সুকন্যা সামরিধি যোজনা

• 'সুকন্যা সামরিধি যোজনা’ হায়বসি নুপীমচাশীংগী ওইবা, শেন্দোইগী চাং চাদা 9.1 (হোংবা নাইবা) ওইগদবা অমদি ইনকম তেক্স রিবেট ফংগদবা, ‘বেতি বচাও বেতি পরাও’ কেম্পেইনগী শরুক অমা ওইনা হৌদোকখিবা অপিকপা দিপোজিট স্কিম অমনি।
• 'সুকন্যা সামরিধি একাউন্ট' অসি নুপীমচা অমনা পোকপা মতমদগী মহাক্না চহি 10 শুদ্রিবফাউবা, লুপা 1000গী মিনিমম ওইবা দিপোজিট অমগা লোয়ননা মতম অমহেক্তদা হাংদোকপা য়াই। শেনবা চহি অমগী মনুংদা খ্বাইদগী য়াম্লবদা লুপা লাখ 1.5 দিপোজিট তৌবা য়াই।
• একাউন্ট অদু পোষ্ট ওফিস নত্ত্রগা কমর্সিএল বেঙ্কশীংগী ওথোরাইজ তৌরবা ব্রাঞ্চ অমহেক্তদা হাংদোকপা য়াই।
• স্কিম অসিগী মরুওইবা পান্দম অসি, মহৌশানা নুপীমচাশীংদগী নুপামচাশীংনা হেন্না লুম্না লৌবা ইমুংশীংগী রিসোর্স অমসুং সেভিংশীংদা নুপীমচা অদুগী মান্নবা শরুক থুংহনবা হায়বসিনি।
• নুপীমচা অমগী মমীংদা অমসুং মহাক্কী য়াইফনবগীদমক একাউন্ট অমা হাংদোকহন্দুনা, প্রেস্ক্রাইব তৌরবা লিমিটশীংগী মনুংদা মখোয়গী সেভিংশীং অদু খ্বাইদগী য়াম্বা মওংদা দিপোজিট তৌহন্নবগী মমা-মপাশীংদা পুক্নিং থৌগৎপা ওইনা, দিপোজিট তৌরিবা শেনফম অদুদা শেন্দোইগী চাং চাদা 9.1 (হোংবা নাইবা), চহিগী কম্পাউন্দ ওইহন্নবা অমসুং শেনবা চহি অদুদা ইনকম টেক্সকী কন্সেসন পীনবা প্রষ্টাব তৌই।
• একাউন্ট অদু একাউন্ট হাংবা তাংদগী নত্ত্রগা নুপীমচা অদুনা চহি 18 শুরবা মতুংদা লুহোংবদগী হৌদুনা চহি 21 ওপরেটিভ ওইগনি।
• অৱাংবা থাক্কী মহৈ তম্বগী চাদিং তৌনবা, বেলেন্স অদুগী চাদা 50দি নুপীমচা অদুনা চহি 18 শুরকপগা মচেৎ ওইনা লৌথোকপা য়াগনি।
• নুপীমচা অদুনা চহি 18 শুদ্রিবফাউবা একাউন্টদগী শেল লৌথোকপা য়াহন্দনবগী প্রোভিজন অসি নুপীমচাশীংনা ময়ুম ঙন্না পানবা থীংনবনি।

একাউন্ট হাংদোকপা

• একাউন্ট অসি নুপীমচা অমগী মমীংদা নেচরেল নত্ত্রগা লিগেল গার্জিয়ান অমনা নুপীমচা অদুনা পোকপদগী নত্ত্রগা চহি তরা শুদ্রিবা ফাউবদা অমসুং নিয়মশীং অসি চৎনবা হৌদ্রিঙৈ চহি অমগী মমাংদা চহি তরা শুখ্রবা নুপীমচাশীংসু নিয়মশীং অসিগী মখাদা একাউন্ট হাংনবগীদমক ইলিজিবল ওইগনি।
• নিয়মশীং অসিগী মখাদা দিপোজিটর অমনা নুপীমচা অমগী মমীংদা একাউন্ট অমখক্তমক হাংবা অমসুং শিজিন্নবা য়াগনি।
• পোষ্ট ওফিস নত্ত্রগা বেঙ্কদা একাউন্ট হাংবা মতমদা একাউন্ট অসি হাংগদবা নুপীমচা অদুগী বার্থ সর্টিফিকেট অদু দিপোজিটর অদুগী মশক অমসুং লৈফম তাকপা দোক্যুমেন্টশীংগা কোন্ননা পীশিনগদবনি।
• নুপীমচা অমগী নেচরেল নত্ত্রগা লিগেল গার্জিয়ান অদুনা নুপীমচা অনিখক্কীদমক একাউন্ট হাংবা য়াগনি:
• করিগুম্বা অনিশুবা পোকপা নুপীমচা অদু ফাইবোক ওইরবা নত্ত্রগা অহানবা পোকপা মতমদা নুপীমচা অহুম পোকপা ওইরবদি নেচরেল নত্ত্রগা লিগেল গার্জিয়ান অদুনা, ফাইবোক নত্ত্রগা অহুম্মক অমুক্তদা পোক্লিবা হোস্পিটাল অদুগী মরি লৈনবা মেদিকেল ওথোরিটিশীংদগী  সর্টিফিকেট অমা পুথোক্লগা অহুমশুবা একাউন্ট হাংবা য়াগনি।

দিপোজিট

• একাউন্ট অদু লুপা লিশিং অমা অহৌবগী দিপোজিট ওইনা থমদুনা হাংবা য়াগনি অমসুং মসিগী মতুংদা লুপা চামগী মল্টিপল ওইবা শেনফম অমহেক্তা, শেনবা চহি অমদা য়ামদ্রবদা লুপা লিশীং অমা ওইহন্দুনা থমজিনবা য়াই। অদুবু শেনবা চহি অমদা অমুক্তং নত্ত্রগা মশিং কয়া থোক্না থমজিল্লিবা শেনফম অদু লুপা লাখ অমগা লিশিং য়াংখৈদগীদি হেনবা য়াদে।
• একাউন্ট হাংবা তাংদগী হৌদুনা চহি তরামরি মপুং ফাদ্রিবফাউবা একাউন্ট অমদা দিপোজিট তৌবা য়াগনি।
• সব-রুল (1)দা পীরিবা মিনিমম ওইবা শেনফম অদু দিপোজিট তৌদবা রিগুলর ওইদবা একাউন্ট অমবু চহি অমগী পেনাল্টি ওইনা লুপা য়াংখৈ থীহন্দুনা অমদি দিফোল্ট ওইরিবা চহি (শীং) অদুগী মথৌ তাবা মিনিমম সবস্ক্রিপসন অদু থীদোকহন্দুনা, একাউন্ট অদুনা চহি তরামরি মপুং ফাদ্রিঙৈগী মতম অমহেক্তদা রিগুলর ওন্থোকপা য়াই।

দিপোজিটকী মওং

নিয়মশীং অসিগী মখাদা হাংদোক্লিবা একাউন্ট অদুদা মখাগী মওং অসিদা দিপোজিট তৌবা য়াই

• শেল ওইনা; নত্ত্রগা
• একাউন্ট অদু লৈরিবা মরি লৈনবা পোষ্ট ওফিস অদুগী পোষ্ট মাষ্টর নত্ত্রগা বেঙ্ক অদুগী মেনেজরগী ফেবরদা ইরবা চেক নত্ত্রগা দিমান্দ দ্রাফট ওইনা, অমসুং অসিগুম্বা ইনষ্ট্রুমেন্ট অসিগী মনিংথংবদা, দিপোজিট অদু ক্রেদিট তৌহনগদবা একাউন্ট হোল্ডর অদুগী মমীং অমসুং একাউন্ট নম্বর অদু ইশীন্দুনা দিপোজিট তৌবা য়াই।

চেক নত্ত্রগা দিমান্দ দ্রাফটনা দিপোজিট তৌবা ওইরবদি, চেক নত্ত্রগা দিমান্দ দ্রাফট অদু শেল ওন্থোকপা নুমিৎ অদু একাউন্ট অদুদা ক্রেদিট তৌবা নুমিৎনি হায়না লৌগনি।

দিপোজিটকী শেন্দোই

• গবর্ণমেন্টনা খংহনবা শেন্দোইগী চাং অদু চহিগী কম্পাউন্দ ওইহন্দুনা একাউন্ট অদুনা চহি তরামরি মপুং ফাদ্রিবফাউবা একাউন্ট অদুদা হাপচিনগনি।
• করিগুম্বা একাউন্ট হোল্ডর অদুনা থাগী ওইবা শেন্দোই পাম্লবদি, মদু লুপা লিশিং অমা শুরবা মতুং একাউন্ট অদুগী বেলেন্সতা হোৎকনি, অমসুং মদু একাউন্ট হোল্ডর অদুদা পীগনি অমসুং লেমহৌবা লুপা লিশীং অমা শুদ্রিবা ফ্রেক্সন অদুগী শেনফম অদুনা চৎনরিবা শেন্দোইগী চাং অদুদা শেন্দোই ফংগনি।

একাউন্টগী ওপরেসন

• নুপীমচা অমগী নেচরেল নত্ত্রগা লিগেল গার্জিয়ান অদুনা একাউন্ট হোল্ডর ওইরিবা নুপীমচা অদুনা চহি তরা শুদ্রিবফাউবা একাউন্ট অদু হাংদুনা ওপরেট তৌগনি।
• চহি তরা শুরবা মতমদা, একাউন্ট হোল্ডর ওইরিবা নুপীমচা অদুনা একাউন্ট অদু মশামক্না ওপরেট তৌবা য়াই অদুমওইনমক,একাউন্ট অদুদা দিপোজিট তৌবদি গার্জিয়ান নত্ত্রগা মীওই অমহেক্তনা নত্ত্রগা ওথোরিটি অমনা তৌবা য়াই।

একাউন্ট মতম শুদনা ক্লোজ তৌবা

• করিগুম্বা একাউন্ট হোল্ডর অদুনা শিখিবা থোক্লবদি, মরি লৈনবা ওথোরিটি অদুনা ইসু তৌবা দেথ সর্টিফিকেট অদু পুথোকপগা খুদক্তা একাউন্ট অদু ক্লোজ তৌগনি, অমসুং একাউন্ট অদুগী ক্রেদিত্তা লৈরিবা বেলেন্স অদু একাউন্ট অদু ক্লোজ তৌবা থা অদুগী মমাংগী থা ফাউবদা লৈবা শেন্দোই অদুগা কোন্ননা একাউন্ট হোল্ডর অদুগী গার্জিয়ান অদুদা পীগনি।
• একাউন্ট অদু মখা চত্থনা ওপরেসন তৌবনা একাউন্ট হোল্ডর অদুদা কান্নদবা অৱাবা পীরে হায়না করিগুম্বা সেন্ত্রেল গবর্ণমেন্টনা থাজরবদি, মরমশীং অদু অইবা ওইনা রেকোর্দ তৌশিন্দুনা, ওর্দর অমা থোক্তুনা একাউন্ট অদু মতম শুদনা ক্লোজ তৌবা য়াহল্লি। অদুমকপু মসি পুন্সিবু খুদোংথীহনবা য়াবা লায়নাশীংগী মেদিকেল সপোর্ত, শিবা, অসিনচিংবা য়াম্না মরুওইবা ফিভমশীংখক্তদা ওইগনি।

পাস বুক

• একাউন্ট অমা হাংদোকপা মতমদা, দিপোজিটর অদুদা নুপীমচা অদুগী পোকপগী তাং, একাউণ্ট হাংবা নুমিৎ, একাউন্ট নম্বর, একাউণ্ট হোল্ডর অদুগী মমীং অমদি লৈফম অমসুং দিপোজিট তৌখিবা শেনফম অদু য়াউবা পাস বুক অমা পীগনি।
• একাউন্ট অদুদা শেল দিপোজিট তৌবা মতমদা অমসুং শেন্দোই ফংবা মতমদা অমসুং মতম শুদুনা একাউন্ট অদু অরোইবা ওইনা ক্লোজ তৌবা মতমদসু পাস বুক অদু পোষ্ট ওফিস নত্ত্রগা বেঙ্ক অদুদা উৎপা তাই।

একাউন্ট ত্রান্সফর তৌব

• করিগুম্বা একাউন্ট হোল্ডর ওইরিবী নুপীমচা অদুনা একাউন্ট হাংলিবা মফম অদুদগী অতোপ্পা মফম অমদা হোংবা তারবদি একাউন্ট অদু ভারতকী মফম অমহেক্তদা ত্রান্সফর তৌবা য়াই।

শেল লৌথোকপা

• হেন্না ৱাংবা মহৈ তম্নবা অমসুং লুহোংনবগী মথৌ তাবা শেনফম মেনখৎনবা, মমাংগী শেনবা চহি অদুফাউবদা লৈখিবা, ক্রেদিত্তা লৈরিবা বেলেন্স অদুগী চাদা য়াংখৈ ফাউবা লৌথোকপা য়াহনগনি।
• সব-রুল (1)দা পল্লিবা শেল লৌথোকপগী মতাং অসি একাউন্ট হোল্ডর ওইরিবী নুপীমচা অদুনা চহি তরানিপাল শুরবখক্তদা চৎনগনি।

মতম শুরবা মতুংদা ক্লোজ তৌবা

• একাউন্ট অদু হাংবা তাংদগী পারগা চহি কুনমাথোই শুরবা মতমদা একাউন্ট অদুগী মতম শুগনি:
• করিগুম্বা একাউন্ট হোল্ডর অদুনা চহি কুনমাথোই শুদ্রিঙৈগী মমাংদা লুহোংখ্রবদি, মহাক্কী লুহোংবগী তাং অদুদগী হেন্না একাউন্ট অসি চৎনবা য়ারোই: মখা তানা করিগুম্বা একাউন্ট অসি অহানবা প্রোভিজন অসিগী মতুংইন্না ক্লোজ তৌখিবা তারবদি একাউণ্ট ক্লোজ তৌবা নুমিত্তা নুপীমচা অদু চহি তরানিপালদগী তাদ্রে হায়বদু খংহনবা এফিদেভিট অমা পীগদবনি।
• মতম শুরবা মতমদা, পাস বুক অমসুং শেল লৌথোকপগী স্লিপ অদু পীশিল্লবা মতুংদা একাউন্ট অদুদা লৈরিবা শেন্দোইগা কোন্নবা বেলেন্স অদু একাউণ্ট হোল্ডর অদু পীগনি।
• করিগুম্বা একাউন্ট অদু সব-রুল (1)গী প্রোভিজনশীংগী মতুংইন্না ক্লোজ তৌখিদবা ওইরবদি, একাউন্ট অদু অরোইবা ওইনা ক্লোজ তৌখিবা মতমদু ফাউবদা লৈখিবা বেলেন্সতা ওইবা, রুল 7গী প্রোভিজনশীংগী মতুংইনবা শেন্দোই অদু পীগনি।

সোর্স: ই-গেজেট ওফ ইন্দিয়া