অশম্বা পান্দম অসাম গবর্ণমেন্টনা মমা-মপাগী চহিগী ইনকম লুপা লাখ 2 গী মখাদা লৈবা মহৈরোইশিংনা পোষ্ট-গ্রেজুএট (পি.জি) লেভেল ফাউবগী এদমিসন লৌবদা মিংজন শেল কোক্লি। নাগরিকশিংদা পীরিবা কান্নবশিং অসামদা পাইখৎলিবা ফী ৱেভর স্কিম্না শেনবা চহি 2016-17 দা মহৈরোই লাখ 1.38 রোমদা কান্নবা পীখ্রে। ফী ৱেভর স্কিম্না মরম ওইদুনা শেল মাংখিবা কুপখৎনবগীদমক্তা সেন্ত্রেল গবর্ণমেন্টনা কোলেজশিংদা লুপা ক্রোর 44 রোম রিইম্বর্স তৌখ্রে। ইলিজিবিলিটি মমা-মপাগী সোর্স পুম্নমক্তগী লাকপা চহিগী ইনকম লুপা লাখ 2.00 গী মখাদা লৈবা মহৈরোইশিংনা স্কিম অসিগী মখাদা কান্নবা লৌনবগীদমক্তা ইলিজিবল ওইগনি। মহৈরোই অদুগী মমা-মপাগী মরক্তগী অমনা (মমা নত্ত্রগা মপা) ষ্টেট গবর্ণমেন্ট/সেন্ত্রেল গবর্ণমেন্ট/সেমি গবর্ণমেন্ট ষ্টেট নত্ত্রগা সেন্ত্রেল গবর্ণমেন্ট অন্দরটেকিংসতা থবক তৌবা ওইরবদি, অসিগুম্বা মহৈরোইশিংদি স্কিম অসিগী মখাদা ইলিজিবল ওইরোই। স্কিম অসি মমাংগী ইগজামিনেসন্দা বেক পেপর অমত্তা লৈখিদবগা লোয়ননা ক্লাসশিংগী এটেন্দেন্সতা য়ামদ্রবদা 75% লৈখিবা রেগ্যুলর মহৈরোইশিংখক্কীনি। কমদৌনা এপ্লাই তৌগদগে কোলেজশিংদা মিংচনবা মতমদা, মহৈরোই অদুনা মখাদা পীরিবশিংসি মথৌ তাগনি: লোকেল রেভেন্যু সর্কল ওফিসরখক্তনা পীবা ইনকম সর্টিফিকেট অমা। মহৈরোই অদুগী মমা-মপা (মমা নত্ত্রগা মপা) অনিমক ষ্টেট/সেন্ত্রেল গবর্ণমেন্ট দিপার্টমেন্ট নত্ত্রগা মসিগী অন্দরটেকিংগী এমপ্লোয়ি অমা নত্তে হায়বগী মহৈরোই অদুনা পীবা দিক্লারেসন অমা। কনাদা কন্টেক্ট তৌগদগে (ষ্টেট/দিষ্ট্রিক্টকী থাক্তা লৈরিবা ইমপ্লিমেন্টেসন এজেন্সি) মরি লৈনবা কোলেজ অদুদা কন্টেক্ট তৌবীগদবনি।