চেক বাউন্স তৌবগী আইন

করম্বা মতমদা চেক অমা “দিসওনর্দ” (“dishonoured”) তৌবগে?

চেক অমা হায়বসি পার্টি অমনা অইবা ওইনা, অতোপ্পা পার্টি অমদা কন্দিসন য়াউদনা, পীফম থোকপা অকক্নবা শেনফম অমা তাক্তুনা মদু পীগনি হায়বা ৱাশক (promise) অমনি। চেক অমা পেমেন্টকীদমক্তা দিপোজিট তৌবা নত্ত্রগা পীশিল্লবা অদুবু মসিগী ৱাশক অসি ইকাইখুম্নদবা (not honoured) মতমদা চেক অদু “বাউন্স তৌই” নত্ত্রগা “দিসওনর্দ তৌই”।

খুদমশীং:

1. Aনা Bদা লুপা 1,000গী চেক ইসু তৌই। চেক অদু Bনা বেঙ্কতা দিপোজিট তৌই, বেঙ্কনা মঙোন্দা পাউ পীরকই মদুদি Bদা পীননবা Aগী একাউন্টদা  লুপা 1,000 য়াউদে। চেক অদু দিসওনর্দ তৌরে।
2. Aনা Bদা লুপা 1,000গী চেক ইসু তৌই। Bনা চেক অদু দিপোজিট তৌদ্রিঙৈ মমাংদা, Aনা মহাক্কী বেঙ্ক অদুদা চেক অদুগী পেমেন্টদু পীদনবা ইনষ্ট্রক্সন পীরে। Bনা চেক অদু কায়থোক্নবা হোৎনবা মতমদা মদু য়াদ্রে। চেক অদু দিসওনর্দ তৌরে।

তোইনা হংবা ৱাহংশীং (ফ্রিক্বেন্টলি অস্ক ক্বেসনস)

ঐনা ঐগী য়ুম্বুদা (লেন্দলোর্দ) ভারা পীনবা চেক অমা ইবা মতমদা ঐগী একাউন্টতা শেল মতিক চানা লৈখি। অদুবু য়ুম্বুনা মদু নু্মিৎ 20নি লৈরগা দিপোজিট তৌবা মতমদদি ঐগী একাউন্টতা ভারা পীনবা শেল মতিক চানা য়াউদ্রে অমসুং চেক অদু দিসওনর্দ ওইরে। ঐনা আইননা য়াদবা থৌওং অমা পাংথোকখি হায়না লৌগদ্রা?

মহৌশানা চেক অমসি মসি ইসু তৌখিবা তাংদগী থা 3দি ভেলিদ (চৎনবা য়াবা) ওইগনি। নহাক্না নহাক্কী য়ুম্বু অদুদা নহাক্কী ভারা অদু চেক অমগী খুত্থাংদা পীগনি হায়না ৱাশকপা মতমদা, নহাক্কী ৱাশক অদু থা অহুমগী ওইননি হায়না লৌগদবনি। নহাক্না চেক ইবা মতমদা নহাক্কী ভারা অদু পীগদৌবনি হায়না নহাক্না খঞ্জবা তারবসু, নুমিৎ খরনিগী মতুংদা, নহাক্কী য়ুম্বু অদুনা চেক অদু পেমেন্টকীদমক্তা পীশিনবা মতমদা নহাক্কী একাউন্ট বেলেন্স অদু ভারাগী শেনফম অদুগী মখাদা লৈখিবা তারবদি, নহাক্না আইননা য়াদবা থৌওং অমা তৌরে হায়না লৌফম থোকই। নহাক্না চেক অদু ইবা মতমদা শেল পীনিংবগী অনিংবা অদু মরি লৈনবা ফেক্টর নত্তে, মদুগী মহুত্তা নহাক্কী য়ূম্বূ অদুনা মহাক্কী বেঙ্কতা চেক অদু পীশিনবা মতমদা নহাক্কী ৱাশক অদু ঙাকপ্রা হায়বদুনা হেন্না মরুওই।

ফিভম অসিদা, নহাক্কী য়ুম্বুনা নহাক্কী মায়োক্তা লিগেল প্রোসিদিংস লৌখৎপা য়াই অমসুং নহাকপু জেলদা চহি অনি থমদুনা অমসুং/ নত্ত্রগা চেক এমাউন্ট অদুগী শরুক অনি হেনগৎনা লৌদুনা চৈরাক পীবা য়াই। কোর্টনা মসিমসু হায় মদুদি নহাক্কী কেস অদু কম্পাউন্দ কাদুনা নত্ত্রগা ষ্টেজ অমহেক্তদা লোইশিনবা য়াই। মসি এপ্লিকেসন অমা পীশিন্দুনা শেন চংহন্দনা অহানবা নত্ত্রগা অনিশুবা হিয়ারিংদা পাংথোকপা য়াই। মসি মতুং তারকপা ষ্টেজদসু পাংথোকপা য়াই, অমসুং মসিদদি নহাক্না লিগেল সর্ভিস ওথোরিটিদা চেক এমাউন্ট অদুগী 20%গী শেনফম ফাউবদি পীবা তাই।

X না চেক অমা ঐঙোন্দা ইসু তৌরকই। ঐনা মদু পেমেন্টকীদমক্তা দিপোজিট তৌই, অদুবু মদু দিসওনর্দ তৌরে। ঐনা করি তৌবা য়াবগে?

মখাদা পীরিবা কন্দিসনশীং অসি মপুং ফানা লৈরবদি, নহাক্না নেগোসিএবল ইনষ্ট্রুমেন্টস এক্টকী সেক্সন 138কী মখাদা ক্রিমিনেল কমপ্লেন্ট অমা ফাইল তৌবা য়াই:

1. X না নঙোন্দা শেল খরা পীফম থোক্লম্মী অমসুং মদুবু পীনবগীদমক চেক অমা ইসু তৌই;
2. নহাক্না চেক অদু পেমেন্টকীদমক্তা মদুগী ভেলিদিটি মনুংদা পীশিল্লি (ভারতকী চেকশীংগী ওইনদি, পেরিওদ অসি হৌজিক্কী ওইনা থা 3 ওইরি);
3. বেঙ্কনা চেক অদু হন্দোরক্লে অমসুং চেক এমাউন্ট অদু নঙোন্দা পীবা ঙম্লরোই হায়না খংহল্লক্লে;
4. বেঙ্কনা নঙোন্দা চেক অদু দিসওনর্দ তৌরে হায়না খংহল্লকপা নুমিৎ 30নিগী মনুংদা, নহাক নত্ত্রগা নহাক্কী উকিলনা চেক এমাউন্ট অদু দিমান্দ তৌদুনা অইবা নোটিস অমা Xতা থাই;
5. Xনা নোটিস অদু ফংবা নুমিৎ 15নিগী মনুংদা চেক এমাউন্ট অদুগী পেমেন্ট অদু পীদ্রে।

দিসওনর্দ চেক অমগী কমপ্লেন্ট অমা ঐহাক্না কদাইদা তৌবা য়াবগে?

1. নহাক্না চেক অদু নহাক্কী বেঙ্ক একাউন্টতা দিপোজিট তৌনবা হোৎনখিবা তারবদি, নহাক্কী একাউন্ট অমা লৈরিবা বেঙ্ক অদুগী ব্রাঞ্চকী মথক্তা জুরিসদিক্সন লৈরিবা মেজিষ্ট্রেট অমগী মমাংদা কমপ্লেন্ট অদু ফাইল তৌবা য়াই।
2. চেক অদুবু নহাক্না বেঙ্ক একাউন্ট অমদা হাপচিন্দনা শেল ওন্থোক্নবা হোৎনখিবা তারবদি, চেক অদুবু ইসু তৌরক্লিবা বেঙ্ককী ব্রাঞ্চ অদুগী মথক্তা জুরিসদিক্সন লৈরিবা মেজিষ্ট্রেট অমগী মমাংদা কমপ্লেন্ট অদু ফাইল তৌবা য়াই।

সোর্স: ন্যায়া

মরি লৈনবা রিসোর্সশীং

দি নেগোসিএবল ইনষ্ট্রুমেন্টস এক্ট, 1881