প্রধান মন্ত্রি অৱাস যোজনা (গ্রামিন)

ৱাহৌদোক

য়ুম-কৈ লৈবা হায়বসি মীওইবনা হিংনবগীদমক চংদবা য়াদবশীংগী মনুংদা অমনি। মীচম নাগরিক অমগী ওইনদি য়ুম অমগী মপু ওইবা হায়বসিনা মশক থোকপা ইকোনোমিক অমদি সোসিএল সেক্যুরিটি অমসুং সমাজদা ফিদা অমা পিরিবনি। চংজফম লৈতবা মীওই অমগী ওইনদি, য়ুম অমনা মহাকপু আইদেন্টিটি পীদুনা সমাজদা তিলহনবদা মতেং পাংদুনা, সমাজগী অচৌবা অহোংবা অমা পীগদৌরিবনি।

ইং 2022 ফাউবদা মীওই পুম্নমক্কী য়ুম লৈহন্নবগী (Housing for all by 2022) পান্দম অসি ফংনবগীদমক্তা, রুরেল হাউসিং স্কিম ওইরিবা ইন্দিরা অৱাস যোজনা অসি প্রধান মন্ত্রি অৱাস যোজনা-গ্রামিন হায়দুনা নৌনা মীংথোল্লে অমসুং ইং 2016গী মার্চতা এপ্রুভ তৌখ্রে। স্কিম অসিগী মখাদা, য়ুম-কৈ লৈজদবা অমসুং লৈফম মওং তাদবা মীওইশীংদা পক্কাগী য়ুম শানবা শেলগী মতেং পীরি। 2016-17 দগী 2018-19 ফাউবদা প্রোজেক্ট অসিগী মখাদা য়ুমথোং ক্রোর অমদা পক্কা য়ুম শাবদা মতেং পীনবা প্রষ্টাব তৌরি। স্কিম অসি দিল্লি অমসুং চান্দিগর য়াউদনা, ভারতকী খুঙ্গং শিনবা থুংনা ইমপ্লিমেন্ট তৌগনি। য়ুমশীং অসি শাবদা চংগদবা শেনফম অদু সেন্টর অমসুং ষ্টেটশীংগী মরক্তা য়েন্নদুনা পুথোক্কনি।

পান্দম

খুঙ্গংগী লমদমশীংদা লৈবা য়ুম-কৈ লৈজদবা অমসুং মওং চাদবা য়ুমশীংদা লৈবা মীওই পুম্নমক্তা ইং 2022 ফাউবদা পক্কাগী য়ুম পীবা হায়বসিনি।

ফন্দ পীবগী মওং-মতৌ

PMAYগী মখাদা, য়ুনিট এসিষ্টেন্সকী অচংবা শেনফম অসি সেন্ত্রেল অমসুং ষ্টেট গবর্নমেন্টশীংগী মরক্তা, তম্পাক্কী লমদা 60:40 অমসুং অৱাং-নোংপোক অমসুং চিংগী ষ্টেটশীংদা 90:10গী ওইবা রেসিওদা পূথোকমিন্নগদবনি।

প্রোগ্রাম অসিগী মখাদা বেনিফিসরিশীংদা পীবা য়ুনিট এসিষ্টেন্স অসি তম্পাক্কী লমদা লুপা 1,20,000 অমসুং চিংগী ষ্টেটশীং/ খুদোংচাদবা মফমশীং/ খনগৎল্বা ত্রাইবেল অমসুং বেকৱার্দ দিষ্ট্রিক্টশীংগী ইন্টিগ্রেটেদ এক্সন প্লান (IAP)শীংদা লুপা 1,30,000 ওইগনি। হৌজিক্কী ওইনদি NE ষ্টেটশীং, HP, J&K অমসুং উত্তরাখন্দ ষ্টেটশীং অমসুং LWE দিষ্ট্রিক্ট 82 অসিবু খুদোংচাদবা অমসুং চিংগী ওইবা লমশীংনি হায়না মশক খংলি। হায়জিনিক ওইবা মওংদা থোং-থাক্নবগী মফম শরুক য়াউরগা য়ুনিট সাইজ অসি স্কুয়ার কিমি 25 নি।

বেনিফিসরি অদু MGNREGAগী মখাদা নুমিৎ 90নিগী ওইবা অনস্কিল লেবর ফংগনি।

বেনিফিসরি অদুনা য়ুম শানবগীদমক লুপা 70,000/- ফাউবগী লোন ফংগনি অদুবু মসি ওপশনেলদি ওইগনি।।

ফন্দশীং অসি বেনিফিসরিগী একাউন্টদা ইলেক্ত্রোনিক্কী মওংদা হকথেংননা ত্রান্সফর তৌগনি।

টার্গেট গ্রুপ

মতেং পীনবগীদমক ইলিজিবল ওইবা বেনিফিসরিশীংগী মশক খংদোকপা অমসুং মখোয়গী মথং-মনাউ শেম্বদা মপুংফাবা ত্রান্সপিরেন্সি অমসুং ওবজেক্টিভিটি লৈহন্নবগীদমক সোসিও ইকোনোমিক এন্ড কাষ্ট সেন্সস (SECC)দগী ফংবা ইনফোর্মেসন অদু শিজিন্নদুনা পাংথোক্কনি। মমাংদা মতেং ফংখ্রবা নত্ত্রগা অতৈ মরমশীংদগী ইলিজিবল ওইদ্রবা বেনিফিসরিশীংদু মশক খংদোক্নবগীদমক লিষ্ট অদু গ্রাম সভাদা পীশিনগনি। ফাইনেলাইজ তৌরবা লিষ্ট অদু ফোংদোক্কনি। গ্রাম সভানা পাংথোকপা পার্টিসিপেটরি প্রোসেসকী খুত্থাংদা বেনিফিসরিগী চহিগী ওইবা লিষ্ট অদু অপুনবা লিষ্ট অদুদগী মশক খংদোক্কনি। ওরিজিনেল লিষ্ট অদুদা য়াউরিবা মথং-মনাউ অদু শেমদোকপা য়াউরবদি গ্রাম সভানা অইবা ওইনা মদুগী মরম পীগনি।

মরি লৈনবা রিসোর্সশীং

1. ইমপ্লিমেন্টেসন ওফ PMAY-গ্রামিন
2. সুপরভাইজরশীংগী সিক্কিম রুরেল হাউসিং হেন্দবুক
3. অল্টরনেটিভ টেক্নোলোজিশীং/ এনর্জি ইফিসিএন্ট কনষ্ট্রক্সন টেক্নিকশীংদা মথৌ তৌরিবা ইনষ্টিট্যুসনশীংগী লিষ্ট

সোর্স: মিনিষ্ট্রি ওফ রুরেল দিভেলপমেন্ট