অসামগী মাহারিপারাদা লৈরিবা নুপী অয়াম্বা য়াম্না লায়রবা ইমুংদগী ওই অমদি লাইরিক-লাইশু হৈতে। মখোয়না মখোয়গী মমা অমদি অতৈ অহল-লমনশিংদগী হৈহৌবা দিজাইনশিং অদুদা মহৌশাগী ওইনা ফীশাই অমদি মসি হৌজিক ময়াম্না পাম্নরিবা মওংদি ওইদ্রে। অদুমওইনমক, মাহারিপারাগী এস.ঐচ.জি মেম্বর 24 দা ৱিভিংগী মতাংদা পীখিবা স্কিল দিভলপমেন্ট এন্ড অপগ্রেদেসন ত্রেনিং অমনা মখোয়গী পুন্সিগী অনৌবা পন্দুপ অমা ওইখি অমদি হরাউ-নুংঙাইবা অমদি চাউখৎপগী অনৌবা যুগ অমদা খোঙ থাংজিনহনখি। এক্টিভিটি মাহারিপারা, বাক্সা দিষ্ট্রিক্ট, অসামদা লৈরিবা এস.ঐচ.জি মেম্বরশিংনা ফীশাবগী থবক তৌগনি। ইন্টরভেন্সনগী মওং-মতৌ নাবার্দকী (NABARD) লুপা লাখ 0.50 গী গ্রান্ট এসিষ্টেন্স অমা য়াউরবা মাইক্রো এন্টরপ্রাইজ দিভলপমেন্ট প্রোগ্রাম (এম.ই.দি.পি) গী মখাদা, মাহারিপারা, বাক্সা দিষ্ট্রিক্ট, অসামদা লৈরিবা নোট ফোর প্রোফিট ওর্গানাইজেসন অমা ওইরিবা উত্তরা বেটনা সমাজ সংসকরক বাহানি (য়ু.বি.এস.এস.বি)না নুমিৎ 13 নিগী ওইবা ৱিভিংগী স্কিল দিভলপমেন্ট অমদি স্কিল অপগ্রেদেসন ত্রেনিং অমা তোঙান-তোঙানবা সেল্ফ-হেল্প গ্ৰুপশিং (এস.ঐচ.জিশিং)দগী লাকপা বেনিফিসরী 24 দা পীখি। মসিগী ঈথিল ইনকম – থা অমদা ফিশাবী অমদা লুপা 3,000/- ফংবা ঙমহনগনি। মমাংঙৈদা, ফিশাবী অমনা নুপীশিংনা শেৎন-ইন্নবা ত্রেদিসনেলগী ফি-রোল, ইনফি অমদি ফি-রোল য়োনবদগী থা অমদা লুপা 1800-2000/- তানবা ঙম্লম্মী। মখোয়না মখোয়গী স্কিল অদু অপগ্রেদ তৌখিবদগীদি, অনৌবা দিজাইনশিং অমদি হেন্না ফবা ক্বালিটি শিজিন্নদুনা মীয়াম্না পাম্নবা পোত্থোকশিং পুথোকপা ঙম্লে। হৌজিক্তি মখোয়গী ইনকম অসি 30% হেনগৎনা তানবা ঙম্লে। হায়রিবা ইন্দিভিজুএল এস.ঐচ.জিশিং অসিনা বেনিফিসরি 24 মক পুন্সিন্দুনা গোরেশ্বর ৱিভৰ্স সোসাইটিগী মখাদা ক্লষ্টর অমা শেমখি। মতমদুদগী হৌদুনা সোসাইটি অসি লেপ্তনা চাউখৎলক্তুনা হৌজিক্তি মেম্বর 111 শুরে। সোসাইটি অসিনা মখোয়গী প্রদক্ট মখল কয়াবু খানাপরাদা লৈরিবা নেফি হাউস, মনিরাম দিৱান ত্ৰেদ সেন্টরদা এক্সপো-কম-সেল্স অমদি আই.ই.ই-লালমাটি গুৱাহাটি, অসামদা মীয়ামগী মমাংদা উৎখ্রে। ত্রেনিং অমদা শরুক য়ারুরবা অতোপ্পা নুপী অমা ত্রেনিং প্রোগ্রামগী কান্নবশিং ফংবগীদমক্তা হরাউবা ফোংদোকখি। “মসি য়াম্না কান্নৈ। তোঙান-তোঙানবা দিজাইনশিং উবা ঙমগনি হায়বসি ঐনা কৈদৌঙৈদা থাজখিদে। ঐনা হৌজিক দিজাইন অমদি হেন্না ফবা সিল্ক সারীশিং অমদি ফি-রোলশিংগী ফ্যুজন অমা তৌবা ঙম্লে। ঐনা তোঙান-তোঙানবা ফি-রোলশিংগী দিজাইন তৌবসু তম্লি,” মহাক্না মখাতানা হায়খি। ক্রিটিকেল দিটরমিনেন্টশিং চুনবা ত্রেনিং অমদি হেন্দহোল্দিং। ক্লষ্টর অমা শেম্বনা এস.ঐচ.জি মেম্বরশিংদা কলেক্টিব ষ্ট্রেংথ অমা পী। গ্রুপ এন্টরপ্রাইজনা মরম ওইবা স্কেলগী ইকনোমী। সোর্স : ক্রিএটিং লাইবলিহুদস, চেঞ্জিং লাইবস