বাক্সা দিষ্ট্রিক্ট অসি নলবারী, বারপেটা, কামরুপগী শরুক অমগা দরং দিষ্ট্রিক্টকী অপিকপা শরুক অমগা পুন্দুনা শেমখিবনি। ফেব্রুৱারী 10, 2003 তা খুৎয়েক পীনখিবা ঐতিহাসিক ওইরবা বি.টি.সি (বোদোলেন্দ টেরিটোরিয়েল কাউন্সিল) একোর্দকী ফল অমা ওইনা, কোক্রাঝার, চিরাং, বাক্সা অমসুং উদালগুরী হায়রিবা দিষ্ট্রিক্ট মরি অসিনা পুল্লগা বি.টি.এ.দি (বোদোলেন্দ টেরিটোরিএল ওটোনোমস দিষ্ট্রিক্ট) শেমখি। ‘বাক্সা’ হায়রিবা ওরিজিনেল ৱাহৈ অসি থোনবদা চয়েৎনবা কয়া লৈখ্রবসু, মীওই অয়াম্বনদি ‘বাক্সা’গী মহুত্তা ‘বাগসা’ ওইনা শিজিন্নবনা হেন্না পাম্নৈ। ভুটানগী নিংথৌ অমদি মহাক্কী মীয়াম্না মফম অসিবু লল্লোন-ঈতিক্কী অমদি তম্পাক্কী লমশিংদা চত্থোক-চৎশিন তৌনবগী লম্বী ওইনা শিজিন্নরম্বা মফম ওইবনা, ‘বাক্সা’ হায়রিবা ৱাহৈ অসি ফাৰ্ম হাউস নত্ত্ৰগা কোরিদোর অমগী অর্থ ফোংদোক্লিবা ‘জোঙখা’ ৱাহৈ ‘বাঙসা’ হায়বসিদগী বনান থৈদোকখিদুনা ওইরকখিবনি হায়না লমদম অসিগী মীয়াম্না থাজনৈ। তশেংবমকসু 'বাঙসা' (বাগসা নত্ত্রগা বাক্সা) অসি ভুটানগী খ্বাইদগী মরুওইবা ‘থোঙশিং’গী মনুংদগী অমনি। অতোপ্পা সোর্স অমা হায় মদুদি "বাগসা" হায়রিবা মমিং অসি ভুটান লোলদগী হৌরকখিবনি। ভুটানিজ ওরিজিনগী মতুংইন্না, মফম অসিবু মখোয়না "বাগসা দুৱার" হায়না কৌনৈ। "বাগসা" হায়বসি চেঙ মখল অমনি অমদি "দুৱার" হায়বসিগী অর্থনা চঙফম জগা হায়বনি। তরামাপলশুবা চহিচাগী অহানবা তঙখায় শরুক্তা ভুটানগী নিংথৌনা মফম অসি শাংনা পাল্লম্বা মরম্না "বাগসা" নত্ত্রগা "বাক্সা" হায়রিবা মমিং অসি ভুটানিজদগী হৌরকপসু ওইরম্বা য়াই। বোদো মীওইনা হায়বগী মতুংইন্নদি মমিং অসি "বাগসা" হায়না খঙনবা ফৌ মরু অমদগী লাকপনি হায়রি। হায়রিবা ফৌ মরু অসি মিলদা তকথোক্লবা মতুংদা ফংবা শেংদোক্ত্রিবা অমদি অতেকপা মখল অমনি। বাক্সা হায়রিবা মমিং অসিমক তোঙান-তোঙানবা সোর্সশিং অমদি এন্টিসিদেন্টশিংদগী লৌথোরকপা মরম্না মমিং অসিদা মান্নদবা মত কয়ামরুম লৈরি। অদুবু হৌজিকসু মসিগী অরেপ্পা সোর্স ওইনা লৌবা য়াবা মতিক চাবা প্রমাণ অমত্তা ফংদ্রি। শুপ্নগী মীয়াম্না খঙনবা সোর্স অমদি ফোল্কলোরখক্তা য়ুম্ফম ওইবনি অমদি মসিগী হিষ্টরিকেল ওইবা সোর্সতি অমত্তা ফংদে। মরম অদুনা হিরম অসিদা মখা তানা কুপ্না থিজিনবা অমা চংলি। হৌজিক্তি বাক্সা হায়রিবা মমিং অসি ওফিসিএল ওইনা লৌরে অমদি শিজিন্নরে। বাক্সা দিষ্ট্রিক্টকী মরমদা খঙজিনবা য়াবা ঈ-পাউ আইটেমগী মমিং অকুপ্পা মরোল আইটেমগী মমিং অকুপ্পা মরোল জিওগ্রাফিকেল এরিয়া স্কু. কি.মি. 2400 মীশীং লাখ 9.53773 (সেন্সস 2011 গী মতুংইন্না) সব-দিভিজনশিং মুশলপুর, টামুলপুর, সালবারি রেভেন্যু সর্কলগী মশিং 6 দিভলপমেন্ট ব্লোকশিং 8 অপুনবা পুলিস ষ্টেসন 8 অপুনবা আউট পোষ্টশিং 11 অপুনবা পেত্রোল পোষ্ট 5 খুঙ্গংগী মশিং 687 টি গার্দেনগী মশিং 4 বি.টি.সি কনষ্টিট্যুয়েন্সিগী মশিং 11 এল.এ.সিগী মশিং (অচৌবা শরুক) 3 দেমোগ্রাফী বাক্সা দিষ্ট্রিক্ট অসি মরুওইনা বোদো-কাছারী, অসামিজ, সারানিয়া-কাছারী, কোছ-রাজবংশী, আদিবাশী (টি ত্রাইব), নেপালী, বেঙ্গলী অমদি রেলিজিয়স মাইনোরিটীশিংনা খুন্দারী।