অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

দোমেষ্টিক ভাইওলেন্স এক্ট-2005

দোমেষ্টিক ভাইওলেন্স এক্ট-2005

দোমেষ্টিক ভাইওলেন্স হায়বগী অর্থ

দোমেষ্টিক ভাইওলেন্স হায়বসিনা মখাদা পীরিবশীংসি খংহল্লি:

  • অৱা-অনা, অশোক-অপন পীবা নত্ত্রগা পুন্সি, খোং-খুৎ, হকশেল, পুক্নিং নত্ত্রগা হকচাংগী সেফটিদা খুদোংথীহনবা।
  • নুপী অদুদা, মহাকপু নত্ত্রগা মহাক্কা মরি লৈনবা মীওই অমবু নম্ফুদা অউনপোৎকী দিমান্দ ফংনবগীদমক অশোক-অপন, য়ৈখায়-থিনগাইবা, নত্ত্রগা খুদোংথীবা থোকহনবা।
  • ফিজিকেল এব্যুজ" হায়রিবসিগী মনুংদা মখল খুদিংমক্কী অৱা-অনা থোকহনবশিংসু মনুং চল্লি। এসোল্ট, ক্রিমিনেল ইন্টিমিদেসন অমসুং ক্রিমিনেল ফোর্স।
  • সেক্সুএল এব্যুজ" হায়রিবসিগী মনুংদা নমদুনা পাদোংবা (sexual intercourse), অৱাবা তারিবা মীওই অদুবু প্রোনোগ্রাফি নত্ত্রগা অতৈ নত্তবা পোৎ-চৈ নমদুনা য়েংহনবনচিংবা সেক্সকী ওইবা থৌওং (sexual nature) অমা চত্থবসি য়াউরি। নুপীবু অতোপ্পা মীওইশীং নুংঙাইহনবদা শীজিন্নবা, সেক্সকী ওইবা থৌওং অমা, ওৎ-নৈবা, ইকাইবা পীবা, মীওই অমগী ইকাই খুম্নবা হন্থহনবা অসিনচিংবা।
  • ভর্বেল এন্ড ইমোসনেল এব্যুজ" হায়রিবসিগী মনুংদা কেরেক্টর নত্ত্রগা কন্দক্টকী মতাংদা মরাল শিবা/ মীংচৎ থীহনবা অসিনচিংবসি চল্লি। অউনপোৎ পুরক্তবগী ইকাইবা পীবা, অঙাং নুপা য়াউদবগী ইকাইবা পীবা অসিনচিংবা। স্কুল, কোলেজ নত্ত্রগা অতৈ এজুকেসনেল ইনষ্টিট্যুসনশীং কাবা নমদুনা থীংবা, নুপি অদুনা খোয়দাজবা মীওই অমবু থবক-ইনখাং পায়বা থীংবা অমসুং অশোক-অপন নংহনবা। নুপী অদুনা পাম্বা মীওই অমগা লুহোংবা থীংবা।
  • "ইকোনোমিক এব্যুজ" হায়বসিদা নুপী নত্ত্রগা মহাক্কী মচাশীং য়োক-থাক্নবগী শেল পীদবা, চিঞ্জাক, ফি-রোল, হিদাক-লাংথক পীদবা, নুপীবু য়ুমদগী নমদুনা তান্থোকপা অসিনচিংবা য়াউই। য়ুমগী শরুক অমত্তা শিজিন্নবা থীংবা, থবক-ইনখাং তৌবা থীংবা, ভারাদা লৈবা ওইরগনা ভারা পীদবা, নুপীগী মরল-মথুমশীং মশা তাক্তনা অমসুং অয়াবা লৌদনা য়োন্থোকপা নত্ত্রগা জ্বারদা থাদোকপা। তলব, ইনকম নত্ত্রগা খুৎশুমন অসিনচিংবা নমদুনা লৌবা। ইলেক্ট্রিসিটিনচিংবা অতৈ বিলশীংগী শেল পীদবা।

এক্ট অসিগী মখাদা কনাবু কোনশিনবগে?

  • এক্ট অসিনা মমা, মচল-মচে, নুপী, লুখ্রাবী নত্ত্রগা য়ুম অমগী মনুংদা লৈমীন্নরিবা পার্টনর ওইবা নুপী পুম্নমকপু কোনশিল্লি। মরি অসি লুহোংলগা নত্ত্রগা এদোপসনগী মওংদা ওইবা য়াই। মসিগী মথক্তা, পুন্না লৈমিন্নবা ইমুং-মনুংগী (joint family) মেম্বরশীংগী মরিসু মনুং চল্লি। অদুম ওইনমক, মপুরোইবা নত্ত্রগা মেল পার্টনর অদুগী মরি থোক্নবা নুপী অমত্তনা লোয়নবী নুপী নত্ত্রগা নুপী পার্টনর অদুগী মায়োক্তা কমপ্লেন্ট তৌবা য়াদে, খুদম ওইনা হায়রবদা, মনেম্বোক অদুনা মমৌনুপী অদুগী মায়োক্তা এপ্লিকেসন অমা ফাইল তৌবা য়াদে, অদুবু মহাক্না মহাক্কী মমৌনুপী অদুগী মায়োক্তা, মমৌনুপী অদুনা মহাক্কী মচানুপাবু মহাক্কী (mother-in-law) মায়োক্তা হিংসা (violence) তৌনবা ইনশিনবগীদমক এপ্লিকেসন অমা ফাইল তৌবদি য়াই।

কনানা কমপ্লেন্ট অমা ফাইল তৌবা য়াবগে?

  • দোমেষ্টিক ভাইওলেন্স অমা নংলবা নুপী অমহেক্তনা নত্ত্রগা মহাক্কী মহুৎশিন্দুনা মীওই অমনা কমপ্লেন্ট অমা ফাইল তৌবা য়াই।
  • দোমেষ্টিক ভাইওলেন্স এক্টকী মখাদা অঙাং অমসু রিলিফ ফংনবগী অধিকার পী। অসিগুম্বা অঙাং অমগী মমা অদুনা মহাক্কী মাইনর ওইবা মচা (নুপামচা নত্ত্রগা নুপীমচা ওইবা য়াই) অদুগী মহুৎ শিন্দুনা এপ্লিকেসন অমা পীবা য়াই। মমা অদুনা মশাগীদমক্তা কোর্টতা এপ্লিকেসন থাবগী কেসশীংদা, অঙাংশীংবু কো-এপ্লিকেন্ট ওইনা হাপচিনবসু য়াই।

কনাগী মায়োক্তা কমপ্লেন্ট অমা ফাইল তৌবা য়াবগে?

  • নুপী অদুগা দোমেষ্টিক রিলেসনশিপ অমা লৈনরিবা মপুং-মরৈ ফারবা নুপা অমা।
  • মপুরোইবা নত্ত্রগা মেল পার্টনর অদুগী মরি-মতাশীং।
  • মেল পার্টনর অদুগী নুপা অমসুং নুপী মরি-মতাশীংসু মনুং চল্লি।

কনাদা ইনফোর্মেসন পীবা নত্ত্রগা কমপ্লেন্ট অসি পীশিনবা য়াবগে?

  • ইনফোর্মেসন অমসুং কমপ্লেন্ট অসি পুলিস ওফিসর/ প্রোটেক্সন ওফিসর/ সর্ভিস প্রোভাইদর (NGO অমা) নত্ত্রগা মেজিষ্ট্রেট অমদা পীবা য়াই।

দোমেষ্টিক রিলেসনশিপ হায়বসি করিনো?

  • য়ুম অমদা পুন্না লৈমিন্নরিবা নত্ত্রগা মতম অমদা লৈমিন্নরম্বা মীওই অনিগী মরক্তা লৈনবা মরি।
  • ঈ মরি (consanguinity)গী মরি, লুহোংবা, লুহোংবগী মওংদা লৈনবা মরি অসিসু মনুং চল্লি।
  • লৈমিন্নবা য়ুম (Shared household) হায়বসি নুপী অদুনা নুপা অদুগা দোমেষ্টিক রিলেসনশিপ অমদা লৈমিন্নরিবা নত্ত্রগা লৈমিন্নরম্বা য়ুম অমবুনি। রিলিফকীদমক্তা এপ্লিকেসন থাবা মতমদদি নুপী অদু লৈমিন্নবা য়ুম অদুদা লৈতবসু য়াই অদুবু অসিগুম্বা নুপীশীং অসি, দোমেষ্টিক রিলেসনশিপ অদুনা লৈরিবমখৈদি দোমেষ্টিক ভাইওলেন্স এক্টকী মখাদা রিলিফ ফংনবগী অধিকার লৈ।
  • দোমেষ্টিক রিলেসনশিপ অমা লৈরিবা নুপী খুদিংমক্না, করিগুম্বা মহাক্না লৈমিন্নবা য়ুম (shared household) অদুদা রাইট, তাইটল নত্ত্রগা ইন্টরেষ্ট অমত্তা লৈত্রবসু, মফমদুদা লৈনবগী অধিকার অসি লৈ।

সেলটর হোম অমসুং মেদিকেল এইদকী প্রোভিজন (Provision for shelter home and Medical Aid)

অৱাবা নংলবা মীওই অমনা নত্ত্রগা মহাক্কী মহুৎ শিন্দুনা প্রোটেক্সন ওফিসর নত্ত্রগা সর্ভিস প্রোভাইদর অমনা সেলটর হোম নত্ত্রগা মেদিকেল ফেসিলিটি অমগী ইন-চার্জ অদুদা নুপী অদুদা চংজফমগী নত্ত্রগা হিদাক-লাংথক্কী মতেং পীবীনবা হায়জবা য়াই।

কনানা মেজিষ্ট্রেটতা এপ্লিকেসন অমা ফাইল তৌবা য়াবগে?

  • অৱাবা নংলবা মীওই নত্ত্রগা
  • প্রোটেক্সন ওফিসর অমা নত্ত্রগা
  • অৱাবা নংলবা মীওই অদুগী মহুৎ শিন্দুনা অতোপ্পা মীওই অমনা মেজিষ্ট্রেটতা এপ্লিকেসন অমা পীশিনবা য়াই।
  • দোমেষ্টিক ভাইওলেন্সকী ভিক্টিম ওইরিবী নুপী অদুদা মতেং পুম্নমক পীবা হায়বসি প্রোটেক্সন ওফিসর অমসুং সর্ভিস প্রোভাইদর অদুগী তৌফম থোকপা মথৌনি।

এক্ট অসিগী মখাদা মেজিষ্ট্রেট অমনা পাস তৌবা য়াবা ওর্দরশীং

মেজিষ্ট্রেট অদুনা

  1. রেস্পোন্দেন্ট নত্ত্রগা অৱাবা নংলিবা মীওই অদুদা, সিঙ্গল নত্ত্রগা জোইন্ট ওইনা কাউন্সেলিং তৌনবা খংহনবা য়াই।
  2. নুপী অদুবূ ময়ুমদগী নত্ত্রগা মদুগী শরুক অমহেক্তদগী তান্থোক্তনবা নত্ত্রগা তোঙান তাহন্দনবা খংহনবা য়াই।
  3. করিগুম্বা মথৌ তাই হায়না খল্লবদি প্রোসিদিংস অদু ইন কেমেরা (in camera)দা পাংথোক্নবা খংহনবা য়াই।
  4. নুপী অদুদা প্রোটেক্সন পীদুনা প্রোটেক্সন ওর্দর ইসু তৌবা য়াই।
  5. দোমেষ্টিক ভাইওলেন্সকী ফল অমা ওইনা অৱাবা তারিবা মীওই অমসুং মহাক্কী মচা অমহেক্তনা তৌখিবা চাদিং অমসুং মাংখিবা খরচশীং অদু মেনশিন্নবা মোনিটরি রিলিফ পীবা য়াই।
  6. কষ্টদি ওর্দর পীবা য়াই, হায়বদি অৱাবা তারিবা মীওই অদুদা অঙাং নত্ত্রগা অঙাংশীং অদুগী টেম্পরেরি কষ্টদি পীবা য়াই।
  7. অশোক-অপনশীংগী কম্পেন্সেসন পীবা য়াই। মসিগী মনুংদা, রেস্পোন্দেন্ট অদুনা তৌখিবা দোমেষ্টিক ভাইওলেন্সকী থৌওংশীংনা থোকহনবা মেন্টেল তোর্চর অমসুং ইমোসনেল দিসত্রেস অসিসু য়াউই।
  8. মেজিষ্ট্রেটকী ওর্দর অমা ইন্দবা হায়বসি ওফেন্স অমনি অমসুং মসি আইন অসিগী মখাদা চৈরাক ফংনিঙাই ওই।
  • এক্ট অসি হৌজিক লৈরিবা আইনশীংগী মথক্তা হাপচিনবা (in addition) অহেনবনি।
  • অৱাবা তারিবা মীওই অদুনা সেক্সন 498A JPCগী মখাদা মতম অমত্তদা কমপ্লেন্ট অমা ফাইল তৌনবগী অধিকার লৈ।
  • দোমেষ্টিক ভাইওলেন্স এক্টকী মখাদা রিলিফশীং অসি অতোপ্পা লিগেল প্রোসিদিংসতসু থাবা য়াই, খুদম ওইনা, দিভোর্স, মেন্টেইনেন্স, সেক্সন 498A IPC, অসিনচিংবা।

দোমেষ্টিক ইন্সিদেন্ট রিপোর্ট (DIR)

  • দোমেষ্টিক ভাইওলেন্সকী কমপ্লেন্ট অমা ফংবগা, প্রোটেক্সন ওফিসর নত্ত্রগা সর্ভিস প্রোভাইদর অদুনা DIRঅমা ফোর্ম 1দা (দোমেষ্টিক ভাইওলেন্স এক্টতা পীরিবা অদুগুম্না) শেম্বা মথৌ তাই অমসুং মদু মেজিষ্ট্রেটতা সবমিট তৌবা তাই অমসুং মদুগী কোপিশীং মরি লৈনবা পুলিস ষ্টেসন অদুগী ইন-চার্জ ওইরিবা পুলিস ওফিসর অদুদা পীগদবনি।
  • করিগুম্বা নুপী অদুনা পাম্লগদি, প্রোটেক্সন ওফিসর নত্ত্রগা সর্ভিস প্রোভাইদর অদুনা নুপী অদুবু রিলিফকী এপ্লিকেসন ফাইল তৌবদা মতেং পাংবা য়াই অমসুং অসিগুম্বা এপ্লিকেসন অমদা DIRগী কোপি অমা হাপচিনবা তাই।

মীরা দিদিনা (Meera Didi)না মঙোন্দা মতেং নিরকপা দোমেষ্টিক ভাইওলেন্সকী ভিক্টিমশীংদা শন্দোক্না খংহল্লি মদুদি, হৌজিক্তি মখোয়না ইন্দিয়ান পেনেল কোদকী সেক্সন 498-A গী মখাদা রিলিফ অমা ফংবতা নত্তনা দোমেষ্টিক ভাইওলেন্স এক্ট হায়রিবা সিভিল লোগী মওং অসিনসু মতেং পাংগনি। লেজিস্লেসজন অসি নুপীশীংদা চত্থরিবা, পব্লিক দোমেইনদদি মরুওইনা উবা ফংদবা অদুবু সমাজ অসিদা তোইনা থোক্লিবা দোমেষ্টিক ভাইওলেন্সকী থৌওং খুদিংবু থেংননবা মপাঙ্গল কল্লবা খুৎলাই অমনি।

মরুওইবা জুদিসিএল প্রোনাউন্সমেন্টশীং (Judicial Pronouncements)

দি কোর্ট ওফ জগদিশ কুমার: MM নিয়ু দিল্লি – Ms S (মমীং হোংদোক্লে) ভর্সস Mr. A

  • Ms S হায়রিবী ইন্টরনেসনেল ওর্গানাইজেসন অমদা থবক তৌবী অসিনা রেস্পোন্দেন্ট ওইরিবা ইন্টরনেসনেল ওর্গানাইজেসন অমগী কন্ত্রি দাইরেক্টর Mr. A অসিবু মশক খংই। A না এপ্লিকান্ট অসিগা ই-মেইলদা পাউ ফাউনবা হৌই। পাউ ফাউনরিঙৈ মতমদা মহাক্না হায়খিবসি মহাক অসি কেন্সরগী লাইয়েং চত্থরিবা মীওই অমনি অমসুং লুহোংদুনা মহাক্কী মচানুপা অমসু লৈরে। A না Ms S পু মহাক্কা থবক শুমিন্ননবা হৌই। ওফর তৌরক্লিবা থবক অদুদা এপ্লিকান্ট অদুনা ইন্টরেষ্ট লৈবদগী মহাক্কী হান্নগী থবক থাদোক্তুনা প্রোজেক্ট অদুদা A গা থবক শুমিন্নবা হৌখি। এপ্লিকান্ট অসিগা থবক শুমিন্নরিঙৈ মতম মনুংদা রেস্পোন্দেন্ট অদুনা মহাক্কী অনাবগী মতাংদা, মহাক্কী হান্নগী থবক্তগী লৌথোক্লকপা, ফেমিলি অসিনচিংবগী মরমদা শেয়র তৌবা হৌরকখি অমসুং মখোয় অনি মরুপ-মপাং ওইরকখি। মহাক্না S তা মহাক্কা লুহোংনবা হায়রম্মী অমসুং সিন্দুর অমসুং বিন্দি নম্বীদুনা হায়খি “নহাক ঐগী নুপী ওইরে”। A না S তা মহাক্কা লৈমিন্ননবা হৌদোক্লম্মী অমসুং মখোয় অনি য়ুম অমদা লৈমিন্নবা হৌরকখি। S না মহাক্কী নুপীগা তোঙান্না লৈনরে অমসুং দিভোর্স ফাইল তৌনবগী প্রোসেসতা লৈনরে হায়না ক্লেম তৌখি। A না য়ুমগী খরচ পুবা হৌখি অমসুং মখোয়না লৈরিবা য়ুম অদুগী ভারা পী। S না A গা লোয়ননা অপুনবা য়ুম অমদা লুহোংবগী মরি অমা থমদুনা লৈমীন্নৈ হায়না লৌই। মরম অদুনা S না চিঞ্জাক্কী, ফি-রোলগী, হিদাক-লাংথক্কী অমসুং অতৈ চংগদবা মচাকশীং অমসুং অতৈ-অতৈ খরচশীংগী মেন্টেইনেন্স ফংবগী অধিকার লৈ।

সুরেখা মোটে ভর্সস ষ্টেট ওফ মহারাষ্ট্র হায় কোর্ট ওফ বোম্বে

  • “ঐখোয়না PWDV এক্টকী সেক্সন 12 অমসুং সেক্সন 12কী প্রোভিজনশীং খন্নরে। করিগুম্বা প্রোটেক্সন ওফিসর অমত্তা খন্দ্রবদি মেজিষ্ট্রেট অদুনা জুরিসদিক্সন লৈত্রে হায়না লৌবা য়ারোই। মসিনা এক্ট অসিগী পান্দম অসি ফংহনবা ওইথোক্লোই”। মসিগী অর্থদি করিগুম্বা প্রোটেক্সন ওফিসর অমত্তা লৈত্রবসু কমপ্লেন্ট অদু মেজিষ্ট্রেটনা হকথেংননা লৌবা য়াই হায়বসিনি।

শালু বনসাল কেস, দিল্লি

  • রেস্পোন্দেন্টশীংনা তোঙান-তোঙানবা য়ুমগী ভারা অদু অৱাবা তারিবা মীওই অদুগী মেন্টেইনেন্স ওইনা পীনবা কোর্টনা খংহনখি।

সোর্স: নেসনেল কমিসন ফোর ৱুমেন



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate