য়ুনিয়ন কেবিনেটনা ইং 2020গী জুলাই থাদা এগ্রিকলচর ইনফ্রাষ্ট্রকচর ফন্দ কৌবা লৈবাক শিনবা থুংনা চৎনগদবা সেন্ত্রেল সেক্টর স্কিম অমা অয়াবা পীখ্রে। স্কিম অসিনা শেন্দোইগী মতেং পীবা (interest subvention) অমসুং শেল-থুমগী ঙাক্লৌ পীবগী খুত্থাংদা লৌরোক মতুংদা ইনফ্রাষ্ট্রকচর অমসুং কম্যুনিটি ফার্মিং এসেটশিং মেনেজ তৌনবগীদমক্তা, ওইথোকপা য়াবা প্রোজেক্টশিংগীদমক্তা ময়াই ওইবদগী অশাংবা মতম ফাউবগী ওইবা দেট ফাইনান্সিং ফেসিলিটি (debt financing facility) অমা পীগনি। স্কিম অসিগী মতম অসি এফ.ৱাই 2020 দগী এফ.ৱাই 2029 ফাউবা (চহি 10) ওইগনি। পান্দম থম্লিবা বেনিফিসরিশিং স্কিম অসিগী মখাদা, প্রাইমারি এগ্রিকলচরেল ক্রেদিট সোসাইটিশিং (পি.এ.সি.এস), মার্কেটিং কোওপরেটিব সোসাইটিশিং, ফার্মর প্রোদ্যুসর্স ওর্গানাইজেসনশিং (এফ.পি.ও), সেল্ফ হেল্প গ্রুপ (এস.ঐচ.জি), লৌমীশিং, জোইন্ট লাইএবিলিটি গ্রুপশিং (জে.এল.জি), মল্টিপর্পজ কোওপরেটিব সোসাইটিশিং, এগ্রি-ওন্ট্রপ্রেনরশিং, ষ্টার্টঅপশিং, এগ্রিগেসন ইনফ্রাষ্ট্রকচর প্রোভাইদরশিং অমসুং সেন্ত্রেল/ষ্টেট এজেন্সি নত্ত্রগা লোকেল বোদিনা স্পোন্সর তৌবা পব্লিক প্রাইভেট পার্টনরশিপ প্রোজেক্টশিংদা বেঙ্কশিং অমসুং ফাইনান্সিএল ইনষ্টিট্যুসনশিংনা লুপা ক্রোর লাখ অমা শেন্থং (লোন) ওইনা পীগনি। বেনিফিটশিং শেল-থুমগী ওইবা তেংবাং অসিগী মখাদা পীরিবা শেন্থং পুম্নমক্তা শেন্দোইগী তেংবাঙ (interest subvention) অসি, লুপা ক্রোর 2 গী পনখৈদা চহিদা 3% ওইগনি। কান্নবা অসি য়াম্লবদা চহি তরেৎ ফাউবা ফংগনি। মখাতানা, ক্রেদিট গেরেন্টি ফন্দ ত্রষ্ট ফোর মাইক্রো এন্দ স্মোল এন্টরপ্রাইজেস (সি.জি.টি.এম.এস.ই) স্কিমগী মখাদা ইলিজিবল বোরোৱরশিংগী ওইনা, ফাইনান্সিএল ফেসিলিটি অসিদগী লুপা ক্রোর 2 ফাওবগী লোনগী ওইবা ক্রেদিট গেরেন্টি কোভরেজ ফংগনি।এফ.পি.ওশিংগী ওইনদি ক্রেদিট গেরেন্টি অসি দিপার্টমেন্ট ওফ এগ্রিকলচর, কোওপরেসন এন্দ ফার্মর্স ৱেলফেৱর (দি.এ.সি.এফ.দবলিয়ু)গী এফ.পি.ও প্রোমোসন স্কিমগী মখাদা শেম্লিবা ফেসিলিটিদগী ফংবা য়াগনি।ফাইনান্সিং ফেসিলিটি অসিগী মখাদা শেল শিংদোকপগী মোরেটোরিয়ম অসি য়ামদ্রবদা থা 6 অমসুং য়াম্লবদা চহি 2 ফাউবা ওইবা য়াই।