গবর্ণমেন্ট ওফ ইন্দিয়ানা এম.এস.এম.ই কম্পিটিটিবনেস হেনগৎহন্নবা অমদি মখোয়বু নেসনেল অমদি ইন্টরনেসনেল চেম্পিয়নশিং ওইনা ওন্থোক্নবগীদমক্তা ইনকুবেসন, দিজাইন ইন্টরভেন্সন অমদি আই.পি.আর প্রোটেক্সন ইনিসিএটিবশিং পুন্সিনবগী খুত্থাংদা এম.এস.এম.ই ইনোবেটিব স্কিম অসি হৌদোকখ্রে। স্কিম অসি মিনিষ্ট্রি ওফ এম.এস.এম.ইনা ইমপ্লিমেন্ট তৌই। স্কীমগী অশম্বা ৱারোল এম.এস.এম.ই ইনোবেটিব স্কিম অসি মিনিষ্ট্রি ওফ এম.এস.এম.ইগী ইনকুবেসন, দিজাইন অমদি আই.পি.আর স্কিমশিংগী অপুনবা অমা ওইগনি। হান্নগী স্কিম অহুম অসি ইন্টরফ্লো অমদি কনেক্সনশিংগা লোয়ননা তোখায়বা ভর্টিকেলশিং ওইনা ওপরেট তৌগনি। ভর্টিকেলশিং অসিসু হেন্না ফগৎলবা সিনর্জি অমদি হেন্না ৱাংখৎপা ইফিসিএন্সিগী ইনোবেটিব এক্টিভিটিশিং প্রোমোট অমদি পুক্নিং থৌগৎনবগীদমক্তা সিঙ্গুলর ফোর্ম্যুলেসন অমখক্তদা সিক্বেন্সিএল্লি অমদি পেরেলেলী ওইনা পুন্সিনগনি। মসিনা আইদিয়াশিংবু ফেসিলিটেট অমদি গাইদ তৌদুনা খুন্নাইদা হকথেংননা কান্নহনগদবা অমদি মায়পাক্না মার্কেট তৌবা য়াবা থবক তৌগদবা বিজিনেস প্রোপোজিসন্দা ওন্থোক্নবা ইনোবেসন এক্টিভিটিশিংগী হব অমা ওইনা মথৌ তৌগনি। স্কিমগী কম্পোনেন্টশিং ইনকুবেসন স্কিমগী মপুংওইবা পান্দমদি টেপ তৌদবা ক্রিএটিভিটিবু প্রোমোট অমদি সপোর্ট তৌবনি অমদি প্রুফ-ওফ-কন্সেপ্ট লেভেলদা মখোয়গী আইদিয়াশিংগী ভেলিদেসন তৌগদৌরিবা এম.এস.এম.ইশিংদা খ্বাইদগী নৌবা টেক্নোলোজিশিং শিজিন্নববু প্রোমোট তৌবনি। আইদিয়া অমদা লুপা লাখ 15 ফাউবা অমদি মরী লৈনবা প্লান্ট অমদি মেছিনশিংগীদমক্তা লুপা ক্রোর 1.00 ফাউবগী ওইবা শেলগী তেঙবাং পীগনি। দিজাইন কম্পোনেন্ট অসিগী পান্দমদি ইন্দিয়ান মেন্যুফেকচরিং সেক্টর অমদি দিজাইন এক্সপর্টিজ/দিজাইন ফ্রেটরনিটিবু কমন প্লেটফোর্ম অমদা পুরকপা হায়বসিনি। মসিনা অনৌবা প্রদক্ট দিভলপমেন্ট, মসিগী লেপ্তবা ইমপ্রুভমেন্ট অমদি হৌজিক লৈরিবা/অনৌবা প্রদক্টশিংগীদমক্তা রিএল টাইম দিজাইন প্রোব্লেমশিংদা এক্সপর্ট এদভাইস অমদি কোষ্ট-ইফেক্টিব সোলুশন পীনবা পান্দম থম্লি। দিজাইন প্রোজেক্টকীদমক্তা লুপা লাখ 40 অমদি ষ্টুদেন্ট প্রোজেক্টকী ওইনা লুপা লাখ 2.5 ফাউবগী ওইবা শেলগী তেঙবাং অমা পীগনি। আই.পি.আর (ইন্টেলেকচুএল প্রোপর্টি রাইটস) স্কিম অসিগী পান্দমদি এম.এস.এম.শিংগী মরক্তা ইন্টেলেকচুএল প্রোপর্টি রাইটশিং (আই.পি.আরশিং)গী মতাংদা মুন্না খঙবা হেনগৎহনবা অমদি ভারতকী শেনমিৎলোন্দা ক্রিএটিব ইন্টেলেকচুএল এন্দেভরবু পুক্নিং থৌগৎনবগী মীৎয়েং অমগা লোয়ননা ভারত্তা আই.পি কলচর ফগৎহনবনি। মসিনা এম.এস.এম.ইশিংনা আইদিয়াশিংগী প্রোটেক্সন, টেক্নোলোজিকেল ইনোবেসন অমদি মখোয়গী কমর্সিএলাইজেসন অমদি আই.পি.আর টুলশিংগী ইফেক্টিব য়ুটিলাইজেসনগীদমক্তা আই.পি ফেসিলিটেসন সেন্টরগী খুত্থাংদা শেমগৎলিবা নোলেজ-দ্রিভন বিজিনেস ষ্ট্রাটেজিশিংগী চুন্নবা থৌরাংশিং পাইখৎনবা পান্দম থম্লি। ফোরেন পেটেন্টকী ওইনা লুপা লাখ 5 ফাউবা, দোমেষ্টিক পেটেন্টকী ওইনা লুপা লাখ 1.00, জি.আই রেজিষ্ট্রেসনগী ওইনা লুপা লাখ 2.00, দিজাইন রেজিষ্ট্রেসনগী ওইনা লুপা 15,000/- অমদি ত্রেদমার্ককী ওইনা লুপা 10,000/- গী ওইবা শেলগী তেঙবাং রিইম্বর্সমেন্টকী মওংদা পীগনি। অহেনবা ঈ-পাউগীদমক্তা, চঙবীয়ু https://innovative.msme.gov.in/