রাইটস ওফ পর্সনস ৱিথ দিসএবিলিটিজ এক্ট, 2016

এক্ট অসিনা দি পর্সনস ৱিথ দিসএবিলিটিজ (ইক্বেল ওপর্চুনিটিজ, প্রোটেক্সন ওফ রাইটস এন্ড ফুল পর্টিসিপেসন) এক্ট, 1995গী মহুৎ শীনখ্রে। মসিনা ভারতনা সহি তৌবা য়ুনাইটেদ নেসনেল কনভেন্সন ওন দি রাইটস ওফ পর্সনস ৱিথ দিসএবিলিটিজ (UNCRPD)গী তৌদবা য়াদবশীং (obligations)দু মপুং ফাহল্লি। এক্ট অসি ইং 2016গী দিসেম্বরদা চৎনবা হৌখি।

এক্ট অসিগী মরুওইবা মশকশীং

মসিনা কোনশীল্লিবা নামা শোয়বশীং (Disabilities covered)

• চাউখৎলক্লিবা অমসুং হোংবা নাইবা ৱাখল্লোন (evolving and dynamic concept) অমদা য়ুম্ফম ওইদুনা নামা শোয়বগী ৱাহন্থোক পী।
• নামা শোয়বগী মখলশীং অসি হৌজিক লৈরিবা 7 অসিদগী 21দা হেনগৎখ্রে অমসুং নামা শোয়বগী অহেনবা মখলশীং হাপচিন্নবগী মপাঙ্গল সেন্ত্রেল গবর্ণমেন্টদা লৈগনি। নামা শোয়বগী মখল 21 অদু মখাদা পীরি:-
1. মীৎ তাংবা।
2. উবগী চাং ৱাৎপা।
3. লেপ্রোসিদগী ফরক্লবা।
4. তাবগী শোয়নায়রবা (মনা পংলবা অমসুং তাবগী চাং ৱাৎলবশীং)।
5. চৎপদা শোয়নায়রবা।
6. চাউজন থীরবা (Dwarfism)।
7. ৱাখল-লৌশীংদা মীমান্নদবা।
8. কোক্কী অনাবা লৈবা (Mental Illness)।
9. ওটিজম স্পেক্ট্রম দিসওর্দর (Autism Spectrum Disorder)।
10. সেরেব্রেল পালসি (Cerebral Palsy)।
11. মস্ক্যুলর দাইষ্ট্রোফি (Muscular Dystrophy)।
12. মতম শাংনা ন্যুরোলোজিগী অনাবা লৈবা (Chronic Neurological conditions)।
13. অকক্নবা লর্নিং দিসএবিলিটি লৈবা।
14. মল্টিপল স্কলেরোসিস (Multiple Sclerosis)।
15. ঙাংবগী অমসুং লোলগী দিসএবিলিটি।
16. থালাসেমিয়া (Thalassemia)।
17. হেমোফিলিয়া (Hemophilia)।
18. সিকল সেল দিজিজ (Sickle Cell disease)।
19. মনা পংবা মমিৎ তাংবা য়াউনা অতৈ দিসএবিলিটিশীং ।
20. এসিদ এটেক নংলুবা মীওইশীং।
21. পার্কিনসনস দিজিজ (Parkinson's disease)।
• “বেঞ্চমার্ক দিসএবিলিটিজ” গা লোয়নবা মীওইশীং হায়রগা মথক্তা পনখ্রিবা দিসএবিলিটিশীং অসিগী য়ামদ্রবদা চাদা 40 লৈরে হায়না সর্টিফাই তৌরবা মীওইশীংদুবু খংনগনি।

অধিকারশীং অমসুং পীরিবা কান্নবশীং(Rights and entitlements)

• নামা শোয়রবা মীওইশীংদা অতৈগা মান্ননা মখোয়গী অধিকারশীং অদু শোয়দনা ফংহন্নবগীদমক মতিক চাবা থৌরাংশীং লৌখৎনবগীদমক চানবা গবর্ণমেন্টশীংদা দায়ত্ব শিন্নরে।
• হায়র এজুকেসন (5%দগী তাদনা), গবর্ণমেন্টগী থবক (4 %দগী তাদনা), লম পীবদা রিজর্ভেসন, পোবর্টি এলেভিএসন স্কিমশীং (5%গী এলোটমেন্ট) অসিনচিংবদা রিজর্ভেসন পীবগী অহেনবা কান্নবশীং অসি বেঞ্চমার্ক দিসএবিলিটিশীং অমসুং সপোর্টকী মথৌ কা-হেন্না তারবা মীওইশীংদা পীরে।
• বেঞ্চমার্ক দিসএবিলিটিগা লোয়নবা চহি 6 অমসুং 18গী মরক্তা লৈবা অঙাং খুদিংমক্তা লেম্না মহৈ তম্বগী অধিকার লৈগদবনি।
• গবর্ণমেন্টনা ফন্দ পীবা এজুকেসনেল ইনষ্টিট্যুসনশীং অমদি গবর্ণমেন্টনা শকখংলবা ইনষ্টিট্যুসনশীংনা নামা শোয়রবা অঙাংশীংদা ইনক্লুসিভ এজুকেসন পীগদবনি।
• প্রাইম মিনিষ্টরগী এসেসিবল ইন্দিয়া কেম্পেইনবু মপাঙ্গল কনখৎহন্নবগীদমক, অপীবা মতম পরিং অমগী মনুংদা পব্লিক বিল্ডিংশীং (সরকার অমসুং লনাই অনিমক্কী)গী এক্সেসিবিলিটি ফংহনবদা অহেনবা মীৎয়েং থম্লি।

গার্জিয়ানশিপ

• এক্ট অসিনা গার্জিয়ান অমসুং নামা শোয়রবা মীওইশীংগী মরক্তা পুন্না ফিরেপ লৌমীন্নহনগদবা গ্রান্ট ওফ গার্জিয়ানশিপ অদু দিষ্ট্রিক্ট কোর্টনা পীনবা খংহল্লি।

ওথোরিটিশীং লিংখৎপা (Establishment of Authorities)

• সেন্ত্রেল অমসুং ষ্টেট লেভেলদা এপেক্স পোলিসি মেকিং বোডি অমা ওইনা থবক তৌনবা ব্রোড বেজ সেন্ত্রেল এন্ড ষ্টেট এদভাইজরি বোর্ডস ওন দিসএবিলিটি লিংখৎকনি।
• চিফ কমিসনর ওফ পর্সনস ৱিথ দিসএবিলিটিজগী ওফিস অসি হৌজিক কমিসনর 2 অমসুং মখল কয়াগী দিসএবিলিটিশীংগী এক্সপর্টশীংগী মরক্তগী খনবা মেম্বর 11দগী হেন্দবা এদভাইজরি কমিটি অমনা মতেং পাংহন্দুনা হেন্না মপাঙ্গল কনখৎহল্লে।
• মসিগা মান্ননা, ষ্টেট কমিসনরস ওফ দিসএবিলিটিজগী ওফিসশীংসু মখল কয়াগী দিসএবিলিটিশীংগী এক্সপর্টশীংগী মরক্তগী খনবা মেম্বর 5দগী হেন্দবা এদভাইজরি কমিটি অমনা মতেং পাংহন্দুনা হেন্না মপাঙ্গল কনখৎহল্লে।
• চিফ কমিসনর ফোর পর্সনস ৱিথ দিসএবিলিটিজ অমসুং ষ্টেট কমিসনরশীংনা রিগুলেটরি বোদি অমসুং গ্রিভান্স রিদ্রেসেল এজেন্সিগুম্না মথৌ তৌগনি অমসুং এক্ট অসিগী ইমপ্লিমেন্টেসনসু কুপ্না য়েংশীনগনি।
• PwDশীংগী অৱা-অনাশীংবু কোকহন্নবা ষ্টেট গবর্নমেন্টশীংনা দিষ্ট্রিক্ট লেভেল কমিটিশীং শেমগনি। অসিগুম্বা কমিটিশীং অসিগী কনষ্টিট্যুসন অমসুং ফঙ্কসনশীংগী অকুপ্পা মরোল অসি ষ্টেট গবর্ণমেন্টনা রুল শেমদুনা তাক্কনি।
• নামা শোয়রবা মীওইশীংদা শেলগী মতেং পীনবগীদমক নেসনেল অমসুং ষ্টেট ফন্দ শেমগনি। হৌজিক লৈরিবা নেসনেল ফন্দ ফোর পর্সনস ৱিথ দিসএবিলিটিজ অমসুং দি ত্রষ্ট ফন্দ ফোর এম্পাৱরমেন্ট ওফ পর্সনস ৱিথ দিসএবিলিটিজ অসি নেসনেল ফন্দগী শরুক অমনি (subsumed) হায়না লৌগনি।

আইন্না য়াদবা থবক্কী চৈরাকশীং (Penalties for offences)

• এক্ট অসিনা নামা শোয়রবা মীওইশীংদা তৌবা আইন্না য়াদবা থবকশীংগীদমক (offences) অমসুং অনৌবা আইন অসিগী প্রোভিজনশীং থুগাইবগীদমক চৈরাক পীনবা খংহল্লি।
• এক্ট অসিগী প্রোভিজনশীং নত্ত্রগা মসিগী মখাদা শেম্বা রুল নত্ত্রগা রিগুলেসন অমহেক্তবু থুগায়রিবা মীওই অমহেক্তবু থা তরুক ফাউবা জেলদা থম্বা অমসুং/ নত্ত্রগা লুপা 10,000গী ফাইন লৌবা, নত্ত্রগা অনিমক্কী চৈরাক পীগনি। মসিগী মতুংদা অমুক আইন থুগাইরক্লবদি, চহি অনি ফাউবা জেলদা থম্বা অমসুং/ নত্ত্রগা লুপা 50,000দগী লুপা লাখ মঙা ফাউবগী ফাইন লৌবা য়াই।
• কনাগুম্বা মীওই অমনা পুক্নিংদা তৌগে হায়বা য়াউনা নামা শোয়রবা মীওই অমবু ইকায়বা পীরবা নত্ত্রগা কিহল্লবা, নত্ত্রগা নামা শোয়রবা নুপী নত্ত্রগা অঙাং অমবু সেক্সুএল্লি তুহৎপীরবদি, মীওই অদুবু থা তরুক্তগী চহি মঙা ফাউবা জেলদা থম্বগা লোয়ননা ফাইন লৌবগী চৈরাক পীগনি।
• PwDশীংগী অধিকার খোঙ্গোইনবগা মরি লৈনবা কেসশীং য়েংশিন্নবগীদমক দিষ্ট্রিক্ট খুদিংমক্তা স্পেসিএল কোর্টশীং থমগনি।

সোর্স: দিপার্টমেন্ট ওফ এম্পাৱরমেন্ট ওফ পর্সনস ৱিথ দিসএবিলিটিজ (দিব্যাংজন)