মানস নেসনেল পার্ক ইং 1990 দা নেসনেল পার্ক অমা ওইনা লাউথোকখিবা মানস নেসনেল পার্ক অসি তোপ-তোপ্পা বাইও দাইভর্সিটি অমদি ফজরবা লেন্দস্কেপ অমা লৈরিবা হিমালায়ান চিংখোঙদা লৈরি। মসি ইং 1973 দা প্রোজেক্ট টাইগরগী মখাদা টাইগর রিজর্ব নেটৱাৰ্ককী মনুং চলহনখিবা অহানবা রিজর্বশিংগী মনুংদগী অমনি। স্কুৱার কি.মি 2837 পাক-চাউনা কোন্সিন্দুনা মানস তুরেলনা অশুকপা উমং অমদি গ্রাস-লেন্দ কয়া ফাউদুনা চেল্লি, অমদি কৈ, কবোকৈ, সিভেট, শামু, ইরোই, পীগমি হোগ, গোল্দন লঙ্গুর, অসাম রুফ টর্টল, অমদি বেঙ্গল ফ্লোরিকান য়াউনা ইন্দিয়াগী প্রোটেক্টেদ স্পেসিজগী মশিং কয়ামরুম মফমসিদা লৈরি। পার্ক অসি ইং 1988 দা পাংথোকখিবা য়ুনেস্কোগী ৱাৰ্ল্ড হেরিটেজ কনভেন্সনগী অমদি 1989 গী বাইওস্ফিয়র রিজর্বকী মখাদা ইন্টরনেসনেল ইম্পোর্টেন্সকী মফম অমা ওইনা মনুং চলহনখ্রে। মফমসিদা মেমলগী স্পেসিজ 60, উচেকশিংগী 312, রেপটাইলগী 42, এম্ফিবিয়াগী 7, ঙাগী 54 অমদি তিল-কাঙশিংগী স্পেসিজ 100 লৈরি। বারপেটা রোদ (কি.মি. 20) তগী ভারতকী মফম অতৈগা শম্নরিবা নেসনেল হায়ৱে নম্বর-31 দা তারগা মফমসি য়ৌবা য়াই। গোরোখিয়া গোসায়র থান, নিজ সারথা (সোরভোগ) শ্রীমন্ত সঙ্করদেবগী মনাই অমা ওইরিবা শ্রী নরায়ণ দাস থাকুর অটানা ষঞ্জেন্নহা (গোরোখিয়া) না লিংখৎখিবনি হায়না লৌনরিবা মফমসিদা লাইনিংবা লাকখি। থান অসিগী বিল্ডিং অসি য়েংবদা বারপেটা ছত্রগা য়াম্না মান্নৈ। থান অসি য়াম্না হরাউ-নুংঙাইনা চহি খুদিংগী শিল্লিবা দৌল কুম্মৈগী পাংথোকফম ওইবগা লোয়ননা মসি বিঘা 25 পাক-চাউই। সারথেবারীগী ব্রাস মেটল ইন্দষ্ট্রী সারথেবারী টাউন অসি য়ুমথোং খুদিংনা ব্রাস মেটল ইন্দষ্ট্রী পায়খৎপগীদমক্তা মমিং চৎলবা দিষ্ট্রিক্ট অসিগী খ্বাইদগী নোংপোকথংবা কাচিন্দা লৈ। অসামগী মীওইশিংনা ত্রেদিসনগী ওইনা শিজিন্নরিবা সরাইশিং, বোটা, বন-বাটি, থাল, গ্লাস, অসিনচিংবা শেম্বদা হৈথোই-শিংথোইরবা য়ুমথোং কয়ানা ইন্দষ্ট্রী অসি পাইখৎলি। মতম শাংনা লৈরক্লিবা অসামিজ ত্রেদিসন অমদি কলচরগী মায়কৈদা কোল-লিকশিং অসিনা তোপ-তোপ্পা মফম অমা কল্লি। অতৈ ষ্টেটশিংদগী ইম্পোর্ট তৌগদবা রো মেটরিএলশিংগী মমল ৱাংখৎলকপনা, ইন্দষ্ট্রি অসি মখা চত্থবদা আর্টিসানশিংনা শেল-থুমগী অৱাবা মায়োক্নরি। রিভর সাইদকী ভিয়ু মানস, বেকি অমদি ব্রহ্মপুত্র হায়রিবা বারপেটাগী মপুংওইবা তুরেলশিং অসিনা এনভাইরনমেন্টেলিষ্ট অমদি টুরিষ্ট অনিমক্তগী থাগৎ-ৱাহৈ ফংলিবা ফজরবা মীৎয়েংফম অমা পীরি। বেকি অমদি মানস ফাউনা চৎলিবা নেসনেল হায়ৱে নম্বর-31 গী মথক্তা লৈরিবা থোংদগী য়েংবদা মহৌশাগী ফজরবা মশক অসিগী পেনোরামিক ভিয়ু অমা পীরি। বাঘবার চীংদা কোয়রুবা মতমদসু পাক-চাউরবা ব্রহ্মপুত্রগী ফজরবা দৃশ্য অমসু পীরি। অদুবু লমকোয়বশিংগী পুক্নিং চিংশিন্নবগীদমক্তা ইনফ্রাষ্ট্রকচরেল ফেসিলিটিশিং শেমগৎপদি মথৌ তারি। সয়েদ শাহনুর দিৱান, ভেল্লা ময়াইথংবা যুগতা ইসলামিক ব্রদরহুদকী সুফী ফিলোসোফী শন্দোক্নবগীদমক্তা মুসলিম সুফি-সৈন্ট আজান ফকিরগী মনাই ওইরিবা সয়েদ শাহনুর দিৱাননা ভেল্লা রিজন্দা লাক্তুনা লৈখি। দিভাইন হীলিং পাৱর লৈ হায়না থাজনরিবা মিষ্টিক অসিনা অহোম নিংথৌ শিব সিংহগী নুপী মহারাণি ফিলেশ্বরীগী মেটরনিটি প্রোব্লেম অমা ফহনখি হায়নৈ। মহারাণিগী অনাবা ফবদগী, নিংথৌনা লম অমদি অতৈ মনা কয়া ফকির অসিদা পীখি। ইং 1824 দা বর্মিজনা লান্দারকপা মতমদা মাঙখিবা কোপ্পর-প্লেট ইনস্ক্রিপসনশিংগী খুত্থাংদা অহোম নিংথৌ চন্দ্র কান্ত সিংহানসু লম কয়া পীখি। পারি হরেস্বর দেবালায়া, দুবী শিবগী লাইশং অসি য়াম্না ঙল্লিঙৈ মতমদা শেমগৎলম্বনি। বাজালি সব-দিভিজনগী পাথশালা মনাক্কী দুবীদা লৈরিবা মফম অসিদা অহোম নিংথৌ শিব সিংহানা কোপ্পর-প্লেট ইন্সক্রিপসনশিংদা রেকোর্দ তৌরিবা পুরা 760 রোম পাক-চাউবা লম পীরম্মী অমদি লাইরেম্বী দুর্গাগী ইমেজ অমসু খুদোল তম্লম্মী। থাজনবা অমা লৈ মদুদি লাইশং অসিদা লাৎলিবা লাইশিংগী পুক্নিং পেলহলনবগী জগোয় শানবা অপ্পর অসামদগী “দেবদাসিশিং” নত্ত্রগা লাইশংগী জগোয়শাবীশিং পুরকপদা শিব সিংহগী নুপী মহারাণি ফুলেশ্বরিনা মরুওইবা থৌদাং লৌখি। মমিং লৈরিবা "দেবদাসি-নৃত্য" হায়রিবা জগোয়গী মওং অসি লাইশঙ অসিদগী হৌখিবনি হায়না থাজনৈ। বারপেটা ছত্র সহরগী ময়ায়মক্তদা লৈরিবা ছত্র অসিনা মরুওইনা হোলীগী মতমদা পাঙথোকপা দৌল কুম্মৈগী মতমদা অমদি তোঙান-তোঙানবা বৈষ্ণব গুরুশিংগী মপোক কুমওনশিংদা ষ্টেট অসিগী মফম পুম্নমক্তগী ঈশ্বরবু থাজবা মীওই কয়াগী পুক্নিং চিংশিল্লি। ছত্র লৈরিবা জগাগী মনুংদা লৈরিবা বিল্ডিংশিং অসি তোপ-তোপ্পা আর্কিটেকচরগী অয়ৌবী থাক্কী মায়পাকপনি। মসিদা লৈরিবা কিরটন ঘর অসি অসামগী খ্বাইদগী অচৌবনি হায়না লৌনৈ। বিল্ডিংশিং অসিদা শ্রীমন্ত শঙ্করদেব, শ্রী মাধবদেব অমদি শ্রী বদুলা অটাবু ইকাইখুম্নবা উৎপা ওইনা আসন অহুম থাদুনা থম্মী। নাম-প্রসাঙ্গ চাং নাইনা পাঙথোক্নবগীদমক্তা ছত্রধিকারী অনিনা আসনগী মতুংদা ফম্মী। বিঘা 20 পাক-চাউবা মফম অসিগী মনুংদা মশিং য়াম্লবা বিল্ডিং কয়া লৈরি। পাটবাউশী ছত্র ছত্র অসি বারপেটা টাউনগী নোংচুপ্তা কি.মি. 2 চৎলগা লৈ। ছত্র অসিদগী ছত্র কলচর, আর্ট-ফোর্মশিং অমদি লিটরেচর পাক-শন্না শন্দোকখিবা অমদি কলচরেল সেন্টর অমা ওইবনা মফমসিদা ঈশ্বরবু থাজবা মীওইশিং অমদি ভিজিটর মশিং য়াম্না তোইনা লাকই। বৈষ্ণব ধর্ম শন্দোক্নবগীদমক্তা শ্রীমন্ত শঙ্করদেব, শ্রী মাধবদেব, শ্রী দামোদরদেব অমদি শ্রী হরিদেবগুম্বা বৈষ্ণব গুরুশিংনা মফম অসিদা চহি 18 চুপ্না লৈখি অমদি বোরগীট, শাস্ত্র (লিটররী রেলিজিও-কলচরেল টেক্সট) অমদি অঙ্কিয়া নট (দ্রামা) 240 লেংখি। মফমসিদা স্ক্রিপ্টশিং চেক্সিন্না য়োক্তুনা থম্লি। ইকুই কুইদ্রিঙৈদা গবর্ণমেন্টনা অসামিজ হেরিটেজ অসি য়োক্তুনা থম্নবা খোঙথাং পাইখৎখ্রে অমদি ছত্রগী লৈফম অসিদা শ্রীমন্ত শঙ্করদেব ম্যুজিয়ম অমা লিংখৎনবা থৌরাং তৌখ্রে। মফমসিমক্তদা দামোদরদেব ছত্রসু লৈরি। সৈন্ট অসিবু নিংশিংদুনা অহোম নিংথৌ পরামত্তা সিংহানা মঠ অমা শেমগৎখি। ছত্র অসি বারপেটা টাউন্দগী কি.মি 2 রোম চৎলগা লৈ। সোর্স : http://barpeta.gov.in/touristplaces.html