অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

প্রেরনা স্কিম

ষ্ট্রাটেজি

নহা ওইরিবা মমাশীং অমসুং অঙাংশীংগী স্বার্থদা নুপীমচাশীংগী লুহোংবগী চহি হেনগৎহন্নবা অমসুং অঙাং পোকপগী মতম লাপ্নহন্নবা MoHFW, ভারত সরকারগী ওটোনোমস বোদি অমা ওইরবা জনসংখ্যা স্থিরত কোশ (নেসনেল পোপুলেস ষ্টেবিলাইজেসন ফন্দ)না PRERNA কৌবা রেস্পোন্সিবল পেরেন্তহুদ ষ্ট্রাটেজি অমা বিহার, উত্তর প্রদেশ, মধ্য প্রদেশ, ছটিশগর, ঝারখন্দ, ওদিশা অমসুং রাজস্থান হায়রিবা ষ্টেট তরেৎশিগী দিষ্ট্রিক খুদিংমক্তা হৌদোকখ্রে।

ষ্ট্রাটেজি অসিনা ঙন্না লুহোংবা, ঙন্না অঙাং পোকপা অমসুং অঙাং হঞ্জিন্না পোকপগী মওং অসিবু হোংদোকপা অমসুং কম্যুনিতি অদুগী ৱাখল্লোন হোংদোকহনবদা মতেং পাংবা মতৈ-মনাউশীংবু শকখংই অমসুং এৱার্দ পী। স্কিম অসি BPLগী ইমুং মনুংশীংগীদমক্তনি।

মরুওইবা কন্দিসনশীং

  • মতৈ-মনাও অদু BPL ফেমিলিগী ওইগদবনি।
  • নুপী অদুগী চহি অদু 30দগী হেল্লোইদবনি।
  • নুপীমচা অদু চহি 19 শুরবা মতুংদা লুহোংবা ওইগদবনি।
  • অহানবা অঙাং অদু লুহোংবা মতুং চহি 2গী মতুংদা পোকপা ওইগদবনি।
  • অনিশুবা অঙাং পোকপদু অহানবা অঙাং পোকপগী চহি 3গী মতুংদা ওইগদবনি।
  • অনিশুবা অঙাং পোকপা মতুং চহি অমগী মনুংদা মমা-মপা অনিগী মনুংদা অমদি মশানা য়ানা ফেমিলি প্লানিংগী পর্মেনেন্ট মেথদ লৌগদবনি।

করিগুম্বা মথক্কী কন্দিসন মরি (S.N. 1-4) অসি থুংলবদি এৱার্দকী পেমেন্ট অসি মখাগী অসুম্না ওইগনি:

  • করিগুম্বা নুপা ওইরবদি লুপা 10,000/-
  • করিগুম্বা নুপী ওইরগদি লুপা 12,000/-

করিগুম্বা মথক্কী কন্দিসন তরুক (S.N.1-6) অসি থুংলবদি এৱার্দকী পেমেন্ট অসি মখাগী অসুম্না ওইগনি:

  • করিগুম্বা অঙাং অনিমক নুপা ওইরবদি লুপা 15,000/-
  • করিগুম্বা অঙাং অনিদুনা নুপা অমগা নুপী অমগা ওইরবদি লুপা 17,000/-
  • করিগুম্বা অনিমক নুপী ওইরবদি লুপা 19,000/-

এৱার্দকী শেনফম অসি নেসনেল সেভিং সর্টিফিকেটকী (NSC) মওংদা পীগনি।

মথৌ তাবা সর্টিফিকেটশীং

  • মতৈ-মনাও অদুগী BPL সর্টিফিকেট
  • মমা অদুগী পোকপগী তারিখকী সর্টিফিকেট (স্কুল/বোর্দ/পোকপা/শিবগী রেজিষ্ট্রার)
  • মতৈ-মনাও অদুগী লুহোংবগী সর্টিফিকেট (লুহোংবগী রেজিষ্ট্রার/চুনবা গবর্ণমেন্টকী ওফিসর/দেলিগেটেদ ওথোরিটিশীং)
  • অহানবা অঙাং অদুগী পোকপগী সর্টিফিকেট (রেজিষ্ট্রার / পোকপা/শিবগী রেজিষ্টর তৌরিবা চুনবা গবর্ণমেন্টকী ওফিসর)
  • অনিশুবা অঙাংগী পোকপগী সর্টিফিকেট, করিগুম্বা লৈরবদি (রেজিষ্ট্রার / পোকপা/শিবগী রেজিষ্টর তৌরিবা চুনবা গবর্ণমেন্টকী ওফিসর)
  • ষ্টরিলাইজেসন সর্টিফিকেট (NSV/LTT), করিগুম্বা লৈরবদি, (সরকারগী হোসপিটাল)
  • কেরেক্টর সর্টিফিকেট (গ্রাম পঞ্চায়ট)

খংজিনগদবা:মরি লৈনবা দোক্যুমেন্টশীং অদু গেজেটেদ ওফিসর অমনা এটেষ্ট তৌগদবনি।

JSKগা পার্টনর ওইরিবা এদমিনিষ্ট্রেটর অমসুং ওর্গানাইজেসনশীংগী চেক লিষ্ট (জনসংখ্যা স্থিরট কোশ)

  • সেলেক্সন প্রোসেস অদুগী তাংকক খুদিংদা কম্যুনিটি অদু য়াউহনগদবনি। অদুম ওইনমক পোকপগী অমসুং ষ্টেরিলাইজেসনগী তারিখ অদুদি গবর্ণমেন্টকী সোর্সশীংগী খুত্থাংদতা চেক/সর্টিফাই তৌগদবনি। কম্যুনিটি অদুনা সেলেক্সন অদুদা পেনবা ওইগদবনি অমসুং খল্লবা মতৈ-মনাও অদু রেস্পোন্সিবল পেরেন্টহুদকী মতিক চারবা রোল মোদেল ওইনা উবা ওইগদবনি।
  • ইলিজিবল ওইরবা মতৈ-মনাও খন্দোকপা মতমদা, নুপীমচা অদুনা চহি 19দা লুহোংবগী মরম খংদোক্কদবনি। করিগুম্বা মরম অদুনা নুপীমচা অদুগী হকশেল, এজুকেসন নত্ত্রগা স্কিল লর্নিংদা সপোর্ট তৌরবদি সেলেক্সন অদু মতিক চাই। করিগুম্বা মদু অতোপ্পা মরমশীংনা ওইরবদি নুপীমচা অদু য়াউহল্লোইদবনি। PRERNA ‘রোল মোদেল’ না থাজবা হেনগৎহনবা ওইহনগদবনি চয়েৎনবা পুরক্কদবা নত্তে হায়বসি য়াম্না মরুওই।
  • ইলিজিবল ওইবা লুহোংলবা নুপী অদু চহি 30গী মখাদা লৈবা ওইগদবনি। মপুরোইবা অদুগীদি চহিগী লিমিট লৈতে অদুবু নহা ওইবশীংনা হেন্না ফৈ।
  • ইলিজিবল ওইবা মতৈ-মনাও খনবা মতমদা চেকশিনগদবনি। নুপীমচা অদুগী লুহোংবা অদু চহি 19দা ওইগদবনি (18 ওইরোইদবনি) অমসুং অহানবা অঙাং অদু মমা অদুনা চহি 21 শুরবা মতুংদা পোকপা ওইগদবনি। মসিগা মান্ননা অনিশুবা অঙাং অদুশু চহি 3 লৈরবা পোকপা ওইগদবনি অমসুং অনিশুবা অঙাং অদুগী মতুংদা তৌবা ষ্টেরিলাইজেসনগী দোক্যুমেন্টরি ওইবা প্রমাণ লৈগদবনি।
  • লুহোংবা অমসুং পোকপগী রেজিষ্টর তৌবা হায়বসি তঙাইফদবনি। করিগুম্বা সপোর্টিং দোক্যুমেন্ট ফংদ্রবদি, এৱার্দ অসি ক্লেম তৌনবগীদমক্তা পোকপা অমসুং লুহোংবগী চানবা সর্তিফিকেট অসু ওথোরাইজ তৌরবা সোর্সশীংদগী পুরকপা তাই।
  • ইলিজিবল ওইরবা মতৈ-মনাও অদু ক্রিমিনেল রেকোর্দ অমত্তা লৈতবা তাই।
  • পেমেন্টশীং অদু নেসনেল সেভিং সর্টিফিকেটকী মওংদা লোকেল পোষ্ট ওফিস অদুনা ইসু তৌগনি অমসুং কলেক্টর মশামক্না মমাগী হকশেল অমসুং মচাগী হকশেলগী মেসেজ পীদুনা অমসুং পাউ-চেশীংদা হাপহন্দুনা পীগদবনি (JSKনা জিলা অদুনা হায়জরবদি মরি লৈনবা মেটরিএল পীগনি)। JSK-Prerna ষ্ট্রাটেজি 3
  • ষ্ট্রাটেজি অসি NGOশীং নত্ত্রগা কম্যুনিটি লেভেল ওর্গানাইজেসনশীংনা নত্ত্রগা অঙ্গনৱাদি ৱার্করশীং, ANMশীং, ASHAশীংগী মতেংনা পায়খৎপা য়াই। মতৈ-মনাও অদু খল্লবা মতুংদা অমসুং দোক্যুমেন্তশীং অদু JSKনা চেক তৌরবা মতুংদা ফন্দশীং পীথগনি।
  • এৱার্দি মতৈ-মনাউ অমমমদা লুপা 500গি চাংদা মতৈ-মনাও অদু খন্দোকপদা অমসুং দিষ্ট্রিক কলেক্টর/ CM&HOনা ওথেন্টিকেসন তৌবদা মতেং পাংলিবা ওর্গানাইজেসন অদুদা পীগনি। শেনফম অসি এৱার্দ পীবগী থৌরমদতা পীগনি।
  • এৱার্দকী শেনফম অসি মরি লৈনবা ষ্টেট হেলথ সোসাইটিদা হাংলিবা দেদিকেটেদ বেঙ্ক একাউন্ট “JSK-PRERNA”দা চেক/ইলেক্ট্রোনিক্কী খুত্থাংদা পীগনি।
  • পোষ্ট ওফিসতা পেমেন্ট তৌবগীদি নেসনেল সেভিং সর্টিফিকেটশীং (NSCs) লৈনবা একাউন্ট পেয়ি চেককী খুত্থাংদা ওইগনি।
  • এৱার্দ সেরেমোনি অদু এৱার্দকী শেনফম ফংবা থা অদুগী মনুংদা শিনগদবনি।
  • দিষ্ট্রিক কলেক্টরনা অপুনবা কেসশীংগী 10% ভেরিফাই তৌনবা টিম অমা শেমগনি অমসুং ভেরিফাই তৌরবা লিষ্ট অদু JSKদা থাগনি।
  • বেনিফিসরিশিংগী লিষ্ট অদু CMO/CM&HO/সিভিল সর্জননা ভেরিফাই তৌরবা মতুংদা দিষ্ট্রিক কলেক্টর অদুনা কাউন্টর সাইন তৌগনি।
  • দিষ্ট্রিক কলেক্টর ওফিসনা ভেরিফিকেসন সর্টিফিকেট অমা ইসু তৌবা য়াই।

পার্টনরশীং

জনসংখ্যা স্থিরত কোশ (নেসনেল পোপুলেস ষ্টেবিলাইজেসন ফন্দ)না মসিগী ষ্ট্রাটেজি অমা বিহার, উত্তর প্রদেশ, মধ্য প্রদেশ, রাজস্থান, ঝারখন্দ, ওদিশা অমসুং ছটিশগর হায়রিবা ষ্টেট তরেৎশিগী দিষ্ট্রিক খুদিংমক্তা ইমপ্লিমেন্ট তৌরি।

সোর্স: জনসংখ্যা স্থিরট কোশ

মরি লৈনবা রিসোর্সশীং

  1. গাইদলাইন্স – প্রেরনা
  2. এপ্লিকেসন ফোর্ম – প্রেরনা

অকোনবা শেমদোকখিবা : 6/11/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate