কোবিদ-19 লাইচৎনা মরম ওইদুনা মী শিবগী চাং হেনগৎলকপা মরম্না মখোয়গী ইমুং-মনুংগী মীওইশিংনা নুংঙাই-য়াইফনা লৈবগী মতাংদা অকিবা অমদি চরাংনবা লৈরিবশিং কোকহন্নবগীদমক্তা ই.এস.আই.সি অমদি ই.পি.এফ.ওগী খুত্থাংদা শিন্মীশিংগী অহেনবা কান্নবশিং পীনবা মিনিষ্ট্রি ওফ লেবর এন্ড এমপ্লোয়মেন্ট লাউথোকখ্রে। কান্নবশিং এমপ্লোয়রদা অহেনবা শেন অমত্তা তিংহন্দনা শীন্মীশিংদা অহেনবা সোসিএল সিক্যুরিটী পীগনি। ই.এস.আই.সি স্কিম ই.এস.আই.সি স্কিমগী মখাদা ইন্সুর্দ পর্সন্স (আই.পি)গী ইমুং-মনুংদা সপোর্ট পীনবগীদমক্তা, কোবিদ লায়নাগী দাইএগ্নোসিস তৌরবা মতুংদা লায়না অসিনা মরম ওইদুনা শিখিবা মমাংদা ই.এস.আই.সিগী ওনলাইন পোর্টেলদা রেজিষ্টর তৌখিবা আই.পিশিংগী দিপেন্দেন্ট ইমুংগী মীওই পুম্নমক, এমপ্লোয়মেন্টকী অশোক-অপন থোকপনা মরম ওইদুনা ইন্সুর্দ পর্সনশিংগী দিপেন্দেন্টশিংনা ফংখিবদুগা চপ মান্নবা মওংদা চপ মান্নবা কান্নবদুমক ফংগনি। ইলিজিবিলিটি কন্দিসনশিং মপুংফানা লৈরবা অমদি কোবিদ লায়নানা মরম ওইদুনা শিখিবা আই.পিশিং, মখোয়গী দিপেন্দেন্টশিংনা, ইন্সুর তৌরবা মীওই অদুগী চাংচত্তা ওইবা নোংমগী খুৎশুমলগী 90% গী চাংদা থাগী শেনফম অমা মখোয়না পুন্সিগী ওইনা ফংগনি। হৌজিক্কী ওইনদি ই.এস.আই.সিগী মখাদা ইন্সুর্দ পর্সন্স (আই.পিশিং)গী ওইনা, এমপ্লোয়মেন্টনা মরম ওইদুনা থোকপা অশোক-অপনশিংদগী আই.পি অদু শিবা নত্ত্রগা দিসএবল ওইরবা মতুংদা শীন্মী অদুগা ফংখিবা চাংচত্তা ওইবা নোংমগী খুৎশুমলগী 90% গা মান্নবা পেন্সন অমা মহাক্কী লোইনবা নত্ত্রগা লোইনবী অমদি লুখ্রাবী মমা অদুনা মপুন্সি চুপ্পা অমসুং অঙাংশিংনা মখোয় মশাগী চহি অদু 25 শুদ্রিফাউবা ফংগনি। অঙাং নুপীমচাগী ওইনদি, বেনিফিট অসি মহাক্না লুহোংদ্রিফাউবা ফংই। ই.পি.এফ.ওগী এমপ্লোয়িজ দিপোজিট লিঙ্ক ইন্সুরেন্স স্কিম ই.পি.এফ.ওগী এমপ্লোয়িজ দিপোজিট লিঙ্ক ইন্সুরেন্স স্কিমগী মখাদা স্কিম অসিগী মেম্বর অদুনা থবক তৌরিঙৈ মনুংদা লৈখিদ্রবদি (দেথ ইন হার্নেস), মেম্বর অদুগী হিংহৌরিবা ইমুংগী দিপেন্দেন্ট মেম্বর পুম্নমক্না ই.দি.এল.আইগী কান্নবশিং ফংনবগীদমক্তা ইলিজিবল ওইগনি। লৈখিদ্রবা এমপ্লোয়িগী ইমুংগী মীওইশিংদা পীগদবা মেক্সিমম বেনিফিটকী শেনফম অদু লাখ 6 তগী 7 তা হেনগৎখ্রে। চপ মান্নবা ইষ্টাব্লিশমেন্ট অমদা থা 12 লেংদনা থবক তৌবা ওইগদবনি হায়বগী হৌজিক লৈরিবা প্রোভিজন অসিগী মহুত্তা ইষ্টাব্লিশমেন্ট অমা নত্ত্রগা অমদগী হেনবদা থা 12 লেংদনা মেম্বর অমা ওইরম্বা লৈখিদ্রবা এমপ্লোয়িশিংগী ইলিজিবল ওইবা ইমুংগী মীওইশিংদা লুপা লাখ 2.5 গী মিনিমম এসুরেন্স বেনিফিট পীগনি। মসিনা ইষ্টাব্লিশমেন্ট অমদা লেংদনা চহি অমদা থবক তৌবা ওইগদবনি হায়বগী কন্দিসন অদুনা মরম ওইদুনা কান্নবা ফংদবগী থৌওং কোকহন্দুনা মসিনা কন্ত্রেকচুএল/কেজুএল লেবররশিংদা কান্নবা ফংহনগনি। লাখ 2.5 গী কম্পেন্সেসনগী প্রোভিজন অসি হনগৎত্তুনা, হায়বদি ফেব্রুৱারী 15, 2020 দগী চৎনগনি। হৌজিক্কী ওইনদি স্কিম অসিগী মখাদা, ৱাৰ্কর অমনা শিখিবদা পীরিবা কান্নবশিং অসি গ্রেটুইটি পীনবগীদমক্তা মিনিমম সর্ভিসকী মথৌ তাবা লৈতে, ই.পি.এফ এন্ড এম.পি এক্টকী মখাদা পীরিবা প্রোভিজনসিংগী মতুংইন্না ফেমিলি পেন্সন পীরি, অমদি করিগুম্বা শীন্মী অদু নাদুনা ওফিস কাবা ঙমদ্রবদি, চহি অমদা নুমিৎ 91 নিগী খুৎশুমলগী 70% গী সিকনেস বেনিফিট পীরি। স্কিমগী মতম স্কিম অসি 24.03.2020 দগী হৌদুনা চহি অনি চৎনগনি। ইলিজিবিলিটি ই.এস.আই.সি স্কিমগী মখাদা কান্নবা ফংনবগীদমক্তা, কোবিদ লায়নানা নারে হায়বা খংবগী য়ামদ্রবদা থা অহুমগী মমাংদা আই.পি অদু ই.এস.আই.সি ওনলাইন পোর্টেলদা রেজিষ্টর তৌবা ওইগদবনি। আই.পি অদু খুৎশুমল অমদি কন্ত্রিব্যুসনগীদমক্তা য়ামদ্রবদা নুমিৎ 78 নিগী পীখ্রবা নত্ত্রগা কোবিদ লায়নানা শিহনখিবা অমদি মসিনা নারে হায়না খংবগী হেক মমাংগী চহি অদুগী মনুংদা শিখ্রবা আই.পি অদুদা পীগদবা ওইগদবনি। য়াইফ-থৌরাংগী পাম্বৈশিং অসিনা কোবিদ-19 লায়নানা মরম ওইদুনা শিখ্রবা শিন্মীশিংগী ইমুংদা য়াম্নমক মথৌ তারিবা সপোর্ট অদু পীগনি অমদি লাইচৎনা মরম ওইদুনা অৱা-অনা নংহল্লিবা মতম অসিদা মখোয়বু শেল-থুমগী অৱা-অনাদগী ঙাকথোক্কনি। সোৰ্স : পি.আই.বি