চাইল্ড লেবরগী আইনবু শন্দোক্না তাকপা
চাইল্ড লেবরগী আইনবু শন্দোক্না তাকপা
- অঙাংশীংবু থবক শুহনবা (employ) হায়বসি আইননা য়াব্রা?
- ঐগী য়ুম্লোন-কৈরোন্নবদা মীওই অমনা অঙাংশীংবু থবক শুহল্লি। ঐনা করি তৌবা তাবগে?
- আইন থুগাইদুনা অঙাংশীংদা থবক শুহল্লম্বগীদমক করম্বা চৈরাক পীগদগে?
- আইন অসিগী মখাদা রেস্ক্যু তৌরবা অঙাংশীংদা করি তৌগদগে?
- অঙাংশীংবু ইমুংগী ব্যুজিনেসতা শিজিন্নবা হায়বসি আইননা য়াব্রা?
- মমা-মপাশীংবু মখোয়গী অঙাংশীং থবক শুহনবগীদমক্তা চৈরাক পীবা য়াব্রা?
- অঙাংশীংবু মুভিদা এক্টিং তৌহনবা নত্ত্রগা স্পোর্টসতা প্রোফেসন অমগুম্না শরুক য়াহনবসি আইননা য়াব্রা?
- চহি 14 অমসুং 18গী মনুংদা লৈবা অঙাংশীংনা শুবা য়াবা থবক মখলশীংদু করি করিনো?
- চহি 14 অমসুং 18গী মরক্তা লৈবা অঙাংশীংবু থবক শুহল্লিবা ইষ্টাব্লিসমেন্টশীংবু রিগুলেট তৌব্রা?
- এদোলসেন্তশীংনা অকক্নবা থবক শুফম অমদা থবক তৌরি হায়বসি গবর্ণমেন্টনা করম্না খংগদগে?
অঙাংশীংবু থবক শুহনবা (employ) হায়বসি আইননা য়াব্রা?
য়াদে, নহাক্না চহি 14গী মখাদা লৈবা অঙাংশীংবু থবক্তা শিজিন্নবা য়াদে।
মসিদা অয়াবা পীবা অমদি লৈ মদুদি, ইমুংগী ব্যুজিনেস ওইনা চলাইবা ইমুংগী অঙাংশীংদি স্কুল মতমগী মতুংদা অমসুং ভেকেসনগী মনুংদা থবক শুবা য়াই। মসিগা মান্ননা, মুভি, এদভরটাইজমেন্ট অমসুং স্পোর্টসশীংদা এক্টিং তৌরিবা অঙাংশীংদি থবক শুবা য়াহনগনি।
চহি 14 অমসুং 18গী মরক্তা লৈবা অঙাংশীংগী ওইনদি, মফমশীং অদু খুদোংথীনিঙাই ওইদ্রবদি (মখাদা শন্দোক্না তাক্লি) আইন্না য়াই। চহি 14 অমসুং 18গী মরক্তা লৈবা অঙাংশীংগী ওইনা আইন অসিদা ‘এদোলসেন্ট’ হায়বা ৱাহৈ অসি শিজিন্নরি।
ঐগী য়ুম্লোন-কৈরোন্নবদা মীওই অমনা অঙাংশীংবু থবক শুহল্লি। ঐনা করি তৌবা তাবগে?
করিগুম্বা নহাক্না কনাগুম্বা মীওই অমনা আইন থুগায়বা উরবদি, নহাক্না পুলিস নত্ত্রগা মেজিষ্ট্রেট অমদা কমপ্লেন্ট অমা ফাইল তৌবা য়াই। নহাক্না মদু অঙাংশীংগী থবক তৌরিবা লোকেল NGOশীংদা খংহন্দুনা মখা তাবা খোংথাংশিং লৌখৎহনবা য়াই। পুলিস ওফিসর অমা নত্ত্রগা চাইল্ড লেবর ইন্সপেক্টর অমনসু আইন অসিগী মখাদা কমপ্লেন্ট অমা ফাইল তৌবা য়াই।
ওফেন্স অসি কোগনাইজেবল (cognizable) ওই, হায়বদি কনাগুম্বা মীওই অমনা আইন থুগায়দুনা, অঙাং নত্ত্রগা এদোলসেন্ট (adolescent) অমবু হকশেল শোক্নিংঙাই ওইবা থবক্তা শিজিন্নরবদি পুলিস ওফিসর অমনা ৱারেন্ট অমা য়াউদনা ইনভেষ্টিগেসন অমা চত্থনবা খংহনবা ঙম্মী।
আইন থুগাইদুনা অঙাংশীংদা থবক শুহল্লম্বগীদমক করম্বা চৈরাক পীগদগে?
চহি 14গী মখাদা লৈবা অঙাং অমা নত্ত্রগা চহি 14 অমসুং 18গী মরক্তা লৈবা অঙাং অমবু হকচাং শোক্নিংঙাই ওইবা শিনফম নত্ত্রগা প্রোসেস অমদা শীজিন্নরম্লবদি থা তরুক অমসুং চহি অনিগী মরক্তা ওইবা জেলগী মতম অমসুং/ নত্ত্রগা লুপা 20,000 অমসুং লুপা 50,000গী মরক্তা ফাইন লৌগনি।
মীওই অমবু আইন থুগাইবা পুম্নমক্কী (খুদম ওইনা, রেজিষ্টর মেইন্টেন তৌবা, থবক শূবগী মতম, হকশেল অমসুং সেফটিগী কন্দিসনশীংগা মরি লৈননা) ওইনা থা অমগী ওইবা জেলগী মতম অমসুং/ নত্ত্রগা লুপা 10,000গী ওইবা ফাইন অমগা পীগনি। অহানবা ওইবা ওফেন্সশীংদি করিগুম্বা মীওই অদুনা অকক্নবা শেনফম অমা পীরগা লোয়শিনবা য়াই।
অঙাংশীংবু থবক শুহনবগী চৈরাক পীবা অতৈ আইন কয়া অমসু লৈরি। অদুম ওইনমক, অঙাংশীং অমসুং এদোলসেন্টশীংবু (adolescents) থবক্তা শিজিন্নবগী ক্রাইমগী প্রোসিক্যুসনদি চাইল্ড লেবর লোগী মখাদা ওইগনি। আইনশীং অসিগী মনুংদা ফেক্টরিজ এক্ট,মাইনস এক্ট, মার্চেন্ট শিপ্পিং এক্ট অমসুং মোটোর ত্রান্সপোর্ট ৱার্করস এক্ট অসিসু য়াউই।
আইন অসিগী মখাদা রেস্ক্যু তৌরবা অঙাংশীংদা করি তৌগদগে?
আইন অসিবু থুগাইবা থবক্কী ফিভমশীংদা থবক শুহল্লিবা অঙাংশিংবু রেস্ক্যু তৌরবা মতুংদা অনৌবা আইনগী মখাদা রিহেবিলিটেট তৌবা তাই। কেয়র অমসুং প্রোটেক্সনগী মথৌ তাবা অঙাংশীংবু– জুবেনাইল জষ্টিস (কেয়র এন্ড প্রোটেক্সন ওফ চিলদ্রেন) এক্ট, 2015 কী মখাদা কোনশিনগনি।
অঙাংশীংবু ইমুংগী ব্যুজিনেসতা শিজিন্নবা হায়বসি আইননা য়াব্রা?
হোয়, অঙাংশীংবু (চহি 14গী মখা) ইমুংগী ব্যুজিনেসতা থবক শিজিন্নবা য়াই। ব্যুজিনেস অদু অঙাংদুমক্কী ইমুংগী মীওই (মমা, মপা, ময়াম্বা/ মনাউ, মচন/ মচে)না নত্ত্রগা মরি-মতা (extended family)না (মপাগী মচন/মচে অমসুং মনাউ/ময়াম্বা, নত্ত্রগা মমাগী মনাউ/মচে অমসুং মবুং/মনাউ) চলাইবা ওইবা য়াই।
ইমুংগী ব্যুজিনেস অদুদা খুদোংথীবা য়াবা পোৎ-চৈ নত্ত্রগা থৌওংশীং (আইন অসিদা য়াউরিবা টর্ম অদুদি ‘হেজার্দস’ (‘hazardous’) ওক্যুপেসন নত্ত্রগা প্রোসেস হায়বসিনি) য়াউবদি ওইরোইদবনি। আইন অসিনা করম্বা থবকশীংবু হকচাংদা খুদোংথীনিংঙাই (hazardous) ওই হায়না লৌগদগে হায়বদু তাক্লি। মাইন, এক্সপ্লোসিভ অমসুং কয়লা, পাৱর জেনেরেসন তৌনবা ইন্দষ্ট্রিশীং অসিনচিংবদা চত্থরিবা প্রোসেসশীং অসি মনুং চল্লি। হকচাংদা খুদোংথীনিঙাই ওইবা শিনফমশীং নত্ত্রগা প্রোসেসশীংগী মপুংফাবা লিষ্ট য়েংনবগীদমক্তা, মফমসিদা ক্লিক তৌবীয়ু।
অঙাংশীংবু ইমুংগী ব্যুজিনেসতা শিজিন্নবা অসি আইননা য়ারবসু, অঙাংদুগী এজুকেসনদদি অকায়বা লৈহল্লোইদবনি। নুপীমচা নত্ত্রগা নুপামচাদু স্কুলগী পুংফম লোয়রগা নত্ত্রগা ভেকেসনগী মতমদখক্তা থবক্তা শীজিন্নগদবনি।
মমা-মপাশীংবু মখোয়গী অঙাংশীং থবক শুহনবগীদমক্তা চৈরাক পীবা য়াব্রা?
আইন অসিবু থুগাইদুনা থবক শুহল্লিবা অঙাংশীংগী মমা-মপা নত্ত্রগা গার্জিয়ানশীংবু মখোয়গী অঙাংশীং থবক শুহনবগীদমক চৈরাক্তি পীরোই। অদুম ওইনমক, করিগুম্বা মখোয়না মখোয়গী অঙাং (চহি 14গী মখা) অদু কমর্সিএল ওইবা থবক্কীদমক নত্ত্রগা অঙাং (চহি 14 অমসুং 18গী মরক্তা লৈবা) অদু হকচাংদা খুদোংথীবা থোক্নিংঙাই থবক নত্ত্রগা প্রোসেসতা শীজিন্নরবদি ইম্যুনিটি (immunity) অসি ফংলোই। আইন অসিনা মখোয়বু মখোয়না তৌরুবা অরানবা অদু চুমথোকচনবগী খুদোংচাবা অমা পীগনি, হায়বদি মখোয়না মসি পাংথোকপগীদমক অহানবা ওইনা ফাবা মতমদা, মখোয়না মসি ৱা লোইশিন্নবা (settle) য়াই। অদুম ওইনমক, করিগুম্বা মখোয়না মখোয়গী অঙাংশিং অদুবু আইন অসি থুগায়দুনা থবক শুহল্লম্লবদি মখোয়বু লুপা 10,000 ফাউবগী ফাইন থীহন্দুনা চৈরাক পীবা য়াই।
অঙাংশীংবু মুভিদা এক্টিং তৌহনবা নত্ত্রগা স্পোর্টসতা প্রোফেসন অমগুম্না শরুক য়াহনবসি আইননা য়াব্রা?
হোয়, মসি আইননা য়াই। অঙাংশিংনা মুভি অমসুং TV সিরিএলশীংদা এক্টিং তৌবা য়াই অমসুং মদুগীদমক্তা শেল পীবসু য়াই। মখোয়না মসি হোবি (hobby) অমগুম্না তৌবসু য়াই। এক্সেপসন অসিগী মতাংদা (exception) অয়াবা পীরবা এন্টরটেনমেন্ট অমসুং স্পোর্টকী এক্টিভিটিশীংগী মপুংফাবা লিষ্ট অমা সরকারসিনা হৌজিক ফাউবদি শেমদ্রি। অসিগুম্বা অঙাংশীং অসিবু থবক পীনবগী কন্দিসনশীংগা মরি লৈনবা রুলশীংদি হৌজিক ফাউবা লৈত্রি। মসিগীসু মথক্তা, অঙাংগী এজুকেসন অদুদা অকায়বা পীদবা হায়বসিসু য়াম্না মরুওই।
এক্সেপসন অসিগী এক্সেপসন অমদি অঙাংশীংবু সর্কস অমদা ৱাইবসিনি, মসিদি আইন অসিগী মখাদা আইন্না য়াদে (illegal)।
চহি 14 অমসুং 18গী মনুংদা লৈবা অঙাংশীংনা শুবা য়াবা থবক মখলশীংদু করি করিনো?
আইন অসিনা করম্বা থবক মখলশীংদা মখোয়বু থবক শুবা য়াহন্দবগে হায়বদুখক্তং তাক্লি। এদোলসেন্ট নত্ত্রগা অঙাংশীংবু (চহি 14 অমসুং 18গী মরক্তা লৈবা) মহৌশানা মখাদা পীরিবা থবকশীং অসিদদি শিজিন্নবা য়াদে:
- হকচাং শোক্নিংঙাই ওইবা শিনফমশীং – মাইন অমসুং মৈ হৌনিংঙাই ওইবা পোৎ-চৈ নত্ত্রগা এক্সপ্লোসিভশীং (মৈকাপ্পী/ বম্বুলাগী ফেক্টরিশীং)।
- হকচাং শোক্নিংঙাই ওইবা প্রোসেসশীং – হকশেল শোক্নিংঙাই ওইবা প্রোসেসশীং শিজিন্নবা ইন্দষ্ট্রিশীংগী লিষ্ট অদু দি ফেক্টরিজ এক্ট, 1948 হায়রিবা আইন অসিগী মখাদা পীরি। মখোয়দুগী মনুংদা কয়লা, পাৱর জেনেরেসন, পেপর, ফর্টিলাইজর, আইরন অমসুং ষ্টিলগী ইন্দষ্ট্রিশীং, এসবেস্টোজ (asbestos), অসিনচিংবা য়াউরি।
- সরকারনা লিষ্ট অসিদা হাপচিনবা নত্ত্রগা লৌথোকপা ঙম্মী।
চহি 14 অমসুং 18গী মরক্তা লৈবা অঙাংশীংবু থবক শুহল্লিবা ইষ্টাব্লিসমেন্টশীংবু রিগুলেট তৌব্রা?
এদোলসেন্টশীংবু থবক শিজিন্নবা মতমদা ইনগদবা বেসিক রুল খরদি সেন্ত্রেল লো অসিদা য়াউরবসু, তোঙান-তোঙানবা ষ্টেট গবর্ণমেন্টশীংনা অহেনবা কন্দিসনশীং তাক্লিবা রুলশীং চৎনহল্লি। সেন্ত্রেল লোগী মখাদা, ইষ্টাব্লিসমেন্ট নত্ত্রগা ৱার্কশোপ অমা কন্ত্রোল তৌরিবা মীওইশীংনা মখাদা পীরিবা মিনিমক রুলশীং অসি শোয়দনা ইনবা তাই। রুলশীং অসি, মখোয়গী ইমুং-মনুংগী মতেংনা চলাইবা ইষ্টাব্লিসমেন্টশীং অমসুং গবর্ণমেন্টনা ফন্দ পীথবা নত্ত্রগা রিকগনাইজ তৌরবা স্কুলশীংদদি চৎনরোই।
- এদোলসেন্টশীংদা, মতম অমুক্তদা শুপ্নগী পুং অহুমখক্কী মেক্সিমম ওইবা মতম অমগীদমক থবক শুহনবা য়াই। মরক্তা নুপীমচা নত্ত্রগা নুপামচা অদু পুং অমদি পোত্থাহনবা তাই।
- নোংমদা, থবক শুবগী মতম (পোত্থাবগী মতম য়াউনা) অসি পুং 6 তগী হেনবা য়াদে। মসিগী মনুংদা মখোয়না থবক শুনবগী ঙাইবা মতম অদুসু য়াউহনগনি।
- এদোলসেন্টশীংবু (Adolescents) নুমিদাংগী পুং 7 অমসুং অয়ুক্কী পুং 8 ফাউবগী মনুংদা থবক শুহনবা য়াদে।
- এদোলসেন্ট অমবু চয়োল অমদা নোংমগী ছুটি পীবা তাই।
- করিগুম্বা এদোলসেন্ট অদু হান্ননা অতোপ্পা মফম অমদা থবক শুরিবা ওইরবদি, থবক পীরিবা মীওই অদুনা নুপীমচা নত্ত্রগা নুপামচাদুবু চপ মান্নবা নুমিত্তুমক্তদা মখোয়গী মফমদা থবক শুহনবা য়াদে।
- ষ্টেট গবর্ণমেন্টশীংনা এদোলসেন্টশীংনা থবক শুরিবা ইষ্টাব্লিসমেন্ট/ ৱার্কশোপ অদুগী হকশেল অমসুং সেফটিগা মরি লৈননা থবক শুবগী মক্সিমম ওইবা পুংশীং অমসুং কন্দিসনশীংগা মরি লৈননা অকক্নবা কন্দিসন খরা রিগুলেট তৌই। মহৌশানা রুলশীং অসিনা নোংমদা নত্ত্রগা চয়োলদা এদোলসেন্ট অমনা থবক শুবা য়াবা মেক্সিমম ওইবা পুংশীং য়াউনা, কন্দিসনশীং রিগুলেট তৌই। খুদম ওইনা, কর্নাটকাদদি মেক্সিমম ওইবা পুংশীং অসি নোংমদা পুং মঙা অমসুং চয়োলদা পুং 20নি।
- ইন-চার্জ ওইরিবা মীওই অদুনা অঙাং খুদিংমক্কী থক্নবা ঈশীং (অকক্নবা ক্বান্টিটি অমসুং ক্বালিটিগী ওইবা) ফংহনবা মথৌ তাই।
- থবক মফমদা মতিক চানা মৈ থানবা, নুংশীৎ থোকফম/ চংফম (ভেন্টিলেসন) অমসুং অঈং-অশা (টেম্পেরেচর) লৈগদবনি। থবক মফম অদু লু-নানবসু ওইগদবনি অমসুং সোলিদ নত্ত্রগা লিক্যুইদ ৱেষ্ট মওং চুম্না লোইশীন্নবগী সিষ্টেমশীং লৈবা মথৌ তাই।
- টোইলেট অমসুং তিন শিত্তোকফম (spittoons) লৈবা তাই।
- চলাইরিবা মেছিনশীং অদু শিজিন্নবদা শাফবা ওইগদবনি অমসুং মেছিনশীং অসি এদোলসেন্টশীংনা শিজিন্নবদা ত্রেন তৌরবা মীওইশীংনা সুপরভাইজ তৌগদবনি। এদোলসেন্টশীংনা খুদোংথীনিঙাই ওইবা মেছিনশীং শিজিন্নরোইদবনি।
- লৈমায় (floors) অমসুং কৈরাকশীং (stairs) অদু শীজিন্নবদা শাফবা ওইগদবনি অমসুং মফমদুদা এমর্জেন্সি এক্সিটশীং (emergency exits) লৈগদবনি।
- অঙাংশীংদা য়াম্না লুম্বা পোৎ-চৈশীং পুহল্লোইদবনি। খুদম ওইনা, বিহারদদি, নুপামচাশীংগী ওইনা কিলো 14 অমসুং নুপীমচাশীংগী ওইনা কিলো 12দগী হেল্লি।
কন্দিসনশীং অসি শোয়দনা ইলহন্নবগীদমক, চাইল্ড লেবর লোগী মখাদা তোঙান-তোঙানবা ষ্টেটশীংদা ইসু তৌরিবা মরি লৈনবা রুলশীং অদু চানবীদুনা চেক তৌবীয়ু।
এদোলসেন্তশীংনা অকক্নবা থবক শুফম অমদা থবক তৌরি হায়বসি গবর্ণমেন্টনা করম্না খংগদগে?
ইন-চার্জ ওইরিবা মীওই অদুনা, ওফিসকী পুংফমদা সরকারগী ইন্সপেক্টরনা চেক তৌবা য়াহন্নবগীদমক রেজিষ্টর অমা থম্বা হায়বসি মহাক্কী মথৌনি। রেজিষ্টর অদুদা এদোলসেন্ট ইমপ্লোয়ি পুম্নমক্কী ওইনা, মখাদা পীরিবা অকুপ্পা মরোলশীং অসি য়াউহনবা তাই:
- মমীং অমসুং পোকপগী তাং;
- পোত্থাবগী মতমগা লোয়ননা থবক শুবগী পুংশীং অমসুং থবক শুবগী মতম; অমসুং
- থবক্কী মখল।
সোর্স: ন্যায়া
মরি লৈনবা রিসোর্সশীং
অকোনবা শেমদোকখিবা : 6/10/2020
