বারপেটা ছত্র সহরগী ময়ায়মক্তদা লৈরিবা ছত্র অসিনা মরুওইনা হোলীগী মতমদা পাঙথোকপা দৌল কুম্মৈগী মতমদা অমদি তোঙান-তোঙানবা বৈষ্ণব গুরুশিংগী মপোক কুমওনশিংদা ষ্টেট অসিগী মফম পুম্নমক্তগী ঈশ্বরবু থাজবা মীওই কয়াগী পুক্নিং চিংশিল্লি। ছত্র লৈরিবা জগাগী মনুংদা লৈরিবা বিল্ডিংশিং অসি তোপ-তোপ্পা আর্কিটেকচরগী অয়ৌবী থাক্কী মায়পাকপনি। মসিদা লৈরিবা কিরটন ঘর অসি অসামগী খ্বাইদগী অচৌবনি হায়না লৌনৈ। বিল্ডিংশিং অসিদা শ্রীমন্ত শঙ্করদেব, শ্রী মাধবদেব অমদি শ্রী বদুলা অটাবু ইকাইখুম্নবা উৎপা ওইনা আসন অহুম থাদুনা থম্মী। নাম-প্রসাঙ্গ চাং নাইনা পাঙথোক্নবগীদমক্তা ছত্রধিকারী অনিনা আসনগী মতুংদা ফম্মী। বিঘা 20 পাক-চাউবা মফম অসিগী মনুংদা মশিং য়াম্লবা বিল্ডিং কয়া লৈরি। চিনপারা-বিথী চিনপারা-বিথী অসি হৌজিক্তি পালংদিহাটি হায়না খঙনরবা পালংদি বোরীগী তোর্বান্দা শ্রীমন্ত শঙ্করদেবনা মহাক্কী হিদগী কুমথদুনা বারপেটাদা খোঙদাখিবা মফম্নি। সৈন্ট অসিনা মহাক্কী ধর্ম শন্দোক্নবগীদমক্তা মফম অসিদা থা তরুক লৈখি। মফম অসি বারপেটা ছত্রগী অৱাংলোমদা কি.মি. ½ রোম চৎলগা লৈ। হৌজিক ফাউবা গুরু অসিনা লিংখৎলম্বা নামঘর লৈরি। সুন্দরিদিয়া ছত্র বারপেটা টাউনগী মনাক্তা লৈরিবা ছত্র অশিনা বৈষ্ণব ধর্ম অমদি রিফোর্মেসন শন্দোকপদা মরুওইবা থৌদাং অমা লৌরি। শ্রী মাধবদেবনা ছত্র অসি লিংখৎখি অমদি মফমসিদা মহাক্না ছত্রগী ওরিজিনেল বিথীদা "ভক্তি রত্নাকর" অমদি "নামঘোসা" লেংখি। মহাক্না মফমসিদা মতম খরা লৈরিঙৈ মনুংদা গুহা অমা তৌরম্মী, অমদি হায়রিবা গুহা অসি ঙসিফাবা চেক্সিন্না ঙাক্তুনা থম্লি অমদি গুহা অসিগী ঈশিং অসি শেংই হায়না লৌনৈ। শ্রী শঙ্করদেব, শ্রী মাধবদেব অমদি শ্রী বাদুলা অটাগী মমিংদা গুরু অহুমগী আসন থম্লী। পাটবাউশী ছত্র ছত্র অসি বারপেটা টাউনগী নোংচুপ্তা কি.মি. 2 চৎলগা লৈ। ছত্র অসিদগী ছত্র কলচর, আর্ট-ফোর্মশিং অমদি লিটরেচর পাক-শন্না শন্দোকখিবা অমদি কলচরেল সেন্টর অমা ওইবনা মফমসিদা ঈশ্বরবু থাজবা মীওইশিং অমদি ভিজিটর মশিং য়াম্না তোইনা লাকই। বৈষ্ণব ধর্ম শন্দোক্নবগীদমক্তা শ্রীমন্ত শঙ্করদেব, শ্রী মাধবদেব, শ্রী দামোদরদেব অমদি শ্রী হরিদেবগুম্বা বৈষ্ণব গুরুশিংনা মফম অসিদা চহি 18 চুপ্না লৈখি অমদি বোরগীট, শাস্ত্র (লিটররী রেলিজিও-কলচরেল টেক্সট) অমদি অঙ্কিয়া নট (দ্রামা) 240 লেংখি। মফমসিদা স্ক্রিপ্টশিং চেক্সিন্না য়োক্তুনা থম্লি। ইকুই কুইদ্রিঙৈদা গবর্ণমেন্টনা অসামিজ হেরিটেজ অসি য়োক্তুনা থম্নবা খোঙথাং পাইখৎখ্রে অমদি ছত্রগী লৈফম অসিদা শ্রীমন্ত শঙ্করদেব ম্যুজিয়ম অমা লিংখৎনবা থৌরাং তৌখ্রে। মফমসিমক্তদা দামোদরদেব ছত্রসু লৈরি। সৈন্ট অসিবু নিংশিংদুনা অহোম নিংথৌ পরামত্তা সিংহানা মঠ অমা শেমগৎখি। ছত্র অসি বারপেটা টাউন্দগী কি.মি 2 রোম চৎলগা লৈ। গানাকুছি ছত্র শ্রী মাধবদেবনা লিংখৎলম্বা মফম অসিদা মহাক্না চহি 18 হেন্না লৈখি। শ্রী রাম অটা অমদি শ্রী রাম অটোইগী বিথীশিংসু মফমসিদা ঙাক-শেন্দুনা থম্লি। শ্রীমন্ত শঙ্করদেবনা লেংলম্বা সাচিপাট পুথী মশিং কয়া মফমসিদা ঙাক-শেন্দুনা থম্লি। ছত্র অসি বারপেটা ম্যুনিসিপালিটীগী রেদিয়স মনুংদা লৈ। বারাদি ছত্র ছত্র অসি শ্রী মাধবদেবনা লিংখৎলম্বনি। মমিং লৈরবা স্কোলর অসিনা তাকপী-তম্বীরম্বা ৱাখল্লোন্না মীচম মীয়ামদা অচৌবা ঈথীল পীরম্মী। ছত্র অসি লর্নিংগী মরুওইবা মফম অমা ওইরকখি। পারী হরেস্বর দেবালয়া, দুবী শিবগী লাইশং অসি য়াম্না ঙল্লিঙৈ মতমদা শেমগৎলম্বনি। বাজালি সব-দিভিজনগী পাথশালা মনাক্কী দুবীদা লৈরিবা মফম অসিদা অহোম নিংথৌ শিব সিংহানা কোপ্পর-প্লেট ইন্সক্রিপসনশিংদা রেকোর্দ তৌরিবা পুরা 760 রোম পাক-চাউবা লম পীরম্মী অমদি লাইরেম্বী দুর্গাগী ইমেজ অমসু খুদোল তম্লম্মী। থাজনবা অমা লৈ মদুদি লাইশং অসিদা লাৎলিবা লাইশিংগী পুক্নিং পেলহলনবগী জগোয় শানবা অপ্পর অসামদগী “দেবদাসিশিং” নত্ত্রগা লাইশংগী জগোয়শাবীশিং পুরকপদা শিব সিংহগী নুপী মহারাণি ফুলেশ্বরিনা মরুওইবা থৌদাং লৌখি। মমিং লৈরিবা "দেবদাসি-নৃত্য" হায়রিবা জগোয়গী মওং অসি লাইশঙ অসিদগী হৌখিবনি হায়না থাজনৈ। সয়েদ শাহনুর দিৱানগী দরগাহ, ভেল্লা ময়াইথংবা যুগতা ইসলামিক ব্রদরহুদকী সুফী ফিলোসোফী শন্দোক্নবগীদমক্তা মুসলিম সুফি-সৈন্ট আজান ফকিরগী মনাই ওইরিবা সয়েদ শাহনুর দিৱাননা ভেল্লা রিজন্দা লাক্তুনা লৈখি। দিভাইন হীলিং পাৱর লৈ হায়না থাজনরিবা মিষ্টিক অসিনা অহোম নিংথৌ শিব সিংহগী নুপী মহারাণি ফিলেশ্বরীগী মেটরনিটি প্রোব্লেম অমা ফহনখি হায়নৈ। মহারাণিগী অনাবা ফবদগী, নিংথৌনা লম অমদি অতৈ মনা কয়া ফকির অসিদা পীখি। ইং 1824 দা বর্মিজনা লান্দারকপা মতমদা মাঙখিবা কোপ্পর-প্লেট ইনস্ক্রিপসনশিংগী খুত্থাংদা অহোম নিংথৌ চন্দ্র কান্ত সিংহানসু লম কয়া পীখি। রিভর সাইদকী ভিয়ু মানস, বেকি অমদি ব্রহ্মপুত্র হায়রিবা বারপেটাগী মপুংওইবা তুরেলশিং অসিনা এনভাইরনমেন্টেলিষ্ট অমদি টুরিষ্ট অনিমক্তগী থাগৎ-ৱাহৈ ফংলিবা ফজরবা মীৎয়েংফম অমা পীরি। বেকি অমদি মানস ফাউনা চৎলিবা নেসনেল হায়ৱে নম্বর-31 গী মথক্তা লৈরিবা থোংদগী য়েংবদা মহৌশাগী ফজরবা মশক অসিগী পেনোরামিক ভিয়ু অমা পীরি। বাঘবার চীংদা কোয়রুবা মতমদসু পাক-চাউরবা ব্রহ্মপুত্রগী ফজরবা দৃশ্য অমসু পীরি। অদুবু লমকোয়বশিংগী পুক্নিং চিংশিন্নবগীদমক্তা ইনফ্রাষ্ট্রকচরেল ফেসিলিটিশিং শেমগৎপদি মথৌ তারি। মানস নেসনেল পার্ক ইং 1990 দা নেসনেল পার্ক অমা ওইনা লাউথোকখিবা মানস নেসনেল পার্ক অসি তোপ-তোপ্পা বাইও দাইভর্সিটি অমদি ফজরবা লেন্দস্কেপ অমা লৈরিবা হিমালায়ান চিংখোঙদা লৈরি। মসি ইং 1973 দা প্রোজেক্ট টাইগরগী মখাদা টাইগর রিজর্ব নেটৱাৰ্ককী মনুং চলহনখিবা অহানবা রিজর্বশিংগী মনুংদগী অমনি। স্কুৱার কি.মি 2837 পাক-চাউনা কোন্সিন্দুনা মানস তুরেলনা অশুকপা উমং অমদি গ্রাস-লেন্দ কয়া ফাউদুনা চেল্লি, অমদি কৈ, কবোকৈ, সিভেট, শামু, ইরোই, পীগমি হোগ, গোল্দন লঙ্গুর, অসাম রুফ টর্টল, অমদি বেঙ্গল ফ্লোরিকান য়াউনা ইন্দিয়াগী প্রোটেক্টেদ স্পেসিজগী মশিং কয়ামরুম মফমসিদা লৈরি। পার্ক অসি ইং 1988 দা পাংথোকখিবা য়ুনেস্কোগী ৱাৰ্ল্ড হেরিটেজ কনভেন্সনগী অমদি 1989 গী বাইওস্ফিয়র রিজর্বকী মখাদা ইন্টরনেসনেল ইম্পোর্টেন্সকী মফম অমা ওইনা মনুং চলহনখ্রে। মফমসিদা মেমলগী স্পেসিজ 60, উচেকশিংগী 312, রেপটাইলগী 42, এম্ফিবিয়াগী 7, ঙাগী 54 অমদি তিল-কাঙশিংগী স্পেসিজ 100 লৈরি। বারপেটা রোদ (কি.মি. 20) তগী ভারতকী মফম অতৈগা শম্নরিবা নেসনেল হায়ৱে নম্বর-31 দা তারগা মফমসি য়ৌবা য়াই। বারপেটা রোদ অমদি লৈবাক অসিগী অতৈ মফমশিংগা রেল লম্বীনা শম্নহল্লি অমদি গুৱাহাটিদা লৈরিবা গোপিনাথ বোরদোলোই এয়রপোর্ট অসি বারপেটা রোদ টাউন্দগী কি.মি. 160 রোম লাপ্পী। বারপেটা রোদতগী কি.মি. 40 চৎলগা লৈরিবা মাথঙ্গুরীদা লৈবা পার্ক মনুংদা ফোরেষ্ট লোজ কয়ামরুম লৈরি। ভিজিটরশিংনা পার্কতা চংনবগীদমক্তা ফিল্ড দাইরেক্টর মানস টাইগর রিজর্ব, বারপেটা রোদকী ওফিসতগী অয়াবা লৌবা মথৌ তাই। সোর্স: https://barpeta.assam.gov.in/portlets/places-of-tourist-interest