ইমুং মরিফুগী নুপা-নুপী, নহা-অহলনা শেম্বা অপিকপা ক্লষ্টর অসিনা অসামগী ধুবরী দিষ্ট্রিক্টকী দেবীটোলা দিভলপমেন্ট ব্লোক্কী মখাদা লৈরিবা অশারীকান্দী ক্রাফ্ট ভিলেজদা পুক্নিং চিংশিন্নিংঙাই ওইরবা টেরাকোটা অমদি পোটরী আইটেম কয়া শেম-শাবদা য়াম্না মথৌ চিল্লি। লৈখোম অমদি লৈঙোই অমসুং লৈবাক মচুগা মৈদা ঈক্লগা ঙাংতক তৌবা মচুগী (brownish red) টেরাকোটা হায়রিবা আর্টকী পোৎশক অসি ফংই। টেরাকোটা হায়বসি মীওইবনা মালেম অসিদা হৌদোকখিবা খ্বাইদগী অরিবা ক্রাফ্টশিংগী মনুংদগী অমনি। মমাঙদদি মসি লাইরবা মীশিংগী ক্রাফ্ট ওইনা লৌনরম্মী। অদুবু মতমগী মতুংইন্না মসিগী এস্থেটিক ভেল্যুনা মরম ওইদুনা মীওই কাঙলুপ পুম্নমক্কী মরক্তা অকক্নবা মফম অমা কন্দুনা লৈরে। ভারত্তা, ত্রেদিসনেলগী ওইবা মওংদা টেরাকোটা অমদি পোটরী ক্রাফ্ট অনিমক ফংলিবা অমদি প্রাক্টিস তৌরিবা খ্বাইদগী চাউবা সিঙ্গল ক্লষ্টর অসি অশারীকান্দী (মদাইখালী) ক্রাফ্ট ভিলেজ অসিনি। প্রদক্সনগী ফেক্টরশিংনা মরম ওইদুনা, মফম অমগী প্রদক্ট-ক্বালিটী অসি মফম অমগা খেৎনৈ। টেরাকোটা পুথোকপদা ৱেদর (অঈং-অশা) অসি য়াম্না মরুওইবা ফেক্টর অমনি অমদি মসিনা অচৌবা থৌদাং অমা ওইরি। পোটরী অমদি টেরাকোটা ক্রাফ্টকী মরুওইবা রো মেটরিএল অসি অখন্নবা লৈবাক-লৈহাও মখল অমা ওইরিবা হিরামটি অসিনি। হিরামতীগী মগুন অমদি আর্টিষ্টিক স্কিলনা টেরাকোটা অমদি পোটরী প্রদক্টশিংগী ক্বালিটি লেপ্পী। আর্টিষ্টিক স্কিল, হিরামটিগী ক্বালিতী, ক্লাইমেটিক কন্দিসন অমদি অশারিকান্দীগী কুম্ভকরাশিং (চফুশাবশিং)গী চহি কয়াদগী চৎনরক্লিবা ত্রেদিসন অসিনা টেরাকোটাগী অশারীকান্দি ষ্টাইল অসিগী তোপ-তোপ্পা মশক অমা লেংদনা থম্বা ঙমহল্লী। জাতিগী অমদি মালেমগী ওইনা মমিং লৈরবা লৈখিদ্রবী সরালা বালা দেবীগী তোপ-তোপ্পা মাষ্টরপিস ওইরিবা হাটিমা দোল অসিনা টেরাকোটাগী অশারীকান্দী ষ্টাইলবু মমিং লৈহল্লি। চাউরবা ব্রহ্মপুত্রগী ত্রিব্যুটরী অমা ওইরিবা গদাধরগী খুত্থাংদা ব্রহ্মপুত্র তুরেলগা শম্নবসিনা অচৌবা সিটিশিংগা মার্কেটিং নেটৱাৰ্ক থম্বদা লমদম অসিদা অহেনবা খুদোংচাবা অমা পীরি। পোটর-কম্যনিটি অসিনা মফম অসিদা য়ুমহোংখ্রবা মরম্না ঙল্লিঙৈ মতমদদি জমিন্দার (রোয়েল) গী ইমুং-মনুংনা নুংতিগী শিজিন্নরিবা কোল-লিক অ্মদি পুখম-তেঙ্গোৎকী মথৌ তাবশিং মফম অসিদগী লৌরম্মী। টেরাকোটা অমদি পোটরীগী থবক অসি হৌজিক্তি মখোয়গী মরুওইবা শিনফম ওইরে; চহি খরগী মমাংদদি মসি মখোয়গী পার্ট-টাইম থবক ওইরম্মী। মমাংঙৈদদি মখোয়না মখোয়গী পোত্থোকশিং হায়বদি – বাল্টিন, পেরে অমদি অতৈ কোল-লিকশিং মনাক নকপা টাউন অমদি খুঙ্গংশিংদা য়োল্লম্মী, অমদি টেরাকোটাগী পোত্থোকশিং হায়বদি, হাটিমা লাইধী, আইনার শগোল, শামু, শামুগন্দা, অমদি লাই অমদি লাইরেম্বীগী মুর্ত্তিশিং লোকেল ফেষ্টিবেল অমদি মেলাশিংদা য়োল্লম্মী। হৌজিক্তী মখোয়না তোঙান-তোঙানবা গবর্ণমেন্টকী দিপার্টমেন্ট অমদি এন.জি.ওশিংনা শিনবা ত্রেদ ফেয়র, অমদি সেল কম এক্সিবিসনশিংগুম্বা থৌরমশিংদা মখোয়গী পোত্থোকশিং অসি য়োল্লে। টেরাকোটা অমদি পোটরী আইটেমশিংগী রিসেলরশিংনা আর্টিসানশিংগী কোটেজশিংদা লাক্তুনা খুঙ্গংদগী হকথেংননা পোৎ-চৈ লৈরৈ। মীওই অমনা ক্লষ্টরগী মনুং অমদি অকোয়বদা চত্তুনা ত্রেদিসনেল প্রদক্টশিংনা থল্লবা আর্টিসানশিংগী কোটেজশিংদা টেরাকোটা শেম্বা য়েংবা অমদি মখোয়বু লৈবসু য়াই। অশারিকান্দি খুঙ্গংদা খুন্দারিবা ইমুং চামঙা লৈরিবা সেদ্যুল্ড কাষ্ট ফিশরমেন বরমন কাঙলুপকী মীওইশিংনসু প্রদক্টশিং অসি য়োনবগী থবক তৌরি। ঙা ফানবগী খুদোংচাবা হন্থবনা, ঙামী কম্যুনিটি অসিনা মখোয়গী মমাঙদগী চত্থরক্লিবা থবক থাদোক্তুনা টেরাকোটা অমসুং পোটরীগী ত্রেদ অসিদা চংশিনখিবনি। সোর্স : ধুবরী দিষ্ট্রিক্ট এদমিনিষ্ট্রেসন