লাঙ্গোল পীক গার্দেন ইম্ফাল সিটি ময়োন্দগী ইন্দো-ম্যান্মর রোদতা কি.মি. 60 রোম চৎলগা লৈরিবা, ফজরবা লেন্দস্কেপ, চীংদুমশিং, অমদি পুক্নিং হুরবা সিনরীশিংনা ইকোই-কোইশিন্দুনা লৈরিবা, টিয়াংহুংবুং লৈকোল নত্ত্রগা লাঙ্গোল পীক গার্দেন অসি চান্দেল দিষ্ট্রিক্টকী মচি সব-দিভিজনগী লাঙ্গোল খুঙ্গংদা লৈ। মণিপুরগী লিজেন্দরি মীথ খম্বা-থোইবীদা য়াউরিবা, থোইবীনা থোইবী-লৈ হায়না খঙনরিবা য়াম্না অখন্নরবা লৈ অসি চীংদোন অসিদগী হেকপা লাকখি হায়না থাজনৈ। মসি পৃথীবীগী অনিশুবা লাঞ্জাউদা এলাইদ ফোৰ্সনা মখোয়গী কেম্প শাখিবা য়াম্না ঐতিহাসিক ওইরবা মফম অমসুনি। লাঙ্গোল পীক নত্ত্রগা তিয়াংহুংবুং অসি হৌজিক মণিপুরগী খ্বাইদগী পাম্নরবা টুরিষ্ট সেন্টর অমা ওইরক্লি। মোরে বোর্দর টাউন মসি ইম্ফালদগী কি.মি. 110 লাপ্না লৈবা ইন্দো-ম্যান্মার ঙমখৈদা লৈবা মী চিনবা লল্লোন-ইতিক্কী টাউন অমনি। ইলেক্ট্রোনিক্সতগী হৌরগা নোংমগী চংদবা য়াদবা মখল-মখা কয়াগী পোৎ-চৈশিংগী ফংফম ওইরিবা পোৎ-চৈ লৈবা মীওই কয়াগী শোপ্পীং পেরাদাইজ অমনি। লমকোয়বশিংগীদমক্তা মফম অসি ঙমখৈগী টাউন অমা ওইবগী মরুওইবদুতা নত্তনা ঙমখৈ লান্থোক্লগা শুপ্নগী কি.মি 5 খক চৎলগা লৈরিবা য়ুমথংনবা বোর্দর টাউন ওইরিবা টমুদা ম্যান্মারগী তোঙান-তোঙানবা নাৎ-চৎনবী, য়ুম্লৈ-কৈরৈ, পুন্সি মহিংগী মশক অমা য়েংনবগী অখন্নবা খুদোংচাবা অমসু ফংহল্লি। মোরেদা নুংঙাইনা লৈনবগীদমক্তা হোটেল কয়ানা চুনবা মমলদা লৈফম পীরি। য়াঙৌপোকপী-লোকচাউ ৱাইল্ডলাইফ সেঙ্কচুএরী চান্দেল দিষ্ট্রিক্টকী ইন্দো-ম্যান্মার বোর্দরদা স্কুৱার কি.মি 185 পাক-চাউনা শন্দোক্তুনা লৈরীবা য়াঙৌপোকপী-লোকচাউ ৱাইল্ডলাইফ সেঙ্কচুএরী অসি ইং 1989 দা শেমগৎখিবনি। সেঙ্কচুএরী অসিদা এম্ফিবিয়ানশিংগী স্পেসিজ 6, রেপটাইলশিংগী মখল 29, মেমলিয়ানশিংগী স্পেসিজ 42, উচেকশিংগী মখল 74 অমদি ঙাগী স্পেসিজ 86 ফংই। সেঙ্কচুএরী অসিদা ফংলিবা শা খরদি, শুপ্নগী ভারতখক্তদা উবা ফংলিবা য়োঙজাউ (এপ) মখল অমা ওইরিবা হুলোক গিবোন, হিমালয়ান ব্লেক বিয়র, মমৈ অতেনবা মকাক, স্লো লোরিজ, ৱাইল্ড বিয়র, পিগ টেল মকাক, ইন্দিয়ন সিবিট কেট, গোল্ডন কেট অমদি অতৈ কয়ানি। অহেনবা ঈ-পাউগীদমক্তা, মফমসিদা ক্লিক তৌবীয়ু