প্রধান মন্ত্রি জন ধন যোজনা

প্রধান মন্ত্রি জন ধন যোজনা হায়না কৌরবা নেসনেল মিসন ওফ ফাইনান্সিএল ইনক্লুজন অসিনা লায়রবশীংগী মরক্তগী খ্বাইদগী লায়রবশীংবু বেঙ্ক একাউন্টকা পুন্সিন্ননবা হোৎনরি।

স্কিম অসিগী মশক থোকপা ফিচরশীং

• লৈবাক অসিগী খুঙ্গং অমসুং সহর অনিমক্তা লৈবা য়ুমথোং পুম্নমকপু স্কিম অসিনা কোনশিনগনি। লায়রবা মীওই ক্রোর 15গীদমক বেঙ্ক একাউন্ট হাংদোক্কনি।
• স্কিম অসিগী মখাদা হাংদোকপা বেঙ্ক একাউন্ট পুম্নমক্তা, থা 6 মওং চুম্না চলাইরবা মতুংদা আধার লিঙ্ক তৌনবা একাউন্টশীংদা লুপা 5,000গী ওভরদ্রাফট ফেসিলিটি লৈগনি।
• HDFC এর্গোনা লুপা লাখ 1গী পর্সোনেল এক্সিদেন্ট ইন্সুরেন্স কোভর পীরবা অমসুং LICনা লুপা 30,000গী লাইফ কোভর য়াউরবা রুপে (RuPay) দেবিট কার্দ ইসু তৌগনি।
• একাউণ্ট হোল্ডর অমসুং বেঙ্কশীংগী মরক্তা অরোয়বা লিঙ্ক ওইগদবা ব্যুজিনেস করেস্পোন্দেন্টশীংদা য়ামদ্রবদা থাগী ওইনা লুপা 5,000 পীগনি।

স্কিম অসিগী ইমপ্লিমেন্টেসন

মিসন অসি ফেজ অনি থোক্না ইমপ্লিমেন্ট তৌগনি। মখোয়গী অকুপ্পা মরোল মখাদা পীরি।

ফেজ I - 15 ওগষ্ট 2014 - 14 ওগষ্ট 2015

• লৈবাক অসিগী য়ুমথোং পুম্নমক্কী ওইনা বেঙ্ক ব্রাঞ্চ অমা নত্ত্রগা মরম চাবা অরাপ্পা অমগী মনুংদা লৈবা ফিক্স পোইন্ট ব্যুজিনেস করেস্পোন্দেন্ট (BC) অমগী খুত্থাংদা বেঙ্কিং ফেসিলিটিশীংগী এক্সেস লৈহনবা।
• লুপা লাখ 1গী এক্সিদেন্ট ইন্সুরেন্স কোভর য়াউরবা রুপে দেবিট কার্দকা লোয়ননা য়ামদ্রবদা বেসিক ওইবা বেঙ্ক একাউন্ট অমগা লোয়ননা য়ুমথোং পুম্নমক কোনশিনবা।
• ফাইনান্সিএল লিটরেসি প্রোগ্রাম অসি খুঙ্গংগী থাক্তা পুবা।
• বেনিফিসরিশীংগী বেঙ্ক একাউণ্টশীংগী খুত্থাংদা মখল মখা কয়াগী সরকারগী স্কিমশীংগী মখাদা দাইরেক্ট বেনিফিট ত্রান্সফর পাকথোক-চাউথোকহনবা।
• কিসান ক্রেদিট কার্দ ইসু তৌনবা প্রষ্টাবসু তৌরি।

ফেজ II - 15 ওগষ্ট 2015 - 14 ওগষ্ট 2018

• মীয়ামদা মাইক্রো-ইন্সুরেন্স পীবা।
• ব্যুজিনেস করেস্পোন্দেন্টশীংগী খুত্থাংদা স্বাভালম্বনগুম্বা অনওর্গানাইজ সেক্টর পেন্সন স্কিমশীং পীবা।

মীওই অমনা ফোটো 2খক পীশিন্দুনা জন ধন একাউন্ট হাংবা য়াই: ফাইনান্স মিনিষ্ট্রি

ওফিসিএল ওইনা চৎনবা য়াবা দোক্যুমেন্টশীং নত্ত্রগা আধার নম্বর লৈতবা মীওইশীংনা বেঙ্ক ব্রাঞ্চ অমদা শহি তৌরবা ফোটোগ্রাফ অনি পীশিন্দুনা জন ধন বেঙ্ক একাউন্টশীং হাংবা য়াগনি হায়না ফাইনান্স মিনিষ্ট্রিনা হায়খ্রে।

ওফিসিএল ওইবা ষ্টেটমেন্ট অমনা খংহনখ্রে মদুদি "RBIনা ওগষ্ট 26, 2014দা ইসু তৌখিবা গাইদলাইন্স মতুংইন্না, ওফিসিএল ওইনা চৎনবা য়াবা দোক্যুমেন্টশীং নত্ত্রগা আধার নম্বর লৈতবা মীওইশীংনা বেঙ্ক ব্রাঞ্চ অমদা শহি তৌরবা ফোটোগ্রাফ অনি পীশিন্দুনা জন ধন বেঙ্ক একাউন্টশীং হাংবা য়াগনি”।

অদুমওইনমক, অসিগুম্বা একাউন্টশীং অসি অপিকপা একাউণ্ট কৌগনি অমসুং মহৌশানা মসি থা 12গী ওইনা চৎনবা য়াগনি অমসুং অসিগুম্বা ‘অপিকপা একাউন্ট’ অসি হাংখিবা থা 12গী মনুংদা ওফিসিএল ওইনা ভেলিদ ওইবা দোক্যুমেন্ট অমহেক্তগীদমক এপ্লাই তৌখ্রে হায়বগী প্রমাণ উৎলবা মতুং মখা শিজিন্নবা য়াগনি।

একাউন্টশীং অসিগী অকক্নবা লিমিটেসন খরদি লৈগনি হায়বদি মতম অমহেক্তদা বেলেন্স অসি লুপা 50,000দগী হেনবা য়ারোই, চহি অমগী অপুনবা ক্রেদিট অসি লুপা লাখ 1দগী হেল্লোইদবনি, অমসুং লৌথোকপা মতমদা থা অমদা লুপা লিশিং 10,000দগী হেল্লোইদবনি।

একাউণ্ট লৈরবা মীওই অমনা প্রধান মন্ত্রি জন ধন যোজনা (PMJDY)গী মখাদা কান্নবা ফংনবগীদমক অতোপ্পা বেঙ্ক একাউন্ট অমা হাংদোকপগী মথৌ তাদে। ইন্সুরেন্সকী কান্নবশীং অদু রুপে কার্দকী খুত্থাংদা ফংই। PMJDYগী মখাদা ইন্সুরেন্সকী কান্নবা ফংনবগীদমক রুপে কার্দ অমা লৌবা য়ানবগীদমক একাউন্ট লৈরবা মীওইশীংনা মরি লৈনবা ব্রাঞ্চশীংদা এপ্লিকেসন অমা পীশিনবা য়াই। একাউন্ট লৈরবা মীওইশীংগী একাউন্ট শিজিন্নবগী মওং য়েংলগা মখোয়দা লুপা 5,000গী মাইক্রো ক্রেদিট লিমিট অসি পীবা য়াই।

মসিনা মখা তানা খংহনখি মদুদি একাউন্ট হাংবা পাম্বা মীওই অমহেক্তনা এপ্লিকেসন ফোর্ম অদু খ্বাইদগী নকপা বেঙ্ক ব্রাঞ্চ/ বেঙ্ক মিত্রদা একাউন্ট অদু হাংদোক্নবগীদমক এপ্লিকেসন ফোর্ম পীশীনবা য়াই। লামায় অমগী ওইবা একাউন্ট হাংনবগী ফোর্ম অসি দিপার্টমেন্ট অসিগী ৱেবসাইট দসু ফংই।

প্রধান মন্ত্রি জন ধন যোজনাগী মতাংদা তোইনা হংবা ৱাহংশীং

প্রধান মন্ত্রি জন ধন যোজনাদা জোইন্ট একাউন্ট হাংবা য়াব্রা?
হোয়, জোইন্ট একাউন্ট হাংবা য়াই।

রুপে দেবিট কার্দ হায়বসি করিনো?

রুপে দেবিট কার্দ অসি নেসনেল পেমেন্ট কোর্পোরেসন ওফ ইন্দিয়া (NPCI)না পুথোকপা লমদম অসিগী ওইবা দোমেষ্টিক দেবিট কার্দ অমনি। কার্দ অসি লৈবাক অসিদা লৈবা ATMs (শেল লৌথক্নবগীদমক্তা) পুম্নমক্তা অমসুং অয়াম্বা PoS মেছিনশীংদা (পোৎ লৈবা মতমদা কেসলেস পেমেন্ট পীনবগীদমক্তা) শিজিন্নবা য়াই।

PMJDYগী মখাদা একাউন্ট হাংলিবা মপুরোইবা অমসুং নুপী অদু লুপা লাখ 1.00গী ইন্সুরেন্স কোভর অমসুং লুপা 30,000/-গী লাইফ ইন্সুরেন্স কোভর অমসুং লুপা 5000/-গী ওভরদ্রাফট ফেসিলিটি অসি একাউন্ট অনিমক্তা তোখায়-তোখায়না ফংবা য়াগদ্রা?

লুপা লাখ 1.00গী এক্সিদেন্টেল ইন্সুরেন্স কোভর অমসুং লুপা 30000/-গী লাইফ ইন্সুরেন্স কোভর অসিদি একাউন্ট হোল্ডর পুম্নমক্তা ফংগনি। অদুম ওইনমক লুপা 5000/-গী ওভরদ্রাফট ফেসিলিটি অসিদি ইমুং অদুগী (হেন্না পাম্বদি য়ুম অদুগী নুপীদুনা) মীওই অমখক্তংনা ফংগনি।

প্রধান মন্ত্রি জন ধন যোজনাগী মখাদা একাউন্ট অমা হাংবদা করি-করি দোক্যুমেন্ট চংবগে?

1. করিগুম্বা আধার কার্দ/ আধার নম্বর ফংলবদি অতৈ দোক্যুমেন্ট অমত্তা মথৌ তাদ্রে। করিগুম্বা এদ্রেস অদু হোংখ্রবদি, হৌজিক শিজিন্নরিবা এদ্রেস অদুগী সেলফ-সর্টিফিকেট অমা পীবদুনা য়ারে।
2. করিগুম্বা আধার কার্দ ফংদ্রবদি, মখাদা পীরিবা ওফিসিএল্লি ভেলিদ দোক্যুমেন্টশীং (OVD) অসি মথৌ তাই: ভোটর ID কার্দ, দ্রাইভিং লাইসেন্স, PAN কার্দ, পাসপোর্ট & NREGA কার্দ। করিগুম্বা দোক্যুমেন্টশীং অসিদা নহাক্কী লৈফম অদুসু য়াউরবদি, মসিনা “প্রুফ ওফ আইদেন্টিটি অমসুং এদ্রেস” অনিমক ওইবা য়ারে।

করিগুম্বা মীওই অমনা মথক্তা পনখ্রিবা “ওফিসিএল্লি ভেলিদ দোক্যুমেন্টশীং” অসি অমত্তা লৈত্রবা, অদুবু বেঙ্কশীংনা “অনেম্বা রিস্ক” অমগী কেটেগোরিদা থম্লবদি, নুপা/ নুপীদুনা বেঙ্ক একাউন্ট অদু মখাদা পীরিবা দোক্যুমেন্টশীং অসিগী মরক্তগী অমহেক্তা পীদুনা বেঙ্ক একাউন্ট অমা হাংবা য়াই:

• সেন্ত্রেল/ ষ্টেট গবর্ণমেন্ট দিপার্টমেন্টশীং, ষ্টেত্যুতরি/ রিগুলেতরি ওথোরিটিশীং, পব্লিক সেক্টর অন্দরটেকিংশীং, সেদ্যুল কমর্সিএল বেঙ্কশীং অমসুং পব্লিক ফাইনান্সিএল ইনষ্টিট্যুসনশীংনা ইসু তৌবা এপ্লিকান্ট অদুগী ফোটো য়াউবা আইদেন্টিটি কার্দ;
• মীওই অদুগী ফোটো অদু এটেষ্টেদ তৌরবা, গেজেটেদ ওফিসর অমনা ইসু তৌবা লেটর।

PMJDYগী মখাদা হাংবা একাউন্টশীংদা চেক বুকশীং ইসু তৌগদ্রা?

PMJDYদদি একাউন্টশীং অসি জিরো বেলেন্সতা হাংই। অদুম ওইনমক, করিগুম্বা একাউন্ট হোল্ডর অদুনা চেক বুক লৌবা পাম্লবদি, নুপা/ নুপী অদুনা, বেঙ্ক অদুগী মিনিমম বেলেন্স ক্রাইটেরিয়া অদু, করিগুম্বা লৈরবদি মপুং ফাহনবা তাই।

মাইনর অমনা (চহি 18গী মখাদা লৈবা) একাউণ্ট অমা PMJDYগী মখাদা হাংবা য়াব্রা?

চহি 10গী মথক্তা লৈবা মাইনর অমনা মহাক্কী সেভিংস একাউন্ট অদু বেঙ্ক অমহেক্তদা হাংবা য়াই।

ঐগী PMJDY একাউন্ট অসি ঐনা অতোপ্পা ষ্টেটশীংদা হোংবা মতমদা অতোপ্পা সহর/ রাজ্য অদুদা ত্রান্সফর তৌবা য়াগদ্রা?

PMJDYদা শরুক য়ারিবা বেঙ্ক পুম্নমক CBS (Core Banking Solution) প্লেটফোর্মদা লৈ অমসুং একাউন্ট অদু সহর/ তাউন অমহেক্তদা লৈবা বেঙ্ক অদুগী ব্রাঞ্চ অমদা একাউন্ট হোল্ডর অদুনা হায়জরকপা মতুংইন্না কোম্না ত্রান্সফর তৌবা য়াই।

সোর্স: দিপার্টমেন্ট ওফ ফাইনান্সিএল সর্ভিসেস, মিনিষ্ট্রি ওফ ফাইনান্স, GoI

মরি লৈনবা রিসোর্সশীং

1. প্রোগ্রেস রিপোর্ট ওফ প্রধান মন্ত্রি জন-ধন যোজনা
2. বেঙ্ক একাউন্ট ওপনিং ফোর্ম – ইংলিস
3. ৱেবসাইট ওফ প্রধান মন্ত্রি জন-ধন যোজনা