল অসিনা সেন্ত্রেল প্রোজেক্ট সপোর্ট য়ুনিট (CPSU), ষ্টেট চাইল্ড প্রোটেক্সন সোসাইটি/ য়ুনিটশীং অমসুং দিষ্ট্রিক্ট চাইল্ড প্রোটেক্সন য়ুনিটশীং (DCPU), চাইল্ড কেয়র ইনষ্টিট্যুসনশীং (CCIs), পুলিস ষ্টেসনশীং, চাইল্ড ৱেলফেয়র কমিটিশীং (CWCs), জুবেনাইল জষ্টিস বোর্দশীং (JJBs), অসিনচিংবসি য়াউনা ষ্টেট/ UT 35দা লৈরিবা ষ্টেকহোল্ডর অমসুং ICPS বোদি পুম্নমক্কী ওইবা ইন্টিগ্রেটেদ ভর্চুএল স্পেস অমা “অৱাবা তারবা অঙাং” অমবু ত্রেক তৌবদা মতেং পাংনবগীদমক পীরি।
ষ্টেটকী থাক্তা, SCPSনা DCPUশীংগী মতেংগা লোয়ননা চাইল্ড ত্রেক্কিং সিষ্টেম অসি লিংখত্তুনা মেনেজ তৌই। দিষ্ট্রিক্ট অমগী মনুংদা অৱাবা ফিভমশীংদা লৈরিবা অমসুং খুদোংথীনিঙাই ওইরবা অঙাংশীং অমসুং মখোয়গী ইমুং-মনুংশীংদা সর্ভিস পূম্নমক ফংহন্নবগী মেপ তৌনবা থৌরাং অমা পাংথোক্নবগী থৌদাং অদু DCPUশীংনা লৌই। মসিগী মনুংদা, খুদম ওইনা হায়রবদা, পুলিস ষ্টেসন, চাইল্ড কেয়র ইনষ্টিট্যুসন, হোস্পিটাল, প্রাইমারি হেলথ সেন্টর (PHC) সিষ্টেম, অঙাংগী দোক্টর, CWCশীং অমসুং JJBশীংগী মেম্বর, চাইল্ডলাইন সর্ভিস অসিনচিংবা পুম্নমক্কী লৈফম অমসুং কন্টেক্ট তৌনবগী অকুপ্পা মরোলশীং য়াউগনি। DCPUনা, কেয়র অমসুং প্রোটেক্সনগী মথৌ তাবা অঙাংশীংগী কম্প্রিহেন্সিভ, ইন্টিগ্রেটেদ, লাইভ দেটাবেজ অমা শেমগৎনবগী পান্দমগা লোয়ননা দিষ্ট্রিক্টকী থাক্তা লৈরিবা ইনষ্টিট্যুসনশীং অমসুং নন-ইনষ্টিট্যুসনশীংগী কেয়র মখাদা লৈরিবা অঙাং পুম্নমক্কী দেটাবেজ অমসু থমজিনগনি।
‘ত্রেকচাইল্ড’ সিষ্টেমগী সিটিজেন ইন্টরফেস অসি মোবাইল দিভাইসশীংদা এক্সেস তৌবা য়াগনি। নাগরিক অমনা অঙাংশীং ‘মাংখিবগী রিপোর্ট তৌবা’/ ‘ফংবগী রিপোর্ট তৌবা’ নত্ত্রগা মাংখিবা/ ফংলবা অঙাং অমা থিনবা ‘স্পেসিএলাইজ’ লাইট ৱেইট ইন্টরফেসশীং শিজিন্ননবগীদমক মোবাইল দিভাইসশীংদা পোর্টেল অসি এক্সেস তৌবা য়াই। দাউনলোদ তৌনবগীদমক মোবাইল এপ অমসু দিভেলপ তৌরে অমসুং ‘গুগল প্লে ষ্টোর’ অমসুং ‘NIC এপ ষ্টোর’দা ফংহল্লে। ইসুশীং লোয়শিন্নবা হান্ননা মশক খংদোক্লবা ষ্টেকহোল্ডরশীংদা মখোয়গী মায়কৈদগী খুদক্কী ওইবা এক্সন লৌখৎনবগীদমক SMS এলর্ট সিষ্টেম অমনা এলর্ট মেসেজশীং থাই।
সোর্স: ত্রেকচাইল্ড পোর্টেল
অকোনবা শেমদোকখিবা : 6/11/2020