চাইল্ড সেক্সুএল এব্যুজগী ওইবা আইন

আইন অসিনা করি মথৌ তৌবগে?

• মসি অঙাংশীংগী (চহি 18গী মখাদা লৈবা নুপা নত্ত্রগা নুপীশীং) ওইবা অখন্নবা আইন অমনি।
• চাইল্ড সেক্সুএল এব্যুজগী কেসশীং অসি আইন অসিগী মখাদা ৱায়েল্লি। করিগুম্বা ক্রাইম অদু পাংথোকখি হায়বগী প্রমাণ ফংলবদি, ওফেন্দর অদুবু সেক্সুএল এব্যুজ অদুগী মওং-মতৌ অমসুং শাথীবগী চাংগী মখা পোন্দুনা চৈরাক পী।
• মসিনা, অঙাংশীংদা চত্থবা সেক্সুএল ক্রাইমশীংগী কেসশীংগী মতাংদা পুলিস, মেজিষ্ট্রেট (নত্ত্রগা জজ)না ইনগদবা প্রোসিদ্যুওর অদু তাকই।
• আইন অসিগী মখাদা লৈবা চাইল্ড সেক্সুএল এব্যুজগী কেসশীং অসি য়াম্না থুনা লোয়শিন্নবগীদমক স্পেসিএল কোর্টশীংদা ৱায়েন চত্থবা তাই। অঙাং অদুনা নংলিবা মপান্থোংগী অমসুং পুক্নিং-ৱাখলগী চৈনা অদুগীদমক কোর্টনা কম্পেন্সেসন পীনবা ওর্দর পীবা য়াই।

করম্বা মখলগী ক্রাইমশীংবু চৈরাক পীবগে?

• অঙাং অমবু হক্তিনবীবা (Penetrative sexual assault of a child)।
• অঙাং অমদা হক্তিনবা নত্ত্রবসু মখাদা পীরিবশীং অসি পাংথোক্লবা, ( Non-penetrative sexual assault of a child, including)
• সেক্সুএল এসোল্ট (Sexual assault);
• সেক্সুএল হারাসমেন্ট (sexual harassment);
• অঙাংগী পোর্নোগ্রাফি শেম্বা অমসুং য়োনবা (Making and selling child pornography)।

করিগুম্বা মথক্তা পনখ্রিবশীংসি অঙাং অদুনা থাজবা মীওই নত্ত্রগা ওথোরিটি অমনা পাংথোকপা তারবদি অহেনবা জেলগী মতমগা লোয়নবা চৈরাক পীগনি।

মশানা য়ান্নদুনা চত্থবা সেক্সুএল এক্টিভিটিদি আইন অসিগী মখাদা ক্রাইম ওইগদ্রা নত্ত্রগা ওইরোইদ্রা হায়বগী দিবেট অমা লৈরি।

নহাক্না চাইল্ড সেক্সুএল এব্যুজগী কেস অমা রিপোর্ট তৌরবদি করি থোকপগে?

করিগুম্বা নহাক্না চাইল্ড সেক্সুএল এব্যুজ লৈরে হায়বা খংলবদি, নহাক্না মদু পুলিসতা রিপোর্ট তৌগদবনি, অমসুং মখোয়না নহাক্কী কমপ্লেন্ট অদুগী অইবা রেকোর্দ অমা শেমগনি। অয়াম্বা মতমদদি, নহাক্না এব্যুজ অদু লৈরে হায়বা তশেংনা খংদবসু য়াই, করিগুম্বা নহাক্না চিংনবখক ওইরবসু, নহাক্না মদু রিপোর্ট তৌগদবনি। করিগুম্বা নহাক্না মদু তৌদ্রবদি, নহাকপু আইন অসিগী মখাদা চৈরাক পীবা য়াই।

করিগুম্বা নহাক্কী রিপোর্টতা য়ুম্ফম ওইদুনা, পুলিসনা অঙাং অদুবু খুদক্কী ওইবা মেদিকেল কেয়র মথৌ তাই হায়না খল্লবদি, পুলিসনা করিগুম্বা FIR অমা ফাইল তৌদ্রবসু অঙাং অদুবু মেদিকেল কেয়র ফংহনবা হায়বসি মখোয়গী মথৌনি। পুলিসনা লৌখৎলিবা ইনভেষ্টিগেসন অদুগী শরুক ওইনা, মখোয়না অঙাংদুদা ৱাহংশীং হংগনি। অদুবু মখোয়না মসি ইনফোর্মেল ওইবা মওং অমদা পাংথোকপা হায়বসি মখোয়গী মথৌ ওইগনি। চাইল্ড ৱেলফেয়র কমিটিগুম্বা ওথোরিটিশীংনা, অঙাং অদুনা মহাক্কী হৌজিক লৈরিবা য়ুম অদুদা লৈথগদ্রা নত্ত্রগা মদুগী মহুত্তা চিলদ্রেন হোম অমদা থমগদ্রা হায়বদুগী ফিরেপ লৌগনি।

সরকারনা ওনলাইন কমপ্লেন্ট সিষ্টেম অমসু শেম্লে।

কেস অসিগী মতাংদা ঈ-পাউ পীরিবা মিদিয়া চেনেল অমসুং ন্যুজপেপরশীংনা তৌগদৌবা মথৌদি,  মখোয়না পীরিবা পাউ অদু চুম্লব্রা হায়বদু শেংনা খংদোকপসিনি অমসুং মখোয়না অঙাং অদুবু মীয়াম্না মশক খংনবা মওংদা পাউ ফোংলোইদবনি। মসি ইন্দ্রবদি মখোয়বু আইন অসিগী মখাদা চৈরাক পীবা য়াই।

সোর্স: ন্যায়া

মরি লৈনবা রিসোর্সশীং

1. দি প্রোটেক্সন ওফ চিলদ্রেন ফ্রোম সেক্সুএল ওফেন্সেস এক্ট, 2012