ইন্দিয়াদা পাইখৎলিবা ক্রোপ ইন্সুরেন্স স্কিমশিং লৌমীশিংদা ঙাক্লৌ ওইনবগীদমক্তা গবর্ণমেন্টনা মখাদা পীরিবা ইন্সুরেন্স স্কিম মরি অসি চৎনহল্লি। প্রধান মন্ত্রি ফসল বিমা যোজনা (পি.এম.এফ.বি.ৱাই), ৱেদর বেজ ক্ৰোপ ইন্সুরেন্স স্কিম (দবলিয়ু.বি.সি.আই.এস), কোকনট পাল্ম ইন্সুরেন্স স্কিম (সি.পি.আই.এস), অমসুং পাইলোট য়ুনিফাইদ পেকেজ ইন্সুরেন্স স্কিম স্কিম (য়ু.পি.আই.এস) (দিষ্ট্রিক্ট 45)। করিগুম্বা অদোম্না খঙহল্লিবা মহৈ-মরোংশিং (notified crops) অদুগীদমক্তা ক্রোপ লোন (মহৈ-মরোংগী শেন্থং) লৌবা তারবদি, পি.এম.এফ.বি.ৱাই/ দবলিয়ু.বি.সি.আই.এস/ সি.পি.আই.এস/ য়ু.পি.আই.এসকী মখাদা কোভরেজ তৌবা হায়বসি তঙাইফবা ওই। শেন্থং লৌদবা লৌমীশিংগী ওইনদি কোভরেজ অসি ভলুন্টরি ওই। কান্নবশিং নম্বর স্কিম মতেং ১. প্রধান মন্ত্রি ফসল বিমা যোজনা ষ্টেট গবর্ণমেন্টনা খঙহল্লবা ফুদ ক্রোপশিং, ওইলসিদশিং অমসুং চহিগী হোর্টিকলচরেল/কমর্সিএল ক্রোপশিংগীদমক্তা ইন্সুরেন্স প্রোটেক্সন পীরি। লৌমী পুম্নমক্কী ওইনা চাং মান্নবা মেক্সিমম প্রেমিয়ম লৈগনি: খারিফ ঋতু – ইন্সুর্দ তৌরিবা শেনফমগী 2% রবি ঋতু – ইন্সুর্দ তৌরিবা শেনফমগী 1.5% এনুএল কমর্সিএল/ হোর্টিকলচরেল ক্রোপশিং – ইন্সুর্দ তৌরিবা শেনফমগী 5% তশেংনা থীফম থোকপা প্রেমিয়ম অমসুং লৌমীশিংনা পীগদবা ইন্সুরেন্সকী শেনফমগগী মরক্তা লৈবা খেৎনবদু সেন্টর অমসুং ষ্টেটনা চপ মান্ননা পুথোকমিন্নগনি। এস.আইদা কেপ তৌবা নত্ত্রগা হন্থহনবা লৈতনা, মপুংফাবা সম ইন্সুর্দ (এস.আই)গী ক্লেমশিং য়াহল্লি। করিগুম্বা ওন্ন-তৈনবা ৱেদর/ক্লাইমেটনা মরম ওইদুনা মরু-মরাং হুন্দ্রবদি (sowing), প্রিভেন্টেদ সোৱিং/প্লান্টিং রিস্ককীদমক্তা, ইন্সুর্দ তৌরিবা শেনফমগী 25% ফাউবগী ক্লেমশিং পীগনি। করিগুম্বা মহৈ-মরোংগী লৌরোক্কী পোত্থোক (crop yield) অদু নোটিফাইদ ক্রোপশিংগী গেরেন্টি তৌরিবা লৌরোক্কী পোত্থোক অদুদগী তাথরবদি, ৱাৎলিবা পোত্থোক্কী চাং অদুগা মান্নবা ক্লেমগী পেমেন্ট অদু ইন্সুর্দ তৌরিবা লৌমী পুম্নমক্তা পীগনি। মহৈ-মরোংগী লৌরোক্কী মরক্তা (mid-season) দা 50% মাং-তাকপা থোকপা তারবদি, তৌরকপা য়াবা ক্লেমশিংগী 25% ফাউবগী একাউন্ট এদভান্স পেমেন্ট অমা খুদক্কী তেংবাং ওইনা পীগনি। ঈশিং থুম্বদগী, লেনগী নোংলৈ অমসুং চীংমায় কিন্থবনা থোকহনবা অমাং-অতাশিংদি ইন্দিভিজুএল ফার্ম লেভেলদা এসেস তৌগনি। ফিল্ডদা নুমিৎ 14 নি ফাউবা মহৈ-মরোংবু কক্লগা শন্দোক্তুনা থম্বদা, নোংলৈ-নুংশিৎ অমসুং ঋতু নত্তবা নোংনা থোকহনখিবা মহৈ-মরোংগী অমাং-অতাগী ওইনদি পোষ্ট-হারভেষ্ট লোসেস এসেসমেন্ট লৈবাক শিনবা থুংনা পাংথোক্কনি। ক্লেমশিংগী হেন্না খোঙজেল য়াঙবা সেটলমেন্টকীদমক্তা, মহৈ-মরোং খাউবা (ককপা) থুজিলহন্নবগীদমক্তা রিমোট সেন্সিং টেক্নোলোজি অমসুং দ্রোনশিং শিজিন্নগনি। ষ্টেট গবর্ণমেন্টনা বিদকী খুত্থাংদা ইমপ্লিমেন্টিং এজেন্সি খনগনি। ২. ৱেদর বেজ ক্রোপ ইন্সুরেন্স স্কিম (দবলিয়ু.বি.সি.আই.এস) নোটিফাইদ ফুদ ক্রোপশিং, ওইলসিদশিং অমসুং হোর্টিকলচরেল/ কমর্সিএল ক্রোপশিংগীদমক্তা ইন্সুরেন্স প্রোটেক্সন পী। পি.এম.এফ.বি.ৱাইদা তৌবগুম্না লৌমী পুম্নমক্কী চাং মান্নবা মেক্সিমম প্রেমিয়ম লৈ : খারিফ ঋতু – ইন্সুর্দ তৌরিবা শেনফমগী 2% রবি ঋতু - ইন্সুর্দ তৌরিবা শেনফমগী 1.5% কমর্সিএল/হোর্টিকলচরেল ক্রোপশিং – ইন্সুর্দ তৌরিবা শেনফমগী 5% তশেংনা থীফম থোকপা প্রেমিয়ম অমসুং লৌমীশিংনা পীগদবা ইন্সুরেন্সকী শেনফমগগী মরক্তা লৈবা খেৎনবদু সেন্টর অমসুং ষ্টেটনা চপ মান্ননা শেয়র তৌগনি। অঈং-অশা লেপ্লিবা মচাকশিং (নোংজু/টেম্পরেচর/রিলেটিব হ্যুমিদিটি/ৱিন্দ স্পিদ অসিনচিংবা) অসি নোটিফাইদ ক্ৰোপশিংগী গেরেন্টিদ ৱেদর ইন্দেক্সতগী তোঙাল্লবদি, মহৈ-মরোংগী পোত্থোক্তা তাথরিবা/ খেৎনরিবা চাংদুগা মান্নবা ক্লেমগী শেনফম অদু নোটিফাইদ এরিয়া অদুদা লৈরিবা ইন্সুর্দ তৌরবা লৌমী পুম্নমক্তা পীগনি। লেনগী নোংলৈ অমসুং খঙহৌদবা অকনবা নোংজুনা থোকহনবা অমাং-অতাশিংবু ইন্দিভিজুএল ফার্ম লেভেলদা এসেস তৌনবগী প্রোভিজন লৈগনি। ষ্টেট গবর্ণমেন্টনা বিদকী খুত্থাংদা ইমপ্লিমেন্টিং এজেন্সি খনগনি। ৩. কোকনট পাল্ম ইন্সুরেন্স স্কিম (সি.পি.আই.এস) কোকোনট পাল্ম থারিবশিংগীদমক্তা ইন্সুরেন্স প্রোটেক্সন লৈগনি। পাল্ম অমগী প্রেমিয়মগী চাং অসি লুপা 9.00 (চহি 4 দগী 15 ফাউবগী মনুংদা লৈবা পাম্বীগী চহি কাঙলুপ্তা) দগী লুপা 14.00 (চহি 16 দগী 60 ফাউবগী মনুংদা লৈবা পাম্বীগী চহি কাঙলুপ্তা) ফাউবা ওই। প্রেমিয়মগী 50-75% গী সবসিদি অসি লৌমী মখল পুম্নমক্তা পী। পাল্মদা অমাং-অতা থোকপা মতমদা, ইনপুট কোষ্ট লোস দেমেজ (cost loss damage) অদুগা মান্নবা ক্লেম পেমেন্ট অদু নোটিফাইদ এরিয়াশিংদা লৈরিবা ইন্সুর্দ তৌরবা লৌমীশিংদা পী। ৪. য়ুনিফাইদ পেকেজ ইন্সুরেন্স স্কিম (য়ু.পি.আই.এস), পাইলোট অমা ওইনা দিষ্ট্রিক্ট 45 দা পাইখৎলিবা মহৈ-মরোং, লন-থুম, পুন্সি অমসুং মহৈরোইশিংগী সেফটিগী কম্প্রিহেন্সিব রিস্ক কোভরেজ অমসুং ফাইনান্সিএল প্রোটেক্সন পী। পাইলোট অসিদা সেক্সন 7 য়াউগনি, মখোয় অদুদি – ক্রোপ ইন্সুরেন্স (পি.এম.এফ.বি.ৱাই/ দবলিয়ু.বি.সি.আই.এস), লোস ওফ লাইফ (প্রধান মন্ত্রি জিবন জ্যোটি বিমা যোজনা - পি.এম.জে.জে.বি.ৱাই), এক্সিদেন্ট ইন্সুরেন্স (প্রধান মন্ত্রি সুরক্ষা বিমা যোজনা – পি.এম.এস.বি.ৱাই), ষ্টুদেন্ট সেফটি, হাউসহোল্ড, এগ্ৰিকলচর ইমপ্লিমেন্টশিং অমসুং ত্রেক্টর অসিনি। ক্রোপ ইন্সুরেন্স অসি তঙাইফদবা ওইগনি। অদুমওইনমক লৌমীশিংনা লেমহৌরিবশিংদগী য়ামদ্রবদা সেক্সন অনি খনবা য়াই। লৌমীশিংনা ইচম চম্বা প্রোপোজেল/এপ্লিকেসন ফোর্ম অমা অমসুং সিঙ্গল ৱিন্দোগী খুত্থাংদা লৌমীশিংগী ওইনা মথৌ তারিবা ইন্সুরেন্স প্রদক্ট পুম্নমক ফংবা ঙমগনি। গবর্ণমেন্টকী ফ্লেগশিপ স্কিম অনি, হায়বদি পি.এম.এস.বি.ৱাই অমসুং পি.এম.জে.জে.বি.ৱাই অসিসু এসেটশিংগী ইন্সুরেন্সকী মথক্তা হাপচিল্লে। পাইলোট স্কিম অসি সিঙ্গল ৱিন্দোগী খুত্থাংদা ইমপ্লিমেন্ট তৌগনি। ইন্দিভিজুএল ক্লেম রিপোর্ত্তা য়ুম্ফম ওইদুনা ক্লেমশিংগী (ক্রোপ ইন্সুরেন্স নত্তনা) প্রোসেস তৌগনি। কদাইদা/কনাদা কন্টেক্ট তৌগদগে? এরিয়া অদুগীদমক্তা নোটিফাই তৌরবা বেঙ্ক/পি.এ.সি.এস/কোওপরেটিব বেঙ্কশিং/ইম্পেনেল তৌরবা জেনরেল ইন্সুরেন্স কম্পনিশিংগী খ্বাইদগী নকপা ব্রাঞ্চশিংদা চৎপীবা অমসুং দিষ্ট্রিক্ট এগ্রিকলচর ওফিসর/ব্লোক দিভেলপমেন্ট ওফিসরগা উন্নবীবা য়াই নত্ত্রগা ক্রোপ ইন্সুরেন্স পোর্টেল দা চংবীবা য়াই।