মানস নেসনেল পার্ক দিষ্ট্রিক্ট অসিগী নোংচুপথংবা নাকল ভুটানগী চীংখোঙশিংদা লৈরিবা মানস নেসনেল পার্ক অমদি টাইগর প্রোজেক্ট অসি লৈবাক অসিগী অমদি মালেমগী লমকোয়বা কয়াগী পুক্নিং চিংশিল্লিবা লমকোয়ফম অমনি। মফম অসিদা মেমলগী স্পেসিজ 60, উচেক্কী 312, রেপটাইলগী 42, এমফিবিয়ানগী 7, ঙাগী 54 অমদি তিল-কাঙশিংগী স্পেসিজ 100 হেনবনা লৈরি। খ্বাইদগী য়াম্না মরাং কায়না ফংবা শাশিংদি কৈ, কবোকৈ, গোল্ডন লঙ্গুর, পিগমী হোগ, ধনেশ পাখি, ৱাইল্ড বফেলো, বিসন, পাইথন, ৱাইল্ড কেট, শামু, হায়েনা, কৈশাল অসিনচিংবনি। মানস তুরেলনা নেসনেল পার্ক অসি ফাউদুনা চেল্লি। হৌজিক্তী লমকোয়বা মীশিংগীদমক্তা রিভর ক্রাফ্টিংগী খুদোংচাবা ফংহল্লে। গবর্ণমেন্ট অমদি প্রাইভেট অনিমক্কী লৈফম-চাফম ফংই। মানস সৌশী খোঙখোর মসি পাগলাদিয়া তুরেলগী ঈচিলদা লৈবা বাক্সা দিষ্ট্রিক্টকী ময়াইথংবা শরুক্তা লৈবা ইকো-টুরিজমগী মফম অমনি। ভুটান চিংগা হেক থংননা লৈরিবা মহৌশাগী ফজবনা থল্লবা মফম অসিনা দিসেম্বর অমদি জানুৱারী থাদা পিক্নিক চৎপা মীওই কয়াগী পুক্নিং চিংশিনবগা লোয়ননা লমকোয়বা লাকহল্লি। হৌজিক্তি মফম অসি মানস সৌশী খোঙখোর ইকো টুরিজম সোসাইটি (MASKETS) হায়না খঙনরিবা এন.জি.ও অসিনা ফজনা য়েংশিন-খোৎচিনবগী থবক তৌরি। বিসন, শজি, হোগ দিয়র, অঙৌবা বেল্লি হেরোন, রোয়েল বেঙ্গল টাইগর অসিনচিংবা তাঙলবা মশিং য়ামজদ্রবা লমলক্কী শা খরসু মফমসিদা লৈরি। করিগুম্বা মথৌ তারবদি MASKETS কী ভলুন্টিয়রশিংনা ফুদ অমদি গেষ্ট হাউসকী খুদোংচাবা ফংহল্লি। মোইনাপুখুরী মোইনাপুখুরী অসি ইন্টরনেসনেল ইন্দিয়া-ভুটান বাউন্দরীগা হেক থংননা মুশলপুর (দিষ্ট্রিক্ট হেডক্বার্টর)গী নোংচুপথংবা শরুক্তা লৈ। মসি ভারতকী নাকলদা লৈবা মফম অমনি। মসি বাক্সা দিষ্ট্রিক্টতা লৈরিবা অমত্তা ঙাইরবা ত্রেক্কিংগী মফম অমনি। মফম অসি তম্পাক্লমদগী কি.মি. 3 লোম চৎলগা লৈবা অমদি গারি থৌবা য়াবা লম্বী লৈতবা অমসুং চিংলক্তা লৈবা মরম্না, মফমসি য়ৌনবগীদমক্তা মীওই অমনা খোঙনা অকুৎ-অতোঙ কয়া লৈরিবা ত্রেক ফাউদুনা চৎপা তাই। মফমসি য়ৌগদবা কি.মি. 3 লোম ৱাৎলিঙৈদা গারি থৌবা য়াবা লম্বীগী অরোইবা ওই। মফমসিদা লৈরিবা য়েংবা য়াবা মরুওইবশিংদি অশুকপা উমংগা লোয়ননা, দেদ লেক, পিক্নিক স্পোট অমা, হিন্দু লাইনিং চৎপশিংগী পুজা তৌফম অমা অসিনচিংবনি। বোগামাতী ভুটানগী চীংগী চীংখোংদা "বরনদী" তুরেলগী ঈচিলদা লৈবা য়াম্না ফজরবা মফম অমনি অমদি মসিনা নিয়ু ইয়ার অমদি মাঘ বিহুগী মতমদা পিক্নিক পার্টি কয়াগী পুক্নিং চিংশিল্লি। দিসেম্বর অমদি জানুৱারী থাদা পাক্না শন্দোক্লিবা তুরেলগী লৈঙোই অমদি নুঙশিংনা পিক্নিক চৎপা মীওই কয়াগীদমক্তা ওপন এয়র রেষ্টুরেন্ট ওইরি। সোর্স : http://baksa.gov.in/about_baksa_tourism.html